Video
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
伏、伏、伏一間專食泰式雞飯嘅店舖，啲雞竟然咁差難食🤦🏻♀️🤦🏻♀️成間舖頭餐牌主菜得四五款，照計專注做依幾個菜式，無理由咁都搞唔掂。何況佢嘅招牌菜係「無骨海南雞飯」，心諗應該最安全啦！先唔好講啲雞好唔好味，淨係佢個餐牌都已經伏。佢個餐牌標明係「無骨海南雞飯」！當然我唔會傻到以為佢一嚿碎骨都冇，但都唔好離譜到件件鷄都有骨。問個侍應：又話係「無骨海南雞飯」嘅？點知個侍應話：雞翼係有骨架喎。當然雞翼有骨我知，但其餘嗰啲都有骨喎？然後佢唔係答我問題點解有骨，佢淨係同我講加$5雞髀肉咪冇骨囉。如果你就咁寫「海南雞飯」，有骨我接受到。但你大大隻字寫住「無骨海南雞飯」，然後嚿嚿都係骨，我真係接受唔到。跟住佢繼續好似錄音機咁講雞胸一定夾雞翼，雞翼一定有骨。我再解釋俾佢聽，首先你個餐牌寫住「無骨海南雞飯」，即係代表你哋嘅海南雞飯係唔應該有骨，而唔係叫客人加$5去換個雞髀先至可以成為一碟「無骨海南雞飯」。然後雞胸你話冇骨，但係我件件都有骨個喎，個侍應繼續講：加$5換雞髀就冇骨。最後，我放棄再同佢討論有骨同冇骨嘅問題，因為完全溝通唔到，咁簡單寫返海南雞飯，冇咗「無骨」兩個字，成件事已經解決，如果你做唔到無骨嘅海南雞飯點解要寫無骨呢？之後我決定加$5換個雞髀，點知嚟到啲鷄好似一串炮仗咁黐住晒！一間賣雞嘅飯店，連切雞都可以切成咁，真心覺得好失敗。另外，餐廳講明係用清遠雞，大家一定覺得係肉質嫰滑，鷄味十足，咁就大錯特錯。佢啲鷄又諧又無味，簡直係浪費咗隻清遠雞。坦白講咁嘅質素收呢個價錢都好難有返頭客。
continue reading
依間野開正係另一間貴價泰菜隔離，心諗甘明目張膽搶生意得唔得架，坐入去發現原來係share 一部分廚房😂😂言歸正傳講野食先，今次點左豬手飯同埋牛尾飯。豬手飯正正常常，味道ok 而分量都好足，可以一試。而牛尾個汁好食，用黎撈飯真係一流，但就略嫌牛尾件數分量少左d。成餐飯既重點係包泰奶！茶味同奶味夾得岩岩好，飲落有少少甜，之後有少少回甘，係我最中意既味！成餐飯因為包泰奶而升級左！👍👍整體而言性價比超值，單係包泰奶應該都值30~40(好飲過某d 奶茶店）👍👍
continue reading
午飯時間叫左個海南雞飯，無轉到雞髀，加泰式奶茶(加十幾蚊)。雞肉質地一般般，唔算滑，又無乜味道，反而食到個鉸位好鹹，懷疑係只醃個鉸位。兩個醬汁，紅色個醬冇乜味，要點好大pat先食到個味。蒜蓉個醬，唔知點解啲汁有啲鹹。飯ok嘅。湯覺得一般，可能因為我有飲奶茶，覺得唔似外邊果啲清清地嘅湯。奶茶ok，好飲，唔算超級甜果種。我平時都會飲泰式奶茶，呢間真心算係唔係好甜果果種，真係ok嘅。不過我未必會再試呢間嘅海南雞飯..
continue reading
叫咗個泰媽媽雞飯 雞飯係雞油飯 雞仲可以加錢轉雞髀肉 轉左雞髀肉雞髀肉好滑 份量都還可以 醬汁有兩款 仲有啲菜 好一般泰式芒果糯米飯係普通糯米 糯米仲係暖暖地 都幾甜幾好食泰式奶茶就幾香濃幾好甜 建議少甜😂
continue reading
Lunch 食飯無咩要求，今次食左海南雞飯，同飲左奶茶°海南雞飯d雞肉比較（孩)，講真無雞味一般啦，反而個汁就唔錯既，不過應該都無下次反而袋裝奶茶，係啊，係袋裝啊，佢個奶茶就唔錯，不過份量就小dd，不過下次可以再飲
continue reading