Video
Opening Hours
Mon - Sun
11:00 - 23:00
Above information is for reference only. Please check details with the restaurant.
情人節出街食飯真係好灰，因為無book位食野，想食好少少嘅餐廳，間間都係得超貴嘅情人節餐，最後行到黎呢間放題，食之前已經話無最易返本嘅海膽同和牛供應，咁都算啦照食。入到去環境都幾闊落，坐底即時畫左好多野。首先上左盤好靚嘅刺身，都算新鮮，另外仲有啲小卷物，都幾好味，不過驚飽就唔叫咁多飯類啦。之後黎左碟炒金菇，細到眼都突埋，唔洗兩啖已經食哂。之後黎第二輪刺身，同第一輪相比細勁多，最不滿係啲串燒同肉類，催咗四五次都未出到，真係火都黎，最後又連出兩盤，激死，不過好在味道ok。總體黎講食物種類太少，每頁得4款左右可以揀，仲要好多都無供應。
continue reading
食日本放題，係我同幾個朋友每個月嘅指定約會 ，放題食好多，要搵到一間好味嘅就真係唔易，山嘢同其他一般嘅放題質素差唔多 ，唔係特別差，但真係好一般 ，食完唔會諗住再食過 。食放題最重要就梗係刺身，刺身新唔新鮮、靚唔靚好緊要，呢間嘅刺身真係好一般，同你喺其他餐廳食到嘅差唔多，唔出色，但唔係好差囉。其次最緊要嘅係串燒，串燒嘅味道都係好一般，冇乜記憶點 。其他嘅日本熟食都係冇乜記憶點，如果當係一個聚會嘅時光，絕對可以，因為環境唔會好嘈，幾個朋友傾下計，好享受，唯有將個重點放喺聚會，而唔係食物...
continue reading
第一次黎九龍城行街食飯，九龍城廣場都算多野食，雖然比較靜。今日心血來潮想食日本野，見到呢間放題都幾抵食！就入去試下！食物選擇都多，有部分用紙落單，都有唔同既沙律、熟食同糖水可以自助攞。壽司就必食！鰻魚同煙三文魚好正！入口即溶，無渣！飯既份量又岩岩好，唔會太大舊！炸物都多，炸粉唔算太多，即叫即炸，夠新鮮！雞翼係我最愛，一定要試。無煎既，得炸既。但炸得岩岩好，食落都唔會覺得好熱氣！飲品有好多，酒都有，有唔少韓國飲品！食飽再食下甜品同滋潤糖水就滿足曬！
continue reading
朋友話喺九龍城附近有一間唔錯嘅日式放題，今日就去試一試。環境都好闊落，裝修簡約。食放題梗係要瘋狂地點樣食。但後來有啲後悔....,因為好似叫得太多首先梗係要叫個刺身食先啦，非常之新鮮，甜蝦唔係細細隻嗰啲，我都食咗好多隻。跟住輪到個天婦羅啦，炸粉好趣，大家有機會一定要試吓個紫薯天婦羅好好食。令我諗翻起細個街邊買炸嘢嘅鋪頭，有炸番薯食。壽司都好好味，竟然有火炙話我壽司食！牛樓粒都好嫩滑！個辣酒煮顯味道唔錯，不過就真係有啲辣，有啲放題呢一類嘅食物住得會好吃，啲錢會冇晒味，但呢間就唔會。而個壽喜燒未到就好正路，同出邊食嘅收起燒嘅味道一樣，而且裏面啲料都好豐富。蒜蓉燒完杯都好好食，好新鮮。而個燒羊架就10分唔錯，新鮮得來調味都係剛剛好。二嘢飲同埋甜品方面就比其他嘅放題選擇多，雪糕種類都好多吓。你每人＄200都唔使都非常之超值
continue reading
依家去九龍城嘅次數少之又少，咁啱今日過到嚟搵到間飽肚抵食服務非常好嘅日式放題。價錢雖然都係二百幾，但佢有自助熟食、沙律吧、大量不同類型既甜品同雪糕雪條。仲有仲有.....飲品櫃都好多好多選擇，日本飲品都有。中意飲酒既連啤酒apple cider都有、跟住跟住......清酒梅酒都係放題！咁一定值回票價啦雖然人客不多，但坐位非常闊落，好舒適！值得一讚，服務係非常好抵讚店員態度親切，難忘在埋單時因有少許阻滯，只係等多左好少好少既時間，臨走佢地都好客氣咁講唔好意思。要我地等咁耐！其實等待時間真係不多，但就感受到被在乎既感覺！常常都說服務好緊要，係直接關乎客人會唔會再幫襯Menu👇🏻👇🏻放題食物眾多，由其辣酒煮蜆、壽喜牛肉鍋同蟹粥係good good good這裡既熟食比生食好味，海鮮類就一般般！埋單都係$228/1位，另加一
continue reading