Video
Opening Hours
Today
10:30 - 19:15
Mon - Sat
10:30 - 19:15
Sun
Closed
Above information is for reference only. Please check details with the restaurant.
下午茶時間又到啦，最好就係嘆碗鮮蝦雲吞麵。去開佐敦就揀咗沾仔記，係門口見到有好多米芝蓮推介，即刻入去試一試先。餐牌內有湯麵、撈麵、油菜、小食、飲品、外賣生料等，款款吸引。三拼 (+$12 轉蝦籽撈麵 ) $59依碗係轉左蝦籽撈麵，蝦籽鮮味十足，鹹鹹香香，每條麵都沾滿蝦籽，麵條有韌性夠彈牙，完全無鹼水味，食起嚟好順滑，充滿麵香。大大粒鮮蝦雲吞，皮薄餡靚，裡面全部都係蝦，蝦肉好新鮮爽口。牛肉係選用優質，牛肉煮到啱啱熟，入口新鮮嫩滑，牛味香濃。鯪魚球都好大件，爽口鮮味，食落口感軟綿綿。另外三拼連埋高湯，湯底用咗豬骨、蝦籽、大地魚乾等材料熬煮嘅上湯，味道非常清甜。單拼 (+$12 轉蝦籽撈麵) $47 另一碗都係轉蝦籽撈麵，麵條幼身，有蛋香味，口感煙韌彈牙，與蝦籽拌勻一齊食，口裏嘅鹹鮮味散發出來，主食點左牛肉，嫩滑有咬口，係新鮮牛肉，牛味香濃，撈麵嘅湯底係分開，湯用左多種材料熬製而成，飮落味道好鮮甜。淨鮮蝦雲呑 $35 剛剛食完粒雲吞覺得好味，立即加單點碗淨鮮蝦雲吞。鮮蝦雲吞皮薄餡多，入面起碼有3隻大蝦，份量十足，蝦肉彈牙，食起嚟好爽脆，湯底清甜順口。時令油菜 $18 時令油菜要生菜，翠綠鮮蔬，加埋腐乳醬汁，鹹香味與生菜很配，份量好多，足夠二人食有餘。無糖可樂 及 低糖豆漿 各$8，豆味香濃，少少甜，兩款都凍凍地，清爽解渴。
continue reading
餐廳：沾仔記麵食地點：佐敦廟街菜式：麵餐牌：湯麵（麵，河，米），輕食，飲品，外賣生料，火鍋配料三拼 $47三拼有鮮蝦雲吞兩隻，鮮鯪魚球兩大隻同新鮮牛肉6，7片。鮮蝦雲吞皮薄餡料爽脆，見到唔少蝦肉。鮮鯪魚球好鮮味而口感滑溜彈牙，絕對係啖啖肉。新鮮牛肉都係好彈牙同啖啖肉。三樣材料都好食！加有韭黃段。拼菜 $6拼菜有生菜，通菜同菜心揀。通菜份量好多，差唔多有一碗。轉蝦籽撈麵 $12麵係幼身，有蛋香又有咬口，質感較乾身，我鍾意加湯一齊食。附上兩條嫩到爆菜心苗。甜酸炸雲吞 大 $45甜酸炸雲吞一客五隻，炸到金黃色，整得皮脆肉爽，配有甜酸醬，味道更好。蜆蚧鯪魚球 大 $45蜆蚧鯪魚球都係一客五隻，炸到金黃色，皮脆肉彈牙，啖啖肉！蜆蚧鹹香十足，有兩大隻蜆。時令油菜 $26時令油菜叫左豆苗，翠綠嫩口，加左少少蠔油就夠味。份量足有一碗。低糖豆漿 $8低糖豆漿係瓶裝，夠凍，仲附上膠飲管。食物質素唔錯，餐廳地方乾淨，裝修光猛，唔怪之得平日午餐時間都好滿。
continue reading
🎀佐敦。懷舊傳統港式風味 足料飽滿平價之選🙆🎀🪄店名* #沾仔記麵食 #沾仔記🔮地址* 佐敦廟街300號地舖🔮🗾分店地區🗾 佐敦, 土瓜灣💰價錢$138 (1人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_佐敦剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵今次又黎到佐敦食翻啲懷舊野 聽講呢一間日日都滿座 而且好多人都話好好食 所以就過左黎試下😚落車之後都要行大約10分鐘先到 離遠已經見到大大個招牌 當日兩點幾去都係爆曬場 甘受歡迎令我期待感up😍由於餐廳主打平價懷舊為主 所以裝修環境比較簡約 有港式風味～大多數都係以搭枱方式坐 木枱木凳為主🙂🍽️食物質素🍽️餐廳主打雲吞,鮮牛肉及鯪魚球為主 所以選擇唔算太多 但價錢都係相當平價 份量充足 用料都係好新鮮足料😍如果唔係好似甘大食既話其實$100都唔洗就可以埋單 超適合糧尾人士！👀評分💖💖💖💖💖🪄鮮蝦雲吞拼新鮮牛肉(轉蝦籽撈麵+$12) $53首先試左佢地最出名既兩樣野先 估唔到十分大碗😍鮮蝦雲吞好似乒乓球甘打黎 皮薄餡靚 入面起碼有三隻大蝦 蝦肉彈牙可口 而牛肉都係好嫩滑 味道十分不錯 我仲加左$12轉左呢個蝦籽撈麵 建議大家都可以試下 蝦籽超足料 又唔會太鹹 超滋味😙👀評分💖💖💖💖💖🪄郊外油菜$18見呢排無點食菜 就叫左一碟蠔油菜心 勁大碟 起碼有兩人份量 菜心好大棵 每一條都係軟淋鮮甜 即刻覺得個人健康左😂👀評分💖💖💖💖💖🪄甜酸炸雲吞3粒$30懷舊店當然唔少得試下炸野拉 剛才試左湯雲吞 今次試下炸雲吞睇下質素如何 外皮金黃香脆 食落脆卜卜 餡料一樣都係滿滿鮮蝦 超正！點埋附送既甜酸醬更好食👀評分💖💖💖💖💖🪄荊芥鯪魚球3粒$30我都覺得自己好顛 因為我又想試埋人地個鯪魚球 又係勁大份 食到我超飽 魚肉好嫩滑 炸完之後更香口 但我個人就唔太喜歡重口味既荊芥醬 我試左點甜酸醬一樣都係好好食😍👀評分💖💖💖💖💖🪄低糖豆漿$8豆漿豆味濃 又唔會太甜 好解渴😚(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋😋🎈環境質素*🎇🎇🎇🎇🎈抵食程度*💰💰💰💰💰🎈服務態度*💌💌💌💌💌
continue reading
今日去咗位於佐敦嘅「沾仔記麵食」…店舖不大…我大約2:00pm到…人也不少⋯⋯幸好剛剛有客離開.. 所以不用等位🤭⋯⋯先來一個3拼…加$12轉咗蝦籽撈麵….3拼有齊鮮蝦雲吞，鮮鯪魚球和新鮮牛肉…鮮鯪魚球好大粒好鮮甜😂鮮蝦雲吞大概有兩隻半蝦，而且蝦嘅肉質好爽口👍👍至於新鮮牛肉.. 都好好食…炸鯪魚球$30有三大粒跟埋個醬汁好好味😋😋炸雲吞也不錯👍郊外油菜$18好大碟份量真係好足好抵食。🤭🤭
continue reading
上次出開去佐敦做野， 無意中發現d 間麵舖幾好食， 有驚喜， 今日尊登過去encore .鯪魚球， 牛肉， 雲吞麵（ 三拼）：必叫， 識叫記得轉蝦籽撈麵， 牛肉新鮮， 淋身， 鯪魚球大大粒， 啖啖肉， 雲吞入面隻蝦大仔彈牙，足料， 食完啲碗麵已經超滿足，好豐富蜆介鯪魚球： 有大同小之分， 小有3 粒， 大有5 粒， 基本上台台都有叫， 即炸， 上碟熱辣辣， 粒粒都好大粒， －個人食建議叫份細都夠， 如果2 人或以上就叫大， 炸得剛剛好， 外脆內軟， 推介😍😍🥲油菜： 菜心，算大碟同新鮮低糖豆漿： 微甜， 豆漿味濃， 個人幾鍾意
continue reading