Video
6-min walk from Exit D1, To Kwa Wan Station
continue reading
Telephone
23331672
Opening Hours
Today
07:00 - 15:30
Mon - Sat
07:00 - 15:30
Sun
07:00 - 14:00
Above information is for reference only. Please check details with the restaurant.
我哋入去坐低食早餐 （老細係見到嘅）…跟住睇完枱面餐牌就行前去出餐位準備落單（舊式快餐店落單同出餐都係果個位），當時果個老細已經唔知去咗邊度，有位坐喺店面嘅叔叔叫我企喺度等一陣，我企左差唔多八至十分鐘就見到個老細係入面廚房切野，佢見到我企喺度都冇理我，我唯有叫入去廚房同佢講我想落單，跟住佢竟然答我話要等二十分鐘！你老闆我入門口坐低你唔講，行前去企係度等你幫我落單又唔講，要等我叫入去廚房你先講要等二十分鐘！你要趕客我咪走囉！
continue reading
活左幾廿年人，從來未聽過有人推介這間位於紅磡/土瓜灣的餐廳，但是無論店面，裝修，定還是內裏的擺設，通通都非常之老舊🤔怎麼完全沒有報章或是YouTube介紹過呢？去到店內，才發現原來近期有劇集在裏面拍攝過，有陳瀅以及其他新晉藝員。看網上照片，都不覺有什麼特別吸引的菜式，不過有時間，早一點出發就可以來這邊試一試。🧐來到現場，都只見有寫着牛腩飯、豬扒飯、或是其他常餐早餐，於是我就點了一個芙蓉蛋飯，心諗一定冇死點知，實物端到來，芙蓉蛋飯亦都是底下一大碟飯，上邊有大大塊蛋包圍着，然後有些豉油，看似沒有特別。但是，切開蛋，發現有芽菜、火腿，其他竟然只找到幾粒細小的叉燒，連一粒蝦仁都沒有。那麼它的芙蓉蛋飯究竟有什麼其他餡料呢? 問得好，他竟然🤬使用雜豆😖做芙蓉蛋飯的配料，簡直是荒天下的大謬，圖片可以看到粟米粒、青豆粒、蘿蔔粒，這些雜菜，我在早餐見到都有點不開胃，竟然是芙蓉蛋飯的配料，非常之失望。除此之外，豉油汁都不算太差，帶點甜味，不會太鹹，而蛋亦都未至於太老，夠滑，還有點蛋汁，至少可以送完成碟飯嘅。不過凍檸茶同樣質素相當普通，茶味不算太香濃，還有點澀口的感覺，檸檬三四片，味道不覺鮮香，可能由於客人不多，正值是一時午飯的時候，亦都不見到超過三台客人。本人向來最喜愛這種餐廳，自己到水吧落單俾錢、上邊有些食物相片燈箱、懷舊膠凳、以及舊式的階磚地板，環境而言我喜歡，它保育了懷舊簡約的風味，不像時下餐廳，自嘟QR CODE落單，完全甭交談般。不過想不到這次這間波士頓，竟然無論飲品或食物質素都低於標準水平。再考慮埋佢個價錢，這樣一碟低質素芙蓉蛋飯，都要$45，再加杯難飲凍檸茶，整整$47，價不廉、物不美，很難叫人再光顧。那麼我就覺得它不值得保留，或是可以說，結業了也不太覺得可惜，這種質素，試一次就夠，再過來這邊也定必會吃其他食肆
continue reading
呢間餐室已經開咗好多年，佢裏面啲枱枱櫈櫈以至牆上嘅Menu都係已經用咗好多年。試過lunch叫過啲炒粉麵飯，質素普普通通都入得口，價錢都OK。因為佢係位於地牢嘅位置，而且嗰個地區比較少人，所以基本上都冇乜人客。咁啱見到無線葉念琛嗰套劇集「美麗戰場」，其中一幕有間餐廳叫波士頓餐廳熟口熟面，再睇真啲原來真係佢😂呢種咁歷史悠久嘅餐室已經係買少見少，大家應該多啲嚟幫襯打下卡幫吓佢宣傳😆食物：❇️❇️❇️環境：❇️❇️❇️服務：❇️❇️❇️價錢：❇️❇️❇️❇️翻兜指數：❇️❇️❇️
continue reading
沙中線又一次延遲通車，讓土瓜灣小店暫且繼續生存，保留特色。波士頓不做晚市，只做早，午市。午市每天的set餐大同小異，但有着快餐店的靈活配合，只要你想到的，就可在餐牌中千變萬化。今次在下午茶時段來，叫了油肶和西多，港式經典嘛一啖咬落油肶，肉質結實之剩仲要沒有雪肉的乾柴味，豉油味道適中，沒有過咸，沒有過渴的味道。西多士更棒，不像一般連鎖的又油又啡放了很久的模樣，新鮮炸起，新鮮入口。現在很多連鎖餐廳，搞盡gimmick走新興路線但同時又以懷舊符號作為消費，吸引得大眾一時，但留不著大家的記憶。這裡的食物味道，會令我記憶猶新，會令我回味昔日種種！
continue reading
良心小店推介有緣試食呢間,價錢平，味道不錯紅豆冰有蓮子，味道懷舊公司三文治: 蛋煎得好香。炸雞髀即叫即炸，唔太鹹，皮脆肉唔鞋仲有西多士，雞翼，三文治，薯條不過營業時間 星期一至六0630至1700隧道巴士站101，111 對落，港鐵何文田站Ｂ１出口
continue reading