餃子屋

之前係餃子關注組見人介紹過，話佢啲餃子勁巨型足料🥟趁端午節假期，山長水遠走到嚟荃灣食Lunch time全場爆滿，好多人等外賣款式口味十幾隻，好多都想試最後叫咗雙拼湯餃八隻 ($58)先輪湯底，魚膠淮山煲豬骨湯自家煲製，無添加味精❤️飲落清清地但好夠味，真材實料見到淮山絲豬骨味道濃郁，湯底一啲都唔油膩絕對可以作老火湯飲用▶️ 香菇木耳雞肉餃入面啲香菇大大粒而且好香雞肉比豬肉軟腍🐔調味充足三款餃子入邊最鍾意呢款▶️ 粟米三色椒豬肉餃見佢特別，叫嚟試試估唔到咁多三色椒粒🫑咬落爽脆帶少少苦味另外有甜粟米粒中和返🌽豬肉餡料紮實，冇話好多肥膏好韌▶️ 京蔥羊肉餃好朋友交換咗粒俾我試🤪平時自己少食羊肉呢個完全冇羊騷味，反而係三款餃子餡入邊偏甜嗰個鍾意佢混合埋香蔥同紫洋蔥，惹味香口啲-三款餃子都好好食🤤餃子皮煙靭，厚度啱啱好，咬落唔鬆散👍🏻旁邊嘅辣菜脯都好惹味爽脆，建議加埋落餃子食，別有一番風味稱得上全港最好食餃子🏆我同朋友食完都話想回頭再食唯一係環境擠迫，坐得唔舒服性價比極高，唔收加一，平均$60/人Size的確巨型，係正常餃子兩至三倍，一個人食八隻足以飽到下一餐😋(全自費，不是試食)…查看更多

生餃是預先做好，訂單多要等都明，但店員態度極之惡劣，買完5min見其他訂單已拎便追問下自己個訂單咩狀況，店員夢遊之餘仲要不情願回答，生餃可拎又唔講，追問下仲要大聲呼渴，盼望這是單一事件，回家後試食，味道一般，大家三思而決定是否繼續光顧…查看更多

早前看到youtuber介紹, 自己是韭菜搞迷粉, 所以一直想來試試, 昨天終於的起心肝前來一試, 去咗後欄坐, 唔使等位。點咗八隻煎韭菜餃, 餃子的體型確實有點嚇人, 應該六隻已經足夠。說說我的個人評價, 煎得有些過份, 對飲食健康比較注重嘅人, 見到第一眼可能已經有些內心過意不去, 我未試過其他味道, 所以只針對韭菜味去評價, 我會覺得啲韭菜冇韭菜味, 唔係差少少, 而係差好多, 調味亦都太甜, 整體嚟講, 咬嚼有飽滿嘅感覺, 但確實食唔到韭菜同豬肉味, 完全沒有鼻呼回味嘅味覺反應, 未必會再光顧第二次。…查看更多

每次去荃灣我都一定會去呢間餃子屋，可以話係心水之選！佢啲餃子真係超級出色，每粒都份量十足，用料新鮮，手工包得實淨。餡料非常飽滿，咬落去多汁又香滑。特別推介韭菜餃同粟米豬肉餃，味道平衡、又有層次，咖喱薯仔味都有驚喜，香氣濃郁唔會膩。湯底更加係靈魂所在，用魚膠、淮山煲豬骨熬成，飲得出自然鮮味，冇落味精，飲完唔會口渴，真心健康又滿足。 煎餃同樣出色，底脆面嫩，熱辣辣咬落去「卜卜脆」，配上佢自家製嘅辣菜脯，辣中帶香，超開胃。環境雖然唔算大，有時要等位，但上菜速度快、服務態度又好，整體體驗非常滿意。絕對值得專程去食！…查看更多

第一次食餃子屋，見人多排，自己都排埋一份等了約10分鐘就有位，叫了三色餃子麵黎到大大份，第一淡飲湯湯色奶白濃醇，好好飲!!!8隻餃子，半個拳頭咁大，食左唔夠一半就飽飽地花膠魚湯喝到見底是必需的，鮮甜可口麵有點多了，下次可以不要性價比超高…查看更多