Video
同朋友聚聚, 較早前(其實都有一段時間)見雜誌介紹過呢度, 話係酒吧, 但有日式小食呀, 壽司呀可以俾客order, 咪懶得意咁就試囉!出事喇, 到先知餐牌上無咩日本, 開頭朋友們早到就話個menu度只得幾款小食, 而且有係menu上listed都話無tim! ? 所以頭輪我地只係叫3款小食: 蛋黃節瓜, 牛, 雞腎同炸茄子, 各樣都做得唔錯, 佐酒一流, 而且唔係好細碟果. 其中我較喜歡蛋黃節瓜, 清甜節瓜混上鹹蛋黃碎, 豐富節瓜的味道.大家好快清晒果幾碟小食, 唯有再叫侍仔再個menu睇睇! 唔知之前朋友睇係咪同一個menu, 今次我就見有晒頭盤呀, 湯呀, 沙律呀, 主菜呀同甜品, 滿心歡喜咁以為可以大擦一餐, 點知有一半都話無! 好難都叫個魚卷, 沙律同炸芝士蝦餅. 魚卷幾好味, 不過唔係咁食得出魚味; 芝士蝦餅芝士味唔濃唔出, 麻麻.可能當日個場無其他客, 酒吧無開好有mood燈光, 好暗好黑. 不過呢度都裝修得幾靚, 走廊勁有行catwalk feel. 侍仔其實幾nice幾好笑容, 不過就放錯料俾我地話happy hour到10點囉! 如果飲吹水, 都會推介呢度! 佢地無cocktail menu, 不過bar tender會問你想飲咩味而自行幫你調較, 水準可以! 星期五Ladies Night女士free drink, 唔好錯過呀!我諗, 我地今次揀錯地方食錯. 不過佢地serve食物五湖四海, 俾個定位好喎!
continue reading
Above information is for reference only. Please check details with the restaurant.