裕興咖啡

Open Now

Now Closed

究竟等了幾年？大大話話起碼有五、六年時間了！這個等是由疫情以前、結束營業至如今續開，終於有機會拜訪「裕興」，雖然感覺有點遲，butit's really a Happy Friday！香港人好怕熱、香港人好怕沒冷氣、香港人節拍急速，在這鬧市中的小小大牌檔裡，會發現香港人被治癒了！先來一杯凍檸茶，靜心等待。東走西走、忙東忙西的老闆娘，突然跟你說：「要幫你加點冰嗎？」。就這一問，落單等二十分鐘、食物最少待半粒鐘，統統不是問題了！1、2、3 麵餐中，這是1號仔的鹹牛肉炒蛋出前一丁麵 HK$60 （連凍飲)。賣相不怎樣的特別誘人，可是入口煎得微焦帶脆的鹹牛肉、與及滿滿蛋香會讓你感動起來，噢 ...... 簡單的一碗公仔麵，有著「裕興」令你展露笑容的鹹牛肉炒蛋，讚！此時東走西走、忙東忙西的老闆娘又再出現，問道：「要給你一個碗仔嗎？」，You are so sweet!我好喜歡湯麵混入椰菜同煮，令即食麵變得溫柔和健康起來。而浸泡一段時間的丁麵，質感還是可接受、不會太腍！當年「裕興」一幅三文治相片，讓我相隔多年仍癡癡等待這造訪的機會，如今無任何人可以阻止我！A、B、C、D、E 三文治餐中的 D 餐

去了3次才吃上，第一次忘記看facbook跑空了第二次12點左右到，三文治賣空了….第三次10點多到，但又碰上爐子壞掉了，老闆讓我們一個鐘後回來🤣🤣因為壞爐，等了挺久的，但聽熟客說正常挺快的。點了2個雙拼三文治，鹹牛肉拼炒蛋椰菜、五香肉丁拼炒蛋椰菜，還分別加了芝士，餡料躲到來不及拍照片，芝士就往下流🤓個人覺得鹹牛肉的更好吃，但吃多了又有一點鹹，老闆娘給了超級多花生醬，花生醬愛好者狂喜！總的來說如果不用高溫排很久，應該會常常吃，畢竟小巷子裡太熱了，不過老闆娘都超體貼，如果三文治剩的不多，會提前核對好人數，讓大家半小時後再來，省去辛苦排隊了

・鹹牛肉芝士三明治​紅了好耐嘅裕興三明治終於食到啦！！！之前成日刷到，心癢咗好耐，今日終於有機會試吓。份量大到驚人，感覺對一個女生來講真係有啲多，不過食到停唔到口，忍唔住想清盤。​鹹牛肉鹹香夠味，一啖咬落去仲有微微嘅顆粒感，唔會過韌。芝士溶到成舊，牽絲牽到好長，鹹香中帶住奶香，同鹹牛肉真係絕配。麵包烤得外脆內軟，邊邊有少少焦香。​幾種材料夾埋一齊，層次好豐富，鹹香得來又唔會覺得膩。雖然食完有啲撐，但真係好好食，下次要叫埋朋友一齊分住食先得。

最呢間老字號停業復出之後，我嚟咗幾 次先食到之前要關注佢哋嘅 ins，因為唔係每日都營業，就算係工作日都有可能休息，尋日禮拜四就冇開，白白走咗一趟。排隊真係會喊！平日 10:50 到店，11:30 先入座，等到 13:20 先有得食… 店入面淨係得 4 張台，得兩個老人家打理，仲經常上錯單。可能因為我哋一行四人，最後先出我哋嘅餐，反而單人點嘅會出得快啲。三明治每日都限量，一點幾嘅時候就已經賣晒，記得早啲嚟！✅必點 TOP1：鹹牛肉芝士炒蛋三明治麵包夠酥脆，鹹牛肉香氣十足，炒蛋又夠嫩滑。☕️【港式奶茶，靈魂 CP】茶味夠濃郁。🌈提示：如果想食香港地道老字號，其實可以揀其他店，呢間排隊實在太久，真係冇咩必要，人均都要 60 幾

本身打算踫踫運氣, 如果要排隊就隨便附近找一間食, 驚喜發現去到唔洗排, 瞬間眼角餘光看到有幾個人企左係度(可能係遊客),但又唔似係排隊, 圍圈聊天/討論 我便積極主動走去問工作中的老闆: 請問係咪要排隊定係點樣?  可能老闆工作手忙中, 語氣非常不耐煩, 叫我地: “自己見到有位就坐啦!!!”, 做完炮灰, 帶點懊惱又無奈,自己搵位, 搵張枱搭枱, 點知坐低5分鐘(仲未figure out到點樣落單)老闆娘就叫我地(2人)起身比返企係度的人坐, 因為佢地先黎, 但係佢地唔知要自己搵位坐, 無奈x 200 times, 我地(2人)起身, 轉移後坐後面另一張枱…搭枱 XD...之前睇過啲review話無乜服務, 都有心理準備, 但老闆晦氣帶點生氣的口敏叫我自己搵位坐我都係有點愕然 (如果唔想人問SOP係點..或者可以考慮貼返張紙出黎?)Anyway , 原來落單係老闆娘會過黎落, 等食物大概要20分鐘送上最後一樣食物時付現金, 叫左個咸牛肉炒蛋三文治(椰菜+花生醬) 熱啡 同 餐蛋公仔麵(有椰菜),凍檸檳, 咸牛肉炒蛋三文治(椰菜+花生醬)呢個組合真係好特別, 個toast係用麥包,非

已經一大早來排隊，結果排了接近半小時，坐下等待食物又差不多一小時，才等到食物端上枱，過程一點也不容易。一場來到，我們當然要雙拼三文治了！烘底的鹹牛肉炒蛋芝士三文治與五香肉丁芝士炒蛋三文治甫上桌，震撼程度爆燈！大大份雙層三文治，夾滿肉餡、炒蛋、芝士，豐富到爆餡！麵包烘得很脆，非常滿足！生菜的存在是要增加一些纖維吧，但小人覺得可有可無。的確是邪惡滿分，卻又是令人不能抗拒的美食！根本就是一場持久的耐力考驗！

久仰大名，特意提前做了攻略得知排队时长动辄三四小时，所以一直未前往。这次因友人生拉硬拽，抱着试一试的态度，扎扎实实从排队到入口等待了三个多小时。好消息是确实好吃‼️其实在来之前有尝试过其他几家评价也不错的老字号，但，不是烘底做的不行，就是牛肉略腥，打破了我对三明治的兴趣。暗自思忖，这几样简单的食材无论如何搭配，也很难有味蕾上的突破。但是这家试过之后，确实理解了为何本地人宁愿排队很久，还要来食用的原因。✔️😃咸牛肉芝士炒蛋三明治 烘底做的很好，表面脆香，内里绵软。这个蛮考验技术，稍有差池口感就会下降很多。由于排队时间过久，我对它的要求亦变得严格。里面搭配着咸牛肉芝士炒蛋椰菜➕浓郁的花生酱，这几样普通的食材搭配起来意外的美味，咸牛肉应该是提前有炖的软烂，很好入口，加上灵魂花生酱的辅助，整体非常舒适。份量比别家要大块一些，可能胃口小的女生两个人也可分食一份。✔️😃 五香肉丁芝士三明治 没有咸牛肉那款那么出彩，口味上要淡一些，花生酱浓郁，也是好吃的但是个人更喜欢咸牛肉的。‼️记得一定要选有花生酱的三明治✔️😃鸳鸯冻奶 有加糖是好喝的，建议加冰，融化后略微有些淡

finallyyyyyyyyy 想食咗唔知幾多年 終於都食到特登放假都出中環 就係為咗食佢0900嚟到竟然唔使排隊 0930開始就要排隊嚕就算唔使排隊 但人手實在太有限 而且係即叫即整拎 要預返啲時間同耐性🫡坐低等咗15分鐘 先有得落單 落完單又等15分鐘 先有三文治 食完個三文治又等咗15分鐘 先有個麵 🍜 真係要有滿滿嘅耐性🙏🏻五香肉丁炒蛋雙拼三文治餐 $52(拼椰菜及花生醬)心心念念 左等右等 終於都有得食🥹花生醬多到滴出嚟🤤一上枱已經聞到 係好濃郁嘅花生香但食落就五香肉丁味比較出 如果再多啲花生醬 咁就不得了麵包烘得好香好脆 蛋 + 五香肉丁 + 椰菜 依個combination唔會輸der~~午餐肉炒蛋出前一丁 $60好叻仔嘅餐肉蛋蛋 🍳午餐肉少少厚身 煎到脆脆哋仲有好多椰菜 甜甜哋 又煮得好淋雖然只係得2個人做 但都仍然好有服務 好溫馨

朝早10點幾專程搭車去中環試新嘢，我好鍾意食芝蛋或蛋牛治配奶茶，之前睇過啲post知道等位等食要時間，到咗已經見到8組人，排咗大半個鐘聽到伙記嗌第7組人話麵包賣晒，食麵就自己見有位就坐。其實麵包賣到差唔多係咪要同排緊隊嘅人講聲，排入面食包食麵都有，戇居居排到點知係冇得食，安排係咪可以做好啲？

兩位老闆應該冇請人，得兩個人做，手腳非常~~非常~~慢，唔係做大排檔嘅料，所以如果想幫襯就應該以café嘅心情去等候，佢哋係慢工出細貨，所以唔好見多人排就覺得好好食，普通野嚟三文治、公仔麵、通粉，咖啡奶茶個啲… 我等咗超過半個鐘，坐低再得多半個鐘，都仲未有野飲擺響枱。店家都帶晒頭盔話人手有限，係慢㗎喇，等得就等個款，所以有好多時間先好去幫襯。

本身是粉絲、幾年後重開馬上朝聖、皇天不負有心人07:55 最後兩個入閘、 可以話感動流淚、耐心等1小時終於等到期待已久的五香肉丁雞蛋花生醬椰菜三文治加芝士呈現在我面前、雖然有人認為味道不及從前、但我認為三文治仍然十分之邪惡十分之好味至於往後的餐蛋麵及蛋牛麵反而有進步空間、湯底變得淡而無味，麻油味亦不夠濃郁、個人認為由於碗麵有椰菜，出水關係、導致溝淡湯底所致，所以如果去之前自備麻油、一包出前一丁味精及辣椒油可能效果更佳😂

網紅店，慕名而去，敗興而回。街邊大排檔，就餐環境很差，食物一般。排隊等了半個鐘，坐下來等食物，又等了一個多鐘，前後差不多兩個鐘，只是為了食個三文治和喝杯奶茶，完全不值得。個人認為完全不值得食。

見話呢間茶檔重開後，好多食客竟然願意等上幾小時去等。因為之前我未曾食過，我真係非常之好奇，令我非去試一次不可。搵咗日平日早上八點三就去到， 3張圓摺枱已經坐晒人， 好彩俾我插針咁搵到個位坐低。 之後就開始見有人陸陸續續排隊。叫咗份炒蛋芝士三文治， 熱奶茶。其實早已有心理準備都要等幾耐吓。 等下等下大概坐咗一個多小時， 份芝蛋三文治終於送到我面前。 講返份三文治，多士塗上我至喜歡嘅花生醬，已加分，再配上半熔芝士和蛋來食，味道上是豐富，不過炒蛋略嫌過火些少，整體來講好味嘅，但唔算好特別。相反杯奶茶沖得夠滑夠茶味，味道甘香，幾啱我囗味。 雖然唔使10分鐘，已經食晒成份三文治。在等候的個多小時，坐著無聊觀察到無論坐低等候，甚至乎企在排隊的食客都沒有任何投訴或不耐煩的面孔。 除了食物外， 懐有對排檔的一份情懐相信會是原因之一。

裕興 @ 中環睇到報導裕興最近重開番…記得上一次幫襯已經once upon a time…所以黎懷緬下大排檔風味。 因為…大排檔真係執一間就少一間星期一晴天…940 到達已經有10幾人排緊隊…1030 有位坐…拿拿林落單…1110 有野食啦…個個都食包… 我就當然食麵…今次點既係炒蛋+鹹牛肉+午餐肉+丁麵(已包)。 只要用心…呢個組合係唔會出事…雞蛋煎到蛋味好出👍🏻…鹹牛肉煎到微焦👍🏻…如果午餐肉厚d同燶餐的話就perfect…炒蛋加入椰菜絲增加口感同健康感👍🏻…丁麵係傾向硬麵…都唔錯…凍0T少田…有茶味又有茶澀味…我覺得唔錯。 不停聽到事頭婆話等等…煲緊茶…即煲即沖整體唔錯…餸…麵…凍0T…到服務都好有❤️❤️…姐姐好有禮貌…事頭婆話唔夠田可以加田…唔夠濃可以加茶…顧客為上因為人手…慢工…真係等太耐…不過…點都要支持下本地有❤️小店#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddia

知道中環「裕興咖啡」重新開業，當然要來支持一下；早上一早到來，原來已有人比我更早，食物以麵包多士套餐及粉麵套餐為主，每人最低消費為一份餐點。🤗最後選了餐蛋出前一丁及熱奶茶(沒有茶走)，因即叫即煮，估計等待時間要20多分鐘，如不是太趕時間，應該也可考慮一下。🤔新鮮熱辣的熱奶茶先到，飲落順滑帶茶香，可惜不是茶走，如再添上錬奶香，相信應該會更加吸引。☕️等待食物期間，檔口前的四張枱已全滿，旁邊還有十多人在等位，相信要等侍的時間會更長(1小時以上)。😓餐蛋麵等了足足30分鐘才到達，真係慢工出細貨；但意想不到的是餐肉混入蛋漿再一齊煎，味道自然比分開煎更有誠意，是少有的做法；麵中加入新鮮翠綠切絲的椰菜，麵條又是即叫即煮，又怎會不好吃。😋雖然價錢有點貴，等侍時間又長，但味道真的不錯，而且非常有誠意，如之後可以加入茶走就更好了。😝記得這裏只收現金及先付錢，社交平台的「朋友仔」就要先行預備了。#熱奶茶 #餐蛋麵 #現金#裕興咖啡地址: 中環士丹利街82號舖