妖怪 (Closed)

平時好少過海搵野食，今日放假朋友帶左我去中環試日本菜！朋友帶我去列餐廳門口，抬頭望見到個餐廳名—「妖怪」。心諗錦特別既，會唔會好伏架🤔希望朋友無老點我啦！我哋坐低左，朋友就點左個雞翼，寒鯖魚一夜干，鹿兒島芥辣八爪魚🐙同富出螢光魷魚🦑 啲食物一上台，全部顏值高之餘亦好好食😋雞翼外皮脆，肉嫩滑！鯖魚燒左之後唔會「鞋烚烚」，咬落去仲有啲魚油🤤芥辣八爪魚，wasabi 唔會攻鼻之餘而八爪魚亦「滑lulu」，「殊」一聲就吞晒落肚！螢光魷魚好有光澤，同八爪魚一樣出色！朋友果然無帶錯我去地方！

今日中環食完lunch有啲肚餓，之後行行下就見到有間叫「妖怪」餐廳。咁於是我就入咗去食嘢醫肚啦！咁我就叫咗個鹽燒鰤魚鮫，萬緣寺青椒同埋一個特上雞腿肉😄鹽燒鰤魚鮫燒得非常出色，魚皮脆卜卜，唔會乾身，而魚肉好滑，好Juicy，仲有好多魚油🤤但完全唔油膩！上面仲有啲薑絲白蘿蔔絲同啲魚一齊食，好清新！至於個萬緣寺清椒，好大隻，差唔多有一隻手掌錦長！而咬落去好爽又唔會太辣！個雞肉串也非常不錯👍雞腿🍗肉好滑好多汁！總之全部都好好食！值得再encore!

本身今年同朋友一齊去日本旅行🥲而家無得點飛既情況之下就搵間日本餐廳頂住下先！搵搵下就搵到間叫「妖怪」既餐廳。聽個名都幾特別，於是我地就去試吓啦！入到去，上面天花板有啲紫色嘅日本燈籠🏮做裝飾，好靚，仲有啲唔同既日本畫掛係牆！個刻我地覺得自己真係去左日本旅行！之後我地就叫左個燒雞定食同濃厚雞白湯拉麵🍜燒雞定食啲飯軟身，雞肉有滿滿燒汁淋上面，入口唔會蓋過雞肉既鮮味！正😄而拉麵湯底如其名，有濃厚既雞湯味，仲有豐富嘅膠質🤤🤤好適合我地呢啲扮靚既女士☺️而雞肉同拉麵也非常好食，彈牙嫩滑！簡直ichiban!☺️

今日同老公去左「妖怪」慶祝我地既結婚週年紀念😍😚😚我哋叫左個壽司拼盤，壽司拼盤有成10件壽司錦多！件件都做得好精緻好靚！成件藝術品咁🥰等我由上面左邊開始介紹啦，第一排左邊分別中拖羅，牛鰍，赤身，金木鯛，深海池魚，而下面第二排既係，真名鰹，昆布漬白蝦，北海道帶子，三文魚子，布甸蛋🤤🤤 每件都好好食。而要特別推介推推介（重要野要講三次！！！）係赤身，昆布漬白蝦同三文魚子😍）赤身油脂肥美，入口即溶，三文魚粒粒大大粒脹卜卜，咬落去勁juicy，魚汁咇晒出嚟😀至於昆有漬白蝦，蝦肉爽口彈牙，非常出色，一試難忘！好滿意呢次慶祝結婚週紀念🪅

今日同朋友去左一間叫「妖怪」既日本餐廳🍴入到去見到好多唔同既畫！聽職員介紹返原來兩幅畫都大有來頭，係日本鼎鼎大名嘅畫家水木茂老師既畫作，系黎至《妖怪大圖鑑》既系列，我地都忍唔住做下文青，同啲畫影左好多幅相☺️之後我哋叫左個壽司拼盤，壽司拼盤總共有十件。上面既由左邊開始，分別中拖羅，牛鰍，赤身，金木鯛，深海池魚，而下面既係，真名鰹，昆布漬白蝦，北海道帶子，三文魚子，布甸蛋🤤🤤件件都好好食，魚既非常新鮮，蝦既非常鮮甜，魚子非常大大粒，蛋既非常之有蛋香，總之全部都好好食🤤🤤😋😋大家都快啲黎試下☺️😋🇯🇵

今日去左好多好評既中環「妖怪」餐廳都食日本菜！見到啲人留言話去到好似去左日本🇯🇵既，思鄉病既我於是就去試下啦！一去到裝修靚不特止，完全有返家鄉既感覺！欣賞完一輪就叫左個濃厚雞白湯拉麵🍜 個濃厚雞白湯拉麵大大碗，啲湯完全飲得出係新鮮既雞整既！完全真材實料！我一路飲呀飲，結果入晒成碗！而拉麵彈牙不特止，而雞肉亦非常之柔軟！個濃厚雞白湯拉麵仲配搭一大盤既新鮮野菜同好煙韌既麻糬，好好味呀！下次一定要再去「妖怪」食埋menu既其他食物😋🤤

今日係中環行街行到有啲肚餓，於是行左去一間叫妖怪」既餐廳，見個名錦得意😎就一於睇下係咩何方「妖怪」！本人喜歡食魚，就叫左個真花魚🐟試完真得假不了、魚燒得乾身但入口唔「鞋」，唔乾唔硬，仲有魚既油香！之後再戰免治雞肉串！雞肉好嫩滑，點埋隻生雞蛋食，完全帶到雞肉既鮮味，唔會因為佢攪碎左而唔新鮮！最後再來到個豚肉流心蛋卷！薄薄既豚肉包住隻大大隻流心蛋🤤一咬落去、流心蛋既蛋汁豚肉口感更加滑同豐富，好juicy 惹味！如果你都想睇吓「妖怪」係何方妖孽，快啲去試吓啦！

小妹最近搵到份新工，係中環皇后大道中個頭返工。Lunch 行過見到有間叫「妖怪」既餐廳🍴見到佢個名錦特別，一於入去睇下佢點「妖怪」法啦！嘩！入到去一啲都「妖怪」，仲好夢幻添！天花樣有好靚既紫色波波燈，好靚呀！仲有一幅叫做「妖怪原寸原畫」既大字畫，身為港女既我緊係即刻同佢打卡！影完相一輪終於正正經經坐低食個lunch!小妹睇到個menu 見到個燒雞定食非常吸引，於是就點左個黎食！結果果然係好好食，定食除左在燒雞主角之外，仲有其他配菜同大大隻冬菇！雞肉細細舊之餘又易入口，咬落去非常之嫩滑，啲燒汁配埋啲飯亦好好食😋好味到食都停唔到口！前菜，味噌湯，漬物同沙律都非常出色！返到office 要推介俾同事😍

留意👀咗呢間餐廳一段時間，疫情關係之前冇機會試，直至今日終於試到！遺憾嘅係，有少少🤏熱氣所以試唔到串燒，唯有留返下次食啦😫💁🏻‍♀️介紹一下相入面嘅刺身先！左上↖️中拖羅➡️牛鰍➡️赤身➡️金木鯛➡️深海池魚左下↙️真名鰹➡️昆布漬白蝦➡️北海道帶子➡️三文魚子➡️布甸蛋所有魚生都鮮嫩肥美，厚薄適中👏🏻 尤其是中拖羅同真名鰹，中拖羅口感清爽帶少少回甘，油脂比例較高，係我最愛😍👍🏻 而真名鰹非常柔軟，口感軟嫩，淡甜又清爽脫俗，好出眾🤤🤤特別要講講個布甸蛋！🍮唔講真係唔覺食緊蛋，真係似食緊布甸多啲，好神奇😍 口感滑溜綿密，蛋味濃香四溢，呢個作為甜品絕對為今餐畫上完滿嘅句號🥰🥰

其實當時我係經過H Queen’s然後即興去食嘅，所以冇抱有太大期望，點知出奇地好食😋😋，喜出望外～呢間餐廳嘅特色之一就係牆身嘅電子大屏幕會無間斷咁播放妖怪大圖鑑入面嘅角色，令人目不暇給😳免治雞肉串係日式居酒屋🏮經典菜式。香脆嘅外皮醬香四溢，沾上月見生雞蛋黃🥚後口感滑溜唔會腥，食得出雞肉同雞軟骨的比例恰到好處，食完完全唔夠喉呀🤤炙燒明太子，係原條明太子呀😍 明太子唔需要任何花樣就已經好好味，熱辣辣送到，微微嘅焦香仲未散。香口微辣，鹹鮮惹味👍🏻👍🏻雞頸肉比較少見，值得一試。燒至外脆內軟，肉質飽滿多汁，彈性十足，勁好食😋👍🏻

上個月喺Openrice搵到呢間餐廳，見到評價有好有壞，本來都有少少擔心，驚會中伏。跟住發現原來身邊有朋友食過，話啲刺身好掂，咁我就襯今日放假出中環試吓喇😆😆松葉蟹肉甜蝦丼：唔好睇佢外表細細碗，其實份量都幾大㗎。松葉蟹肉有好多，令每一啖飯都有滿滿嘅蟹肉😋 甜蝦勁大隻又鮮甜，好足料👍🏻雜錦魚生丼：朋友叫嘅呢個丼飯好抵食呀，有拖羅、油甘魚、帆立貝，仲有海膽添！海膽新鮮creamy，冇難以下嚥嘅腥臭味。拖羅肉身呈透亮嘅粉紅色，鮮味飽滿，油脂醇厚👍🏻👍🏻 油甘魚色澤紋路分布均勻，如大理石😍 肉厚肥嫩，勁好味😋結論就係唔伏之餘，仲比我預期好味好多，大家嚟到妖怪記得要點刺身呀🤤

首先要介紹嘅係濃厚雞白湯雞湯 – 雞腿肉套餐，呢個雞白湯唔同坊間一般嘅拉麵呀沾麵呀嗰啲，佢其實係一個涮涮鍋！雞腿肉肉質豐厚，雞白湯清澈而且唔會過油，🐔🐔🐔濃郁到爆炸🤯‼️ 食落就好似沾咗蛋漿咁！我差唔多飲晒個湯（補充骨膠原，哈哈）都冇覺得好口渴，證明唔係味精，絕對值得encore！😍😍另外仲嗌咗兩件炸串燒！分別係炸蝦同炸帆立貝🤗 🍤炸蝦肉質扎實，入口甘甜，爽滑彈牙。炸帆立貝口感細滑有咬口。值得一讚嘅係炸漿好薄，唔會蓋過食材本身嘅鮮味。好怕啲餐廳包太厚嘅炸漿，炸到死實又乾硬。但係呢度就冇呢個問題，師傅炸功一流👍🏻👍🏻👍🏻

三文魚籽冬菇，燒至焦香嘅冬菇盛載住大粒飽滿嘅三文魚籽，味蕾大爆發，十分過癮又好食🥰特上雞腿肉雞皮厚潤多汁，口感滑溜，以柚子胡椒點綴更加清新醒神！稱草煙燻鰹魚 (5切) 師傅切成厚厚嘅大塊鰹魚肉片，以完美嘅火侯炙烤外緣至三分熟，中心部位原味得以保留。呢種做法不但可殺菌，更可添加稱草獨有嘅煙燻香味，非常誘人😍 食落鮮嫩清爽，味道富有層次。每枱都會有三格式調味碟，有鹽、七味粉同埋檸檬🍋俾大家提升味覺享受。全部嘢食即叫即整，新鮮滾熱辣，水準極高，尤其推薦稱草煙燻鰹魚俾大家😋👍🏻

細細個就鍾意睇鬼太郎，作為妖怪迷嘅我，當然要朝聖一下呢間以妖怪大圖鑑做主題嘅特色餐廳啦！🤩一出升降機已經有驚喜！係單眼獨腳嘅唐傘小僧呀，企喺度迎接客人好可愛😍 而用餐區就用上一連串大型電子屏幕顯示各式各樣嘅鬼怪，會不停跳轉，要捕獲心儀嘅鬼怪大家要落足眼力同俾啲耐性喇！😳大飽眼福過後，就要諗吓食乜喇～知道呢度嘅拖羅非常出名，不過又想試埋其他刺身，一於就嗌個乜都有嘅刺身拼盤啦🙆🏻‍♀️ 有中拖羅、赤身、金木鯛、深海池魚、北海道帶子同埋三文魚子等多達十款，味道由淡至濃。果然係名不虛傳呀，最鍾意都係中拖羅，油脂豐富，入口即溶👍🏻 北海道帶子厚身綿密，極富彈性，鮮味十足。三文魚子入口爽滑，味道鮮鹹，魚油滲入口中，幸福滋味湧上心頭🥰🥰

七款刺身拼盤嘅油甘魚比較軟身，鮮美甘香嘅油脂令人無法抵抗🤤 而海膽份量都唔細，真材實料，味道濃厚鮮甜。蘋果木煙燻特上大拖羅 (5切) 以一個高貴玻璃器皿蓋住，朦朦朧朧，一揭開即刻冒煙，陣陣煙燻香～肉質極之柔軟鮮嫩，每咬一口都充滿油脂👍🏻👍🏻 最特別嘅係，除咗魚嘅鮮香，仲伴隨住微微嘅煙熏味，而且唔會過濃令人嗆喉😋由於我哋除咗刺身之外，都想試吓呢度嘅招牌串燒，店員就極力推薦咗呢個豚肉流心蛋卷俾我哋，好特別嘅一道菜。果然冇介紹錯，真係超好食😋 將沾滿香鮮醬汁嘅豚肉油脂，裹覆住日本流心蛋。豚肉嘅香氣同充滿濃郁蛋香嘅流心蛋融為一體🤤🤤