Video
Above information is for reference only. Please check details with the restaurant.
在馬鞍山住左咁多年, 由於地點問題, 到富安用餐的機會十隻手指數得出岩岩過左既星期日, 和太太在下午沿海濱長廊散步, 由海典居附近出發, 目的地富安花園到達時大約三點, 食個下午茶, 有茶餐廳, 泰菜小店, 最後揀左飲茶商場一樓的盈彩海鮮酒家入到去唔係太多茶客兩個人點左燒賣, 金錢肚, 小籠包同义燒瀨粉可能唔係太多茶客既關係, 樓面都唔係咁多, 要有D 耐性咁等被招呼燒賣, 金錢肚同小籠包既質素唔錯, 幾好味, 用料頗新鮮, 同D 屋村STYLE 裝修有D 唔夾 :-P係個义燒瀨粉D 义燒削D埋單要差唔多一百蚊, 比心目中既價錢貴左少少
continue reading
這一間不見經傳的酒家，若不是個多月前的一次意外，相信只有當地居民認識這一家位於冰山一角的酒樓。是日星期六，如常送太太去上班，我亦如常地，在馬鞍山尋找早餐的味道。近來我把目標轉移到大水坑，把車泊好後，在村子走一圈，也在富安花園走一圈，感覺茶餐廳快餐吃得多了，不如一個人去一盅‧兩件。一個人開茶，一個人食點心看報紙，是好多長者每天的生活開始，由細到大都陪著一班長者長大的我，除了同老人家的代溝不大之外，陪他們一早起身飲茶，甚至自己一個成7、8點起身出來飲茶，也成為了我的喜好。大部份的酒樓早市，都會推出一些早晨孖寶的優惠，通常都是一個飯加一個點心，名符其實的一盅‧兩件。而我在這兒選擇的一盅‧兩件，就是一個臘味蒸飯同一客牛肉球。酒樓常見的短身粗條臘腸，再加上一小件香膿肉，豉油不用多，因為臘腸、臘肉的汁已經夠香夠味，以前說窮等一家有一條臘腸送飯已經很好，以這麼小小的髏腸、肉，味道濃濃香香，用一口肉配上兩、三口飯，滋味無窮，而且飯質是以生米浸蒸出來的，特別的煙韌香口。 牛肉球，是比較普通的，色水未夠鮮艷就是只中一個敗筆。食落，好的是肉比例較粉為多，有肉香，亦有足夠的彈力，加少少喼汁，也可以收貨。 未夠，我點多一份早荼優惠點心，是煎點部的煎魚餅。香口的鯪魚肉，加上燒賣的皮，煎出來的小食，特別的煙韌可口，他們輕輕地淋上了豉油，把魚肉的鮮香味增強了，而且油份不算多，幾好。 輕盛的一個早茶早餐，感覺比起去茶餐廳食公仔麵，更開心更爽。早茶有好食的早點，一盅‧兩件，比一麵‧一茶，更加之溫飽。
continue reading
富安的唯一酒樓，晚飯用等位，估吾海鮮類真的少到不能再少，只有幾絛魚和3隻龙蝦，沒有其它海產。原本想吃芝士龍蝦，但20元兩，每隻斤半到兩斤，差多500-600元隻...吾多抵介紹青班約2斤半 - 488元..改點了1斤半青班188元。蒜蓉菠菜 - 很像一人前，基本一人份量，水太多再加少少漿粉，失敗咕嚕排骨 - 有大有細，如果嚿嚿都細喲，炸脆喲...就會好味啲大蝦芝士伊麵 - 伊麵出水非常，吃兩碗麵...有半碗湯味道是OK 那些蝦由我包底，因為蝦太早死，所以吾多新鮮青班1斤至斤半 - 好彩細絛..是養魚，都算滑，再大絛就吾好食女兒到時，已差不多全清，於是叫多一個雙冬羊腩煲，抵食。好多冬菇、冬筍、枝竹和羊腩。味道一般..羊腩都氈5、6百元..用我比
continue reading
行完山或者踩完單車身水身汗, 去飲啖茶係唔錯既選擇! 特別推介, 我覺得個菠蘿奶皇包好好好好正呀!! 最驚喜係咁好味都只係中點, 哈哈! 我無影相, 咁我形容下啦! 佢係有D似叉燒餐包, 不過係奶皇餡, 面頭有超鬆化菠蘿皮, 唔太甜, 正!
continue reading
呢間酒樓係做街坊生意,所以就算d野食幾差,幾普通都好,佢都有班棒場客,我姨丈就係其中一個.年年去姨媽到拜年都差唔多會黎呢間食飯.講真,呢到d野食真係非常麻麻,但係次次黎親都可以比我同細佬任叫野食xd 等左差唔多十五分鐘先開始有野食.本來仲以為碟春卷係新鮮炸出黎,點知係凍嘅 外皮只有少部份係脆,大部份都淋淋地.但係個餡都算落足料,不過凍都扣晒分啦!腸粉真係好粉,太過黏口,而牛肉落得少,真係好差排骨都算幾大件,鳳爪都唔錯,個飯都叫熱辣辣.不過話明係煲仔飯,但係佢冇比到煲仔飯嘅感覺我,好似煮好成個飯就放落個煲仔裡面就算:|牛肉都算唔錯,起碼唔會太肥,咬落去幾彈.但如果比起出面,就真係比較遜色.我地叫左迷你煲仔同埋呢煲,兩樣嘅味道都差唔多,肉餅都幾香口,硬d就更好.同鳳爪排骨煲仔飯一樣,個飯都唔似煲仔飯.不過見佢冇講明個飯係煲仔飯就算啦xp蝦餃係我最鐘意嘅點心,可惜呢到嘅蝦餃真係好唔掂.d蝦唔係大蝦,但起碼叫淡淡肉.不過個蝦餃皮就太厚,而且大黏口,係我食過咁多間最差嘅蝦餃金錢肚唔肕,但有陣蘇味.芋頭煮得太過淋,仲好粉,完全唔得依家好少酒樓有賣鵪鶉蛋燒賣,見呢間有就點黎試下.本身以為味道唔錯,但係試左就知道我叫錯左野食-_- 佢d鵪鶉蛋就咁淥熟左就算,一d都唔香,蛋黃仲好淋:S 豬肉同埋蝦嘅部份都只可以話OKay.燒賣個皮太過黏,好難食奶皇包:奶皇餡幾香,而且都算細滑,但個包就實左d.鮑汁鮮竹卷:呢碟係咁多點心之中最唔錯嘅一碟.鮮竹卷夠淋,唔乾身,而且個汁打得都幾好.日式湯烏冬:呢d咁普通嘅野如果整得難食,真係執得笠:S 真係好一般,有西蘭花同雪藏海鮮.賣$33真係有d貴-_-什菌魚腐米線:湯底淡而無味,好難飲.魚腐過淋,唔好味如果呢間冇左班捧場客,真係一早執左.佢d野食真係唔好食,不過一年一次就算啦:S
continue reading