友利冰室 x 勿當奴 (D2 Place TWO)

Open Now

Now Closed

星期日去D2睇戲前來這裡食午飯，這裡不像一般茶餐廳，像快餐店多D，要在門口選購後入座。Order咗豉油雞飯及乳豬卡邦尼意粉，奶茶及凍檸茶。乳豬卡邦尼意粉：有少少失望，乳豬皮一D都唔脆似隔夜，只有三塊大小不一，像湊夠數就上碟，並不是原塊乳豬斬件上碟；不過扁意粉就煮得剛剛好掛汁，味道唔錯，如果唔計乳豬，卡邦意粉值得一試豉油雞飯：豉油香，如果甜少少會更喜愛，好有心地把雞去骨上碟，有齊雞胸、雞翼及雞脾，蔥油好香，白飯熱騰騰，可以一試。原本叫茶走，可惜店家沒有提供煉奶，所以只點了奶茶，當天可能是一開店就入座，覺得茶底唔夠茶味，淡咗少少，如果濃D會更啱我口味。

一開始愛上友利冰室係因為威靈頓牛同乳豬卡邦尼意粉好好食，不過之前唔太鍾意威靈頓牛個醬。隔左一排冇食前兩日再去，威靈頓牛更好食，入面好juicy！另外冬陰功安格斯牛非常驚喜！個汁好好食，撈飯一流！可惜乳豬卡邦尼意粉賣哂🥲🥲🥲職員由以前疫情第一次食到而家都好好人☺️☺️☺️不過香港飲食業難做，感覺比以前生意少左好多☹️呢間餐廳值得大家多多支持！另外食過佢地聖誕節到會都好好食😋👍🏼👍🏼👍🏼

呢間間中去荔枝角行市集都會去食，原因係愛上佢嘅冬陰功意粉🤣超級惹味，而且下午時間去只係$68，性價比十分之高🤣但今次去係情人節當日，甚少幫襯佢嘅晚餐嘅我即管試吓佢嘅晚市套餐，竟然冇加價，見到佢叫威靈頓牛都好多人讚， $218可以揀兩個main, 同埋包兩支嘢飲👍🏻🐻威靈頓牛🍯🍯🍯🍯的確幾唔錯🤩個皮都仲係好鬆脆，個牛又煮得好腍，印象中好似一條筋都冇😳一路食一路諗緊佢哋會唔會蝕本🤣不過旁邊嘅薯蓉沙律菜就比較普通🐻乳豬卡邦尼意粉🍯🍯🍯🍯點解得三舊乳豬😫好好食，層皮好脆，啲肉又好滑，完全唔夠喉，比多兩舊會比較好🤪下次去可以睇吓有冇得淨買乳豬返屋企加餸🤤最後兩支嘢飲分別嗌咗羅漢果茶同蘋果伯爵茶，2枝都唔錯，夠味👍🏻👍🏻總評分：🍯🍯🍯🍯（4/5）

荔枝角火鍋晚餐今天晚上，我和爸爸來到荔枝角友利冰室享受一頓火鍋晚餐。進入冰室裡，迎面撲來的是濃郁的湯底香氣，讓我胃口大開。我們點了花膠雞煲、雜菜和美國肥牛片。首先，服務員將花膠雞煲端到我們面前。我看著那一大鍋湯底，湯開後，散發出花膠的濃郁香氣。我興奮地將湯勺插進鍋裡，撈起一塊花膠，放進嘴裡。一絲絲膠質在舌尖融化，散發出淡淡的雞湯味道，令我回味無窮。接著，我們還享用了各種雜菜。鮮嫩的生菜葉、多汁的蘆筍、爽脆的蔬菜，每一口都讓我感受到不同的口感和營養價值。我欣賞這種自由選擇的感覺，可以隨心所欲地挑選我喜歡的蔬菜，搭配著鮮美的湯底。最後，我們品嘗了美國肥牛片。服務員將肥牛片拿到桌前，我馬上聞到濃郁的肉香。將肥牛片放進熱騰騰的湯底，只需數秒，肉片就熟透了。我用湯匙將它撈起，咬下第一口，肉的鮮嫩滋味立刻填滿我的嘴巴，非常美味。整個晚餐過程充滿了美食與愉悅的氛圍，讓我感到很幸福。荔枝角友利冰室帶給我倆一個美好的晚上，美味的花膠雞煲、新鮮的雜菜和鮮美的美國肥牛片讓我們欣賞了火鍋的獨特魅力。我發現，用餐不僅是填飽肚子，更是享受美食所帶來的滿足感和快樂。今晚的晚餐將成為我美好回憶的一部分。

友利冰室 x 勿當奴 (D2 Place TWO) (荔枝角)荔枝角長順街15號D2 Place TWO 1樓109號舖荔枝角都好多野食，呢間貼地之選！如果我係荔枝角番工，應該會成日食😂因為款式好多， 環境好大好好坐！味道都好唔錯，性價比高！放假食完飯去睇場戲，再去DIY 市集，好好消磨一日😘😘1. 滑蛋煎雞飯， 雞好香，好入味，份量又多，好食🤤！如果再光顧，我會想再encore !😛😛2. 辣炒泡菜豚肉飯， 略嫌佢份量有啲少，可能小編比較大食🤣🤣 都係食到得出汗， 我愛泡菜😍😍☺️☺️

天氣咁凍就想食羊腩煲，去咗位置好方便嘅友利食，餐廳地方好大，我哋入咗個火鍋區。火鍋有3個湯底揀，咁凍緊係食羊腩煲啦。打邊爐嘅話嘢飲任飲，我飲咗2支茶！火鍋餐包咗呢啲食物，蘿蔔好甜！唔夠嘅話可以另外再加，但我哋2個人食，都夠晒飽喇。羊腩煲嘅羊好嫩，多肉，同埋份量都多，落埋生菜，點埋腐乳醬真係好夾味好好食，仲有超多腐竹，個湯底好入味㗎！個餐包埋一個甜品，可以自己揀，meiji呢款朱古力雪糕大杯又好食！

喺荔枝角D2 Place TWO嘅友利冰室x勿當奴，我哋今日食咗佢哋嘅火鍋套餐，好岩兩個人一齊食。呢個套餐有三款鍋底可以揀，有古法雙冬牛腩煲、花膠雲吞雞煲同藥膳花膠雞煲，全部都好吸引，我就揀咗藥膳花膠雞煲。藥膳花膠雞煲入面最少有半隻雞，好滑，而且好有藥膳味，湯底都好濃郁。仲有每日新鮮蔬菜拼盤，已經有生菜、油麥菜、娃娃菜同金菇。仲有台灣肉丸同午餐肉，啖啖都好彈牙。佢仲包埋一份滑身嘅日本豆腐，餐廳入面嘅士多都有得賣。套餐仲有超脆嘅魚皮，發現佢哋嘅食材大部份都係外國入口。最正嘅係呢個套餐仲包埋雪櫃飲品任飲，選擇都好多，至少有兩款綠茶同各款汽水等等。食到已經好飽，原來仲包埋每位一份甜品！有好多唔同味道嘅Movenpick同日本雪糕揀，我就揀咗咖啡同綠茶口味。最後，我哋仲追加咗一個烏冬，因為烏冬吸咗湯底真係好正。當然仲可以加返其他肉類產品啦，不過今日已經食得好飽，下次再試啦。走之前，見到佢哋而家冬季有急凍羊腩煲賣，同埋其他急凍嘅產品，可以去佢哋官網買，下次要試下啦。

.今日為左爆谷香味嘅燒鵝🪿🍿而黎左D2 place TWO 嘅友利冰室 x 勿當奴 ..即燒爆谷燒鵝飯 68職員一送上，已經聞到好香嘅爆谷味🍿，食落確實都有爆谷味，主要係燒鵝皮上，所以食燒鵝一定要連埋皮一齊食呀，甜甜地，燒鵝唔會好肥，肥瘦中等，但又唔會好柴，份量大概有7舊，當中4-5舊有肉，2舊主要食皮。..秘製冬陰公海鮮炒意粉 68未有聞到好香嘅冬陰公味，但食落就都幾濃冬陰公味，而且都幾辣，估唔到冰室都可以做到咁濃嘅冬陰公味，意粉係扁意粉🍝，軟硬適中，有口感，海鮮有青口、魷魚、蝦仁等等，份量都唔小，青口都算大多肉食。..有驚喜，估唔到冰室都有咁多種類嘅選擇，而且中西式同樣做得出色，價錢相宜，另外飲品款式好多，一般茶記嘅飲品都有，而且有各種特色養生飲品：羅漢果茶、洛神花茶等，都只係+$8，難怪吸引到唔小學生/附近做gym嘅人幫襯。..地址：友利冰室 x 勿當奴 (D2 Place TWO) (荔枝角)荔枝角長順街15號D2 Place TWO 1樓109號舖..

人在 荔枝角 D2 Place TWO, 口痕好想食嘢 , 就是要找點吃的 .... 第一時間當然諗起傳奇黃店 💛 "友利冰室 x 勿當奴" ~紅酒燴牛面肉焗飯：不是說笑，「焗飯」肯定是 友利冰室 x 勿當奴 的招牌貨之一，任何焗飯都值得一試 .... 這個焗飯 , 賣相靚靚 , 紅酒和蕃茄肉醬的味道香濃 , 酸甜度很平均 , 亦食到有香草味 , 牛面肉也軟綿淋滑 ; 配合味道濃郁又能拉絲的芝士 , 直頭係，超讚 ~ 港式焗飯，通街都有，但做得這麼出色的，"友利冰室 x 勿當奴" 肯定是 top ten 之一 ~本篇完 ~

公司附近午餐雖然好多選擇，但我多數只食友利冰室。餐廳闊落好坐，食物質素又好。食物材料大部分由外國入口。✪ 炙燒日式雞扒丼 ⌫雞扒經過炙燒，再淋上香甜醬汁。表面燒烤外皮香脆，內裡肉質鮮嫩多汁。加💲8就可以有是日例湯，青紅蘿蔔、粟米和豬骨，味道好清甜。✪ 芝士大啡菇手打牛肉漢堡 ⌫跟餐有薯條同汽水。升級特飲就要加💲8，有多款特飲。飲品要去飲料櫃自取。我就選擇了檸檬伯爵茶。芝士大啡菇手打牛肉漢堡。手打牛肉漢堡扒和大啡菇，搭配上芝士，口感豐富。薯條炸得酥脆。檸檬伯爵茶口感清爽。【 友利冰室 x 勿當奴 】📌 荔枝角長順街15號D2 place 2期1樓109號舖

荔枝角d2 place友利冰室肉醬意粉和漢堡包，漢果茶超贊！友利冰室的肉醬意粉和漢堡包真的太好吃啦！而且還有一款羅漢果茶，簡直是飲品中的一股清流。肉醬意粉肉醬濃郁，意粉煮得剛剛好，軟硬適中。特別是加上他們特製的醬料，口感豐富，每一口都讓人回味無窮。個漢堡包麵包烤得酥脆，裡面的牛肉又嫩又多汁，搭配上他們特製的醬料和生菜，口感層次豐富，真的超級好吃！#荔枝角美食 #肉醬意粉 #漢堡包 #羅漢果茶 #香港美食探店 #寶藏小店 #值得一試的餐廳

係D2place搵間價錢平民啲既餐廳真係好難，咁岩比我發現到依間友利冰室，裏面地方夠哂寬敞，搵位一啲都唔難。今次叫左炙燒日燒雞扒丼，滑滑既炒蛋配上雞扒，超大碗，對男仔黎講一定夠飽，跟餐加$8就可以有碗老火靚湯，今次係青紅蘿蔔煲粟米，大大碗味道濃郁夠晒火喉，其餘自選飲品或布甸都係每樣加$8，我對依餐飯相當滿意。

每次lunch見到其他餐廳要等位就會直接去呢到都係鍾意佢之前個擺位多啲不過而家大咗open咗同埋等嘢食嘅時候可以行埋雜貨鋪泰式無骨豬手飯💲62欣賞真係有少飯返我 啲肉都幾好食 加汁好惹味溫泉蛋卡邦尼意粉💲68正常發揮 唔會太漏 食得晒鮮茄焗厚切豬扒飯💲62好多芝士好邪惡 小插曲俾錯咗牛 好彩係食之前睇到 嘢飲自己係個櫃度揀💲8我次次都係飲蘋果伯爵茶憑單去雜貨鋪買50野-$3

🙋🏻‍♂️餓底探員今日去咗荔枝角調查呢間新派冰室，先在門面點餐之後有店員送餐，食材大部分由外國入口，餐牌上亦有註明，冰室入面有個驚喜位，就係店內有間雜貨店，零食，甜品，咖啡，飲品甚至醬料，食材都有售賣，等候送餐或用餐後都可以入內參觀選購🍳🐖美國穀飼叉燒煎蛋飯 $62📸表示個叉燒煎蛋飯，選用美國穀飼梅頭同日本蛋，叉燒大件厚切，雞蛋係煎雙蛋，仲要燶邊，呢個係餐廳其中一道招牌菜🙋🏻‍♂️表示個叉燒咬落啖啖肉，食落口感鬆軟，煎蛋食落充滿蛋香，燶邊位夠香脆，加$8配每日老火湯，飲落足料無味精🐖乳豬卡邦尼意粉 $88📸表示用乳豬crossover卡邦尼意粉，夠晒fusion，呢個同樣係餐廳嘅招牌菜，咁有特色點可以錯過🙋🏻‍♂️表示個乳豬皮香脆，食落脂香juicy，意粉用上扁意粉，口感爽滑，加咗煙肉碎，食落帶鹹香，卡邦尼汁香濃又夠creamy🍗香烤雞翼 $16📸表示個雞翼有2隻，烤到金黃色，睇見都吸引🙋🏻‍♂️表示個雞翼烤得香脆，食落有少少辣，夠晒香口惹味🧃羅漢果茶 $18 （跟餐價 $8）📸表示有多款自家製凍飲，好似富士頭果紅茶 ，洛神花茶等，跟餐追加$8就可以飲到🙋🏻‍♂️表示餓底揀咗羅漢果茶，飲落清甜，

1. 乳豬卡邦尼意粉：友利冰室的乳豬卡邦尼意粉是一道絕對令人驚艷的菜品。這道菜將傳統的意粉配上了香脆可口的乳豬肉，營造出獨特的口感和美味。乳豬肉外皮金黃酥脆，內部則嫩滑多汁，與意粉的口感完美結合。濃郁的卡邦尼醬汁為整道菜品增添了豐富的風味，使每一口都充滿了滋味和滿足感。2. 咖哩吉列豬扒炒：友利冰室的咖哩吉列豬扒炒也是一道不可錯過的菜品。這道菜以咖哩味道濃郁的吉列豬扒炒製而成，豬扒口感嫩滑，與咖哩醬汁的香辣味道完美融合。咖哩的香氣和豐富的口感讓這道菜品十分引人入勝。配菜的蔬菜和米飯提供了均衡的口感，使整體菜品更加豐富多樣。友利冰室以其精緻的香港美食贏得了我的讚賞。乳豬卡邦尼意粉和咖哩吉列豬扒炒都展現了他們對於食材品質和料理技巧的追求。而且，餐廳的價格豐儉由人