有骨氣海鮮酒家 (Closed)

跑馬地這間食肆的食物和有些侍應的態度倘算ok, 不過不失, 但有些就認真麻麻, 我們想可能他們人手較少, 因此他們的返應較慢(但收錢就好快), 未夠鐘就收錢, 這樣都算了, 最不滿的是一到夠鐘, 就有個侍應走過來, 說了一句:"夠鐘" 就熄炉把你的煱取走, 不理會你是否還在進食, 他的態度和做法實在令人十分不舒服. 除了這樣外, 這間食肆門口的知客的態度亦是一樣差勁, 你問多佢兩句, 佢就好似你食唔起咁, 答你的語氣亦十分俘遣, 令你不想再幫襯第二次.

與友人們睇完歐亞桌球大賽. 本打算到銅鑼灣覓食, 途經這裏見hsbc卡有優惠, 雖然要限時交檯, 但見尚有個半鐘, 又搏一搏.甫坐下, 先點豬骨鍋, 再點火鍋料. 選擇都唔少, 質素亦不錯, 肥牛有肉味, 個人特別喜愛鱔片. 另這裏自創的水晶 包系列, 有奶黃及叉燒, 試後, 還是奶黃較討好.食物合格, 但服務則有點欠彈性. 雖然早已通知要準時交檯. 我們亦已盡快的解決檯上的食物, 但當夠鐘時, 我們 還剩下一點火鍋料, 一名貌似經理的男人不斷的在我們和旁邊的幾檯客人催促. 到最後, 甚至只匆匆交待一句, 便一手取走我們的鍋. 我們也明白週末這裏是旺場, 但這一招有點兒令食客不滿吧!!

20070726平日最怕港式餐廳的嘈雜，難得這裏有獨立包房，雖然我們一行十二人也肆意笑鬧，畢竟房門一關便與人無尤，只充盈著屬於自己的快樂。開了兩個豬骨湯底，仗著人多，只見碟如輪轉，菜似雲來，大杯的Asahi，大片的雪花肥牛，過癮得很：）味道是始終如一的好。喜歡這裏的超甜粟米，在湯裏滾過之後更襯得清甜爽脆；魚面也是每次都少不了，用來吃或用來玩都倍添情趣；還有精緻的中式點心與芝士蝦丸，一直深得我心。其實自己沒有吃很多，許多時候都是靠在椅背上，在溫暖的燈光下，升騰的霧氣中，百味凝結的芳香裏，看著那十個像孩子一樣開心的男生，大快朵頤，嬉笑怒駡，歲月洗煉之後的友情，令人有一種莫名的感動。即使只因如此，也足以喜歡這裏。

我惗香港對打邊爐真係十分愛...而家都已經係夏天啦,d同事竟然都仲要食打邊爐,本來我好唔like,但係一大班人咪算lor...無謂掃興因為其中一個有錢同事住跑馬地,成日去呢間有骨氣,所以簡左呢度,我都係第一次食ja, 惗住無二百幾蚊一個人都唔使落樓,點知原來有個88任飲任飲wor,但無計湯鍋,加醬油及加一,即場計過如果忍到口唔叫d extra 食品,每人$130-150都落到樓食物以為食下丸及肥牛...點知天底下竟有火鍋點心呢樣野,我真係孤陋寡聞...任食都有幾樣火鍋點心比你食既,多就真係唔會,原價都成$30幾40一客wor,點會蝕比你先不過0甘開心之下最後緊係忍唔到"手+口",叫左d特價火鍋點心...食左個招牌豬骨煲, d湯ok啦,我本身對味精有dd allergic, 如果d野重味精會後頸卑架,而家食完都無咩事wor,應該無"加料",haha~~ 意外收獲~~~ 但其實唔明下面果個食評點解會得一款湯揀,我地去果時無話邊款賣哂,個menu都有成十幾款揀,我惗佢既selling point係多款

前晚是我朋友的生日...我用朋友一行5人一起到冇骨氣食火煱...明明係門口個黃色paper到寫住88一位任食..同荼介加一.....冇la一入去便像入了黑店一樣....1.入去座低..個waiter 話..我地只可食一半鍾..得甘少..我已好不滿...但我忍2.之後佢又講個88任食要加$40茶介...即$120位我d fd已好不滿...話比人搵笨3佢仲話...今日得四川麻辣湯底...我叫佢轉清水算,...點知都唔得4個waiter態度勁傲慢...仲加話...冇錢食行開啦我之後發火大鬧...咩你出面..有寫左甘多野咩..我唔信lo之後我地冇食到....走左呢間甘ge冇骨氣...想做水魚..就去食啦

(10/6/07)$88位火鍋,原來湯底另計、茶介$8、醬油$5、如要乾蒜之類的調味料,$10一款。計埋都唔算平,見未試過呢度的火鍋,都照食啦。選了蕃茄豬骨湯,很多很多料,頭o個朕好濃。任食的,無乜野食選。好多款菇o羅。"雪花"肥牛,勁多肥膏;鮮牛肉,o拿得太腍;滑牛,好正!有點似生竹牛肉味;水餃爽口;奶黃水晶飽,及义燒水晶飽,我咁接受新野都得好怪!黑椒牛筋丸,又鞋又韌。

個豬骨湯比起半年前黎有番D骨味同胡椒味. 得得地.黎食任食. 都無話預佢會有D咩一流野食出架喇.不過佢按人數逐碟上, 無話大併盤咁上菜都算係咁.埋單$130 到. OK 啦.

每次睇波也在酒吧,有人要飲食兩者兼之,這夜愛華頓對SCUM,一眾球迷相聚在摩利臣山道,有骨氣的旗襤店,一邊打邊爐,一邊睇直播.店方安排在八樓的一間房,幾檯人,坐得舒服,Plasma電視夠大,睇得清楚.剛開波,湯剛滾,這個雞湯底,味道幾甜,而且有雲吞,如非用砂窩上,一早稱之為Star War雲吞雞.1:0,罰球先開記錄,肥牛,幾種有餡的丸子,魚片,鵝腸亦開始上場.吃得開懷.鵝腸肥美,略略一灼,爽脆無比.領先一球完半場,拿著魚麵起勢jit,吃得不亦樂乎.2:0,下半場開波不久,再入多球世界波,再一次歡喜,再來的本地手切牛,牛展,爆漿丸等等.手切牛入口無渣.很有水準.席上眾人,不停致電詢問同時間另一場的保頓對車路士賽果,得知車路士正在領先.大家開心.2:1,龍門送大禮,啖定,尚有一球在手,吃粒餃子定一定神.2:2,菲臘仔無間道.擺老烏,心情直插.大家即刻停手.個湯底亦越來越多油....2:3,比朗尼這個"反骨仔"入波反超前,這個時候,檯上的食物吃得七七八八,Gas爐亦開始沒有氣....見其入波後親吻會章,甚麼"Once a Blue,Now a SCUM",一一領會.還記得當年你曾說過一日為

媽咪同婆婆睇雜誌話佢哋未去過有骨氣，又話$88好想去，叫埋細妹同佢男朋友，文文同阿D一齊去食，之前我哋訂咗七點，不過我哋最後六點半就到，但係佢哋員工話一入座就計錢，因為文文放後遲，就坐响樓下等佢，最後我哋係七點三至入到座。婆婆話想食冬瓜盅鍋，我哋再多個豬骨煲，而後起勢tick嘢，食品唔算話好多，不過我推介婆婆同媽打食水晶叉燒包，因為呢度啲叉燒包真係好好好好味！之後我哋樣樣都點啲，仲叫埋魚麵、墨魚麵、芝士蝦丸、芝士牛丸，全部做半價。婆婆勁話唧麵好得意。我見到佢好開心，真係好嘞！最重要一項要同大家分享，以前一直都覺得有骨氣真係好鬼貴，但係今次，我發覺佢哋醬油減咗價。最後，我亦要報告，食到最後，至知，原來上次同文文同埋豬扒、阿金一齊食的滙豐餐仲有供應，哎吔，早知加埋滙豐餐一齊食！！！！我鐘意有骨氣肥牛，正！

情人節同男友去左打邊爐，兩個人點了一個十分抵食的中銀套餐，點心火鍋套餐\ –2人份量 水晶叉燒包4件 水晶奶黃包4件 手唧魚麵1支 魚腐餃子4件 鮮蝦時菜餃4件 芝士蝦丸4件 千島汁墨丸4件 滋補花膠1碟 田園蔬菜(任選$25蔬菜1款) 特級雪花肥牛1碟點左個素菜鍋底，好多菜同菇，新鮮清甜，食物又新鮮，不用點醬料都好夠味又鮮甜。之前都食過豬骨湯底，相比下呢個鍋d菜清甜d令到配料鮮味d。男友仲用扭螺絲的方式擠魚麵，動作出奇地清脆利落，還擠得很徹底很乾淨，比由上而下的擠法好好多。另外加點了兩個蟹粉小籠包，$14一粒好細粒的，仲無乜餡。水晶包好食好多，魚腐餃子都好甜。套餐\唔包醬油鍋底，但埋單都只係$380，有個侍應仲好好服務添，不時主動加湯，見到爐大滾就幫我地收細d火，加完湯就開大火，真係服務做足101分。

Hotpot here at new year's eve's night.we booked a table only. But they eventually arranged a room for us.....so good. So this time we don't have the minimum charge but still get a room.8 persons in total.The food was good!We like the 水晶飽and 有骨氣肥牛most.鵝腸is delicious too~

見到咁多網友話$88任食唔抵, 一去到, 唔洗諗,就話要散叫2位!豬骨湯底$88 -好足料呀!!! 好多豬骨, 仲有好多蘿蔔同粟米, 都係好甜呀! 好正!湯底好鮮甜, 我估淨係食晒湯底d , 都已經夠飽啦!羊肉片$58 - 份量都算多同埋幾新鮮lor, 但可惜唔太羶.南瓜小籠包$38 - 點心火鍋係呢度招牌菜之一, 當然要試試啦. 又的確唔錯wo! 好味!脆鯇魚片$25 -切得比較厚身, 幾新鮮, 唔錯!估唔到醬油要收$30, 雖然citi bank credit card 有85折, 但食咁少都差唔多要每人$130呀!不過, 覺得呢度真係好新鮮, 品質好, 覺得好抵!

今日響呢道飲茶食左個"脆皮叉燒包"好鬆脆, 味道都唔錯, 唔會有食到成口由o既感覺.又食左個春卷, 平時食春卷, 就算仲係熱, 有時個皮會脆得黎硬, 呢間又唔會咁, 係脆得黎鬆化, 值得一讚.仲食左個瓜粒湯飯. 魚湯唔鹹, 又足料, 有好多蝦仁鮑魚粒菰粒, 抵讚.不過, 真係一分錢一分貨......

上星期六本來諗住去試下德米，入到去見citibank card 有promote，$88任食火煱，見o甘抵o米試下law! $88跟既係"冬陰公"湯底，而且醬料$10碟，ok啦，我要o米會叫law! 我咪諗住攞杯茶law!點知佢話清茶$8杯，o甘我唯有叫汽水啦!都係$13一罐，睇睇下，原來任食list內無肥牛，單嗌半價$45(大)，我同朋友都好牛，o米叫一碟law，D餸都ok,應該同有骨氣一樣，但因為"冬陰公"湯底好足料，勁多辣椒，所以食到一半已經要再叫野飲，卒之埋單每人百六law!原本椒絲，黑胡椒同花生唔食都硬收$30，有D搵笨。

前日(即係10月2號個晚},同班朋友去打邊爐,聽朋友講呢度食係貴,但質數唔差,我亦期望招呼會幾好,點知食到一肚氣,係勁受氣!!果度人服務態度其差,上至經理部,下至門口位知客小姐(唔知點解老細會請個咁女人擠係門口)樣子唔講喇,粗聲粗氣咁,一禮貌都冇,好似唔想做咁,離晒譜!!一入門口,領教位小姐已經想走,但諗住係個別事件,都係上去食完先算,點知選擇係錯,上到去伙計好似遊魂咁,叫極唔應不但止,諗住搵個經理投訴下啦,搵極都搵唔到,伙計話經理好忙,唔得閒喎!最後都係搵唔到經理,我同班朋友都好唔開心.好激氣,所以要係呢度投訴下.等所有消費者都知道呢間服務質數係幾咁差勁.而食物質數就唔想講喇,因為好谷氣,食乜都覺得係難食!我同番介紹我位朋友講,佢話以前去過唔係咁喎,無我講得咁差,點都好,我同我班朋友以後都唔會再幫襯有骨氣喇!