102
20
6
Exit J, Tsim Sha Tsui / East Tsim Sha Tsui MTR Station continue reading
Telephone
23132323
Introduction
Yan Toh Heen is a Guangdong-style restaurant inside the InterContinental Hotel that offers stunning views of Victoria Harbour. The restaurant serves popular traditional cuisine but adds new elements to elevate the dishes. Some of their signature fare includes baked roasted duck with taro buns, dumplings and crispy quail. continue reading
Awards and Titles
Michelin 2 Starred Restaurant (2015-18)
Opening Hours
Today
12:00 - 14:30
18:00 - 23:00
Mon - Sat
12:00 - 14:30
18:00 - 23:00
Sun
11:30 - 15:00
18:00 - 23:00
Public Holiday
11:30 - 15:00
18:00 - 23:00
Payment Method
Visa Master Cash AE UnionPay JCB
Number of Seats
120
Other Info
Wi-Fi
Alcoholic Drinks
May Bring Your Own Wine
Cake-cutting
VIP Room
Parking
Phone Reservation
10% Service Charge
Sea View
Review (138)
Level8 2019-02-21
2999 views
農曆年後,總有幾餐同朋友一齊聚一聚嘅開年飯,其中一餐就印象好難忘,就喺晌香港洲際酒店獲米芝蓮兩星嘅「欣圖軒」,從餐牌內頁嘅介紹,更喺福布斯五星嘅食肆。雖然,小弟唔會全然信晒啲乜星物星,不過,今次到訪過「欣圖軒」食午餐,享受咗一次粵菜藝術,就知其摘星有因,絕非僥倖!餐廳嘅入口位就位處食自助餐嘅「港畔餐廳」側旁,門面其實有點唔顯眼,不過,入到去你就知咩叫做深藏不露。原來餐廳剛由另一邊位置搬過嚟,屬全新面貌,由門口入到大廳,就會輕易發覺都喺以優雅嘅玉石做主題,中國人對玉石可謂情有獨鍾。先介紹吓接待處對出呢個位置,最初匆匆入去大廳時都無為意,以為只喺一個淺池,之後再細看,天花垂落嚟呢個其實喺印章,「欣圖軒」三個大字正正清晰鮮明倒映晌水池中,非常有心思。再經過由墨綠色玉石砌成嘅大門框後,影入眼簾就喺一條長長嘅長廊,長廊兩旁喺以人手鑲嵌咗用珍珠貝殼刻畫嘅圖案,一邊抽象咁展示出海岸、山脈……等等意境線條,另一邊則勾畫出富中國色彩嘅松樹與梅花,喺對中國文化嘅一種重視。此外,沿路、以及大廳,都放置咗唔少藝術品,雖然,小弟對藝術嘢一竅不通,但予人更感高雅脫俗。卒之嚟到大廳用餐區,感覺豁然開朗,因為,原來餐廳嘅對出景觀就喺「星光大道」,適逢「星光大道」工程完結再開放,加上落地大玻璃,令景觀非常開揚,燦爛嘅陽光映照入嚟,予人心懭神怡、精神倍添嘅感覺;而且,枱與枱之間編排闊落,亳無拘束感。而整個「大客廳」,可細味嘅裝修何止一、兩點?就好似啲絲綢屏風,唔介紹都唔知,除咗人手製作之外,屏風均用咗6種唔同層次嘅綠色絲線,以構成6層絲網,形成三維嘅層次效果;仲有,當中更以中國其中四種最能代表四季嘅花卉作主題,並以蘇州雙面刺繡、珠仔同青銅金屬定製,所以,前後睇都喺一樣咁精細,令整體更具古雅盎然。其實除環境寫意外,枱上嘅擺設亦顯出高雅精緻,好似小小一盆粉紅蘭花,襯啲插花技巧,已營造出好寧靜感;而一整套玉石餐具:餐碟托板、餐巾、湯匙、筷子及筷子托,唔單單喺用嚟食嘢咁簡單,更提高觀賞價值。平時去飲茶,坐落就更喺叫飲咩茶,呢道一樣有鐵觀音、龍井、壽眉、普洱……等等常見嘅茶葉供應,茗茶每位收$26,不過,如果你對中國茶有要求,又或好奇一啲特級嘅茶葉,依度一樣可以滿足到你。單喺講茶,已獨立有一本茗茶嘅餐牌,如大紅柑普洱茶、布朗山百年古樹普洱茶、芝蘭水仙、天山珍稀野菊、炭焙茶皇鐵觀音……等等,細看之後真喺讓小弟長知識,特聘專人搜羅各地得獎珍稀茶葉,更設有茶藝師作品茶指導,為咗將傳統粵菜與中國茗茶可以好好配合,更使人領略中國茶道之博大精深!鳳凰桂花香 $108 / 位不過,要一嚐此等特級茗茶,就需要有多點付出。呢一款「鳳凰桂花香」睇餐牌嘅介紹,屬半發酵烏龍茶,來頭唔小架,榮獲2011、2014年香港茶藝博覽會烏龍茶組冠軍,亦喺茶藝師嘅推介之一,功效有消脂去膩、強化血管、降胆固醇。色澤清澈而金黃,性平淡雅而清香。琥珀合桃餐前等待點心之際,一口清幽嘅烏龍茶,一口琥珀合桃,一清一濃,平衡不過。啲琥珀合桃喺自家製,入口非常香脆,而且,去足衣,完全無苦澀味,再者,合桃面蓋上薄薄一層糖漿,恰如其分,絕無過甜嘅問題。醬料6式一般而言,到酒樓食點心,慣性不外乎辣醬,就喺豆瓣醬,但「欣圖軒」貴為星級酒店嘅中菜,豈會咁平凡。待點心送上前,先嚟6款醬料,左邊一組喺浙醋配薑絲、陳皮梅子醬、自家配方海鮮醬油,右邊一組喺海南黃椒醬、港式香辣醬、濃香豆瓣醬。究竟點配搭,簡單而言,隨心就得嘞,無需太拘束。極品三式海鮮餃 $168嚟到「欣圖軒」,點心嘅賣相都會預期喺極盡心思,就好似呢一道以長型蒸籠嘅出品「極品三式海鮮餃」:黑松露帶子餃、金箔燕液龍蝦餃、長腳蟹肶菜苗餃,單喺睇食材用料已知有幾矜貴,再加上別出心裁嘅配搭,每一件都好有個性,而且,手功好細緻,餃皮薄而柔韌唔黏牙、原片黑松露散發陣陣幽香、帶子清甜富鮮味、龍蝦肉鮮爽彈牙、菜苗刴得細膩清新……,將食材嘅鮮味原原本本咁帶出,真喺美食嘅藝術。至尊香脆三重奏 $168另一道招牌點心喺香脆為賣點嘅「至尊香脆三重奏」,3道點心分別喺杏片蜜桃海鮮筒、鴨肝香芋白玉佩、香芒牛油果焗蟹盒,貌似平平無奇,其實,貫徹配搭有心思。海鮮筒以米紙卷做成,入口十分香脆,鴨肝夾香芋,出奇地襯喎,而焗蟹盒內填滿咗絲絲蟹肉,混入芒果及牛油果,令味道更豐富。柚子明蝦角、黑松露和牛咸煎堆、星斑海鮮金魚餃今次無放啲餐牌資訊出嚟,因為上返佢哋官網就有齊晒。而其實,以上3款點心都喺散點嘅點心嚟,每客各3件,賣$75、$88、$88,不過,如果有部份點心好想試,人少少又點唔得幾多籠,喺可以事先跟餐廳經理溝通吓作出預訂,做成一份份「自定」三小碟、四小碟嘅點心小拼盤。明蝦角外皮包得摺紋細緻而香脆,加入柚子肉令味道清爽咗,和牛咸煎堆喺小弟最欣賞嘅點心,幽香得嚟有份鹹脆,而金魚餃造型像真,裡面嘅星斑肉堅喺滑溜到不得了!花膠燉響螺 $280有時食嘢,如果有留意啲細節位,就會發覺一道菜嘅好與壞,除咗用料,仲有就喺心機。當一打開蓋,湯色絕對喺清澈見底,喺清到半滴油都無,可見隔油嘅工序幾用心,而味道卻喺清甜且滋潤;撈上嚟睇睇有花膠、響螺,都喺大件嘅靚貨,咬落去花膠嘅膠性更有少少啜牙嘅感覺,響螺卻喺爽口帶韌勁,最好就喺沾少少海鮮醬油吊吊味。脆釀鮮蟹蓋 $238餐牌中有一系列「劉師傅巧手推介」,劉師傅喺邊個?餐牌中有介紹,佢就喺「欣圖軒」背後嘅靈魂人物,有超過30年粵菜經驗嘅行政總廚劉耀輝師傅。至於「脆釀鮮蟹蓋」喺巧手推介之一,整個蟹蓋炸得金黃,面層做得薄而香脆,卻喺全無油膩感,炸功了得,咬開裡面,啲蟹肉唔喺一絲絲,而喺一梳梳,白汁底又唔會太杰身,恰到好處,叫人食得十分暢快。蒜片青尖椒爆和牛 $300依個亦喺另一道「劉師傅巧手推介」菜式之一,查實晌餐牌中標價喺$600,怕一客太多食唔晒,但又想試,可以向餐廳查詢一下可唔可以做半份,眼前呢一客就喺半份嘞,其實話半份,一樣唔少,賣點就喺用上好靚嘅和牛,仲切得比一般大粒啲,所以,入口更具口感,且甚有油香;其餘嘅細節位亦無馬虎,如青尖椒炒到爽脆不辣,啱晒我,更伴以不少雞脾菇,就連啲雞脾菇為求美觀都切成精條狀且大小均一架。櫻花蝦八寶焗飯 $148 / 位講到啲飯麵,要留意一下,就喺部份菜式喺以每位計,部份喺碟頭計。「櫻花蝦八寶焗飯」以小瓦煲上枱,既古雅,又能更有效保溫。八寶焗飯喺以烤鴨肉、芋頭、瑤柱炒成,本身已經好夠味,再加埋啲櫻花蝦,就當然更有畫龍點晴之效啦,最正喺飯粒分明,入口有份清爽感。香芋奶凍伴糖心紫薯 $100最後,嚟一道甜點「些牙」吓,但最估唔到,原來「欣圖軒」晌甜品方面都下咗好多苦功,唔喺單單兩、三中式糖水咁簡單應酬吓,而喺有多款中西式甜點,部份更用上特別嘅食材。我哋呢個奶凍,香芋味非常突出,奶凍嘅質感柔滑而挺身,啲糖心紫薯則煙韌有咬口,好有薯香。餐後,餐廳更會送上一份小禮品以示謝意,希望客人用餐愉快,冀再次光臨。而小禮品裡面喺茉莉花茶茶葉,可謂物輕情意重,此外,因時值農曆新年,更有一封利是,仲以為會唔會喺啲餐廳優惠券,原來喺一張紅卡及一個朱古力金幣,前者以英文介紹乜嘢喺豬年?利是又喺乜?後者則帶點祝賀的意思,實在好有心思。「欣圖軒」嘅用餐環境予人舒服寫意喺無庸置疑,而服務更絕對喺酒店應有嘅級數,亦會為客人嘅需要而盡量作出安排。據介紹,如果晚上嚟用餐,更有點像品嚐法國菜般高級餐飲(Fine Dining)嘅細膩。食物方面,除用料精、廚藝紮實,更有好多創新嘅意念,當然,晌度食一餐飯絕不便宜,但加上環境、服務,仍喺物有所值,遇上特別嘅日子,確喺一個很好嘅選擇。 continue reading
Level3 2019-02-04
1142 views
同友人慶祝生日,去咗尖咀洲際酒店中餐廳欣圖軒,係米芝蓮二星餐廳,Kiwi我大出血,二人食咗千八蚊🙈不過,都係果句,最緊要好食!龍帶玉梨香-好特別!估唔到帶子、蝦同梨可以整成一道菜式。賣相整得好靚,好似馬卡龍咁,玻璃紙放係底令到粒帶子外表七彩顏色🌈而食落好有層次感,味道清新,帶子同蝦味道鮮甜。焗釀鮮蟹蓋-店員悉心介紹菜式,仲幫我地加喼汁減少油膩感。個面炸得好香脆,一篤開陣陣蟹香味流出,入面有啖啖蟹肉混合啲cream,好正🤤至於其餘嘅有脆皮龍崗雞,桂花瑤柱炒花膠絲同櫻花蝦八寶焗飯,味道都唔錯但比起首兩道菜就相對失色。除咗美食仲有維港美景 continue reading
(The above review is the personal opinion of an user which does not represent OpenRice's point of view.)
Level3 2018-08-25
3482 views
欣圖軒的環境一流,夠寬闊,不過中菜廳一般會比較嘈雜,想安靜,可能要訂位時要求靠邊的位置。食物方面,食材可說是一流,明顯都是上上之選,但味道方面則較為遜色。首先中菜大多強調新鮮熱騰騰,即叫即煮,這樣材突出味道及鑊氣,可惜我們當天的菜色上枱時都只是暖暖,即使是砂窩上的魚柳也不熱。小食的合桃做得很出色,如果想外帶,$100 小盒。屋企人推介焗蟹蓋,事實上,非常足料,蟹肉很多,面焗得很脆,$238 一個是合理,但味道上則沒特別,可加一點醋吃。XO醬露筍炒蝦,用料好,蝦很夾口,但XO 醬味淡,材料都沒什醬料味,像各自獨立。魚柳及無花果炒菜就太鹹。做得最好吃的是薑蔥撈麵,鹹淡適中,如果麵的鹼水味減少會更完美。壽包上枱時很有氣氛,很用心。整體服務質素極好。我們4人用餐,折後$3xxx,原價$4xxx。 continue reading
(The above review is the personal opinion of an user which does not represent OpenRice's point of view.)
Level3 2018-08-16
3020 views
又來到我最喜愛其中一間中餐,就係欣圖軒啦!今次知客安排我倆坐近窗口位,望下海景,心礦神怡,再望着枱上玉石攞設,更覺貴氣;欣圖軒本身點心款式吾太多,所以就叫了一款點心和兩個小菜嘗嘗蝦餃脹卜卜,蝦肉彈牙,皮夠薄,點上余均益辣椒醬,和牛面珠,夠冧,well done都吾怕 un,一流蒸班腩,魚肉鮮甜,加上豉油汁好好味,撈白飯侍應話一人份量只得兩件,所以建議 order兩份。欣圖軒每次都能保持水準,不愧係2星食肆。 continue reading
(The above review is the personal opinion of an user which does not represent OpenRice's point of view.)
Level3 2018-08-13
3004 views
雖然我唔算係一個非常熱愛食中菜的人,但係如果係好味的中菜,我又非常願意嘗試☺️ 今次黎到的欣圖軒已經係連續第四年獲得米之蓮二星美譽,實在令人更加有所期待。餐廳位於洲際酒店地下,入口有點兒隱蔽,但係沿着指示牌都好快搵到。餐具係用玉石做主題,非常高貴。一早已經預定左片皮鴨,果然無令人失望。燒到色澤非常漂亮,格紋一致,而家非常大隻。配埋片皮鴨一齊食的醬有三款,仲有唔同配料,客人可以自由mix&match出自己最鍾意的組合。剩返嘅鴨肉拎左黎炒,配埋生菜包住食,又係另一種口感。餐廳最後免費送上中式甜品,賣相同味道都唔錯。 continue reading
(The above review is the personal opinion of an user which does not represent OpenRice's point of view.)