喜棧 (Closed)

夜晚係銅鑼灣搵地方醫肚，行經過呢間個招牌好sharp，又幾多人食就入咗嚟我嗌咗佢枱面痴住宣傳嘅新品：喇沙友人叫咗個飯，另外再加多咗個菜魚湯浸菜有得揀菜心同唐生菜，我哋揀咗菜心本身以為佢會得兩三條，點知佢成個大碗上，啲菜心大條得嚟又甜，切開咗一半方便夾嚟食魚湯幾清甜，浸住又唔怕咁快凍哂飲品叫咗一杯凍檸茶，一杯柚子蜜重頭戲嚟啦！！！估唔到咁茶餐廳feel嘅餐廳都有得食喇沙，而且似模似樣材料有新鮮嘅蝦，魷魚，魚片，大魚蛋，勁多豆卜，雞蛋，青瓜，etc......而且佢個麵係一碗入面有兩隻粉嘅！一邊係油麵，另一邊係幼身嘅米粉兩隻粉一齊食，一時可以食到索哂湯汁嘅米粉，一時又可以食到彈牙嘅麵條大魚蛋真係好大粒，似足係長洲食嘅個啲魚片出奇地爽滑，食落口有口感而成個喇沙嘅精華就去咗豆卜度，事關佢索哂啲湯汁好好味，而且食極都仲有，舖頭都幾揼本加咗個招牌炸大雲吞，新鮮炸上嚟趁熱就最好食招牌果然有啲料到，冇嗌錯雲吞皮好薄又脆，一咬就斷，係口入面索索聲最中間有少少蝦肉，食哂成舊都冇咁大罪惡感朋友叫咗個自選焗飯，揀咗黑椒汁焗龍脷柳，都幾香，而且唔會等得太耐

因為趕住去睇戲，放左工諗住求其搵間茶餐廳快快脆脆食完就算，點知求其揀得黎竟然有驚喜喎!一坐底見到個餐牌，有我最愛嘅喇沙，當然要留個位置俾佢啦🤤～男朋友就叫左個牛筋腩河，跟餐仲加左個小食~美極炸雞全翼同另外叫多個炸雲吞。首先梗係要讚下我個海鮮喇沙啦～一上枱就嗅到好香嘅椰味，湯底濃度適中，唔會好咸同太辣，至於個麵就有米粉同油麵~無錯!係有米粉同油麵!食落去有兩種口感，呢個配搭唔錯。至於個牛筋腩河，男朋友就話食牛筋果陣覺得到好黏口，即係好多骨膠原咁話喎，女士們一聽到呢三個字點會執輸?!❤點都要食返舊啦~佢又講得無錯喎，牛筋好淋好多膠質，食完一舊又一舊~差啲忍唔住食晒😝。個牛腩呢～男朋友就話都好入味，仲一啲都唔韌。🤔炸雲吞上枱果陣仲係熱辣辣，個皮好脆好薄，同個甜酸醬真係絕配，入面嘅材料係好彈牙嘅蝦，好食過平時喺酒樓嗌果啲~個雞翼可能被我地冷落左(因為掛住食炸雲吞同自己碗麵)，凍左咯～不過都好食嘅，但相信熱嘅會更加好食。如果下次又係趕時間，又係咁啱喺銅鑼灣，我地會揀呢度食個快飯，因為真係快靚正!👍🏻

加班過後和同事在銅鑼灣覓食，想快快吃個便飯然後早點回家想起喜棧食物不錯又挺便宜的，便在那裏「開餐」這𥚃推出了新餐點，就是喇沙～很久沒吃喇沙的我當然要來一碗啦喇沙可單點或配餐，套餐也有兩種，可只配飲品或再加小食，豐儉由人另外，同事點了焗飯套餐～海鮮喇沙滋味特餐($68)：這是一個幾抵食的套餐，配了飲品和兩款小食喇沙湯底十分濃郁，富有椰漿的香味，讓我和同事一吃愛上這裡混合了油麵和米粉，兩種麵條粗幼、口感不一，很特別另外，喇沙配料十分多，有蝦、魷魚、魚片、豆卜、大魚蛋、雞蛋、芽菜、青瓜絲跟餐配的小食也很不錯，炸蝦雲吞很香脆，不過我也喜歡把雲吞皮浸在喇沙湯裏，就像讓響鈴吸收湯汁般而同事也說她喜歡那雞全翼。焗豬扒飯($42)：這焗飯的豬扒鬆軟，上面還鋪了很多芝士，味道不輸連鎖店的呀而且份量很大套餐加$18配一碗魚湯菜心，要均衡飲食呀個人和同事都很喜歡這家的喇沙湯底，建議可推出喇沙泡飯，應該會幾吸引

係門口有大大個推薦海鮮喇沙，入到鋪內見到隔離左右都係食緊喇沙，咁當然跟下風，食下店推薦，而且加多十幾蚊，仲有埋小食，雞全翼同炸鮮蝦雲吞喇沙有好多系列，依碗的喇沙應該係屬於咖哩喇沙系列，因為佢有用米粉同黃麵，味道都偏惹味，但又唔算好辣，幾岩我依個唔太食的辣既人，而配料都充足，有時食到得2片魚片，加隻蝦就算的喇沙，都幾灰，好彩依碗幾十蚊配但都足料最後食完見撞正下午茶，但順便再叫多個粒粒西多士，滿足一下我依個甜點人，滿滿的煉奶同朱古力醬，滿足哂

公司在這食店附近，因為時常看到很多自由行幫襯，就認定是為遊客而設的食店。但今天因為要開OT，就與同事「近近地食個快」，我們才第一次來，原來也有很多本土人幫襯的呢！看到這店正在推廣馬來海鮮喇沙，而且有套餐，我就點了個連小食加飲品的喇沙滋味特餐。喇沙的湯並不是無想像中的橙紅色，但有適中的椰奶味，除了魚片、蝦、雞蛋，還有一粒勁大的魚蛋，很足料，而且麵底是油麵加米粉，同事說這種做法也很正宗，因為她在新加坡食過也是用兩種麵的。滋味套餐的小食是美極雞翼一隻加炸雲吞一件。相信是用了美極鮮醬油而做的雞翼很好味，又是一個估不到的做法！餐飲我們都點了柚子蜜，原來這裡晚上6:00後並無奶茶、咖啡類供應，相信是因為水吧的同事只返早班吧，但仍可點汽水、檸茶、檸水、柯華田類的飲品。同事點了炸醬麵，她勁讚麵質彈牙，炸醬也是傳統廣東麵店的做法。大食的我還加了一個鮮魚湯魚片頭share食，魚片頭爽口彈牙，但覺湯底有點偏咸。

Lunch time 見呢間唔洗等位就入去食酸辣魚湯米線$30有魚腐2粒，紫菜一撮，腐皮兩塊，芽菜一撮。冇再另外加料，揀唔到，而且價錢亦幾貴($9肥牛寫住2片。)米線份量太少.........少得可憐，食晒都冇飽肚感魚腐ok好食。湯底都ok。份量太少，所以唔會再翻食 。友人叫了柱候牛腩撈麵$62牛腩味道ok，幾林，不過份量少，不值$62不覺有柱候醬的存在，牛腩湯麵的價錢會便宜一點。 麵質ok嘅。有一條菜。

行完銅鑼灣想食魚腐同牛腩飯，見到呢間新開嘅餐廳，主打粥粉麵加小菜，又有我想食緊呢兩樣野，所以就入咗嚟坐。首先見到個餐牌入面嘅小食好吸引，就係嘅炸雲吞。即叫即整，咬落去卜卜脆，好香口，好味。煎蘿蔔糕，好真材實料，一啲都唔油膩。個牛腩煮得軟硬適中，好淋好入味，有如此水平，確令人甚有驚喜。最後要食呢度出名嘅魚腐，大大嚿，好軟熟，又入晒湯嘅味，值得推介。其實餐牌都仲有好多野想試，但係得兩個人食唔晒，下次會再嚟試埋其他。

Came here randomly when we just wanted a quick and simple meal in Causeway Bay.We had a baked rice and noodle, with some sides.Beef Tendon & Brisket in Chu Hou Paste and Fresh Shrimp Wonton Noodle $60Being greedy, we ordered both beef and wonton.  The noodle had a nice crunchy texture, the beef was well flavoured with the Chu Hou paste, the wontons were filled with shrimp.Baked Pork Chop with Rice 焗豬扒飯 $40The portion was large with 2 large pieces of pork chop.  Satisfying seeing it came sizzling

呢個既菜單選擇多, 淨係湯底都已經有幾個選擇我揀選既係麻辣河粉, 因為我比較喜歡食麻辣同埋河粉會更岩我既胃口然後再加多左一個五香魚卷餸 五香魚卷既味道同口感有d似魚腐不過入面既肉係超多超豐富!!!食落啖啖肉既口感!!冇得彈 而麵亦都煮得好唔錯下`特別係個湯底好正好一流辣得黎又有麻既感覺!! 我仲加多個左份美極炸雞全翼鮮炸雞全翼, 好味又抵食!!!最正係佢炸粉少, 唔會食到成口粉味道一流!!! 原味柱侯牛筋腩想不到呢度雖然呢度係食車仔麵既專門店但係佢既牛筋腩同樣出色牛筋一點也不會覺得好un, 而且腩汁味好濃郁最正係佢d牛腩唔會好鬆散味道一流!!!

呢度既酸辣米線一d都唔貴而且叫個車仔麵仲可以用優惠價購小食!!我就叫左個米線再加多個郊外油菜先講一講個麵, 我係加左錢轉麻辣個人最喜歡就係個湯底因為夠味之餘仲要唔係得個辣字而係有麻既感覺, 唔係間間都做到既湯底酸辣米線轉麻辣加肥牛加菜餸方面都係比較多選擇, 我選左既係肥牛佢肥牛既質素都相當唔錯, 肥牛上既雪花分佈得好平均加上佢吸收左個湯既麻辣味道, 口味更佳!!最後就係加錢換既油菜性價比超高, 平時呢個價錢單叫一個油菜係冇可能既事而且份量都幾大份, 菜亦都好新鮮下不過一個車仔麵只能夠以優惠價點多一份所以下次再試下其他小食先!!

因返工有食飯休息室，所以多數都慣得出去，因為太熱不想行。但有時做野忙，忘了叫外賣。喜棧永遠係我首選。今次叫左豆漿黃金磚牛腩雲吞撈面大家有眼見，碗面好大，但係碗湯好似有啲細，黃金磚是另外加的小食，＋10幾蚊得少少其實唔係太抵食，不過都幾好食嘅。順帶一提，店舖清潔度其實真係幾好，又有足夠冷氣，唯一係好近門口有兩個位置，通常都冇人坐，因為一開門啲熱氣就會吹正兩個位。店員雖然會傾計但係一叫到即時有反應！不會懶懶閑！

今日放工跟朋友搵食，朋友話去銅鑼灣食，心諗：銅鑼灣d野食好貴架喎～但朋友叫到冇所謂啦。朋友帶我去左一間叫「喜棧」嘅米線舖食。一見到個米線兩個字我隻眼即刻發光😻，實在太耐冇食米線啦。嘩！$28一碗米線咁平？！我冇眼花呀嘛？銅鑼灣晚飯$28搞掂？以為咁平嘅價錢店面裝修應該好普通啦，點知設計處處見盡心思。牆上有大大小小嘅碟，細看下發覺每個碟上嘅圖案都不盡相同。全店以紅色為主調，燈紅色，比人一個好溫暖嘅感覺。店內大部分座位都是卡位，讓客人可以舒舒服服用饍，真好啊。我同朋友六點半左右去食，已經坐冇虛席，可見呢間店水準都有番咁上下。枱側邊有櫃桶，客人可以自己拉出黎攞餐具，好方便呀。以為米線舖剩係得米線啦，呀原來呢度重有麵同飯架！第一次見一間米線舖有咁多選擇呀！嗌左鮮魚湯魚腐酸辣米線走酸辣。配料揀左長洲大魚蛋同豆卜。食過唔同米線舖嘅魚腐，真係咩類型都有。食過一間d魚腐係白色扁扁地嘅。今次食呢款係灰色圓碌碌嘅。咬落去都唔駛用乜力，好軟滑。食過咁多間米線，呢間係第一間我見配料有長洲大魚蛋嘅。見到有得揀長洲大魚蛋食，隻眼即刻發曬光，事關唔使搭船都食到！長洲大魚蛋大大粒，好彈牙。豆卜「索」左湯底嘅鮮魚味，一

喺銅鑼灣行完街，同朋友兜下附近睇下有咩食，見到尼間坐爆哂人，仲要有好多外國遊客幫襯，岩岩有位就決定入去試下，環境都算幾舒適望下個餐牌，個價錢响尼頭都算抵食，銅鑼灣是但食個dinner都差唔多八九十，但尼到最平既粉麵40蚊就有，尼個價錢係呢個地區黎講絕對係平！尼次我就叫左個蝦子雲吞牛筋腩撈麵跟餐加個炸雞翼小食，朋友就叫左個至尊鮮魚湯酸辣米線加一個鮮魚湯油菜同奶茶蝦子雲吞牛筋腩撈麵份量都好足，可以見到每舊牛筋腩都有返咁上下大，而且有濃濃既五香味，咬落唔會好似橡筋咁，而雲吞就每粒都皮薄餡靚，相當吾錯至於雞翼就熱辣辣即炸，外脆內軟，肉有返咁上下厚而且好多汁，都係第一次食到尼個味，如果尼到一定要試，一定吾會失望！而朋友嗰碗米線都好足料，50幾蚊就食到好多吾同既配菜，令我最驚喜係入面個大魚蛋，彈牙得黎又好爽滑，不個湯底方面係清湯，而吾係鮮魚湯，個人覺得佢嘅湯就無油菜嗰個鮮魚湯好飲，推介大家不妨可以平d跟餐叫一碗試下！

誰說銅鑼灣沒便宜又好吃的? 今晚與朋友逛逛街邊檔附近的喜棧價錢相當吸引，最便宜的只是28元一碗米線，很久沒看過這實惠價錢。很久沒吃飯的朋友想念飯香，點了最經典的蕃茄焗豬扒飯。豬扒肉質鮮嫩彈口，加上酸甜開胃的蕃茄汁與香濃的芝士，別具風味。飯粒粒粒分明，軟硬適中，吸附蕃茄醬更迷人。至於另一友人則選吃上湯鮮蝦雲吞，一碗雲吞有八顆，份量足。雲吞大小拿捏得恰到好處，湯頭煮得還蠻不錯，蝦子味濃香。雲吞皮薄得一口咬破，內層的蝦肉不算大，但勝在吃出海味，愛雲吞的必讚。當然友人不忘飲食均衡，另外加配蠔油菜心，菜心嫩綠可口，送雲吞吃一流。不過她又口癢，看見我吃雞翼這麼過癮，再追加一盤美極雞全翼。美極雞全翼絕對是一道出色的小食，雞翼炸得金黃香酥，內裡雞肉保有鮮美肉汁。重要的是雞翼沒因以美極豉油調味而變得死鹹，反而有種熟悉的鹹香感，無窮滋味。我在米線配料上有選擇困難，索性吃至尊魚湯酸辣米線套餐，配料應有盡有。當中有少見的大大顆彈牙長洲大魚蛋，另外也有我喜歡的脆香五香魚卷棒和魚鮮十足的魚腐。由於炸菜放在湯的一旁，故沒有影響魚湯的鮮甜，我都把它喝完。

夜晚係銅鑼灣揾食，突然好想食牛腩麵就黎左呢間餐廳食啦除左食牛腩麵，門面仲介紹左焗飯同酸辣米線，好似幾多野食咁餐廳都坐左唔少客人，野食應該幾有保證。而且遠處牆身掛滿左d青花瓷碟，充滿住中國風格餐牌都有幾多款式既食物，而且係銅鑼灣黎講，價錢算係好實恵蝦子雲吞牛筋腩撈麵，賣相好靚，雲吞既皮好薄，蝦肉夠新鮮彈牙，而豬肉肥瘦比例適中。牛筋腩肉質好林，味道濃郁。撈麵煙韌爽口，配埋個湯濕濕地，唔錯。鮮魚湯菜心，魚湯鮮甜，菜心烚得啱啱好，口感爽口，配魚湯好夾。鮮茄焗豬扒飯，茄汁香甜，酸酸甜甜好開胃，焗飯夠乾身，豬扒肉質好林，連埋芝士一齊焗，係一個好好嘅配搭。叫撈麵有得加＄18要兩隻美的炸雞全翼，雞翼炸得好香脆，仲食到美極豉油嘅鮮味，幾好食食飯點少得叫飲品，叫咗一杯鴛鴦同埋檸檬茶，鴛鴦嘅奶茶同咖啡比例啱啱好， 唔會好甜。而檸檬茶嘅茶味香濃，配上檸檬嘅酸， 好適合夏天飲。兩個人食咗咁多嘢＄200都唔使，幾抵食。