竹青亭 (Closed)

餐廳位於尖沙咀，位置相當就腳，得閒約埋班friends出黎食飯，呢間竹青庭係一個唔錯ge選擇。呢間餐廳仲要可以係openrice上面做預約，簡直即係可以比你同Friends隨時即興出黎食餐好既。餐廳裝飾好多草（應該要話係竹林feel XD），環境整體黎講稱得上舒服，有種可以比你脫離城市繁忙的感覺。野食好味，聽到d人話呢間係咩fusion餐廳，好似好高級咁，但係我唔知啦，我就正係知道係好食既，又食得飽，fit。總結竹青庭就係一間約食飯好地點。

係尖沙咀呢頭返工，有時候真係會食厭左附近d野食，想食高級d就入半島食飯，如果唔係就求其入麥當勞或者買個壽司食。而呢間餐廳就好適合我地呢d人，又唔想同其他人逼住食飯，話曬都尖沙咀區，中午真係人頭湧湧，黎竹青庭食飯真係可以比到個環境你，配合埋個綠色格調，完全可以令你可以食寧靜又舒適。野食質素味道無錯，湯唔會話太甜或者太鹹，分量都夠飽，食到後面食唔落係會感覺到滿足。而甜品方面就都唔錯，起碼可以召喚我第二個胃出黎食甜品。Cp不錯，又多一個lunch choice，正、

😋😋今日收工比同事帶左過黎左食，我就第一次食，d同事已經食過幾次，話點都要帶我過黎試一試，果然冇令我失望。我叫左個咩素食千層麵做主食，味道唔錯，之後先係重點，佢有好多野食個名都好鬼馬好特意，跟住我就order多左個番薯糖水遇上Tiramisu，我一開始真係以為係會上碗番薯糖水比我，點知最後令我眼前一亮，佢係講番薯糖水同Tiramisu融合左。食落去好特意，最緊要係好食😋野食好味，環境又靚，最緊要可以比我打卡。推爆、正😋

我平時鍾意一個人周圍覓食，今次係聽friend介紹先嚟到呢間餐廳。入面個環境好寧靜，配上竹林嘅裝潢設計令成件事都好有一種世外桃源嘅感覺。同埋網上見過呢間餐廳之前曾經拎過獎，所以我諗啲食物質素應該都唔錯。嗌咗個大閘蟹意大利飯，雖然量唔係幾多，但係個意大利飯給晒大閘蟹啲蟹汁，配上鮮嫩嘅蟹肉，每啖都係享受緊入邊嘅精華。而且調味都相當豐富，不過又唔會過濃或者過淡，非常唔錯。而且睇佢Menu啲菜式名都幾盞鬼，展現左呢間餐廳嘅玩味性質💯

上次嚟咗食下午茶，覺得味道唔錯，💖所以帶埋朋友們一起去食他們的晚餐，見到款式都好似有好多，花多眼亂餐廳夜晚時候，柔和的燈光，幾有氣氛，幾柔和，有feel❣️❣️日本拖羅吞拿魚腩蓉用冰菜沙律🥗拖羅吞拿魚腩入口即溶, 好肥美，好新鮮作為前菜幾fresh 幾開胃💕💕炭燒黑椒澳洲封門柳配扒菜 🥩🥩封門柳幾香牛味，肉汁鮮嫩，Juicy幾正配開胃新鮮的沙律🥗香煎帶子法式香草醬意大利飯🥘🥘意大利飯幾高質，好濃郁好入味夠creamy 帶子煎得剛剛好 好香口幾新鮮彈牙～🧡🧡🧡可惜比較細份，多啲就更好🫶🏻🫶🏻

早前經友人推介嚟到呢間餐廳食飯，一入到去個環境已經有啲驚艷到我，整體潔淨度高而且美感十足🤙🏻🤙🏻打開餐單見到款色都好多好吸引，而我叫左蟹籽墨魚汁意大利飯，落單嘅時候店員都好友善。🤙🏻🤙🏻個主菜味道甚佳，調味唔會太咸不過不失，而且啲飯唔會太乾好易入口(只係舌頭會變黑左LOL)。飲品叫左杯綠茶，茶香味十足，苦澀味不重。整體而言，餐廳嘅服務質素不俗，食物質素都好好。有機會會再去食飯～～～

今日同女朋友喺尖沙咀附近行完街之後就諗住搵嘢食，咁啱IG就見到有呢間嘢嘅推介就嚟試吓~先講吓呢度嘅裝潢，佢係fusion 餐廳，而且運用左大量嘅綠色作為基調，而且又以竹作為賣點，有種入咗森林嘅感覺😂😂啲擺設餐具都有種典雅別致嘅感覺，簡直中晒我女朋友嘅喜好🥰喺度瘋狂打卡🤣首推呢度嘅封門柳！我自己本身係一個牛魔王🫣幾乎餐餐都離唔開牛，呢間餐廳嘅牛肉質素非常好，我可以食得出佢獨有嘅軟綿綿嘅口感同豐富嘅層次，香濃既牛油味直沖味蕾，真係啖啖都係一次享受❤️❤️然後我女朋友試咗啖牛柳之後就話要同我交換嘢食，最後我變咗喺度食佢嗌既冬陰功……不過味道都非常之唔錯！！！我都don’t 陰功😂😂😂😂

同朋友plan 咗好耐終於嚟到🤩🤩其中我哋就試咗「養生.養身唔包養心」嘅嘢飲🍸🍸同埋鵝肝凍糕蒜蓉法包多士🥖🥖嘢飲賣相唔錯😍😍用玻璃杯裝可以好清楚咁見到啲生果喺面🍊，幾吸睛🤩🤩飲落亦都幾好，生果酸酸甜甜幾開胃，配埋微甜嘅茶感覺上超養生👍🏻👍🏻可以一試另外蒜蓉法包多士一上枱已經好香蒜蓉味🧄🧄食落超脆⚡️⚡️鵝肝亦都好夠淋🦢🦢脆脆地嘅蒜蓉包配上淋淋地嘅鵝肝再加埋凍糕口感超多層次👍🏻👍🏻真係超好食！

呢個tea set 一嚟到賣相已經驚為天人😍😍😍除咗層架嘅裝飾已經有種夏日嘅度假feel之外🌱🌱嘢食仲要非常之精緻✨✨尤其是係第二層嘅嘢食會有唔同顏色嘅花瓣作點綴之餘💞💞中間嗰嚿亦都會有乾檸檬作為配搭🍋🍋簡直係視覺體驗滿分！！！😍😍😍撇除賣相之外，味道亦都唔錯👍🏻👍🏻巴馬火腿帶子蘆筍卷配多士外層好脆⚡️⚡️而且帶子都好鮮甜💕💕配埋火腿嘅鹹香簡直一絕！絕對係必食之選啊🫶🏻🫶🏻

今次去就試咗佢個王牌腐乳卡邦尼長通粉配63度溫泉蛋🥚🍝一開始見佢配搭幾新奇🤩🤩抱着試一試嘅態度所以就叫咗，但係嚟到除咗賣相幾靚之餘食落仲出人意表😎😎腐乳嘅鹹香味配長通粉呢個配搭比我想像中好食💞💞再加上卡邦尼creamy 嘅感覺🫕🫕將呢個fusion 即刻昇華咗去另一個層次, 而且長通粉唔太唔太淋👍🏻👍🏻所有嘢都恰到好處，我諗全港應該冇一間會有咁嘅配搭😏😏所以真係值得一試啊～🤩🤩推薦推薦！

返工經過見到呢間餐廳，覺得好啱同同事放工去chill下，所以就去咗試吓🫣🫣食物：叫左個野菌黑松露芝士燴意大利飯🤤🤤估唔到咁大碟，係平時二人份。味道正常。仲有湯送，不過覺得太濃。鍾意濃湯既人，可能會鍾意。🍵飲品：餐廳都有好多種唔同嘅酒類選擇🍺🍷🍾🥂🍻，亦都有果汁汽水啱我哋呢啲唔飲酒嘅人🧃🥤🍹環境：地方大，而且都寬敞舒適。但燈光就有少少昏暗侍應：有禮。聽到佢地同熟客傾計，都幾親切。總結：餐廳嘅食物整體質素都唔錯，同埋地點都算方便整體感覺絕對係100分，下次一定會叫埋班朋友再光顧👍👍🫰

一入到去已經俾佢嘅裝修吸引咗🎋🎋中國風配埋萬聖節嘅裝飾果然配合返fusion嘅主題😎😎另外食物賣相都非常之給睛😍😍尤其是係佢嘅「人生總會遇上幾粒山楂」同「紫蘇接骨木啤」🍹🍹粉粉紅紅咁好有少女心💞💞賣相夠好之如都幾好飲😍😍酸酸甜甜咁幾開胃～而且啤酒唔會話好苦，都幾易入口，適合返平時唔太飲酒嘅女生們🙋🏼‍♀️🙋🏼‍♀️另外嗰個蘑菇湯幾松菇味🥣🥣唔會太稀，都值得一試！🤩🤩總括嚟講價錢同裝修係唔錯嘅😂😂不過價錢就略貴喇～

之前同朋友路過尖沙咀嘅畤候見到－間裝飾華麗嘅fusion 餐廳，就好想入去試吓。我哋叫咗一個tasting menu，中西日fusion 玩得出神入化。食物賣相精緻和味道也很有水準，十分好味。整個tasting menu 只係$638 兩個人～上菜速度很快和店員服務也好好，會留意進食進度，自動上一道菜同介紹菜式。整體嚟講整體嚟講，餐廳坐得舒服而且有氣氛。食物有水準，服務也好好 。

諗住約埋朋友去搵啲嘢食，見到呢間餐廳都幾特別，去到嘩原來都幾幽靜，都幾貼心我未出聲，佢已經走埋嚟問我愛啲乜嘢呢🥰🥰不過我朋友就意見多多佢話又要食嗰日要食果樣得唔得㗎咁😂佢開始嗌個龍蝦意大利飯食下，咦誰不知，出嚟個樣同埋個口味，都好好味喎❤️❤️跟住佢又嗌其他嘢飲呀、食呀、又有豬鞍扒我都試吓啦，好飽啊，原來都幾惹味喎，價錢都算合理呀😊😊又清靜，同埋打卡都幾好喎，周圍咁影哇個角度都幾好，同埋餐廳綠色嘅地方都感覺上有大自然嘅感覺， 最後食甜品：甜品，感覺上咦有驚喜喎，估唔到好有創新嘅感覺，我較為古板啲，都覺得嘩可以咁嘅咩，我朋友就比較嘴刁啲，但佢話好好味仲特別，估不到的誘惑👍👍

🥪🤤今日同屋企人去咗呢一間竹青亭食嘢，餐廳嘅顏色好特別，青綠色💚～好似去咗個竹林咁而且菜式名字都好特別，好搞怪😂😂估唔到味道都唔錯😍😍幾有驚喜值得去食下≧◠‿●‿◠≦🦀🦀大閘蟹蟹粉意大利飯（限定) ($198)大閘蟹季節當然要試吓大閘蟹，估唔到佢同意大利飯都幾夾🦐🦐蝦蝦粑粑，惹味冬陰功 ($88)真係無法抗拒嘅冬陰功，超級惹味，好香濃嘅蝦味😍😍🐟🐟鐵觀音茶熏海鱸魚，婆羅門參，🍏青蘋果桂花汁（$288）呢個海鱸魚，夠晒特別，居然係用鐵觀音茶熏的，食落有淡淡鐵觀音茶香，配搭青蘋果桂花汁，味道好夠清新💚💚都幾正，係估唔到嘅配搭🥰🥰