世窗冰室 (Closed)

返左機場咁耐一直都無入過呢間冰室食飯，今日突然想食星洲炒米就走左入黎。味道真係出乎意料，好有鍋氣好好味，份量亦都好大碟，價錢合理套餐選擇多下次一定再黎試下其他食物。

六月頭去大阪，我和阿妹兩個人坐廉航捷星的航班，大家一收工就去到機場CHECK IN，在準備離境前去食晚餐，因為阿妹冇訂飛機餐~~~始終在機場好難搵到平靚正的食肆，我們只是隨意選間便算，因為好幾間都貴，見呢間夠晒光猛，我們就選呢間~~~我叫咗粟米汁配魚柳飯，感覺OK，魚柳都算大塊，不過我慳D，冇加錢叫飲品~~~阿妹就叫咗常餐，味道總算OK~~~不過在我們食的時候見到有隻小強在我們的腳下附近行過，衛生方面打咗好大折扣~~~

又到開學時，少不了為好友送機，臨上機點都食返味特色野，返到去又要對住pizza漢堡。Check in完行去T2覓食，見樓上餐廳潦潦幾人，得間冰室滿座，唯有相信群眾的品味啦。機場食飯預貴啲，下午茶餐的價格亦不算過份。其他不太吸引，兩個人都要咗鼓椒牛河。上碟時唔覺大份，仲驚唔够食，其實係我太貪心，最後都係食唔曬。牛肉原來是滑牛，我平時就傾向於原汁原味未經處理的牛肉，滑雞/牛從來不點，所以肉都給好友了。不過鼓椒汁够味，足以令我汁撈河黎食。衡量一間茶記，奶茶是重要指標。熱奶茶够香够滑，即使無落糖，亦不會覺得澀喉。

甘日 北江。妹同毒拎同事可以一齊食飯 真系千載難逢 甘就去左呢一間茶餐廳度食晏晝。甘北江。妹叫咗特餐，毒拎同事就叫左南乳豬手湯米都系飲熱奶茶。個奶茶系北江。妹醉中意既黑白淡奶沖，真心甘樣會滑好多，同埋奶味重好多^_^而北江。妹既特餐有好多野食 有叉燒意粉 腸仔磨姑奄列 同埋一個多士北江。妹最鍾意就係個奄列因為蘑菇同腸仔嘅配搭比較特別，好過成日食火腿奄列 而個多士都烘得好食 牛油溶晒落個包到。至於毒拎同事嘅豬手米都好多豬手 佢都話系好食既

近月機場餐廳很奇怪，輪流在裝修，有些退出舞台，但有些餐廳裝修完卻又變化不大，好像刻意要花點錢似的。有時候想轉換口味，都會跑過去吃早餐。在機場$40一個早餐不算貴了。火腿公仔麵是老問題，麵餅總是浸浸便算，水吧仁兄就連撥弄一下麵餅都不願意，硬心都算，更有甚者，可以說是整個麵餅形狀不變，今次有點硬心，唯有泡浸多一會，火腿絲的份量兩隻手數晒。餐肉雙蛋配牛油方包算是最正常，煎蛋是用上模具，所以賣相不錯，午餐肉又不會煎得過火，不錯。畢竟是茶餐廳，茶膽處理得不錯，有茶香。

又飛了！起飛前，先去吃個遲來的午餐。上網一看，世窗茶餐廳的評價不錯，就走了進去。要了一客蘑菇腸仔奄列配叉燒意粉$45，飲凍檸茶(+$9)。多士烘得好香口，外香脆，內軟綿。奄列火喉準繩，既香滑，蛋味又濃。相反，叉燒意粉挺不賴的﹗湯底濃鹹度適中，意粉仍富咬口和嚼勁，四塊叉燒軟腍味美。再要了一客炸雞翼薯條$30，薯條夠香夠脆，只略嫌雞翼醃得未夠入味。

依日出發去沙巴，係T2寄完行李..搵地方食早餐見依間都多人食，所以試下。點左2個早餐，食物份量好足..多士外脆內軟綿綿..烘得好香口我既五香肉丁麵，肉丁超多..係市區茶記既一倍(正)麵條灼得剛剛好，口感爽身..絕對唔係淋bad bad果D咖啡都好香，整體食物有水準..好味!

今日同屋企人出發去日本九州4天旅遊，我同屋企人揀了跟團,搞完登機辦理之後，又要找餐廳吃早餐，既然來得機場，預咗價錢不會太平,無意中見到這間茶記 ，一於就試下這間,這間好旺埸,差不多等了10分鐘才有位,早餐價錢統一都是40元,我同屋企人共吃一個早餐，我吃火腿通粉,屋企人吃炒蛋多土,飲品要奶茶，火腿通粉又幾好吃，個湯不是太咸，多土就一般,奶茶夠茶味,我覺得又幾好飲,服務就一般,環境都幾好,地方不是太大,座位之間不會太迫,坐得十分舒適，價錢在機場内來講算平,十分抵食

因為這裏的牛油厚多士，選擇了這裏的特餐！ 叉燒湯通粉：叉燒較瘦，入口較鞋，但勝在通粉沒有煮得過腍，口感彈牙！腸仔磨菇奄列配牛油厚多士：多士烘至金黃色，上面鋪滿牛油，入口鬆化，不愧為我的至愛！蛋沒有煎得過火，蛋內包著磨菇粒，味道不錯！熱奶茶：奶茶也是值得推介的，茶色對辦，茶香而沒有苦澀味道，既香且濃滑，奶味亦重！簡單的一個特餐，滿足了我的五臟廟！

難得來到terminal 2，二話不說的到「世窗」吃早餐！餐肉公仔麫配雞扒太陽蛋：賣相一般，餐肉若落鑊煎，會較為香口，公仔麫中規中矩，一般貨色！煎雙蛋賣相對辦，但雞扒份量較小，失色。值得一讚的是牛油厚多士，多士微烘，鋪滿牛油，美味！凍奶茶味道不澀，奶味重，不錯！以機場食肆而言，「世窗茶餐廳」可謂抵食！

因為香港快運的關係買到平機票去台灣，也是頭一次在Terminal 2「搵食」。臨行前希望吃一餐港式早餐，就腳地去了世窗茶餐廳。意外的好吃且抵食！其實選擇頗多，最後選了一個很典型的港式早餐－Ｂ餐的餐肉公仔麵、豬扒配煎雙蛋、牛油多士（＄３３），在機場範圍來說價錢非常平易近人。先送上餐肉公仔麵，份量十足。吃完後已經有點飽。不久後送來豬扒配煎雙蛋配牛油多士。如果豬扒跟茄汁分開放會更佳…自己不太好茄汁。還有點了香港人怎能不喝的－凍奶茶。有點甜，不過可以接受。本來對今餐沒有太大期望，因為公仔麵、煎雙蛋、多士等等都是很普通茶記的餐點，不過今餐意外地滿足，有可能是因為份量、味道以及價錢都成正比，味道不錯之餘，既飽肚又抵食。能在臨行台灣前享受一頓如此香港的早餐，實在太好了！雖然地理位置因為在２號大樓所以比較偏遠，但相信隨著廉航在香港的迅速發展，一定會越來越多人注意到這間抵食的茶餐廳。

初一、初二行了大運，初三的一大清早，為了送機我再次的來到了機場，繼續新春行大運。幫太太的阿嫂check了in，搞好哂手續後，時間，是大把的。於是我就帶同外父及阿嫂去Terminal 2 ，找food court。有飲茶同茶餐廳兩個選擇，外父說簡單點好了，於是我們一行三人就入黎呢一度，食機場既茶餐廳，飲 Black & White 既絲襪奶茶。阿嫂本身是四川人，而且年青時已過了美國生活，來香港，也只是第二次。所以她對香港的食物食品充滿了好奇，上一次來來是想請她吃酸辣粉的，她說，她寧願吃香港的地道小食，因為(當時她準備回成都)回家後會有大把機會食....是日一人一份港式早餐，好也起好奇了，覺得香港又中又西，中西合壁的食品，很是特別。通粉意粉配上叉燒，麵包夾的是午餐肉，總覺得很是得意。同樣，因為一人一份，我只點評的是日自己食的一個早餐。點的時候，是雞扒蛋牛餐肉麵，加上牛油方包，當麵食到手時....為何只有午餐肉，店員立即解釋說雞扒同雞蛋是另外上的。不過，沒有了雞扒，沒有了雞蛋，只一片午餐肉在湯麵上面感覺有點單調，味道上，同樣地比較寡。太淡了，欠了肉香。 幸好，雞

黑椒雞扒意粉D雞扒都幾好，唔鞋，但黑椒好辣，要係咁飲水焗鮮茄豬扒飯豬扒切好左，呢方面幾好有幾多芝士，同埋都算多份量，唔太大食可以兩個人SHARE都夠呢間野如果想食牛腩就唔好啦！佢差唔多全部都係牛筋 (補骨膠原)

在機場2號客運大樓，要找地方醫肚，看見一間世窗茶餐廳的炒粉麵似乎不錯，便進去了。隨便在餐牌上點中了沙嗲牛肉炒麵，嚴格來說並不是沙嗲汁來的，還幸味道仍好；炒麵是脆卜卜的，撈勻了沙嗲汁後又不會死硬，真不錯；配料的青椒是我最喜歡的，夠爽甜，牛肉雖切得大細不一，但總算不韌，也沒有經過嚴重化學處理，總的說是好吃的。凍檸茶真的很甜，大概是沖給甜魔專用的。呢間茶記，是最多機場的職員幫襯，相信是在Terminal 2數一數二的食肆了吧。

餐廳好多人聚集係度..但竟然係呢度睇番食評得一個人寫過,奇怪奇怪!唔通係因為位置問題? 今日來到一樣咁多人,但好彩有位,店內都唔算大但都夠位坐既....點左牛筋腩炒面轉炒河‏同埋黑白奶奶茶,過左一陣2樣都上齊! 奶茶比想像中香滑,而炒河都幾OK,牛筋腩都嫩熟 炒吸都冇斷開一段段. 入來機場絕對可以一試!