唯一麵家 (Closed)

這天要吃個五點Early Dinner後趕回練習~~見猛烈太陽收細後由海港城步至~~這個尷尬時段顯然沒有太多客人~也變相成了員工開飯時間too~~隨意入座~挑了個四人卡座~~與大比各有心水~不用多想無錫小排骨菜飯[$30] : 總店的菜飯當然跟疑似"假唯一"的頹廢菜飯不同~真正唯一的菜飯是有蝦米白菜等~~雖然已不及早年的爆多料~但至少菜分量夠多~飯粒分明不糊口~不需多調味~~蝦米的咸香已作調味~~小排骨同樣是甜>咸的惹味排骨件~連骨裡都索滿無錫甜汁~肉質是乾鞋那種style~不是肥美綿綿的~心知這小菜不宜多吃~但依家可口水餃麵[$23] : 五大隻厚皮水餃已甚有份量~~~面層有雪菜跟上~麵質不如在口福館吃到的彈牙 ~但不賴~算是最平常一入舖會叫的一碗麵罷~~水餃皮厚肉也多~唯一的韭菜豬肉餡也算是最大路的產物~差不了北京餡餅[$8] : 這個鐘數一定吃不到新鮮包起的貨色~點了之後才醒起~~雖然水準也不差~但翻煎的餡餅始終有肉汁流失加上外皮被汁軟化~~~始終差一點~~下次挑時間來吧油菜[$10] : 店舖用上韭菜白菜椰菜等~~偏偏問了多次也只得菜心一個油菜選擇~~叫來一個~~灼不熟

自從跟男友台灣旅行返黎後, 深受佢影響, 愛上了台灣食品, 尤其係蛋餅. 而佢見我返到香港成日見到的蛋餅之類既野食就望多幾眼, 所以昨晚巳神神秘秘話今朝訓醒帶我去食早餐,還話我一定鍾意食.但兩個懶訓豬訓到好遲先起身, 不過佢話唔緊要, 中午都有得食, 於是當我地去到時都巳十二點幾, 早餐變左午餐, 不過唔緊要啦, 佢份心意巳令我心甜, 佢帶我來到店門口才知係呢間店, 本來抱住一試無妨的心態. 我地點左我一早想試既咸豆漿, 當然唔少得蛋餅, 再來一份粢飯.咸豆漿最先到, 入面有好多料, 真係第一次食覺得好得意, 口感又唔錯, 蛋餅來到我即時點了辣椒醬放入口, mm...m....好味, 呢份蛋餅我收貨, 男友坐係隔離笑住睇我滿足的樣, 還話我好似餵食貓咪再來的粢飯估唔到令我另眼相看, 估唔到咁好味, 我知人人口味唔同, 但呢度既粢飯卻正是我一路想食亦都係最鍾意的一種粢飯, 飯軟硬適中, 當中有油炸鬼同炸菜. 包住一齊食, 簡單是人間美味傻汪汪, 好多謝你, 我好開心丫! 原來簡單既野食巳令人覺得好滿足好幸福!祇因身邊有你~

在尖沙咀閒逛，本想去位於活坊地庫的自家烏冬，卻要排上數十個號碼，只好另覓目標，突然又想吃炸醬麵，就去了加拿芬廣場附近的唯一麵家。唯一是連鎖式經營的上海麵店，分店的數目不少，但質素參差，以尖沙咀分店評價較佳。地方有點淺窄，但勝在環境光猛，搭檯亦不覺迫。不用細想就要了炸醬麵 ($23)，炸醬以瘦豬肉、馬蹄粒及辣椒絲等材料混成，再灑上蔥花，味道香辣非常，跟京、粵的感覺大有分別。上海麵則煮得軟腍，並不彈牙，只是一般，相比之下，我較欣賞佐敦唯珍上海麵家的出品。另一道無錫小排骨麵 ($25)，糖醋小排骨用細碟上，呈深黑色，味道偏甜，醋味卻不足，骨多肉少，亦炆得不夠腍，肉質比較硬實，有點失望。十蚊的腐乳通菜份量不少，但食落又唔夠爽脆，印象麻麻。埋單唔使五十蚊，不貴，但未必再去了。

同朋友仔落黎食個飯~揀左依度~入到去叫左個水餃麵加左塊炸豬扒~我個朋友就叫左個咸豆漿加個栥飯~個水餃麵D水餃真係好唔得~D水餃皮真係厚到呢....厚過黃夏蕙化既妝~個麵入面既雪菜又唔夠味~反而個麵又真係唔錯~都叫彈牙~而個湯就幾清~不錯~至於個炸豬扒就真係叫大件~不過就好多油~同埋塊豬扒入面好乾~依度加埋先$32~知道唔可以要求咁多~況且佢唔係以依兩樣野出名~所以下次都仲係會再黎試下令佢出名既野~不過照今日所見~朋友既咸豆漿唔係咁得~反而個栥飯令我心郁郁~決定下次黎試~環境尚叫可以~服務亦叫周到~衛生情況亦不俗~

店面不太顯眼，要找才到。我尚未齊人但手持大件物件，幸好阿姐容許我自行等到有2人卡位為止，並可先行入座。不過我坐下後準備點菜時，阿姐難免又再催問朋友到了沒有，希望盡快返桌吧(其實外面也沒有人龍了)。因粢飯售罄，所以叫了豆沙餅。豆沙餅也不差，外皮微脆煙韌，豆沙餡很滿。豆漿很香甜可口，不是冰水溝稀之作!無錫小排骨麵大大碗，淨食雪菜麵已很好了，麵身剛剛好不會發，與雪菜湯很夾，好像可以幫助keep fit似的。排骨固然是酸甜醒胃的，但沒有太大驚喜。回鍋肉的荀片很大片最合我心意，但回鍋肉沒有上海館的炒穫氣，有少少像罐頭standard沒有特別。它的菜飯有大量菜粒及小蝦米，香口的，我最喜歡。可能份量多，加上才食了豐記雞蛋仔不久，因此我們吃不到一半已飽了，只好帶走回鍋肉菜飯及豆沙餅返家吧，整體是抵食呢。

今晚係尖沙咀影完相,於是就去試下厚福街的"唯一麵家",有蔡瀾同阿蘇介紹,我諗佢地唔會介紹錯啦~我們坐低,我點了個酸辣雞翼年糕,另外再點了雪菜肉絲雲吞麵,豆漿兩杯,油菜一碟~酸辣雞翼年糕: 酸辣湯真係好正!!!好辣,其實都不用再點其他"食送"了,因為湯內有好多料:豬肚,肉絲,雲耳,蛋~年糕都好淋,不會太過硬~卥水雞翼反而就好難食.....我諗同那些甜豉油有關,食落口好甜好甜....食食下又覺得太過鹹....(85分)雪菜肉絲雲吞麵: 都幾正,雪菜又多,成碗都係~再食埋雲吞就好飽了(75分)豆漿: 甜了一點,如果不太甜就prefect了(70分)那些伙計的態度又不是那麼差,不知他們是否心情好呢~至於價錢都好街坊價,咁平而食到咁好味的麵都算抵了~總括來說,我還是覺得酸辣湯真係好正~大家都要去試下~

太座想食粢飯，特地去尖沙咀呢間阿蘇曾經大讚的舖頭幫襯。去到的時候正是午飯時間，張張枱都有人坐，結果要兩個人坐埋一邊卡位。因為對面已有兩個人食緊嘢，桌面上已有不少食物，而且座位也比較細，所以感覺不大舒服。快快叫了這裡有名的粢飯，另叫了北京餡餅、排骨湯麵同冷熱豆漿各一。總的來說，這裡的粢飯是及格的，不過飯比較硬，欠缺軟糯的感覺，感覺上覺得阿蘇的盛讚言過其實，北京餡餅就做得不錯，算係好吃！豆漿就普通啦，唔係特別好也不算差。最差的是排骨湯麵，個麵無問題，有問題的是排骨，太細件，太薄身，無乜肉，而且也炸得太乾。值得一提的是這裡的店員不夠專業，明明粢飯只是吃了一半（這裡的粢飯是一早切成兩半的），還有一半未吃，佢竟然問都唔問就說不要了嗎想拿走。唔通來幫襯的人通常都係食一半就唔食嘅？這樣的服務水平真係要改善下呢！

今日同honey去tst, 知道厚福街多野食, 見到e間店系蔡灡推介, 就入左去食. 我地分別叫左上海水餃面同雲吞面同酸辣湯.整體感覺ok, 上海面彈牙,　餃子同雲吞用料充足同新鮮,　酸辣湯好足料,　arm晒中意酸酸辣辣的朋友.唯獨有位ah姐侍應,　好似食左火藥,　很不耐煩,　我地無啦啦比佢鬧話我地麻煩,　搞到我地好無隱,　食完拿拿臨埋單走人.

今日行K11時發現有個可以通往大街既出口, 對面馬路原來有一間「唯一」其實一直以來都只係鍾意食上海美美豆漿大王 不過既然友人話呢間都ok, 咁就試下啦叫左一個雲吞麵, 另加一塊炸豬扒上菜速度好快, 等左不過5分鐘 叫麵加豬扒就$9, 如果單點一塊就要$20, 但其實$9果塊都有2大片 建議想食多d豬扒既朋友可以加2塊=$18, 不但平過叫一塊$20, 而且份量仲多d tim 豬扒炸得好酥軟, 香口得黎唔會乾身, 唔會似食餅乾咁而且好味之餘唔會太多醃料, 至少食完無覺得口乾至於個麵, 一開頭以為係粗身上海麵, 但點解d麵條咁幼既仲心諗.....麵條咁幼, 浸兩浸就淋晒啦....點知原來唔會wor, 佢地都仲好彈牙, 真係食過返尋味 下次想試佢地既餡餅

話說已經有段時間冇黎過唯一麵家,那天看畢呀蘇的節目後,又想起這一間不太起眼的食肆那天跟朋友來一趟,Order了每次都一定要吃的糖醋排骨菜飯,這裡的糖醋排骨一定要試,排骨似被浸了一段長時間,無論是內外都充滿了很香的甜醋味,好醒胃今日另外試了肉燥炒年糕,不是那些很有"鑊氣"的炒年糕,年糕質素也不是很好,勝在配料調味搭夠,有一點點香辣的味道不錯不錯

七月初七•七夕 來尖沙咀為遲一點來試菜的餐廳探路，工作完畢，吃飯時間就只剩下廿分鐘，就來這裡吃個上海麵。 要了酸辣湯拉麵，大大碗的，不少的拉麵條就浸在濃郁的酸辣湯之中。我最怕杰杰的東西，不過有些湯是如此的，如福建麵線，那也會接受。酸辣湯不酸不辣，也不夠熱，慍慍不火的，兩邊不到岸。麵條也是夠份量的，也彈牙煙韌，算不錯； 亦要了個牛肉煎餅，熱辣辣的，餅皮薄，吃起來有點韌，不酥化。肉餡卻夠味又鬆軟，很不錯。當然這個酥餅吃後是有點口渴的，但好吃就夠了。 還要了豆漿一杯，極速15分鐘的吃完這個午餐，快來快走，算是不錯。

20/9/09(日)阿SO推介才知道這裏有美味的粢飯。因為愛吃粢飯，也準備試對面的糖仁街，故特意來厚福街。來到見阿姐正忙著做粢飯，果然是即叫即做。肥嘟嘟的一件，糯米薄薄的一層，包著脆的油炸鬼，好吃。只是吃到油炸鬼的尾部時有些硬，但巳比那些早巳做好，飯多餡少的好很多。後來吃完甜品出來，望望對面，只一陣子，看見粢飯巳賣完。如果專程去吃的，要早些來呀。

同一個好耐無見既朋友去左食呢度食上海野, 本來諗住搵個地方再舒服d既食店傾下計, 不過我地2個都太想食上海野, 所以就黎左呢度食, 好在可以坐到卡位咁都總算幾舒服。雖然得2 個人但係我地都叫左好多野食 紅豆餅有進步! 上一次黎食個姐豆皮好硬, 凍冰冰, 今次就好食好多喇, 因為個紅豆餅好熱好新鮮! 豆沙好多但又唔會太甜, 正! 北京餡餅餡料用左豬肉及韭菜, 好好食好有驚喜! 雖然個皮我覺得煎得耐得制硬左少少, 但係因為佢有好多肉汁所以夾埋一齊都仲好正! 酸辣湯好食! 好夠辣! 有好多好多料, 雲耳好爽口, 但豆腐反而食得出唔係好新鮮, 不過整體黎講都好唔錯, 如果佢有細碗就好喇, 咁大碗真係食唔晒 上海排骨麵呢度既海排骨麵真係好特別, 個排骨唔係出面食到既一般烤豬扒, 而係好似煲彊醋個d味既肉粒, 雖然油左少少但係個汁真係好好食! 個肉粒今次硬左少少, 而且呢個排骨都係镼配菜飯夾好多, 因為可以撈埋d汁 豆漿偏甜。總括黎講都算又平又好食, 但係個服務態度就真係麻麻, 我地坐左張4 人台, 就算無客人佢都成日都迫我地坐埋一邊, 真係好煩-__-

朋友睇完電視Sx Good節目話推介，又跟他介紹試下。在電視節目內話這店的粢飯糯米做得好薄，好好食。粢飯我叫的粢飯完全不似節目所講薄薄的糯米我覺得同出面其他粢飯無分別，其實飯厚少少我都可以接受，但油炸鬼就一定要夠脆，當然，我都是食不到脆卟卟的油炸鬼啦之後食完走人時見原來粢飯是整定的，吾怪得之啦！酸辣湯好奇怪，可能是我少見多怪啦！我未食過用辣豆辦醬做的酸辣湯雖然材料都幾足，有荀、木耳、肉絲、豬肚等等，但始終都覺得味道不像樣。仲幾咸添食完好口喝呀！豆沙餅這個是軟餅，都算OK，豆沙份量適中又幾香滑，不會太甜。Summary:其實我一向都覺得有名人去食，這間餐廳食肆必定會加料，又或者整得好D，我地平凡人行入去食，點會有這樣對待呢算把啦！食過就會死心改名No Good

擔擔麵 ($23)唔正中無花生醬, 都唔知係唔係擔擔麵面頭又唔係肉碎, 係一d唔知咩既碎粒, 但冇肉既!!好難食果湯又冇乜味麵就有好多好大碗不過好難食都食唔落拿拿聲走人.....