王家沙 (Closed)

在又一城內﹐無論吃﹐喝﹐玩﹐樂都有很多選擇。 這次來到這家上海菜﹐外出有很多面向商場位置比較寬敞﹐但雖然時間已過了午飯時間﹐全場依然滿座﹐因而被安排到房間內進食。 這房間裝飾特別﹐牆身及天花板都用上麻雀來作裝飾﹐室內環境亦較外出清靜。食物點了酸辣湯, 蘿蔔絲酥餅, 蘇式鮮肉小籠包及嫩雞麵。酸辣湯 $32 – 酸與辣兩種味道互相平行﹐沒有偏向那一種﹐味道剛好。只這價錢來作比較﹐份量及湯料比較少一點。蘿蔔絲酥餅 $28– 火喉炸得剛好﹐外皮顏色呈金黃色﹐內裡餡料很鬆化﹐味道鹹香﹐底部的芝麻還給這道菜一種更香口的味道。蘇式鮮肉小籠包 $28– 一籠只有四隻﹐但皮薄不易穿﹐內裡豬肉餡料亦沒有很多肥豬肉﹐每隻都有很豐富的湯汁﹐質素不錯。嫩雞煨麵 $38- 湯底沒有之前在不同上海餐廳吃過的那麼杰﹐因而味道較淡﹐但以上好幾款菜式都是以濃味為主﹐所以這清淡的湯麵能清清味蕾來品嘗各款不同菜式。是日每道菜式質素都做得不錯﹐沒有那裡覺得不太好﹐連前菜那碟花生都很香脆。只是每道菜式份量比較少及午市還要加一及茶錢。不知是否點中這店做得比較出色的菜式又或者這店的質素已有改善﹐因是日的質素沒有各以下食評所寫的那麼差

轉火車去粉領前在九龍塘吃飯，見有王家沙，就不作他想，入去開餐。焯焯說要吃菜飯，於是選擇燻魚菜飯，再加菜肉小籠包、生煎包、唔辣的擔擔麵和醉嘉美雞。燻魚味濃略甜，菜飯好味，微濕帶有燻魚味的圓圓飯粒，入口不會太乾。醉嘉美雞雖浸在酒汁中，卻嫌雞肉實身不滑。鮮肉生煎包很熱，汁亦多，小心放入口。小籠包一般味道，沒有驚喜。倒是花生味濃的擔擔麵不錯，還喝了幾口湯。以前幫襯過太古城和香港仔分店，大家的水準沒大分別，招呼亦不錯，可能地區不同，香港仔店有特價中午套餐，價錢比較便宜。

王家沙的食品一直都不過不失, 但若店員服務奇差, 就一定會對整間食店印象大減...原先被安排到一張四人桌, 但由於及後有一行四人的客戶, 故店員叫我們轉到另一張二人桌。及後, 二人桌桌面太少, 故有新菜時, 需要清理桌面才能放得下。 我著一位店員過來幫忙收拾, 這位店員竟然沒有出手幫忙收拾桌面, 她只把她手上的餐盤遞過來, 沒有哼半句聲, 意指我把不要的碗碟放上去...請問這是正確的服務態度嗎??? 然後, 同一位店員過來倒茶時, 茶壼差點燙到我男朋友, 我著她要小心, 她一句對不起也沒有說, 態度極度差劣, 連最基本的禮貌也沒有, 真不明白為何有人可以如此不敬業樂業。由於整頓飯也在氣忿中度過, 我們完全食不知味!!!!

當天請友人食生日飯.到達時已有好多人等緊位, 不過等了大約幾個字就有位了. 糯米燒賣 - 太乾身了, 味道普通 菜肉小籠飽 - 內裡湯汁熱辣辣, 餡料足, 味道不錯, 呢個好食 王家沙咸粢飯 - 入面既料主要係肉鬆同好脆既好似係油炸鬼, 幾好味, 而且又細細條可以過口隱, 因為出面上海店既粢飯好大舊, 食了一個就會好飽滯 王家沙牛肉餅 - 呢個都不錯, 餡料多同好juicy 嫩雞煨麵 - 味道ok吖, 而且都好大碗

Boxing Day與太太逛遊又一城，這裡每逢聖誕節期間，都會舉辦一項歌舞巡遊表演，大堂還有一棵很大的聖誕樹，很有節日氣氛，今天很開心，還可以跟表演人員及聖誕老人合照。晚餐於這裡的(王家沙)。金牌蟹粉生煎包，也是這裡的招牌包，味道也算ok了。王家沙牛肉包，皮香脆，肉餡好味。招牌東坡肉，吃下時不覺肥膩，味道不錯。蔥爆咸肉茶樹菇，配合薄餅，咸肉配合茶樹菇味道也可以。雪菜毛豆百頁，三種材料混合炒製，清清的味道，幾特別。

大閘蟹季節，緊係要食下同朋友2個去左食大閘蟹......188蚊一個人1隻瘦到阿媽都冇既蟹，我唔係幾信有5兩(佢話足5兩)食大閘蟹我個人認為最緊要係有蟹膏，冇既話我不如去食返肉蟹！！！佢地隻蟹唔單只係瘦，瘦到肉都冇......身為大閘蟹.....膏又冇....肉又冇......晒係比左d 乜你食？拜神花雕一杯......功夫茶既茶味size，比左一杯有少少酒味既花雕比你但係味道好淡，似溝左水....仲要唔係少......至少我飲左面都冇紅。魚米羮.....我去食生菜魚肉好過.....一d 分別都冇蟹粉小籠包---- 見到蟹粉，但唔覺有味.........但係見佢地d 介紹講到幾咁好味幾咁出色.....但係呢....哈哈哈......擔擔麵，少得可憐...........連係咩味我都仲未食得出........不過係全日最好味既野食.....2個男人食完覺得唔夠去左食m記。非常失望。

食左咁多次,原來我一直都冇寫王家沙的食評星期六約左成班同學仔一齊番學校拎畢業證書,順手一齊去食飯,大家都冇乜Idea的情況之下,好順理成章咁去左王家沙等位~~~等左大約20mins之後有位,不過就要迫0係一張好細既檯度,可能係星期六掛~~~鮮肉小籠包:我覺得個皮厚左少少,但係入面都係好多肉汁,幾好奶油津白:有誠意之作,津白切到一條條,好易夾黎食,同埋細條好易入味,食到好濃的奶油味~good~紅油抄手:六大粒抄手,好多餡~~~~汁的調配都唔錯~~~爭食Item之一羅白絲卷:唔.....太咸啦牛肉餅:一般偏差,因為皮厚餡少又冇汁,我覺得出面好多都好過佢排骨炒年糕:年糕係我次次黎到指定要食的item!!因為都係好彈牙的!!第一次試排骨炒年糕,個汁都幾正!!排骨菜飯:同排骨炒年糕果隻排骨唔同,呢隻係炸的,比較稔身少骨,我鍾意食~!!最後就係,服務唔差,因為坐0係corner位,都幾與世隔絕,但係d waiter都成日留意我地有冇叫人~

唔記得帶相機 用手機影住先 =___= 鮮肉小龍包 ( $28/4) :皮厚左小小, 汁多,但肉比較實, 屬於中規中矩 醬燒排骨年糕 ($52)明明係廚師推介以為冇死,d年糕勁厚又硬,好似食緊香口膠咁...汁係多..但冇香味亦唔入味 ... 牛肉餅另外我地叫左客牛肉餅($28/2)呢個肉質反而okay..汁好多好味... 但個皮都係差d..粉左小小 擔擔麵 (唔spicy)冇晒香味.. 一d花生香都冇一唔spicy 直頭唔入味 , 水又多.. 真係好sad = = 埋單竟然 $177 2位...唉,如果唔係突然想食上海野又冇得揀,真係唔好黎here ,個人認為

問我在歐洲有否吃厭吃西餐，答案是否，不過暫時還是吃中菜好些。　飯局改期，空出來的時間用來去又一城逛街，午餐揀了新開的王家沙解決。雖然OR的食評是喊多於笑，但幫襯的人龍仍然，我們也等了差不多半小時才有位：　王家沙擔擔水餃-可以選擇辣與不辣，我們不用說揀了辣的。其實辣味的湯底也很溫和，並不刺激嘛，由於花生醬濃重，滋味也算香口討喜的；至於主角的水餃，則是飽滿而豐厚，肉鮮且餡香，是意料之外的水準，令人十分滿意。　醬燒排骨年糕-曾在上海吃過很美味的排骨年糕，箇中滋味令人回味至今，王家沙的出品只算是三流的。主要問題是年糕不夠軟糯滑溜，而醬汁又遷就港人口味減量又減油，可知濃油濃醬才是老上海的風味啊!不過話說回味，輕淡版已吃到兩個人膩滯不已，原汁原味版的真不是人人能受的。　薑汁鴛鴦湯圓-覺得湯圓就似中式版的心太軟，縱然胃口再差，甜胃總會為它開放。王家沙的湯圓只得兩粒，但就飽滿又巨大，除了圓形還有小籠包狀，造型相當趣緻。咬開一吃，略帶豬油的芝麻夾心的極度幼滑，香甜充滿誘惑；小籠包形的則是碗豆蓉夾心，無論質感或味道，都不夠芝麻細滑及香甜，主要是吃其特色風味。最後煲湯圓的薑汁實在薑得很，一飲令人醒神非常!　

今次係第二次到呢間王家沙度食晚飯。食物一如以往，我反而想說服務的質素。當我一家人被安排入座後，正在商討要食咩野。忽然一個WAITER行過我身邊，有野掟左落我背脊。我回頭一看，竟然係一張用過的紙巾！坐於我後面那家人沒有小孩，我亦相信無端端一個成年人，不會拎用過的紙巾去掟唔認識的人，所以我好懷疑係有WAITER收野行過，掉了別人用過的紙巾於我背上。正當我們剛食完頭盤，有個WAITRESS走埋黎問我D野係咪黎齊晒，想收埋我D碗筷！大佬，我食左個蒜泥白肉咋喎，D客幾時入座定係D野到左幾多，冇得CHECK嫁咩？到我食完餐飯，叫左埋單，WAITRESS過黎收野啦。佢拎埋我地用餐的墊枱紙時，一走開，用過的牙簽呀、紙巾呀，飛晒黎我身上。我即刻『嘩！』佢先出聲講對唔住。收垃圾就拎好D啦，有乜理由可以飛晒D野落個客身上嫁？呢D咁嚴重的錯誤唔應該發生囉，如果係咁樣收野法，不如我食完將D野飛晒落地算啦！好過佢飛晒係我身度呀！咁樣的服務，仲要硬收我服務費，有冇搞錯！

第一次黎王家沙都覺得ok...不過不失...今晚諗住再同男朋友仔黎試下新野叫左四樣...冇一樣好食! 蟹黃煨麵(大概這樣的名稱) : d 麵上枱時已經"林"晒... 湯底完全冇蟹黃gei 味, 只似一個黃色同比較濃gei 上湯! 鮮蝦兩面黃: 炸粗麵係好香脆....不過一食入口....鹹到苦...要加好多汁先食得...京醬牛肉丁: 牛肉丁冇味兼咬開似豬肉丁, 只有腌料同醬味...食左幾舊已經唔想食...牛肉餅: 冇特別, 冇乜肉汁...服務員態度差...只想快d 趕你地走交枱...埋單二百七十蚊..咁gei 價錢大把地方好食過佢...唔會再黎...!

4個人星期六晚嚟食,好多人排隊,等咗半個鍾有多,食就食咗唔夠一個鐘,上菜速道真驚人,好在食物算有水準,醉雞:實在太好味,食完一碟都唔夠皮,攪到要整多碟.小籠包:皮薄夠多汁,正.粗炒:比一般上海舖小油,但色水及味道都好夠.水煮牛肉:辣到我眼水都出埋,但啲老友話好正,我就頂唔順啦.酸辣湯:好多料,又唔會太辣,我食都覺OK.高力豆沙:炸出嚟個樣幾靚,但荳沙好似小咗啲.整體嚟講食物出色,但實在太快,趕時間最啱,想靜靜地傾吓計就要諗過先好.

估唔到等10個number可以等咁耐...真係等到花兒都謝了 醉嘉美雞: 紹興酒味好重...嘉美雞新鮮仲好嫩同滑...好味 王家沙擔擔麵: 呢個上台既時候係暖既...扣分 湯似乎淡左小小...唔似平時食開有好濃花生醬味 招牌蟹粉小籠包: 熱騰騰, 皮不算薄, 但湯汁夠也很鮮味 京蔥爆羊肉(配薄餅): 膻而不膩 我鐘意總結: 不過不失...如果再黎必食醉嘉美雞

今晚放學一行四人到王家沙晚飯,叫咗好多嘢,有醉雞,素鵝,雞絲粉皮,脆蝦,話梅骨,上海粗炒,四季荳,雲吞雞,鱔糊,擔擔麵,小籠包,生煎包,松子魚,牛肉包,因為四個都好肚餓,所以全部食物通通掃光,食物味道都幾好,不過好似細碟左啲,起菜速度都幾快,招呼不過不失,銷費唔算太貴,食咁多嘢都係八佰幾,我哋有學生証重有甜品送,不過等位都等左成二十幾分鐘,下次都係訂定枱先好嚟。

多年前到過菜蔡蘭美食坊嘅王家沙後已有一段長時間無再試過.上星期日有朋友建議到又一城王家沙,說是新開的,經常大排長龍,所以一早book定位,一行十一人準時到達,但都等咗十幾分鐘,不過可能因佢地大枱唔多,所以安排咗個包房比我哋,呢個房間裝修都幾特別,天花同牆身都貼上麻雀,有啲重係叫緊糊,而且重係貼喺幅綠色牆,還以為自己坐咗喺張麻雀枱食飯,房外面嘅屏風亦寫上好多古怪文字,同朋友研究一輪都係唔知寫乜,剛好經理行過聽到我哋講,就走入嚟解析話原來全部字都係菜名,之不過係用中國書法寫成英文字,再以國語拼音寫出菜名,真係估佢唔到,同舊式王家沙真係好唔同.講吓佢啲嘢食先,牛肉包,窩貼,生煎包,小籠包,紅油炒手,全部都好味,但係個炒手就一啲都唔辣,小籠包湯汁夠,生煎包皮夠脆,果然係點心狀元,小菜都唔錯,鱔糊可能改良過,因我見過上海人整鱔糊會放好多油,但呢道就唔覺,煎黃魚(我諗佢係炸)但啲魚肉都保持得好滑,而且魚肉夠味,唔會好似有啲地方咁只係層皮有味,魚肉就無味,砂窩雲吞雞,味道OK,但唔夠熱,其它小菜大部份都可以.服務方面都唔差,伙記都叫有笑容,而且上菜效率好快,攪到我地食都食唔切.