香江花月 (百誠大廈)

Open Now

Now Closed

靚靚姐妹生日🎂相約香江花月，今次唔打邊爐改為飲茶食下午茶點心😘為佢慶祝生日🥰下午茶香江點心套餐：軟滑布拉腸粉白糖桂花糕芝麻煎堆仔香江哈蝦霸紫菜燒賣潮州蒸粉粿雜菌燜伊麵是日糖水

牛肉豬肉都係靱～有嚡熠熠🥲🥹🥹生蠔結晒冰😆🤭非常難吃呀、除咗龍蝦烏冬同豆腐ok之外！其他最差𤐶、牛、豬🐽超級唔得！我從來不會寫評論！不寫不快🤣⋯⋯真係質素差😅😅😅🥹🥹最後一個字（伏）

香港典型中伏食肆食物：2分服務：1 分環境：5分CP: 2分見到好評如潮，又做緊套餐優惠$368，所以買了2-3人餐試一下。所謂2-3人餐其實都只不過係一圈牛，沒有其他嘢食飲品，還要附加醬料費$55。見大家高度評價，我亦即刻預訂了套餐。去到個環境係寬敞舒服嘅，一坐底首先張枱係黐立立嘅，跟住welcome drink 我未飲已經比人收左….完全唔知咩事🫠 個個服務員都黑口黑面，問野係完全唔想答你，個感覺係勁唔舒服！入正題，嗰個牛圈上嘅時候滿心歡喜，打卡算係ok嘅選擇，似足大陸，湯底唔算好味但還可以接受。牛肉雖然有牛味，但係肉質極瘦，感覺好似食瘦肉般，好難想像牛肉可以瘦到咁…牛肉雖然有唔同款式，但沒有介紹牌亦沒有人介紹，完全唔知邊一種牛打邊一種牛…本身有意欲再拎Menu叫其他嘢食，期後見其他服務員拎menu 都west mouth west face，問嘢又唔想答，之後就快啲食完快啲埋單走人算…我哋兩個人都算細食，食完仲要唔飽😪即時落樓轉場食串燒店都無咁嬲…..總括而言，明過於實嘅一間舖頭，西爆嘅服務都足已不再幫襯，何況仲要唔好食！！！受得到氣嘅可以考慮幫襯

見boxing day 晚市都仲有位就試下，喺openrice訂位加埋個$368牛乳湯底+牛圈。見人地影啲相好豐富，但我地個牛圈就非常麻麻，啲牛切得好薄偏瘦。我問個職員其實係有咩部位，佢竟然話日日都係廚師準備唔同部位嘅牛所以佢哋唔知。吓，咁都得，你唔可以入去廚房問下咩。 即係最終錢就俾左，食左咩都唔可以知。我地另外點左：黑松露水餃-啲皮厚到好恐怖，味道一般唔多覺有黑松露味雲吞-一般青咖哩墨魚丸-得6粒仲要非常細粒，都食到輕微咖哩味，但隻青綠色好古怪嚮鈴-完全無特別，同自己喺街買嗰啲一樣最後兩個人食左八百幾蚊，其實唔抵，野食都唔算靚，喺佐敦可以有其他更好選擇。

同舊同事聚會最近揀咗超級打卡able既香江花月，真係食得好滿足！今次我地叫左個「小鮮肉拼日本牛乳玫瑰鍋」套餐，個鍋底係日本牛乳玫瑰鍋🌹味道滑溜，香氣四溢絕對唔係果D得個樣但唔好味既底。食呢間就一定要試下佢最出名既圈圈牛，我味個套餐係有埋海鮮，配上新鮮的海鮮同肉類，食落去好開心😋食材都非常新鮮，啲海鮮就算我哋慢慢落鍋煮，食到最尾都仲好生猛，唔會令人失望。而且環境幾靚，適合朋友聚餐。另外，我哋仲叫咗七彩餃子，超靚既餃子架又係可以打卡既菜式🤣 餃子皮薄餡靚，口感極好，非常推薦！整體感覺好棒，服務員都好有禮貌，仲不時提我哋嗌多杯野飲用埋買三送一優惠，令到我哋的用餐體驗更加愉快。總括來講，香江花月係個好地方，無論係環境、食物、服務都一流🥰值得回頭再試！

今日同朋友試下呢間打卡一流既火鍋店叫左呢個必食既牛圈，有多款唔同部位嘅牛肉，食材新鮮，淨係賣相已經流晒口水。同埋佢有好多款嘅特色湯底可以揀，我哋叫咗酸菜魚，本身湯底嘅料已經好多，食埋個牛圈再加多幾樣配料已經飽曬

香江花月——佐敦懷舊與夢幻的碰撞位於佐敦的**香江花月**，將懷舊香港的情懷注入一個充滿夢幻氛圍的場景，帶你進入一場味覺與視覺的雙重盛宴。店內的設計靈感來自東京teamLab的互動藝術裝置，充滿流光溢彩的光影效果，讓人彷彿置身夢境。 **主打推介**： 1. **玫瑰牛乳火鍋湯底** 🌹🥛🍲這款湯底以香濃牛乳為基調，加入玫瑰花瓣，既有少女感十足的浪漫氛圍，又散發一種淡淡的花香，非常適合與閨蜜一起品嚐。在涮煮過程中，牛乳的醇厚和玫瑰的清香完美融合，令人難以忘懷。 2. **香江拼盤** 這款拼盤選用多款精緻的小食，用心擺盤，色彩豐富，少女心滿滿。從小食的選材到擺盤，都散發著一種細膩與浪漫的氛圍，是閨蜜聚會的必點。 3. **七彩餃子** 🥟🌈這絕對是另一款令人驚艷的菜式！餃子皮採用天然食材調色，分別有紫薯、菠菜、南瓜等七種色調，看起來就像彩虹一樣，煮熟後晶瑩剔透，讓人捨不得吃。口感方面，餡料飽滿多汁，絕對是既好看又好味。 **體驗分享**： 除了美食，香江花月還是一個超級「打卡聖地」。店內的每個角落都經過精心設計，尤其是柔和燈光下的懷舊場景背景，無論是談天說地還是拍閨蜜合照，感覺都十分浪

午餐生日飯，4個人亦點了超過$2500的食物.食物水準尚可！非常可惜的是服務水準其差😑最不滿意的是,員工明知道餐廳外圍正在裝修，聲音極度嘈吵，但是預約的時候並沒有提及.餐廳這樣的安排實在非常不妥，而且最後亦沒有任何的折扣，只送了幾個甜品.感覺不到餐廳有任何的客戶服務水準及誠意.-其實員工連一句唔好意思都冇講過，作為客人好似奉旨一定要接受.差評！！

話說佢十月做左一個優惠逢星期三同星期日買任何原價嘅湯底，加一蚊就可以有一個牛肉拼盤，真係抵食到飛起，我兩個禮拜內連續食咗兩次雖然話一蚊一個牛肉拼盤好抵，但係其實叫完曬啲嘢之後兩個人埋單都要600蚊，因為湯底介乎138蚊至到三百幾蚊不等食咗兩次試咗兩個唔同嘅湯底，第一次食咗白菜豬腩肉鍋，個湯底係有酸味嘅，白菜同埋五花肉嘅份量都算多，另一次試咗胡椒豬肚湯底，反而呢個有驚喜，好香濃，豬肚亦都有好多，真材實料另外一定要叫嘅就係即炸響鈴，熱辣辣，超級脆，就咁食都好好食老實講如果冇呢個優惠其實係真係唔會嚟嘅，因為價錢都幾貴

差，好差，第一電梯大大張海報二人哩餐推介，我一四人同行，但又唔可以叫兩個二人套裝喎，但又冇寫明？第二，服務差到不得了，啲人個面口衰到一個點。第三，相片同實物差好遠，咁既價錢唔洗食佢受氣，第四，醬油要收錢係埋單先知。哩間嘢冇下次

見到post 推廣，叫一個鍋底加一蚊多一個牛圈，去返呢區就試吓lunch，餐廳係一個好舊嘅大廈，部𨋢好搖，出𨋢冇職員招待，當我見到有職員，我話訂咗位，但係職員不太友善地叫我哋「等等，有位叫你」，咁我哋就去隔籬房仔影相，影相係似teamlab ，都幾靚。有位，期待食物，枱上面無火鍋宣傳，我問職員，話要入座前講😑佢俾本menu，我嗌咗個花雕豬肚鍋底，加1蚊牛圈，同埋嗌咗幾個點心。蝦餃竟然可以蒸過龍啲皮溶晒👎叉燒包就普通，芝麻煎堆就比較好味，我哋期待嘅牛圈嚟到，好失望，啲肉好普通，啲牛肉冇牛肉味👎個火鍋湯底淡，但多豬肚及藥材，食到最尾啲火鍋料先出味🤦🏻‍♀️啲食物質素令我哋失望👎我知道火鍋推廣包茶界及醬料費，我問職員醬料費收幾多錢？$25一位按人頭計，因為宣傳單張冇寫明唔用都要收錢，職員又唔講唔用都要收錢，服務差，提醒客人收費要求，本身我哋食火鍋都唔用醬料，我哋之前去食火鍋都係唔用唔收錢，到埋單嗰時先知道要收錢，我哋覺得唔公平，但係我哋都照俾錢費事同佢坳，我哋覺得待客之道太差👎

一早同屋企人到佐敦飲茶。環境方面一睇就知有别於連鎖或傳統酒樓，老闆明顯係服務水平同品牌品質方面郁有較高追求。講番食物先，全部都熱辣辣，擺盤有心思，已經值得一讚。叫了一個set蝦餃食得出彈牙爽口，食材新鮮。紫菜燒賣，建議用魚肉燒賣可能會更配合。千層糕，薑味濃郁。豬仔包，小心爆汁。鳳爪入味唔過鹹，粒粒花生夠腍，值得推介。脆皮奶卷，做到外脆內軟，可惜奶味不足。必食！！！一層層咁捲相當考功夫，一啖有齊爽口，香脆，滑咁多不同口感。服務方面就真係有待改善，有時間可再一戰

如果你鍾意打卡 又鍾意打邊爐 又自問係牛魔王 呢間應該岩你 🥹擺盤係幾震撼嘅牛肉都有好多特別部位選擇食物質素同味道就正常發揮啦…而且價錢稍貴 食緊先記得影 // #相機無得食先⚡️

Joey經理服務一流😜環境好，食物質素高👍花膠雞鍋，牛圈，豚肉，響鈴，蟹柳，即炸午餐肉同金沙豆腐必食，超級好味😜😜😜😜一定會再返黎食，希望keep住一直好食👍

食物質素與價錢不對等，我哋6位消費近$3 500 包括$288嘅牛圈，肉片薄而細，6位每人消費接近$500都食吾飽服務態度亦不敢恭維，用餐初期通知侍應想多加一個人即多一對碗筷，回覆我一句好之後近10分鐘都冇俾我，追問兩次下先幫我添加碗筷，用餐期間侍應亦冇隨時留意枱面情況，枱面空間本來就細，我哋一邊食一邊自己執枱，侍應唯一主動收碗筷就係準備收場示意我哋離場，其中一位男侍應仲一直企喺枱邊等我朋友手上既空杯，唔耐煩咁接過。