海港薈 (康怡廣場北座)

Open Now

Now Closed

食左成晚飯，係酒樓餸菜中，最特別係個冬瓜盅原來限量，好彩有人預訂左冬瓜心已清左，冬瓜肉燉到好淋身，又仍然可以企到係個盅度，好神奇冬瓜肉索左個湯d味，變得好入味湯好清甜，無咩味精，淡淡地飲到蝦、金華火腿味，飲完不太囗喝

大時大節，家人最愛吃中餐，或到酒樓飲茶。為了避開人潮，我們喜歡在母親節前夕慶祝。等小澄B上完興趣班，一家人浩浩蕩蕩去太古海港薈飲下午茶。意料之外，飲茶的人並不多，稍等片刻，就可入座，被安排坐在角落近窗口位。甫坐下，一阿姐捧著一碟炒麵，話是人錯單，可以較平價錢讓給我們，以免造成浪費。饑腸轆轆，我們就要了這一碟蛋絲肉片炒麵$68。炒麵伴以蛋絲、肉片、韮黃、韮菜、芝麻和豉油同炒，麵條均勻地沾滿了醬油，入口頗為乾身且香口。因為太肚餓關係，瞬間被各人搶吃一空。叉燒腸皮滑且嫩，叉燒餡略嫌一般，豉油也不夠鮮香4甜。炒腸粉，名副其實，史無前例，夠晒「粉」。吃一口，已忍不住吐出來了!叉燒包，外皮鬆軟，叉燒餡香腍濕潤甜美，老爸連吃兩個。鳳爪不過不失，普通貨色。金錢肚，據C表示，質感過份軟腍，口感欠奉，且頗辣的，有點失準。爸媽和K，無飯不歡，要了兩盅蒸飯 - 梅菜雞肉蒸飯和鳳爪排骨蒸飯。蒸飯入口夠乾爽，只是，食味偏淡，不太誘人。潮州粉果，老媽的最愛，據說外皮欠煙韌，幸餡料夠惹味，咬口十足，挽回不少分數。原籠蒸馬拉糕，吃起來十分鬆軟具彈性，且甜度適中，可說是最好吃的一款點心。一客三件咖啡千層糕，層次分明，賣相

今晚兒子請食晚飯，媽咪建議來這裡，叫左推介的蒜茸粉蒸元貝，上枱的竟然是用急凍帶子開邊冲元貝，元貝殼就很大個，剛見到個西裝友行過來我太太同我向他投訴，而他就目無表情及啞口無言，祇說會反映便行開了，後來問其他樓面那位西裝友是姓成，專責培訓工作，那就太令人失望，埋單後我太太心心不憤，再向成先生了解，但他之吾以對，及後來了個經理，他親口說是用急凍帶子，並且立即在櫃面取回100元給我太太，並意圖推我太太離開，及後我跟他說連加一是110元，他又立即再取多10元給我。令外蒸魚豉油淡而無味，蛋白花彫蒸蟹過咗火及薄薄的蛋白在碟底，這店實在太令我們失望！

今日放假。夜晚同家人去左太古城。海港薈食飯。睇左好似擇左幾個菜。重有一個唔知擇咩好。跟住我地就問下個部長。有咩好介紹。跟住佢就介紹左依個芝士焗魚扒比我地喇。等左一陣間。個芝士焗魚扒黎喇。焗都金黃色既芝士 個賣相十分好 用薯熔花圍邊。又好味又好睇！

星期日同太太去康怡海港飲茶，等了半小時後入坐，心諗排曬隊，出品應該不錯，可惜大失所望，叫了8個㸃心及小吃，㸃心質素好一般，但最離譜係碟所謂天婦羅，都唔知似乜黎，好難聯想到係天婦羅，似酥炸多d，又黑萌萌，都唔知有冇番炸過！於是，就請位經理(她的名字叫張蘭)過來，問下佢知唔知呢碟係乜黎，佢都答唔出，我之後開估啦，佢就話佢地出品的天婦羅就係咁樣㗎啦，又話相片只供參考⋯⋯(下刪三百字)，所以我希望其他用戶可以參考一下圖中的天婦羅是否你可以接受到至落單。

Just the standard fare served here, nothing tasted outstanding.The deep fried squid was weird, it was served on a bed of cornflakes.The xo radish cake was nice, it was crispy and spicy which overpowered that nasty preserved sausage taste.

又到一年一度慶祝婆婆生日, 因為有老人家,所以都係去酒樓食穩陣D一行十二人叫左一隻7斤幾重既長腳蟹, 其實都算抵食, 做緊188/斤, 記得有3種做法,一個花雕蒸, 一種清蒸, 另一種唔記得,我地揀左清蒸, 原汁原味爸爸剪開既時候以為得個殼, 但食落D肉都幾鮮甜一人一件蝦多士, D蝦肉好彈牙一人一隻黑松露炸蠔, 次次黎親海港食飯必叫O者O者炒芥蘭, 因為無即炒, 所以D葉燶左燒鵝, 例牌會叫, 因為真係好好食蒸魚, 普普通通啦大壽包, 有奶皇同蓮容揀, 揀左奶皇,好味,不過真係好大個仲有D送唔記得左..個個都食到好飽好滿足

原本打算在康怡食東南亞菜，不過見到酒樓就點心癮起，於是馬上轉食隔壁的中菜，等5分鐘便入座。住在附近多年，但一直沒有試過，想不到今次居然是下午茶時間來食點心，很難得。

餐廳好似唔系好多人識，但系我地好鐘意去呢道食！因為覺得佢價錢相對便宜, 但系海鲜嘅質素好好，坐得又舒服。乳豬全體是不可或缺的菜色:豬皮卜卜脆，肥脂不多，食多幾件也不覺膩口!我個人蠻喜愛的港式芝士龍蝦伊麵 :芝 士 汁 濃 而 香, 龍蝦大大隻,肉質爽滑!鮑汁海參扣鵝掌:味香濃郁、口感爽滑、 鮑汁味濃，沒有腥味，咬口!酥炸花枝丸 用來當下酒菜真是絕配!一個很重要的菜式,炸漿夠薄,外皮要炸得夠酥，整體口感才會好。佢絕對做得到,食到中間有流心鵝肝,令味道更多層次感!

今晚我們去海港薈康怡店食晚飯！我們叫咗鹽燒八頭南非鮑、味淋凍鮑魚、冰鎮咕嚕黑豚肉、濃湯花膠螺頭煲鷄、花膠佛跳牆、香芒芥末大蝦球同孖寶「薑蔥肉蟹同乳豬件伴海蜇」！第一次食到呢個冰鎮咕嚕黑豚肉非常外脆內軟，完全無膩嘅感覺，仲有新鮮蔬果伴碟，非常適合而家夏日炎炎嘅時候食！極具創意！令我回味無窮！係本人嘅必食推介！香芒芥末大蝦球非常清新，香芒芥末醬同大蝦非常配合，大蝦球非常新鮮彈牙！濃湯花膠螺頭煲鷄嘅湯非常濃郁，湯料十足，真材實料！味淋凍鮑魚肉質非常嫩滑！鹽燒八頭南非鮑亦非常香脆，火候控制得好好，唔會韌！各有各特色！兩款都值得一試！

大江東去浪花淘盡多少英雄，鰂魚涌康怡廣場譚魚頭敗退後又來間連鎖酒樓殺入港島東。此地點夾在太古城和吉之島之間，應旺不旺皆因人流不至。本來以前東湖經營多年平靚正，搞什麼新活化呢。講番呢間海港薈，裝修佈置唔錯，魚池比上兩手都靚。廣東菜之外又有日本魚生拼盤，雖然話中式酒樓加個日式生鮮好易撈亂粘板，但食物及衞生局批得個牌都怕有個譜掛。好，開壺普洱先，水滾茶色都好，飲落冇水喉味。是晚點了三個菜黑松露蝦仁炒蛋油多而膩，松露不太香，雪蝦味沒去除。因為大部份蝦的腸未清除，沒勁，吃剩半碟。蒜茸蟶子約五吋長，得唔太乾淨，我取出肉後要手動處理，初時吃下尚覺新鮮甜美。醮上碟上的蒜茸及豉油後頃覺嗆喉並有強烈油益味，吃罷殘留味道越來越強，木獨感覺蔓延至舌面。南瓜芋頭煲火侯不夠，浸在吉士粉汁內格格不入。如此便宜的菜居然還要加上幾片木薯，敗筆。唔知呢個集團其他分店係唔係都係咁呢。