海港薈 (康怡廣場北座)

Open Now

Now Closed

一行八人 可以一齊坐飲下茶都唔錯今日就約埋親戚一齊飲茶 🫖叫咗好多不同點心 同埋 孖寶套餐味道大家都舉起手指公👍我地叫左個炸芋泥 超好味 😋佢有total 5粒 一放落枱到就即刻比人掃咗大家都過好正 好夾 唔會感覺好油蛋散又係絕對值得推介 好味 爽口 唔會太多油仲要好熱

海港薈(康怡)因以前近仔仔學校所以成日和家長們黎食。一段日子無去，這兩天好掛住隻蟹，昨天打風訂不到位，今天公衆假期才去吃。六時坐底第一時間去選隻蟹，選了隻5斤，$238/斤。蟹膏用來炒飯，加$100。蟹一如以往鮮甜厚肉好滿足。蟹膏炒飯加了帶子仔和蝦粒，炒得好香，不油膩，熱食無得頂。椒鹽鮑魚好合小朋友口味，我就覺得蒸好味些，椒鹽吃不到鮮味。龍蝦伊麵，龍蝦肉彈牙，伊麵入味。泰燒豬頸肉唔肥，啖啖肉，唔韌，配泰式汁好開胃，但份量唔多。金磚豆腐，入面嫰滑，略淡，但配炸蒜味道剛好。我以前同家長們去，他們是熟客招呼當然好。但我一家唔係熟客，招呼都唔差喎!除咗隻蟹，其他餸上菜非常快。員工所有野都自動自覺，叫人容易。和家人開心的一餐。

今日請媽媽吃飯，不想吃點心，叫了超值午市套餐豪下。套餐$288，有上湯本地龍蝦伊麵和醬燒雞半隻。兩大隻龍蝦開了邊方便吃，龍蝦有肉，肉甜結實，好食過波士顿龍蝦好多。伊麵吸了上湯好味。醬燒雞皮脆肉结實，不錯。兩個人吃飽飽，超滿足，吃不完還打包回家。最後來個焦糖燉蛋($18)，完美。又香又滑，甜度適中。平過自己去街市買，抵食好食，推介你來吃。用政府消費券埋單更開心。酒樓還有很多其他超值之選，下次再來幫襯。

雪山叉燒包有一日去飲茶食早市見到有特價優惠😆價錢幾吸引幾抵食☺️所以就入咗去食啦！雪山叉燒包 ～$24價錢大約20幾蚊，因為有優惠時段！有三個叉燒包，都好大😍上到嚟嘅時候熱辣辣！雪山就好似墨西哥包，做得幾唔錯，甜甜地幾香脆～大人細路都應該會幾鍾意😋💕食入邊叉燒份量都算多，味道不過不失係，最好平時大家會食到嘅叉燒包～但因為熱辣辣加上有咁大個，食一個個都好有滿足感☺️❤️嗰日食咗好多嘢最推介呢一個🥰😆

今日喺海港薈（康怡廣場）嗰度食長腳蟹，我哋order一隻4斤半長腳蟹，等咗好耐，其他桌都到咗，問夥計點解我哋嘅長腳蟹到而家都未到，佢話5分鐘後就出嚟，但係我看見傳菜員竟然把我哋訂嘅長腳蟹拿俾其他客食，因為佢嘅動作好差異個號碼是否對，我見到部長走去嗰台客睇，佢一定知道送錯咗，仲要話我哋不是，然後我見到部長佢喺揀海鮮地方攞咗一張紙出嚟，應該去咗廚房求其攞一隻無新鮮有腥味嘅長腳蟹俾我哋，唔係我哋訂嘅4斤半長腳蟹，直情係混水摸魚，夢篇顧客，實在太過分，即係要成$1200以上。係咁嘅經濟環境下，仲會有咁差嘅酒樓同埋員工。下次大家如果去依間餐廳食海鮮，千萬要小心，提高警覺防止佢哋會掉包。

今日喺海港薈食長腳蟹，我哋揀咗一隻四斤半嘅長腳蟹，等咗好耐冇來，問夥計點解長腳蟹而家都未到，佢話5分鐘後就出嚟，但係佢哋竟然把我哋訂嘅長腳蟹拿俾其他客食，我哋就問部長，見到部長走去嗰台客睇，佢一定知道送錯咗，仲要話我哋不是😡😡，真係冇禮貌，然後我見到部長佢喺揀海鮮地方攞咗一張紙出嚟，應該去廚房攞一隻唔係我哋揀嘅長腳蟹俾我哋，一隻無新鮮嘅有腥味長腳蟹俾我哋食，唔係我哋訂嘅4斤半嘅長腳蟹，直情係想混水摸魚，夢篇顧客，實在太過分啦，要成$1200。點解疫情下，仲會有咁樣咁差嘅海鮮，酒樓同服務員。😡下次大家如果去依間餐廳食海鮮，千萬要小心，提高警覺，防止佢哋會掉包。

Food was basic, not very fresh, fish was very bad, poor cuts of meat, cabbage was not washed properly. Lobster was okay. Roast meat was average nothing special.The restaurant is very busy and the service quite poor, not very friendly. Only good thing was the price but because all the other dishes were quite average will not be returning.

我去過這間餐廳好多次，初時覺得夥計都幾有禮貌幾好，食物都過的去，所以就去了唔少次，但最後一次在4月14日去，部長的態度其差無比，令人反感，可能因為生意太好，唔憂做。

近年已經很少幫襯了，昨晚，朋友突然有興致出街食飯，被邀請共赴...安排卡位的枱，坐得頗舒服又有安全感...人客也不少，差唔多爆滿⋯⋯好現象點叫南澳洲龍蝦，炒麵底，龍蝦1斤4両左右，肉質結實彈牙，香甜有鮮味，火候夠，炒幼面，夠香脆，不太油或太咸，亦不太乾，味道恰到好處...美中不足是，沒有如其他酒樓般，一早預備妥當較剪及鉗的用具，需多次要求....$360，算抵食...磯燒鮑魚，比較乾及硬，@$32....上湯浸白菜仔，上湯清甜，似沒有味精，白菜仔夠嫩，蒜蓉豐富，很不錯！奇怪是上菜的碟崩裂左兩大片，也照上枱，好似有點....（看照片便可見）此店食具破損頗多，飯碗底全破損，𠝹手的，依然奉客，蔚為奇觀！待應比較散漫，亦缺乏訓練，例如：食完龍蝦都沒有換碟，要開聲叫？！

今晚試下抵食餐，這價錢吃這個餐，低。鮑魚比較小，魚蒸得不錯，其他都幾好吃。總結環境及食物都幾好，服務態度好，台與台之間很闊，上菜速度都快，適合一家大小去共進晚餐。會常去。

好抵食四人餐這店最出名食海鮮，特別是長腳蟹。今晚飯腳不是愛吃蟹之人，加上看見這個抵食餐，那就試下囉。以這價錢吃到這個餐，真是超值，雖然個鮑魚不吃也吧，太細及韌，但這條兩斤沙巴龍躉的確蒸得不錯，其他菜都幾好吃，個湯好飲。可能這店是有個「薈」字（英文Supreme)，所以環境食物質數都好好，勝價比好高，應該會常去。

今早约了爸媽及親戚飲早茶。他們建議去康怡海港薈，因為方便又抵食。早茶時段大中小點都只是$20.5。茗茶每位$9。盅頭飯如咸魚肉餅飯及鳳爪排骨飯合爸媽口味，實肉咸魚不太咸，肉餅易入口。吃一盅連午餐都慳番。鲍魚燒賣皇、翡翠筍蝦餃皇、蜆蚧鲮魚球及腸粉味道都不錯。5個大人食了十一款點心只需$333.5。用酒樓的app,每次消費完還可儲分換礼物。酒樓環境和服務都ok。

自從限聚令之後，已經一段時間沒有光顧中式酒樓，今天去了康怡花園的海港薈，看到整體生意已回復八成以上，暗自也有點欣喜，畢竟民以食為天，大家經過這段疫情，終於可以稍稍放鬆一點，一家人一起吃一頓飯，縱然不是珍羞百味，也是其味無窮，如果大家有機會來到鰂魚涌附近，我推薦

今日放半日假，約了朋友去康怡廣場海港薈下午茶 ，傾下近況， 酒家下午茶二時開始，便可入座。我們點了竹炭甜薄罉、 金沙米網腸、金錢肚和蘿蔔酥。四款點心中，竹炭甜薄罉和金沙米網腸 比較好食 ，金錢肚則獻汁較稠，而蘿蔔酥的酥皮厚了些，幸好蘿蔔絲也算多。食物質素外，我認為酒家侍應的態度也要改進一點，他們對客人的態度比較冷漠🤔

星期日同波友打完羽毛球,去左康怡廣場嘅海港薈飲茶。酒樓地方相當大,可能價錢吾算太貴同點心選擇多,都好受食客歡迎,等左十幾分鐘先有位。竹炭甜薄罉薄罉軟糯,餡料吾算太甜,有椰香味。海港炸两腸同叉燒腸都吾錯,腸粉幾滑,而炸两新鮮香脆。櫻花蝦煎薄罉都好香蔥味,櫻花蝦都吾少。原籠合桃馬拉糕熱辣辣,鬆軟吾太甜。整體來說,價錢合理,食物質素中上,可以再次光顧的。