齋之寶齋菜館

Open Now

Now Closed

見呢間餐廳近近地返工地點，於是今日就試呢間嘅外賣。見佢都有好多款食物，有壽司，素碗仔刺，炒麵，蘿蔔糕，齋老味，炸腐皮巻等炸物。四餸飯就餐廳指訂，無得自己揀。有送湯，外賣會加1元。總共51元。大大盒，其實都物有所值。四餸飯每日都唔同。今日4餸飯有老少咸宜(蒸素肉餅), 唔咸又唔油; 沙葛幾有驚喜，煮得好爽口;贊！青瓜炒素火腿，仲有燙青菜，唔老但唔油。個湯系紅蘿蔔湯，相對啲餸有啲咸。我覺得整體來講都值呢個價錢，男士一定夠食！無乜味精，算系健康飯盒！

有時想找素，真心有點難度，而且搵到好食嘅就更加難上加難。因為同行有位師父不舒服，所以我地搵左一間有粥食的，味道清清地，其實沒什麼特別。 我見到有一個很特別的八寶糉，用八寶粥的材料來做糉，我買了一個比屋企人試下，睇下可否做翻呢個味道，因為實在太遠了，而我從來都未見過這糉。我是坐的士到尖沙咀比屋企人，差唔多40分鐘，個糉仲係熱架!

Happy Green Monday!!你們喜歡吃日式便當嗎？我個人挺喜歡的，因為可以細嚐數種不同菜式，而且賣相通常很整齊精美！ 這一次當然是吃非一般的便當，我帶大家到元朗吃素食便當： 先來一個例湯，木瓜雪耳湯，清甜可口！ 便當如下圖，有4款不同的菜式，而且每天也會換款， 所以大家去到可能跟小編吃的不一樣！ 米飯可選白米飯或紅米飯，或者可以每款各半！ 小編看到有新鮮出爐的春卷便忍不住點了， 餡料有驚喜，口感很豐富。 About Lucas K小篇盧仔，一名八十後打工仔，從小到大都十分喜歡旅遊，而且還會摸仿旅遊節目主持人，近至澳門、遠至歐美，每個旅程都會令我興奮不已！ Related Post

小油小鹽清淡可口,老黃瓜湯好清甜,老闆伯伯好友,老店沒有豪華裝修,但我覺得食物質素最重要.中午帶小朋友過黎食齋，出奇地小朋友都好鍾意食間中食齋好處多出街食嘢都可以有多個選擇又可以食小D肉

其實香港真系比較少有、有既都偏貴。上OP搵到依間去到已經乜都想食好鐘意食個粟米粥，好多料其他野都好好味，去元朗都可以去食下！套餐又正、多野食！又有湯飲！健康選擇

平時行過都會買佢地啲齋滷味食下，真正入鋪食今次都係第一次。其實呢人都幾源源不絕，今日叫左雜錦拼盤﹝細﹞，煎釀茄子﹝細﹞，蘿蔔糕﹝細﹞，粟米粥同豆漿。煎釀茄子都幾令我意外，估唔到冇肉一樣做到街頭小食「煎釀3寶」的效果。我相信入面釀既應該係芋泥，但煎刑卜卜脆，而且少左芋頭本身膩的感覺！我俾90分！粟米粥則有點特別，佢地加左豆同冬菇去煮，其實如果叫雜菜粥個名會更恰當。在我而言我就唔太like粟米粥加左其他材料去煮，不過好彩碗粥食落都仲踏踏實實係粟米粥味，而且仲相當香甜呢。另外要講講豆漿，原來本身店中係冇熱豆漿供應，但店員都第一時間幫我翻熱、價得一讚！不過我師嫌豆漿有少少稀、豆味唔夠濃郁。最後要大力推介一下個紫菜餅，我平時都係買返屋企食，唔洗翻熱就咁凍食已經誇啦啦！甜甜地、既有紫菜味又好咬口。上次我用黎燒野食效果一流！睇黎素食者又多一個選擇啦;)~!

聖誕節正日咁o岩係十五~ 帶埋細妹同妹夫去食齋~ 今日比平時o既齋期少人...但都唔易搵位...三個人叫o左兩個餐盒...一份齋鹵味拼盆同埋三件紫菜餅~ 上次食餐盒d餸就比較凍...今日就熱返好多wor!!! 可能我地早o左去所以d食物仲熱呱...齋鹵味拼盆 $18真係好大碟好抵食~ 而且款款都好入味~ 但係又唔會好咸~ 推介!!!上次我好期待紫菜餅...$5一件...今日試o左有d失望...因為又係凍冰冰ge...應該係炸起o左好耐...但係入面好足料~ 好飽肚!!! 鍾意食炸o野o既我一路都期望佢係超香口...唉...話雖如此...都仲有好多o野想試...下次一於試芋頭魚先!!! 

初一十五食齋o既我...耐唔耐都會嚟呢度食~ 全店都係齋菜~ 選擇又多~上次中午嚟o個陣又係齋期...超多人!!! 今日夜晚食...第二次食呢款餐盒~ $38有四款小菜~ 仲有湯~ 我今日唔要齋鰻魚...轉o左酸齋~  主食可以揀米粉, 炒麵, 飯或糙米飯~ 仲可以雙拼~ 素菜o既味道都唔會太濃味~ 清清地o岩晒~ 唯一美中不足就係d食物唔太夠熱...天氣凍呢樣o野就差少少...下次試o下另外點粉麵試o下先...

紅豆花生,綠豆咸蛋素粽,健康而且只賣 $12 一隻, 仲一買買咗 4 隻 。今日蒸咗一隻嚟食, ,好足料。唔好以為會好淡無味, 其實都好夠味, 咬落豆豆不少, D米夠軟綿, 仲有淡淡的竹葉香氣。又幾得喎。

我本身住市區 , 6-7年前 , 有一輪經常入大唐 , 需要係個度轉小巴 .就比我發現左呢間野 , 我會每日去食早餐 , 夜晚放工 , 一星期有一两次係度食晚飯 .依家每逢有機會去元朗 , 都一定入去食粥同米粉 .粟米粥 - 無乜料 粥底唔錯艇仔粥 - 有好多蒟蒻絲/齋肉絲 , 十蚊唔使 , 好抵食 !抄米粉/麵 - o.k. 唔油 , 調得幾平均 , 唔會太咸或淡 !三餸+飯+湯套餐固定两個齋菜 + 一個炸物 , 基本上佢可以比你換其中一様餸 !飯/米粉/麵任揀 , 怎至两併都得 , 彈性好大 !個湯係滾湯 , 無乜味 , 叫做濕下口 咁.

估唔到呢間齋菜食肆,咁多年都冇人再俾食評意見!?我近來都少食齋菜套餐,原因係菜越越簡單。以前一個套餐總有一個,製作較複雜齋菜,例如炸鰻魚、素雞或假蝦仁等。但依家一個套餐,果幾樣菜,唔係用滾水灼下,就係炸春卷之類熱氣菜,又冇汁水完全送唔到米飯。依定仲用多平價食物,例如炸菜、雪菜、菜莆或雞蛋等做配菜,次次經過睇下個菜牌,就已經唔係好想入去食。希望佢改善下菜選擇,因為大多鍾意食齋菜客,都唔太鍾意食太油膩及煎炸食物,而且依家菜又太簡單及無益,只求減低成本及增加惹味程度。雖然咁多年都冇加過價,但我覺得$18元套餐連湯,就可以再考慮多番幫襯。仲有要補充一句,有一個問題已經存在好耐,而且熟客都成日出聲投訴,就係餐湯無論季節係幾時,都應該係保持熱辣辣先好飲,好心搵個大煲加熱保溫啦~

我幫襯左呢間好耐,但近來已經冇去食啦!1997年?由21元突然加到23元,但好短時間又佢減至22元,不過(食送)菜0既質素就差左好多啦,蔬菜方面又老又冇味,齋肉類以往會做好多較花手佢既菜色,但一減價之後就只係出好簡單0既菜色,例如用熱水整熟及清炒等,唔似以前多d 功夫整較多特別齋菜,例如齋魚等。之後佢又減到20元,咁唔駛講又係將貨就價啦,雖然我係食慣淡口野同齋,但真係越食越唔慣囉!

there are so many choices to u ...and the prices are ressonable. <br>and so many new foods pattern

真係地道,唔會左加味精右加醬.總之唔會整色整水.我特別喜歡?的午市套佢有菜,有湯,有飯.唔要飯可轉炒粉麵.個湯係齋湯,冇味精.