海膽仔

Open Now

Now Closed

成日去新蒲崗唔知食咩好，原來有間好高質嘅居酒屋，主打優質海膽料理🤩 亦都好多種類嘅日式料理可以揀，價錢親民、食物選擇多而且份量好足夠！✿ 蟹油蒜金菇牛肉鍋飯 ($88)升級版嘅牛肉丼飯🤩 煮金菇牛肉嘅醬汁本身好濃郁，加上蟹油、脆蒜粒、蛋黃，成個飯都好惹味。牛肉片質素都唔錯，食落唔乾同冇筋，依個飯我覺得都好有驚喜👍🏻✿ 壽司定食 ($138)壽司定食都幾食得過，一共有六件壽司、三件軍艦、兩件卷物，跟味噌湯同沙律。魚生整體新鮮，飯唔會好大舊。入面有海膽軍艦，海膽好新鮮非常鮮甜～✿ 黑松露鮪魚他他沙律 ($88)沙律醋加黑松露嘅醬汁好香，清爽解膩。微醺過嘅鮪魚片食落軟滑冇筋，唔錯👍🏻✿ 蒜香燒茄子 ($48)原條茄子配上大量蒜蓉，食落好香口惹味。燒多少少會較好，整體偏油～✿ 串燒 ($18~28)依度有多款串燒好吸引，我哋點咗幾款質素都唔錯😆 牛舌肉質軟淋，燒得幾香👍🏻 另外點咗雞腎、翠玉瓜同雞肉大蔥。

雖然間中都會去新蒲崗食飯，但第一次發現這間高質的小店。店裏以海膽為主打，很多食物都加入了海膽的元素，更有新鮮的海膽售賣。整體今次用餐體驗非常滿意，性價比亦很高，絕對會encore 💕。🚩海膽大蝦炒麵定食 $108這碟炒麵大大碗之餘，每一啖面的醬汁也混合了海膽的味道，而且更有幾隻大蝦，口感爽脆。🚩壽司盛跟牛肉烏冬定食 $98這個定食有六件壽司，感覺上很抵食，而且烏冬是高質的口感。🚩海膽燒帆立貝 $98這個帆立貝很新鮮又配上很多海膽的醬汁，👦🏻甚至把所有醬汁都吃光光。🚩熔岩海膽魚餅 $38魚餅非常彈牙，而裏面的海膽真的很多，像爆漿一樣爆出來，絕對值得一試。🚩海膽三色花之戀 $48一啖咬下去的口感非常豐富，所有材料都很新鮮而且很夾。🚩燒菠蘿 $22很juicy沒有失望。🚩炸貓山王 $38這個甜品又是值得一試，裏面的貓山王真的啖啖肉，沒有偷工減料，加上外皮香脆，口感很特別。

今晚同朋友叫咗一人一個丼飯，另外仲叫咗兩個手卷。黎之前有見到好多人都推介呢個三色海膽丼所以其中一款就直接揀咗佢果然揀得好 大家推介都係有原因的海膽好鮮甜 而且加埋三文魚子同吞拿魚蓉成個口感好豐富 真心好唔錯 好滿足另一款就叫咗松葉蟹雙重丼分別有蟹肉蟹籽同埋蟹膏蟹膏嘅份量真係好多 完全足夠撈晒成碗飯鍾意食蟹嘅我就覺得好滿足 如果蟹肉更加鮮甜的話 就Perfect了炸蝦蟹籽卷 好鍾意佢外層嘅蟹籽脆卜卜牛油果軟殼蟹卷都唔錯 如果份量再多啲就好了！最後當然唔少得叫埋個帶子海膽厚厚嘅帶子切開 中間夾上鮮甜嘅海膽簡直係完美 真係好新鮮好好食！鍾意食帶子海膽嘅人一定要叫！！

驟眼看店名 以為餐廳是海膽專門店但原來有多款壽司 刺身以及熟食選擇招牌海膽固然非常出色 但其他出品也相當有驚喜整體來說性價比都挺高平日晚上都幾乎滿座 可見其高人氣⍢三色迷你丼 $188分別是蟹肉蟹膏 海膽 及吞拿魚蓉蟹肉蟹膏好重蟹鮮味 選用的加拿大海膽入口滑順 鮮甜味十足 吞拿魚蓉口感綿密 同樣送飯一流3款份量都很多 快要滿瀉 性價比極高又可以一次過滿足了想試勻的慾望倍化帶子吞海膽 $98帶子包著快要滿瀉的海膽外層再有一層微脆的紫菜賣相新穎 就像Burger XD啖啖充斥著帶子與海膽各自的鮮甜而且有入口即溶的口感推薦試試這個配搭～活赤貝 $45活赤貝很新鮮爽口特別的是用了紫菜包了裙邊 口感彈牙牛肉薯餅 $48餡料是牛肉碎粒及薯蓉外層炸得脆卜卜但不油膩牛油果軟殼蟹卷 $38軟殼蟹炸得酥脆 配上牛油果再加上蟹柳及青瓜 口感豐富三文魚腩壽司 $18火炙三文魚腩壽司 $24三文魚腩肥美新鮮 正常發揮⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐海膽仔 📍新蒲崗衍慶街2-32號新蒲崗大廈地下Q號舖#foodiegoodie_spk

《🍑Eat With Peach》海膽丼一如以往的高質，海膽質素高，份量多，顏色鮮豔，味道鮮甜，完全沒有腥味，口感十分creamy，淋上少量豉油吃，味道已經足夠，每次吃完都大滿足今次還試了三文魚大蝦帶子丼，食材一樣好新鮮，尤其是帶子，真的好大粒，粒粒鮮甜甘香，三文魚切片以好厚身，不用$100吃到如此豐盛的丼真的是物超所值。怪物生蠔是每次來到都必吃的食物！$68就吃到如此大隻豐滿的生蠔，真的只有這間餐廳做到。

今日去咗呢間小店一心想食吓佢啲海膽飯，點知經過門口入去嘅時候發現佢一個生蠔凍櫃。入面有四五款生蠔可供選擇，以一間日式小店來說選擇都算很多。坐低之後揀咗海膽飯同埋一個鰻魚便當定食，就出去揀生蠔。兩款日本蠔都身形巨型，好飽滿。令和怪物比較creamy。日本厚岸最好食，Creamy得來亦都有海水味。法國Gillardeau 就爽身，海水味最重。餐廳對於生蠔擺盤都好貼心，每一隻都有名，亦都會建議進食的次序。日本令和怪物＄68/隻日本厚岸$68/隻法國 Gillardeau $48/隻另外佢嘅海膽飯雖然細細碗，但係海膽都好多，而且很鮮甜。鰻魚便當定食就大堆頭，性價比高，樣樣都有啲。啱晒花心嘅人。總括來說，食物水準都幾好，生蠔，刺身，海膽都好新鮮，招呼亦都唔錯。

香港人最鍾意食日本嘢，當然我都唔例外。今日離開新蒲崗，見到有間日本餐廳叫海膽仔，就諗起好耐已經冇食過海膽，於是就行咗入去。舖頭嘅裝修都好靚，而且面積都好大。其實佢雖然個名叫做海膽仔，但係其實唔止海膽，仲有好多唔同嘅菜式。我同朋友一人嗌咗一個丼飯，我就叫咗個三色海鮮丼，係有三文魚子、海膽、同吞拿魚蓉。佢嘅份量絕對唔細，而且海膽都好新鮮，食到佢嘅鮮味，再加上三文魚子嘅份量都好多，每一啖都能夠食到配菜。而我朋友就嗌咗一個雙重三文魚丼飯，三文魚都好新鮮，而且佢嘅丼飯唔會過酸或者冇味。除此之外，我哋仲嗌咗個油甘魚刺身，都係非常新鮮，而且好厚切。除咗刺身類之外，我哋仲嗌咗好多小食，分別係炸蠔、鯖魚同茄子依啲小食都係新鮮整好，所以上到嚟熱辣辣。鯖魚份量好多，而且個皮烤得好香。而炸蠔就正正常常，都有佢嘅鮮味。茄子方面，面頭加咗好多蒜蓉，超級香口。

鍾意食海膽嘅我哋👦🏻👧🏻又嚟新蒲崗嘅海膽仔食啦😋 呢度嘅海膽真係每次都唔會失望😌～ 上次我哋兩個share海膽丼食，雖然海膽份量多，但貪心嘅我哋想食再多啲💕！所以今次仲嗌咗海膽手卷同海膽飯團添🤭壽司定食 $138有三文魚籽、吞拿魚、三文魚腩、帆立貝、赤蝦、海膽壽司等等，款款都新鮮。三文魚腩肥美油香十足✨，帆立貝鮮甜有口感😋。定食會有埋沙律🥗同麵豉湯🥣，麵豉湯味道濃郁，入面有豆卜。沙律新鮮爽脆，仲有車厘茄、粟米粒，配上黑醋汁幾開胃。海膽丼 $168海膽鮮甜，份量十足，肉質肥厚。海膽上面有粒粒三文魚籽🐟，增架鮮甜口感🆙，好味到一啖接一啖食🥰。海膽手卷 $48上枱時店員提醒我哋手卷要食咗先，唔係嘅話紫菜就會好快變腍。佢地手卷嘅紫菜真係好脆🗯️！紫菜包住壽司飯同鮮甜美味嘅海膽，一啖食落去真係好滿足阿🥰！海膽飯團 $88飯團外層燒到脆身，入面包住滿滿嘅海膽，熱食嘅海膽都好好味，有另一種風味💕。提子汽水 跟定食套餐+$6 📍 海膽仔 (新蒲崗)新蒲崗衍慶街2-32號新蒲崗大廈地下Q號舖

今次搵食搵到新蒲崗，好多舊式鋪頭嘅一條街度有間好光鮮嘅日本料理，專係食海膽刺身生蠔嘅🦪三色迷你丼 $188一個係海膽，一個係吞拿魚粒同蓉，一個係蟹肉蟹膏，三個都話就係話迷你丼，但都份量十足，啲料仲多過啲飯🍚倍化帶子吞海膽 $98超大隻帶子入面夾住海膽，睇落已經好吸引，食落帶子同海膽都好鮮甜，超滿足之選🤩熔岩海膽魚餅 $38呢個有啲似打邊爐啲丸，不過中間啲餡當然就比平時果啲更澎湃啦🤪海膽燒飯團 $88燒飯團燒得幾好，外層叫夠焦香，內層包住厚厚嘅海膽🍙串燒 $18-$28我哋叫咗五串串燒，分別係大蔥串燒、雞肉棒、五花腩、雞腎同埋牛舌，燒得夠香，調味都好夠🍗以前食過啲臭嘅海膽所以一直唔係太好食海膽，但係近年開始試過啲有質素嘅海膽之後都冇咁抗拒，今次呢間啲海膽整體嚟講都唔錯，值得一試✅

二次到訪呢間海膽仔，估唔到平日夜晚8點去食都幾多人，今次同朋友叫咗5樣野食🌟海膽三色丼黎呢度必食嘅一定係海膽，朋友本身對海膽有陰影，但今次佢試完呢度嘅海膽即刻改觀，因為食落好鮮甜，冇腥臭味🌟三文魚腩（8切）+ 帶子（3隻）刺身刺身好新鮮，三文魚腩啲紋幾靚幾均勻，亦好肥美🌟牛肉野菜鍋 + 稻庭烏冬呢個鍋幾足料，有好多菜同菇，仲有豆腐同日本粉絲。湯底好夠熱，可以啱啱好淥熟啲牛肉，所以食落好嫩滑，而隻蛋攪勻喺個湯入面，飲落特別鮮甜🌟原隻日本魷魚筒魷魚筒嘅size都算大，兩個人食好夠，口感軟得黎有少少彈牙，配埋個照燒汁食好惹味呢間第二次食都冇令我失望，下次一定會再去

海膽手卷 $48 令人想食完再食，海膽鮮味甜味好突出。鵝肝壽司 $58 一客有兩件鵝肝壽司～ 油脂好香～ 火炙三文魚 $18蜜柑鯛 🍊 蜜柑鯛的飼料中加入了蜜柑皮，所以食的時候會有淡淡的蜜柑味，較少魚腥味。燒油甘魚鮫 $88串燒燒羊架 $38冬天適合食羊進補😋 四種串燒一上枱，羊的香酥味就湧出來，少少黑椒調味。羊肉外面啡色，裏面係有少少粉紅色～ 好靚厚燒鰻魚串 $28肉質睇落幾靚，彈牙挺身。廚師只係加咗好少燒醬汁已經好味燒雞肉大蒽 $28大蒽好新鮮鮮甜～ 燒牛舌 $28　都幾大塊，肉汁 juicy ~ 野菜炒烏冬 $68 份量好多。烏冬的醬汁有少少酸甜香味，好似落咗喼汁。有獨特風味。

Wandered across San Po Kong/ Kai Tak on foot, so I was starving in the late afternoon. Stumbled upon this neighbourhood eatery with a welcoming vibe, let’s give it a shot. First impression: Huge television screen! Must be great if they play horse racing/ football games at night. Here they serve Japanese food, and specialise in uni- sea urchin! Couldn’t resist the uni calling and I ordered one of their signature: the mini bowls Trio! This trio is absolutely insane, very large portion despite they

有咗屯馬線，去新蒲崗變得好方便。今次嚟到海膽仔，喺鑽石山站行10分鐘即到。餐廳唔算好大，但光線充足，加上日式嘅裝修，整個環境都好舒適。呢度食目種類好多，由最基本嘅 壽司、刺身、熱食、串燒到生蠔都有。唔同口味嘅朋友都一定有嘢啱食。壽司方面，叫咗壽司拼盤同牛油果軟殼蟹卷。壽司拼盤嘅三文魚腩壽司極肥美，油脂分布平均，入口即化又夠油香，正！帶子同海膽都十分鮮甜。牛油果軟殼蟹卷，軟殼蟹脆卜卜又香口，加埋軟滑嘅牛油果，感覺清新。之後加兩串串燒。先嚟燒雞皮串，勁脆！一啲肥膩感都冇，感覺似食薯片，配啤酒一流！煙肉車厘茄串，車厘茄勁大粒，而且又甜又juicy，一咬爆汁，唔錯！再嚟兩個熱食。野菜牛肉鍋(可配烏冬)，牛味濃，肉質鮮嫩，仲有大量蔬菜及菇類。鍋物用上幼身稻庭烏冬，口感適中，唔會因為浸住湯而變得過腍。而且用幼身烏冬，感覺冇咁heavy。食到呢度已經好飽，但忍唔住想試吓佢個西京燒銀鱈魚。鱈魚肉質鮮嫩，而唔係用雪到死實嘅魚扒。魚煎得夠香但冇燶，可見師傅手勢一流。雖然好飽，但都不禁食曬😋值得一提係服務態度十分好，員工有禮，收碟夠快👍🏻再加上食到飽飽都唔洗$500，真係好抵!! 下次再嚟新蒲崗記住一試!!

海膽仔 (新蒲崗)今次再訪呢間位於新蒲崗嘅日式居酒屋，環境舒服，店員有禮。倍化帶子吞海膽嚟到海膽仔，點會少得海膽呢！叫咗呢款由大大粒帶子夾住滿滿海膽，外面仲有紫菜包住，一啖擺落口，食到紫菜嘅香脆口，接住又有爽甜帶子，最後新鮮海膽洋溢於口腔，滿足到不得了😍😍雙重三文魚丼份量絕對唔少嘅刺身丼，有五塊大大塊嘅刺身三文魚，再加一塊淋上醬汁及香蔥嘅炙燒三文魚。刺身當有連同沙律同埋麵豉湯，非常豐富！牛肉野菜鍋鍋物揀咗最經典嘅牛肉鍋，配有日式壽喜燒湯底，面頭有日本生蛋。牛肉份量非常足夠，牛味香濃，口感正常，唔太韌。我哋加咗$10跟稻庭烏冬，總共都係$98，好食又飽肚。串燒我哋試咗雞肉大蔥、雞皮、翠玉瓜、和牛、七味五花腩。最推介嘅係七味五花腩，調味非常香口，口感帶點香脆，食到腩肉嘅味道同時有油脂溢出，正！📍新蒲崗衍慶街2-32號新蒲崗大廈地下Q號舖

周不時都會同男朋友去搵好嘢食，最近見到網上面有人推介呢間海膽當飯店，就揀咗嗰日夜晚同男朋友一齊食。我地揀左2個丼飯再加d刺身同小食。海膽丼：海膽份量十足，望到都覺得新鮮，食落好清甜，又夠creamy，撈埋飯食好好味。松葉蟹雙重丼：肉質呈一梳梳的形態，軟滑綿密多汁，蟹膏甘香濃郁，重點價錢都唔貴三文魚刺身：三文魚條紋清晰，肉質細嫩鮮美。油甘魚刺身：口感幼滑細膩，味道鮮甜，食落淡淡甘甜。倍化帶子吞海膽：帶子經過微微火炙，有少少炭火香氣，配上海膽融融地既口感，食落更可以突顯海膽鮮甜味道。鮟鱇魚肝：口感綿密滑順，油脂柔嫩香醇。沙律及餐湯：跟餐送既，沙律菜好新鮮，又有粟米+蕃茄仔，幾豐富。麵豉湯飲完成個身暖笠笠。