兩草 (棉登徑)

Open Now

Now Closed

好多年前喺大坑食過之後去到今次覺得好有驚喜成個menu味道都進步晒如果我係附近返工一定會每個星期都食呢個價錢同質素實屬尖沙咀少見而且係到會想介紹遊客試吓嘅程度！叉燒豬油撈麵有辣有唔辣我揀咗嘅麻辣好惹味亦唔會好乾香煎脆邊蛋肉餅飯係尖沙咀分店先有呢兩個主食嘅份量唔算太多好適合去食lunch或者下午茶不過去到見到menu好難抗拒到嗌小食加埋蛋炒豬腸粉真係好有港式風味食物溫度夠熱夠豉油夠香口呢個價錢可以講得上係平民食堂！另外再追加咗咖央多士同招牌炸雞翼係馬來西亞嘅風味～個雞翼係有蝦子嘅味嘢飲就一定係揀樽仔奶茶同檸檬薏米水埋單兩個人總共二百蚊左右食完飽到好夜先覺得肚餓我相信下次去到都一樣會好似今次咁忍唔住嗌到成枱都係🤣聽住啲90年代嘅歌幫襯返香港小店有種多少往事在心頭嘅感覺～～希望呢啲香港特色嘅嘢食唔會消失🙏🏻

今次就帶大家嚟尖沙咀棉登徑呢間平民食堂試吓佢哋嘅馬來西亞菜，每款食物都係由二十幾蚊至四十蚊左右不等，真係超級抵食!喺呢度有相當多嘅Signature美食，尤其以:蛋炒豬腸粉、叉燒撈麵同咖央多士最出名🌟!我同朋友今次離就叫咗🫓小籠包胡椒湯$40- 第一次食呢款小籠包，每啖小籠包入面嘅湯都有胡椒湯味，好得意!🍛胡椒肉骨茶$38- 每舊排骨都吸晒肉骨茶嘅湯味，肉味好嫩🍖滑蛋叉燒飯$40- 雖然細細碗，但食材豐富，滑蛋同叉燒份量配合得啱啱好!🥠咖央多士$25- 多士焗得好脆身，而且唔算太甜，係唔錯嘅小食!🍥蛋炒豬腸粉$27- 今次呢個豬腸粉令我最有驚喜，腸粉煎得好脆，豉油味濃，而且腸粉好爽口，食落一啲都唔油膩🥤檸檬薏米水$25- 檸檬薏米水大大杯，解渴，一流而叉燒撈麵都好特別有豉油味, 同麻辣味可以揀，仲有樽仔奶茶添!😋但今次食咗太多嘢啦,下次一定要嚟試吓!臨走嘅時候，喺門口再見到餐廳原來都有早餐時段都有供應，不過只淨係得尖沙咀分店先有，下次去係尖沙咀食早餐又多個選擇啦!😃

尖沙咀搵到呢間滿滿港式懷舊風嘅餐廳，仲係馬拉x港式style嘅特色美食，價錢幾親民，打卡又可以當食堂😝🔸 香煎脆邊蛋肉餅飯(HK$42)脆邊嘅煎蛋有流心嘅蛋黃配上外脆內嫩嘅肉餅，撈埋醬油飯食好夾😄🔸 叉燒豬油撈麵(HK$45)叉燒肥瘦適中，撈麵可以揀麻辣或醬油味，仲有大量蔥花😁🔸 小籠包胡椒湯(HK$40)湯底胡椒味好濃郁，小籠包都幾多肉汁😗🔸 咖央多士(HK$25)薄薄地嘅脆身多士，咖央醬甜甜地，記得趁熱食😉🔸 蛋炒豬腸粉(HK$27)腸粉連埋秘製醬油咁炒，仲有薄薄嘅蛋花，好懷舊feel😌

小籠包胡椒湯，一咬開充滿肉汁，仲配埋濃郁嘅胡椒湯底，好香噴噴，呢個食法都係第一次食，好創新咖央多士烘烤得好焦香，外層香脆可口，裏面軟熟，多士入面仲塗滿咖央醬，好味香茅雞扒飯，大大塊香茅雞扒，充滿香茅嘅香味！而且雞扒仲煎至金黃色，好多肉汁好Juicy，配埋豬油飯底，真係好惹味，好快就食晒成碗飯香煎脆邊蛋肉餅飯，賣相見到已經好吸引，因為有一隻脆邊嘅太陽蛋！厚厚嘅肉餅好足料，啖啖肉，加埋蛋汁再混合埋豉油豬油一齊食，唔錯樽裝咖啡（班蘭）咖啡香滑，淡淡都充滿斑蘭嘅香味，味道好夾好特別，正餐廳舒適寬敞，上菜速度快，餐廳店員服務態度好友善，抵讚

人氣平民食店，裝潢充滿懷舊風情。主打大大碗足料平民碟頭飯，店名「兩草」，是指$20x2便可食到地道美食的理念，親民扺食。肉餅煎得香口，非常厚身，口感鬆軟，保留肉汁味道，煎蛋燶邊，入口焦香微脆。邪惡的豬油渣炸至香脆，滿滿豬油香味，再配合溫泉蛋蛋汁，味道香濃。雞扒皮脆肉香，雞肉醃製得宜，蛋白質滿滿 ，一咬Juicy爆汁。叉燒鮮嫩多汁，完美半肥瘦比例，大大塊厚切，超級惹味，配合嫩滑香濃滑蛋，再淋上靈魂甜豉油，真係無敵組合。腸粉熱辣辣超級軟身，散發陣陣豉油香，每條腸粉都有陣陣蛋香，炒得好有鑊氣。

呢間餐廳一直好受歡迎因為CP值超高‼️主打嘅懷舊港式風味而家已經比較少搵到🪭其中又混合左D馬來風味既元素🇲🇾 平民嘅口味但係唔平凡值得一試呢❤️⭐️ 香煎脆邊蛋肉餅飯 🥩可算係呢間餐廳嘅名物🥹 肉餅煎得香脆加上金黃既脆邊蛋🍳 豬油配上醬油撈飯係我傳統但邪惡既美味😈拌上蛋汁有種溫暖嘅童年回憶感🤡⭐️ 滑蛋叉燒飯 🥓滑蛋同叉燒雖然看似簡單但係感覺好Homey🏠 叉燒嘅鹹香配上蔥花嘅點綴🌿撈飯係滿滿既滋味⭐️ 鮮蝦胡椒湯 🦐自家製嘅胡椒湯底加上蒜粒好有地道新加坡感覺🇸🇬 胡椒味香濃但係唔嗆喉🌶️大蝦用料新鮮帶鮮甜⭐️ 香茅雞扒 🍗雞扒煎得香脆又嫩滑🐔迫出金黃嘅油香連皮都食埋💛⭐️ 蛋炒豬腸粉 🐷已經好少食到咁懷舊嘅小食😋 簡單既材料配上蛋香係平凡既美味😙⭐️ 咖央多士 🍞多士烘得香脆🥰 半溶嘅牛油配上帶椰香嘅咖央🧈冰火既感覺混合在一齊好有南洋風味🧊喺香港嚟講係數一數二高質嘅咖央多不誇張🏝️

呢間港式馬來西亞fusion小食店，我已經幫襯過好多次，每次帶朋友嚟都大獲好評！裝修走懷舊香港風，霓虹燈牌、鐵閘花紋、舊式茶記摺枱，每個角落都係打卡位📸。食物擺盤精緻，份量啱啱好，重點係超級好味！🍜 叉燒豬油撈麵（麻辣）一上枱就聞到豬油香混合麻辣醬嘅誘惑！麵質煙韌彈牙，掛滿秘製醬汁，麻辣味唔會死辣，反而帶啲甜香，越食越上癮。叉燒半肥瘦，咬落去有蜜汁香，同麻辣豬油出奇地夾，食完碗底啲汁都想撈埋！ 🍳 香煎脆邊蛋肉餅飯半生熟煎蛋嘅邊煎到脆卜卜，一篤開蛋黃即刻湧出嚟，撈勻啲飯再加埋**煎到金黃嘅肉餅，鹹香得嚟帶少少甜，口感似午餐肉但更有肉香。特製醬油帶啲豉油皇香氣，撈飯一流！ ☕ 樽仔奶茶奶茶裝喺懷舊樽，茶底濃到掛杯，煉奶甜度剛剛好，唔會膩。飲落順滑帶微微回甘，同麻辣撈麵係絕配！ 週末晏晝超多人，建議平日下晝3-5點去，慢慢影相唔使逼。尖沙咀分店有早餐set，$50有交易，可以試勻招牌菜。

【#思思賢推介】尖沙咀懷舊茶記「兩草」— 馬拉風味 x 港式情懷🌿✨早幾日午餐去咗尖沙咀嘅「兩草」，呢間餐廳將馬拉風味同港式元素融合，創造出獨特嘅菜式！🌿🌿 餐廳裝修充滿懷舊茶餐廳嘅感覺，好有香港特色！🇭🇰午餐時段餐廳都幾多人，好彩唔使等位！我叫咗以下呢幾樣：咖央多士: 多士烘得香脆，咖央醬香甜，配埋牛油真係perfect match！🤤 不過如果咖央醬可以再厚身啲就更好喇！滑蛋叉燒飯 (🌟必點！): 呢個真係每次嚟都必叫！💯 炒蛋滑嫩，叉燒用嘅係豬梅頭，肉質鮮嫩，油脂分布均勻，而且仲特登切碎，令每一啖飯都撈到叉燒同蛋，真係好滿足！🤤 簡單嘅菜式最考功夫，呢個叉燒飯就係最佳例子！😋樽仔咖啡: 樽仔嘅設計好有懷舊feel，咖啡香濃順滑！☕️ 不過甜度比較高，如果可以揀少甜就更啱我口味喇！整體嚟講，「兩草」嘅食物質素唔錯，價錢合理，而且環境舒適，好啱同同事朋友食lunch！👍🏻 想試吓唔同嘅午餐選擇，不妨去「兩草」感受一下馬拉 x 港式風味啦！😉兩草 📍 香港尖沙咀棉登徑7-9號地下 🕰️ 星期一至日 : 08:30am - 09:30pm#思思賢 #思思賢午餐推介 #兩草 #尖沙咀美食 #香

去咗尖沙咀小店食晏，叫咗幾樣港式菜式，味道都唔錯，帶香港風味。叉燒豬油撈麵嘅麵撈得均勻，有豬油香，叉燒肥瘦適中，肉質鬆軟。而香煎脆邊蛋肉餅飯🍳都唔錯。我轉咗全熟蛋嘅肉餅煎得香脆，肉汁豐富，配埋全熟煎蛋，蛋黃依然保持濕潤，唔會乾爭爭。油菜就比較簡單，菜心爽脆，調味適中。咖央多士烘得金黃香脆，咖央醬嘅椰香味同牛油嘅鹹香味好夾，食落甜甜哋，好滿足。飲品方面，叫咗樽仔奶茶🥤同百香果烏龍茶。樽仔奶茶茶味香濃，奶味適中，甜度剛好。百香果烏龍茶就酸酸甜甜，好解渴。

啱啱同老公去尖沙咀食個午飯, 發現原來「兩草」係尖沙咀都有分店; 位於尖沙咀棉登徑嘅舖頭好有懷舊情懷, 佢屬於平民食堂, 雖然地方唔大, 但夠哂地道, 而且價錢親民, 絕對啱哂打工仔同學生哥嚟食飯呀！餐牌上嘅食物選擇唔算多, 睇落好似好簡單嘅料理, 但味道真係唔錯呀! 呢間店長好有禮貌, 服務好好。鮮蝦胡椒湯米 - $48呢碗鮮蝦胡椒湯米真係好濃郁, 湯底入口有啲啲微辣, 胡椒味非常突出。鮮蝦有四隻, 份量唔算少, 爽口彈牙, 落湯裏面煮得好入味, 而且新鮮得嚟易剝殼。香茅雞扒飯 - $40好香香茅味, 雞扒煎得香口, 雞肉好嫩滑一啲都唔柴, 又夠大塊, 性價比超高! 白飯再淋上少許甜鼓油, 配埋雞扒已經好夠味。淨肉餅 - $22煎肉餅可以淨叫, 都係佢地招牌之一。肉餅煎得金黃香脆, 內裡都好多肉汁, 送飯淨食都唔錯。脆香魚餅 - $27魚餅好彈牙, 唔會覺得煎得好油膩, 仲有淋咗少少甜鼓油, 真係好好味呀!檸檬薏米水 - $25檸檬薏米水, 酸酸甜甜, 清新又解渴, 感覺健康, 特別係天氣熱時飲返口, 真係好舒服。白桃烏龍冷泡茶 - $25低溫長時間萃取茶葉精華, 保留烏龍茶嘅醇厚茶

經過尖沙咀諗唔到食乜，經過棉登徑見到有間「兩草」，之前一直未食過，但上網都見到有人推介，所以一於就試一試!!鋪仔細細，但目測都坐到30人左右，而且亦唔會坐到好迫，去到個陣時間仲早，未算多人，但食食下就愈黎愈多人排隊今次試過幾款野食，都值得推介俾大家，會再嚟食!胡椒肉骨茶 $38有成4-5條肉骨，湯底濃味夠辣!!好抵食香煎脆邊蛋肉餅飯 $42絕對推介!! 肉餅唔會太厚亦唔會好乾身咖央多士 $24必食之選! 抵食之餘份量又多，多士薄得黎啲漿岩岩好唔多唔少滑蛋叉燒麵 $40叉燒薄薄地，唔乾身，夠濃味 有豉油味有麻辣味平民之選 兩草野賣單

之前係K11行街，下午茶嘅時候試過呢間嘅咖央多士，性價比好高，今日就嚟食個快lunch，回味吓佢個多士😋-呢度嘅咖央多士（$25）雖然唔係大大份，但多士煩到好脆，入面有滿滿嘅咖央醬，食落超滿足🤤-另外試埋佢嘅小籠包胡椒湯（$40），雖然被湯浸住，但小籠包皮都仲有啲煙靭，唔會變到一pat pat，配埋胡椒湯食，呢個配搭好有驚喜😍-呢度啲飯都幾抵食，四十零蚊一個，肉量好足夠👍🏻脆邊蛋肉餅飯嘅肉餅好Juicy，唔會好實好難咬～雞扒就超滑，雞皮仲煎到脆卜卜🐔原來叉燒撈麵係signature ，仲有豉油味或者麻辣味揀，呢個就留返下次先試～-飲品唔算好多選擇，但都有啲特色，檸檬薏米水（$25）唔會酸，仲有好多薏米係入面，誠意十足💪-呢間算係平民飯堂，今日12點嚟到唔使等位，但12:15開始要排隊，想嚟食lunch就要早啲嚟排啦～尖沙咀呢間分店仲開好早，附近返工可以嚟食早餐添～

👱🏻‍♀️收工晏左，同同事係附近食埋先去。見到有煎肉餅飯🐽梗係要試吓啦🥳🍛香煎脆邊蛋肉餅飯：肉餅果然係好好食🤤佢哋係用新鮮豬肉打成🐷加埋豬油煎脆🔥上面仲鋪左隻燶邊𠺖太陽蛋🍳加埋甜醬油真係勁好食呀💯🍝叉燒豬油撈麵：好鍾意佢地呢個麵嘅質地✅入口好彈牙又有咬口😍個醬汁強惹味💯枱面仲有支醬油🫙晤夠可以再落啲☺️正呀喂！🥪咖央多士：薄薄嘅咖央多士入面勁多餡✅咬落口脆卜卜🔥一定要趁熱食先正呀👍🥗油菜：唔比睇吓佢細細碟😍油菜細細份❤️但好鮮嫩✅🍹檸檬薏米水：好大杯又真材實料嘅檸檬薏米水🍋佢會跟一支粗飲管✅連埋啲薏米一齊食💯好健康好啱呢個濕濕熱熱嘅天氣飲呀🥳☕️羅漢果水：呢杯羅漢果水又清熱又潤肺💯好有益✅好過飲汽水🥤

馬拉特色菜百吃不厭，多款小食眼花撩亂，最緊要係平靚正「兩草野」有找，以前去開大坑總店，尖沙咀分店超方便，喺正K11 art後面！香煎脆蛋肉餅飯及滑蛋叉燒飯：肉餅薄薄一片，豬油炸得外脆內軟，無論係燶邊蛋或者滑蛋加豉油蔥花撈飯，簡直絕配！小籠包胡椒湯：呢個小籠包每次都會order，胡椒湯底驅寒又好飲，根本就係一碗湯！蛋炒豬腸粉：簿簿嘅蛋漿加上煎到脆皮豬腸粉，係滿分嘅小食！斑斕樽仔咖啡：鍾意飲latte嘅朋友，都唔可以錯過呢個斑斕味咖啡，加入咗星馬特色嘅斑斕，啡甜得來又香滑，非常有特色！

簡單而又懷舊嘅味道再加入馬來風情元素，都幾吸引。餐廳設計簡潔，內部環境乾淨企理，雖然面積唔大，但擺設得宜，令空間感唔會覺得太擠迫。🥣鮮蝦胡椒湯 ($40)非常濃郁嘅胡椒香氣，味道上胡椒味非常突出，一碗湯飲到尾，湯底仍然保持濃香，暖胃又滿足。蝦有四隻，份量唔算少，而且新鮮得嚟易剝殼。🍜叉燒豬油撈麵 ($45)可以揀麻辣撈或豉油撈。油麵加咗豬油，拌勻之後有小許香味，入口滑溜，另外再加小小辣椒油更加提味，令整體層次更加豐富。叉燒軟腍，肥瘦比例啱啱好。個人覺得豬油再多小小就更正。🍚香煎脆邊蛋肉餅飯 ($42)煎蛋狀態剛剛好，蛋邊脆口蛋黃流心，拌飯一流。白飯再淋上少許甜鼓油，已經好夠味，就算冇配菜都可以食得津津有味。至於肉餅，質地較軟腍，味道唔錯，但如果煎得再脆身啲會更加完美。🍖招牌炸雞翼 ($27)雞翼外皮脆卜卜，入口香脆得嚟唔會覺得油膩，內裡雞肉仍然嫩滑，調味簡單但唔失香口。🧋樽仔奶茶 ($25)奶茶香濃順滑，茶底味道突出，味道偏甜但入口有種濃厚嘅懷舊香港茶餐廳feel，值得一試。☕樽仔咖啡（班蘭）($25)帶有淡淡班蘭葉嘅香氣，咖啡香味相對濃烈，甜度適中。（如果將樽仔奶茶同班蘭咖啡混埋一齊