Video
Above information is for reference only. Please check details with the restaurant.
係跑步經過才留意倒有此粉麵店.今日又想食牛腩, 所以來一試~牛腩係得既, 帶有少少爽脆. 也入味.加少少辣油, 正.辣油唔算特別辣.麵也OK, 完全冇鹼味. 都算爽口, 幾大注, 食到底仍keep 倒爽, 很不錯.油菜滾到太淋, 下次同師傅講聲先.地方清潔又光猛, OK 噃.20蚊碗, 今時今日的銅鑼灣, 也不錯了!
continue reading
由上年年尾發現了一間粉麵店都吾錯,食完一之返公司同老闆分享時,才發現自己不是第一個同事去品嚐的,我本身喜歡食牛筋,故當然第一時間去試啦,食完後覺得真吾錯,很軟身,雖然份量不大碗,但我都很滿足,比起好多食巿算是有水準,接下來差不多我每次經過中央圖書館一定會到這間粉輀餐廳吃牛筋河的.
continue reading
上兩個星期六, 師傅需要喺呢區上堂, 而且由下午至到夜晚, 時間十分緊逼, 於是趁著有下左堂後有少少時間, 就搵個地方醫下肚! 為免頻撲, 師傅就近近地揀呢間食店作為當天嘅晚餐!入到去坐底後睇左一陣, 都唔知食咩好, 皆因見到有粉麵食之餘亦有飯可以揀, 攪到師傅個心七上八落, 唔知點好咁, 最後無意間比師傅見到佢個餐牌上大大隻字寫住牛雜專家, 為免拗頸, 於是就穩穩陣陣柯打一碗牛雜米, 冇理由揀牛雜飯架嘛, 再加多一碟油菜作為當天的晚餐! 等左一陣牛雜米未到, 油菜毫搶閘登場, 油菜師傅揀左菜心配上腩汁, 腩汁份量都算幾多, 大膽D講有半碗, 十足十油菜湯上咁; 菜心灼得夠腍, 而且非常嫩綠, 少少渣都食唔到, 油菜水準算得上合格有餘, 更令師傅期待牛雜米! 邊吃油菜邊等雜米, 終於唔使好耐就有得食, 牛雜米份量好似略少咁, 於是師傅忍唔住數下佢先, 牛膀得一件, 牛肺又係一件, 至於牛肚有四件同埋牛腸有三少件, 感覺上好似略少! 師傅都唔理得咁多, 於是先試下個湯底, 湯就是很普通的清湯, 唔香亦唔濃, 淡淡的味道未算吸引; 再試下牛膀, 牛膀入口冇異味, 炆得亦算腍, 師傅一向對牛膀嘅鍾愛都係普普通通, 只要冇異味同腍就收貨了; 至於牛肺入口爽爽的, 不過未算韌身, 所以口感都幾好, 但師傅唔明點解牛肺會得一件? 貴為上雜嘅牛膀得一件係情有可原, 但牛肺又似乎難以解釋喎! 牛肚真的炆左好耐, 所以十分入味同埋非常腍身, 絕對冇韌嘅感覺, 可以啦; 最後係牛腸, 腸本身都幾肥, 幸而夠腍身, 入口唔韌, 加上勁多肥膏, 所以都幾香, 牛腸係幾款之中師傅比較欣賞! 米粉就不過不失, 收貨啦! 總括黎講牛雜水準屬於中規中舉, 環境都算舒服, 服務亦可, 價錢唔算貴, 喺老銅黎講叫得上相宜, 十八蚊一碗牛雜米, 加多六蚊有油菜, 廿四蚊埋單, 可以啦! 值得一提係呢間食店嘅辣椒油是幾香幾辣, 師傅落左兩匙都有少少吃不消, 啫辣者不防一試! 如果唔係要速食, 相信師傅當日都唔會黎呢間食店, 所以是次笑臉比唔到, 正正常常咁啦, 再黎機會不大, 除非冇咩更好選擇啦!
continue reading
又是放飯吊頸透氣的時間，想吃得快一點，來碗簡單的粉麵好了，見是一所新開的麵店，主打是賣牛雜的，還說自己是牛雜專家，就一於要了碗牛雜米。等了一會兒已經有得吃了，一碗牛雜米，米粉的份量都還可以，但牛雜就真的是少了點，始終牛雜也是越來越得貴之物，是日只有一件牛膀、兩件牛肺、三件小小的金錢肚及四小段的牛腸，而湯就是很普通的清湯，喝下一口，至少是沒有師傅的貨色，但味道就不太夠，而米粉沒甚特別，沒有煮得過腍就是了。至於牛雜方面，牛膀粉粉腍腍，個人一向也不愛這個質感，所以同樣道理也不愛吃粉腸，但一件半件又真的沒大關係，反正我幾乎是什麼也會放入口的，牛膀沒異味也滲出點鹵水味，算是不錯；牛肚爽中帶韌，肚的纖維都挺入味，都屬不錯；牛肺炆煮得未算太軟腍，但一點異味也沒有，而且同樣也挺入味，還不錯的；牛腸乃邪惡之物，但是日的又真的不算太邪惡，牛腸內璧的脂肪不算太多，幸而腸衣就還是有嚼頭，味道又夠又沒異味，吃起來還有少量的油在口中爆發，其實都算不過不失的了。另外也要了碟六元的油菜加腩汁，腩汁是下得非常之慷慨，幾近是滿瀉，深深的啡色，吃得出其鹵味也很濃，而且芥籣六元一碟也是爽口嫩綠，一點渣也沒有，絕對是交足貨。另外值得一提的是店家的辣椒油是挺香的，比起一般粉麵店的辣油，如天香牛什大王的是有吃得出的分別，最後當然用了它蘸牛雜吃。說實話，這兒的牛雜不是差，至少是比同區附近的天香牛什要好，但要自誇為專家，就要有頂尖的功夫才行，而自然食客見到也會將其求提高，個人認為也不用跟廟街牛雜及太安樓的牛雜佬比，光是十三座的牛雜也已經是要比這兒的好，所以這個OK臉，相當都是走唔甩的了。
continue reading