同治堂 (Closed)

我們選了一客「米線餐」（$34）和一客「飯餐」（$26），另加一份菜（$5）。埋單$65，份量足味道OK，服務幾好，是沒話說。米線餐（$34）：選了「蝦膠春卷」和「香菇貢丸」作配料，配上「蕃茄魚湯」的米線。係好味份量足。甜品是「椰汁雜果西米撈」，亦足料味美。加上鮮打「木瓜汁」，亦是大大杯，沒下多少水或冰塊，好滿意！飯餐（$26）：選了「茄子肉醬飯」，一般碟頭飯質素，但用油偏少，好！亦附送「椰汁雜果西米撈」和「木瓜汁」。另加一份「西生菜」（$5），補充纖維和其他維生素！=================================================另：然而，這是一頓極不愉快的晚餐！問題不在店家態度、食物質素、亦不在環境價格…，只在同店其中一位女食客的態度和行為。我入座時說明要吸煙席，店家亦好正路地安排我到吸煙位！點餐後，有一對男女被安排坐在我鄰桌，都無問題！當我和友人點煙時，鄰桌那女食客「發晒癲」咁話：「死喇！呢舖實肺癌！」用手往空氣大力地掃，企圖打散煙味！？跟著大罵和指責我和友人的吸煙行為，還咒罵我們因吸煙致癌而去世！我和友人跟那女食客說，這個座位係吸煙席，食得煙bor！無論我們點解釋，那女士都不準許我和友人在吸煙席吸煙！超級笑話！兩三分鐘後，店家請那女士搬枱往非吸煙席，她居然要我們搬走！有無攪錯呀？呢D 係什麼道理！？友人和我按捺不住，開始好勞氣咁諷刺謾罵那位強人所難、無理取鬧的女食客。結果，那女士搬走！但剩下的十五分鐘，我和友人隔著幾張枱距離繼續跟那野蠻女食客對罵！友人更一度興到想走埋去打呢條女十巴掌，和call 附近工作的友人出來調教呢位野蠻女人。店家巳經盡力調解呢壇‘食客口角戰’。我想表達一個信息：做人講講道理好喎！當晚，我和友人係合法地吸煙，在政府和店家容許下！若果其他食客不滿，大可以向店家反映或抵制那食店，何必為難其他消費者！？後來，跟其他吸/非吸煙人仕討論呢件事，所有人無不驚訝那女食客的激動！嘆一句：黑仔！ continue reading

同許xx同出一徹,都係有多樣化的甜品店既涼茶店,不過此間,就多左樣熱食~~拉麵,咪以為呢度d拉麵唔方好得去邊,我都食過幾款,唔錯架,拉麵唔會煮得過腍,d配料都幾好,而且都幾似日式拉麵,有粟米同半隻蛋,每次吃,個盆都有樽七味粉架,落小小,辣辣地,好味~~甜品方面,都試過幾款,熱既甜湯,會保險d,凍方面.就可能比較失色,不是指味道,味道係ok既,但溫度就唔凍唔熱,暖暖昧昧咁,最憎架喇,所以通常叫熱既多~~這裡還有小食供應,以前最愛燒賣,一來夠大粒,二來內裡有冬菇之類,同街邊販賣既唔同,食落都有少少酒樓風味,不過近來變質了,沒以前咁好味了,另外,佢既滷水拼盤,都ok架,仲有蘿蔔糕,食左幾次,上檯時都係熱呼呼的,正~~(當然出街食既蘿蔔糕,都係糕多過蘿蔔架啦,否則,蝕多過賺呀)反而涼茶,龜苓膏,就唔係幾得,要飲涼茶,食膏,就最好另作它選啦~~ continue reading

之前去親都冇諗過去食麵~不過試過一次就真係好想食多喎~我食過赤坂 叉燒麵, d 叉燒係日本叉燒~~~~湯底好好味, 仲有冬菇肉醬麵, 肉醬汁好正架!!要試喇!! 麵餐有埋生果同果汁或涼茶...抵食飽肚!! continue reading