三田製麵所 (金朝陽中心二期 - Midtown)

Open Now

Now Closed

➲ 銅鑼灣 三田製麵所➳ 濃香豚骨魚介沾麵 ⁽⁴/¹⁰⁾有分熱同凍沾麵汁，叫熱嘅都唔太熱，豚骨味無乜，好一般，沾麵反而好少少，煙靭有咬口。➳ 三田特製拉麵 ⁽⁴/¹⁰⁾有出煙，但食落又唔係太熱，湯底唔太驚艷，叉燒有啲韌，筍太軟唔爽口，有啲鹼水味。⤵ @mitaseimenjo_hk銅鑼灣登龍街1-29號金朝陽中心2期Midtown地舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #銅鑼灣美食 #沾麵 #拉麵 #三田製麵所

當談到日本料理，拉麵無疑是一道令人垂涎的美食。今天我要為您評論的是玉子拉麵和牛肉沾麵。首先，我要說的是玉子拉麵。這道拉麵以柔軟滑嫩的玉子蛋為特色，搭配著經典的豬骨湯底和彈牙的拉麵麵條。這碗玉子拉麵絕對是一道讓人回味無窮的美食。玉子蛋本身非常入味，蛋黃濃郁柔滑，口感非常順滑。與豬骨湯底的結合，玉子拉麵的口味更加豐富，帶有濃郁的豬骨風味，滋味令人難以忘懷。接下來，讓我們評論一下牛肉沾麵。牛肉沾麵是一道非常受歡迎的日本料理，以切成薄片的嫩牛肉為主角。通常，這道沾麵會附上一碗熱騰騰的湯汁，您可以將牛肉浸泡在湯汁中，讓它變得更加美味。牛肉的質地非常嫩滑，入口即化。湯汁則有著濃郁的醬油風味，帶有微妙的甜味和咸味的平衡。這碗牛肉沾麵中的麵條彈牙有嚼勁，能夠完美融合湯汁和牛肉的口感，絕對令人欲罷不能。總的來說，日式玉子拉麵和牛肉沾麵都是令人垂涎的美食，每一口都能夠帶給您舌尖上的享受。

早前去咗銅鑼灣店食，入去有個職員已經黑晒面同我講話依邊，而且啲麵好快凍，因為室內太大冷氣，令成食物質素下升🥲好失望，因為第一次食依間店，聽講話好味，所以先黎試吓

10/2公眾假期遊客多， 忽然想食沾麵，都有啲驚多人。嚟咗呢間三田製麵所完全唔使等位直接入。 之前睇食評有人介紹蝦湯沾麵所以先諗住嚟試， 點知應該係期間限定注定無緣。 咁我就點咗個豚骨魚介湯沾麵，中量。 被安排到單邊坐門口位 ，有蚊滋枱上行來行去。落單，店員一副唔想做咁嘅樣， 落完單先發現原來有熱面提供， 叫返住五步之內嘅店員，佢無反應扮聽唔到， 因為都想食熱麵，所以我堅持再嗌佢， 佢望都冇望我落完單就話咁“你係咪要”，我應咗話係。 入正題，唔使三分鐘碗麵就到咗， 碗魚介沾麵汁係熱嘅，亦都好濃鬱，濃得嚟唔鹹， 可惜嘅係個面浸咗落去，第一啖食落去，嘩，暖嘅？ 開頭以為係個沾麵汁唔夠熱，但後來發現係個麵本身只係室溫（ 本人特登有用嘴唇去試麵溫）。 到底呢個就係所謂嘅熱麵定係店員畀咗凍麵我呢， 呢個就不得而知。 面質還可以，但未稱得上煙韌q彈 。再嚟就係舊肉，冇味嘅，一嚿白肉切開上碗， 我都冇食曬，半個糖心蛋味道ok,有味也流心。食完後都不想久留，埋單，嘩，仲收加一，唔係far😅,總之感覺唔良好， 如無意外冇下次。

事緣之前喺尖沙咀分店食過正正常常，諗唔到食咩好又食下啦，點知中咗個大伏😩叫咗半熟蛋拉麵，湯係正常溫度，麵質係硬到似過咗幾下水就撈上來，我以為自己揀咗硬度，但其實都冇得揀同冇要求過，咁算啦，諗住比佢浸軟小小再食🙁之後再食叉燒，佢地舊叉燒先係精粹，無諗過比$90幾蚊去食舊可能煲湯豬肉都‘淋’過佢既肉，又嚡又硬又冇肉味，其實我已經冇要求你地好多，我只係想食碗正正常常嘅麵，你話拉麵可能再浸一浸冇咁硬身再食都算，但叉燒係入貨應該都改變唔大啦？🥺🥺🥺第一次嬲到要寫出來 希望大家喺銅鑼灣諗食咩之前，對面有譚仔，食完應該無咁嬲，感覺無咁唔抵😖

食評：1) 海老沾麵套餐（大）+蟹肉忌廉薯餅 $159櫻花蝦仔入口好香，沾麵汁超濃郁！麵質亦相當煙靭，好有口感XD最吸引係粒流心溏心蛋配埋大大塊叉燒，夠曬滿足~至於蟹肉忌廉薯餅咬落香脆，蟹肉忌廉味濃，食落非常creamy。2) 沾麵套餐（大）+煎餃子 $141呢間嘅麵分為大、中、細size，原本擔心中、細size會唔夠食（大食女表示XD），但叫完發現大size份量係非常多，最後搞到食剩差唔多半碗，浪費曬T^T所以自問大食嘅你都要思考清楚睇下係咪需要叫大size麵XD3) 柚子梳打&麝香葡萄梳打（跟餐） $40兩款梳打入口好fresh，唔會死甜，而且個樣好靚，飲完都想拎走支樽仔><

係銅鑼灣行到攰，見到三田製麵所而家岀緊期間限定嘅海老系列。我就毫不猶豫，行左入去試下。估唔到我叫嘅呢一碗沾面好有驚喜。點左濃厚海老沾面($98)，面嘅份量有小、中同大三種選擇，亦都可以加錢叫特大份量。我今次叫左大嘅份量，都已經好夠飽。而亦都可以選擇冷麵劃熱麵。我今次選擇左冷麵。整碗麵比我的印象是很濃厚，沾面汁的蝦味很重，上面的櫻花蝦更提升沾面的風味。而麵質也十分彈牙，配合沾面汁，很好食。叉燒的肉質亦很嫩，糖心蛋的熟度也掌握得很好。

本身食沾麵都鍾意較濃厚嘅湯底，三田正正係我其中一個選擇😉。基本上客人只需決定三件事就可以了：1️⃣. 湯底要唔要辣 2️⃣. 麵嘅份量 3️⃣. 麵嘅溫度。當日去到已經係晚上七點半，但店內仍然客滿，需要等待五至十分鐘。本以為三田嘅餐牌十年如一，事關實在好少見有出特別味道的湯底，估唔到今次嚟有驚喜。麵量大中小同價，特大加$10，我同男朋友通常都會叫兩個大冷麵(450g)再另外分贓🙈。🐖#濃香豚骨魚介沾麵 ($84)▪️粗身嘅麵條可以沾上更多湯汁，每一啖都好滿足▪️麵條自身帶微微麥香而且十分彈牙▪️配料有溏心蛋(半邊)、筍乾、叉燒▪️魚介湯入面仲有兩粒大叉燒，配料多多▪️湯底魚介味道濃郁突出但又唔會過鹹▪️當麵條沾滿醬汁就感受到豚骨嘅濃度剛剛好🦐#濃厚海老沾麵 ($98)▪️望見湯底充滿蝦油，海鮮味道極濃厚▪️同樣感受到招牌魚介嘅鹹香，但明顯蝦油更為突出▪️配料方面同樣有有溏心蛋、叉燒，但就冇荀變咗蔥花，同埋少量櫻花蝦▪️對於呢個季節限定嘅湯底十分滿意，如果可以放落去恆常餐牌就更好啦🥹🍱#三田流炸雞翼 (唐辛子風味) ($38)▪️啱啱炸起非常香口▪️翼身沾滿唐辛子粉，都幾辣嫁🔥有一段時間冇黎，整體感覺好食咗，另外三田其他小

之前經過登龍街見到佢地既海老拉麵已經想食，星期一晚OT完要食返餐好既獎勵自己，夜晚7點幾8點都有好多人排隊，不過唔算排左好耐就入得一人套餐: 拉麵+小食+飲品 ($121)一人套餐有齊拉麵、小食同飲品，如果想轉期間限定既海老拉麵都只係加$30，我當然揀左限定既三田流海老拉麵啦，上枱嗰陣已經聞到超香濃既蝦味，飲返啖湯底先慢慢嘆個拉麵，拉麵掛湯力強，溏心蛋都好好食🤤小食方面我就揀左餃子，即叫即煎熱辣辣，配埋罐冰凍既Coke Zero就最perfect啦😊

已經唔係第一次嚟三田製麵㗎啦~ 咁啱試咗新嘢就打返個食評分享下先啦!濃厚蝦海老麵係呢度嘅季節限定, 見個樣幾吸引就叫嚟試下~個湯真係好濃郁好有蝦味, 算係重口味, 不過食哂成碗都唔會太膩呢碗麵有成三塊肉咁多, 都大塊, 啱啱好餸哂成碗麵, 同埋肥瘦適中, 醃得夠入味個麵夠哂彈牙, 又夠掛湯, 好味啲配菜都好多, d櫻花蝦好多又好香口, 隻溏心蛋好夠流心另一碗嗌咗沾麵, 平時都係食開呢碗, 個湯好香豬骨同埋魚介味, 味蕾好滿足個湯入面都有D豬肉個麵可以嗌熱麵或者凍麵我就鍾意食熱麵多D, 因為可以慢慢食, 唔驚個湯會唔夠熱嚟餸哂成碗麵個麵好掛湯, 麵質亦都彈牙跟餐嘅揀咗份炸雞, 係新鮮炸起, 皮薄酥脆, 雞肉有肉汁

好記得2019年10月尾，爆發Covid-19 前係我最後一次去日本旅行，當時在大阪幫襯《三田製麵所》食沾麵，店內播放天氣之子既主題曲；在疫情期間經過香港分店，都會話「起大阪食過呢間，幾好食㗎😚」；直到口罩令解封既2023年，終於再次幫襯《三田製麵所》，不過係銅鑼灣分店🤣🤣🤣店面同大阪差唔多，店內當然總會有啲唔同啦，不過最重要係碗沾麵☺️同朋友分別點左魚介湯、海老湯，魚介湯依然出色濃厚、海老湯有特色，入口有濃烈嘅蝦味，但不會重口味！麵底我地都揀左冷麵，冷麵麵質會比較Q彈，配搭濃湯係一流的👍🏻碗湯剩下3分1，再請店員額外加熱魚介水，令濃湯一下子變成一碗上湯，味道更加好美😍😍！聽朋友講，有啲鋪頭係加飯到濃湯內再拌吃，如有機會都想試試☺️除咗沾麵，亦點左小食炸薯條配明太子沙律醬，佢個名都改得幾有趣😄《福岡紅白混醬薯條》，同呢位朋友一齊食晚飯，甚少會食晒碟薯條🍟，起三田居然食得晒紅白混醬😯可想而知，個醬係幾咁美味🤤，果然明太子+沙律醬係絕配🩷🩷🩷個人覺得呢間沾麵算幾好，雖然打唔低我心中的第一位🤭🤭

今日lunch去到，啱啱前面入左位男士，尾隨佢入去咁啱無位，樓面有兩個女人，一個老啲一個後生啲，老啲嗰位態度非常非常差，趕客，我打開門行入去，已係門口勁大聲呼喝”無位喎，出返去等，企返出去”。外面三十四度，企出去等無問題，眼見餐廳仲有位，都無問題，但那住女侍應隨即行過黎再呼喝”企返出去”，之後關門。企左一陣，因為中午太曬太熱，想知道大概等幾耐，所以入去好有禮貌請問一句大概等會唔會好耐，自問有禮貌，佢再呼喝”我答你唔到喎，點知你等幾耐，出返去”。一間餐廳不停趕個客人出門口都幾奇怪。既然咁唔想做生意，我都無謂等落去，就走左。尖沙咀分店同樣差，之前去冷氣又唔夠，舖又滴水又無冷氣，好似爛舖咁，加埋今次經歷真係唔會再幫襯。上fb 專頁反映，隔左一排有人打電話比我唔好意思，但見呢度好多食評都有提到呢位女員工啲態度差，應該都會繼續架喇。

三田製麵所，日本沾麵連鎖品牌，係日本旺區周圍都有分店，今次食銅鑼灣分店，外表同日本店基本上無分別，連鎖既保證，座位唔迫幾舒服下既😌餐牌當然係以最人氣嘅沾麵為主，濃骨魚湯，仲有4款麵既份量俾你揀，唔想食沾麵都有幾款拉麵，仲有最新既季節限定 — 海老湯🦐🦐🦐🦐🦐🦐🤤濃香海老沾麵，中麵量，已經好大碗🍜豚骨湯真係好濃，加埋蝦湯頭同櫻花蝦，一落麵就掛晒係麵上😳麵偏粗身，幾彈牙下既，入口都滑既😬湯汁超濃蝦味，調味都屬重口味既，好正，一流既沾麵👍🏻叉燒唔太燒烤feel，但肉質都幾嫩，味道唔錯😌仲可以點下汁食日本唐揚協會金獎炸雞，好香，外面好脆，非常薄皮，一咬就到肉，肉質好嫩好多汁，唔會太濃味，肉汁真係好大嘅賣點❣️Yebisu惠比壽頂級生啤，配隻惠比壽Premium專用杯，加分✨超級幼滑，好新鮮好順滑，非常高質既生啤😳麵質優質一食就知係鮮麵，夏天食沾麵好味但又唔會食到太熱或者流汗🥳加埋超正生啤就成個夏天限定set咁，正🖖🏻

上星期去登龍街食飯時，見到對面三田製麵所嘅沾麵幾吸引，今個星期約埋朋友去食😋 估唔到平日晚市都要等一陣先有位😯 本來想點限定沾麵，可惜當日已售罄🥲 點咗🍜濃香豚骨魚介沾麵($84)，麵嘅份量可選小、中、大或特大，照顧到細食同大食朋友嘅需要，仲可以選擇冷麵或熱麵，非常貼心🥰 另外亦有一人套餐($121)提供，配小食及飲品冷麵條揀咗中份量，原味粗麵條帶淡淡小麥甜味，口感彈牙🐟 魚介沾汁熱辣辣，味道非常香濃，內有豚肉粒，麵條浸入沾汁中會變得熱辣辣，好好味😋 叉燒亦軟嫩小食及飲品有日本唐揚協會金獎炸雞及罐裝檸檬茶，炸雞即炸熱辣辣，外層酥脆，內裏肉質非常滑嫩，好味！餐廳環境整潔，座位空間唔算大，簡單食晚餐都係幾好嘅選擇👍🏽

*濃香豚骨魚介沾麵 $84（未包+1）佢呢款沾麵有3個size揀，小size約250g，中size 約350g，大size就約450g，3個size同一價錢，特大（670g)就要+$10。個人覺得女仔食中size已經夠，男仔怕唔飽就可以叫大～味道方面，佢個湯底真係勁濃味（褒義）！有淡淡嘅鰹魚味配上味增味，配埋沾麵超級夾挺好食～而辣味嘅湯就係原味湯嘅基礎上多咗七味粉嘅味道，都幾惹味同埋有啲辣🥵麵質偏粗，超級彈牙，好好食！不果我覺得塊叉燒有啲太瘦，沾咗湯汁都係好乾，如果可以肥翻少少就好～溏心蛋好味🤤