翠苑甜品專家

Open Now

Now Closed

舖面有幾個阿姐，但都係企埋係廚房收錢位，唔知傾計定搞咩😂 但叫野食都會有人走出嚟。8點幾時間入去果陣無乜人，坐落開始有三個客入嚟。朋友食左碗合桃露，應該唔錯，唔係唔會再打包兩碗外賣😂我就叫左碗芒果涼粉加芋圓，芋圓幾香甜，幾彈牙，芒果酸酸地，涼粉爽口唔錯。夾埋外賣4個湯水先$94 蚊，價錢同味道都無投訴👍🏻

態度差到爆 唔會再幫襯 外賣都遲到 遲45分鐘當初落單已經確認左唔洗收車錢點知整整下就打黎要求收貼士最後更加講埋要求收車錢 唔俾車錢就話之後唔做我哋生意如果大家外賣真係要諗清諗楚 隨時又問你收額外費用

19:30已經要等位嘅一間糖水店😵原來呢度嘅芋丸=我哋叫開嘅芋圓🤣腐竹薏米芋丸 $22（冷熱同價）味道自然、唔會過甜，大大碗而且好多芋圓，芋圓煙韌食左啖西米露芋丸，西米比一般糖水店大粒，有咬口！味道：8/10性價比：8.5/10

最近多到北角上堂，往往都吃不飽，甚至是沒吃晚餐到放學，十點幾，找到這間糖水店，即刻買來試試。當晚肚餓，所以點了芋圓，出餐姐姐問我要大碗還是要細碗，本身我說要細的，但姐姐出餐時就給我大碗，我聽不清楚她的解釋，大概是因有芋圓，又有紅豆和蓮子，細碗根本裝不下😅（雖然我已記不起她收了我大碗還是細碗的價錢🙈）。回家發現，碗內蓮子很多，其實芋圓也很多，想吃多點糖水的可能要在購買時說明。整體味道幾好，最好是芋圓味道和口感都不錯，而且有芋頭、番薯、綠茶味。如果再到北角，我會繼續買糖水食😋

我哋想食糖水，行下附近就見到翠苑甜品專家。呢間糖水舖係專賣傳統中式糖水嘅我哋分別叫左番薯芋圓糖水(熱$22)同咋喳芋圓糖水(熱$25)。外賣拎走！番薯芋圓糖水: 芋圓好煙韌，外形圓轆轆，仲要俾左好多粒，但係未必食到出三種顏色嘅味道。薑汁方面都適中，唔太辣又唔係唔夠辣，所以食完之後，個人立即暖晒 番薯有三大嚿，都係好甜嘅番薯，冇渣！咋喳芋圓糖水: 芋圓評價同上咋喳好足料，好多豆，食完一碗飽晒，大滿足大家不妨去試吓啦

年十五，元宵節，當然要食湯丸，一家慶團圓。北角呢間甜品舖開左好耐，都食過幾次，水準一樣好。 個人就鍾意大大粒的滋麻湯丸，寧波湯丸太細粒，不是我杯茶。呢間甜品舖的滋麻比例剛剛好, 咬開一半, D滋麻好似心太軟咁流哂出黎. 真係好好味. 另外, 重有推介凍綠豆沙, 綠豆足料, 重有陣果皮香味. 夏天食真係一流, 所有暑氣都一掃而空, 祝大家元宵節快樂

逢週末有腰果糊，啲姐姐叫我試下，見又好似限量咁就叫左腰果合桃糊試下食落好稀好水，無論從顔色定味道其實都唔係好分到邊樣打邊樣🙈淨係知有nuts 嘅味🙈又可能因為之前食過高質太多嘅合桃糊，令到咁失望🙁

晚餐食飽飽後，隨意找一間糖水舖打等一下，吃個飯後甜品，於是就被這間傳統店吸引了，店內都有唔少食客幫襯，環境較懷舊。我們點了一碗芝麻糊加湯丸，適逢元宵節，必須整返二粒應下節芝麻糊味道正常，湯丸大大粒，爆哂料，食到成口黑媽媽，不錯。 另一碗點了椰汁芋頭西米露芋丸子，勁多芋圓，好有咬口，粒粒都有夠味，有3種圓了，西米露甜味適中，會上癮，$24好抵，推介個人感覺評分：食物味道 - 食物賣相 - 餐廳環境 - 店員服務 - 性價比 -

突然好想食糖水，咁啱經過呢間翠苑，就買2碗外賣返屋企食。我地比較鍾意食中式傳統糖水，仲必定要食熱既。呢次我地都揀左2款比較養生既糖水。🥢木瓜燉雪耳-雪耳尚算爽口，木瓜也好吃，也很淋，但糖水略嫌太甜。🥢桑寄生蓮子紅棗蛋茶-桑寄生味道不太濃，整體味道較淡，蛋亦普通，而且味道太甜，失望。整體黎講， 質素平平，但以呢個價錢，尚可接受。🏠 翠苑甜品專家🛤️ 北角北角道13號地下📍 港鐵北角站B1出口，步行約6分鐘

天氣好熱，於是去搵間甜品鋪食冰凍糖水黎消暑，用冰凍糖水黎消暑真係一流。餐廳入面有冷氣提供，仲有好多唔同既糖水選擇，糖水價錢唔貴，好貼地，好親民，我相信呢間懷舊糖水店係做附近居民生意，所以價錢先會咁親民👍🏻👍🏻叫左個楊枝甘露，但我覺得一般，因為酸左少少，入面無芒果肉，用左木瓜黎代替，同埋甜左少少，我覺得一般。但綠豆沙做得好好食，好清新，唔會太甜，好多綠豆，果然懷舊糖水鋪係要叫返懷舊既糖水，所以大家黎到要叫返懷舊既糖水👍🏻👍🏻1. 楊枝甘露2. 綠豆沙

1️⃣芝麻糊$19甜度適中；但不夠芝麻香；感覺芝麻味比例被降低；但尚算對得起這個價錢2️⃣芝麻糊燉鮮奶$22熱騰騰的燉奶奶香十足、甜度剛好，可惜不夠滑；芝麻糊芝麻味不夠突出，較普通3️⃣桑寄生蓮子紅棗蛋茶$25 👎🏻桑寄生味不夠濃烈；整體味道較淡，輕易地被紅棗味遮蓋 ————————————————————環境：5.5 /10服務：5.5 /10衛生：5 /10味道：4.5 /10性價比：中回頭率：20%

香港而家甜品舖越開越多，但老式甜品就越來越式微，不外乎因為製作複雜，利潤比新式既低，翠苑呢間差不多經過都會入去幫襯，猶其星期六、日，佢地有合桃露，味道真係唔錯，另外雙皮奶都值得推介

今日做完運動想獎勵吓自己，去到北角即刻搵吓有咩好嘢食，最後搵到呢間開業好耐嘅傳統平民甜品-翠苑甜品入到去舖頭，鋪面唔算好大，啱啱開舖，所以冇乜人傳統甜品嘅價錢大概都係20幾蚊左右，非常之抵食<紅豆芋圓$22>想食傳統甜品得起見到芋圓又想試吓，叫咗個紅豆芋圓，滿足晒Fatbrown 兩個要求以為芋圓得幾粒，結果喜出望外有成差唔多10粒，芋圓好嚼勁，整得唔馬虎紅豆煲到起晒沙，咁仲有蓮子做配菜，正<芝麻糊燉鮮奶$22>芝麻糊包左喺燉鮮奶裏面，燉鮮奶好重奶味，又滑又香，一吉落去芝麻糊就流出嚟，芝麻糊香同埋蛋香一齊食落肚，個胃暖笠笠

之前吃過， 糖水一般， 最為普通既糖水質素， 諗住方便就打電話去叫外賣, 都未講完食咩， 服務員就開始無耐性, 急急腳叫你食 合桃糊 ，本人原本想叫杏仁茶， 唔知點解要迫人食咁, 而且人品極沒禮貌， 個中年阿審語氣兇惡，講講下話餐廳好忙，叫本人不要打去叫外賣，想吃直接去店買， 未落完order 就 Cut 人線，以後不會再光顧...

🥢北角傳統老字號中試糖水🥢在港島區有五間分店的中式甜品店，來到北角呢便食飯，點可以唔試下呢間的糖水呢🥢蕃薯糖水湯丸$25蕃薯煮得熟透軟棉棉，入口即溶，應該經過長時間去煮熟，薑味不算太辣,個人鐘意勁薑辣的感覺，但呢個算剛剛好，湯丸皮質感好軟熟，整體來講很不錯🥢合桃糊燉鮮奶$22燉奶功力很好，上檯時非常彈熱辣辣，燉奶內充滿很多合桃糊，兩種味道溶合，是很好的配搭🥢見到這店在op 上有很多差評，都是來自服務，所以進店時心態上有少少調節，用去澳牛光速餐的心情去食，諗定食咩，坐低即叫，食完即走🥢當去到坐底時其實又無咩嘢，只是啲姐姐速度真係好快，快手落單，食完即閃，今次沒有不好的感覺翠苑甜品專家 網址: https://s.openrice.com/QrbS0b2y000~u1QEIAA地址: 北角北角道13號地下電話: 31041528