靠得住粥麵小館 (MOSTown新港城中心) (Closed)

一直都好鍾意食靠得住啲粥，今次試下個雲吞麵套餐，加配靠得住鹹肉粽，都係65蚊。外賣。個雲吞麵真係超級無敵好食。 雖然滿雲吞麵不算好大，但係加了鹹肉粽，食完呢餐，晚餐唔使食咁多。 雲吞有好大隻蝦， 蝦肉滿滿的，非常爽口，好彈牙呀。 個雲吞皮煮得perfect ，湯汁唔會鹹， 食完唔會覺得口乾。隻粽係我的最愛。 有時候外賣食唔曬隻粽，可以留起，第二日微波一下 ，都好好食呀。外賣等得好快。 服務態度good good 。 雲吞麵百吃不厭。

食過1次，食物方面尚好，但服務真係唔得，呢個係中年男人聽，我叫外賣時我攞錯左舊單叫，之後佢話無呢幾款野食，咁我問佢邊度可以搵到個餐牌？佢話呢個餐牌新港城獨有，咁我問下佢晚餐菜牌係咩？我諗住幾個ja，因為佢話獨有麻，點知佢答《下，我有2百幾個菜》。咁我唯有唔幫襯你，你無途徑比我搵菜單，我叫既野你又話無，但係你又話有2百幾個菜，我都係叫平常個d抄豆角家常菜，感覺好差，唯有食過第2間。

今日去左馬鞍山嘅靠得住食晚飯，之前都有食過佢嘅心肝寶貝粥🥣好好味！所以今次同屋企人再去食！仲有嗌左好多小菜同湯！先講一講個杏汁豬肺湯😋😋據我所知功效係，豬肺可以補肺止咳，南杏仁又可以止咳潤肺、生津開胃，個豬肺湯超好飲，好入味！豬肺又好好食😋勁鍾意❤️另外嗌咗個開邊蒜容粉絲蒸蝦🦐，好好味呀，啲蝦好新鮮～蒸得剛剛好，粉絲唔會太咸。值得一試～^_^再介紹埋個蠔🦪好似叫做蠔仔煲😚都幾好味，蠔🦪非常之入味，口感豐富，鍾意食蠔嘅朋友仔可以試吓～

星期六去咗呢間食tea, 我見佢係米芝蓮推介, 所以決定一試. 叫咗肉丸粥加腸粉. 整體味道不錯, 粥好棉. 坐得都舒服. 感覺餐廳乾淨企理. 埋單50 元. 或許下次有機會試吓午餐🤤

今日有d想食清清地，就想食正粥，外賣靠得住的下午茶cp值都高，佢d粥的份量都足夠，味道剛剛好，我每次都幾乎叫皮蛋瘦肉粥跟炒麵同豆漿，個炒麵超香超正，雖然炒麵點都有少少油，配個粥中和返，個粥超多皮蛋，超正，今日去仲發現仲有額外85折，超抵食大推 仲有佢豆漿都唔錯，唔會死甜，似新鮮煲的味

入到間餐廳已經聞到好大陣鹹香味( 唔鍾意食既朋友當然會覺得好臭） 鹹香味飄到出鋪面冇理由唔叫佢D鹹魚,試試佢先大大舊鹹魚，堅咸～一定要送飯或者送粥先食到食過幾間既“靠得住”， 糖醋肉骨都好掂， 不過放喺底既脆米索左D糖醋汁之後就唔夠脆, 而且我太夜去， 脆米質地明顯放左好耐， 有D韌即叫即滾，我估應該有成隻皮蛋喺裡面叫套餐加28蚊就可以叫埋依個湯， 份量足夠兩個人飲用，價錢超值，聽聞杏汁白肺湯係可以止咳補肺，飲完都覺得自己個肺清潤左

之前因為早餐食到無晒新意， 終於去試靠得住， 前後幫襯左 4 次早餐， 感覺水準保持好， 中式粥夠"綿" 足料， 腸粉超軟滑， 醬料自已加， 咸糭夠味。 西式早餐蛋，麵同包都合格， 唯獨無鴛鴦！ 尋日疫情新規管要隔台， 職員處理得好有禮貌， 清潔做足， 係疫市中食得開心又放心！

我覺得靠得住嘅下午餐都幾低食，而且質素唔差。當日選擇食下午茶套餐＄39皮蛋瘦肉粥，配銀笌炒麵。另外，招牌雲吞麵配油菜＄35。有5隻雲吞。再加炸兩＄26。炸兩即叫即整，新鮮熱辣。

這小館早午晚餐都算靠得住。有個菜，每次都叫的就是蒜蓉粉絲開邊蝦。蒜蓉甘香，配合算新鮮的開邊蝦，很不錯。最點睛的是熟油豉油及粉絲，配白飯一流。要補充一下:點這個菜，包括配白飯或魚湯清粥。當然配白飯最夾啦。另外，今次點了豉椒炒花甲。豉椒汁和配菜:紅青椒和洋蔥，是吸引之處。花甲稍為少及小，不過以價錢，也可說是ok的。兩道菜都是味濃的，配合這小館的蘋果紅茶，剛剛好。除了今晚的菜，還可推介該店的粥品，雞粥不錯的。

10月26 濃濃秋意的下午剛好遇上從未試過的下午茶時段，誇張講句「真係米芝蓮級享受」，睇到精心，食到用心，不妨一試與母親大人共進下午茶，大滿足日式鰻魚雞粒炒飯：材料豐富，而且「能見度」相當高，雞粒、鰻魚、粟米、紅椒、青椒、炒蛋，以鰻魚汁炒飯，為鰻魚添上「華麗衣裳」，鹹甜調味到位，再聰明地以日式飯素作粉飾，好味好味牛丸牛腩米：「能見度高」的湯頭，以韮菜花、陳皮淆湯，飲得出清甜層次感，彈牙米粉，彈牙牛丸的油份又錦上添花，牛筋、牛腩煮到恰到好處，真心菜如其名，好味套餐配油芥蘭，雖然有少許老，但廚師用心切去老菜皮部份，提昇了口感，又將蠔油分開，真係「點唔點由你選擇，免麻煩」私心建議餐飲揀足料熱薏米水

10月6 大雨天私心小店之一，最適合一個人的浪漫，高級版茶記，姑勿論老闆永遠皺眉惡相、店員散慢，講到底依然屬於值得被推介的餐廳魚香茄子菜飯：連皮茄子皮脆硬，夾住軟軟的茄蓉，被魚香、鹹香煮透的茄蓉，非常入味，送飯首選；另外，不得不讚菜飯，菜鮮綠有汁，別有用心的煮法，企圖要與油飯爭艷鬥麗，完美地呈現反光的菜飯，真心想再添飯（經已比傳統上海菜飯少油）熱推套餐餐飲：熱薏米水，健康足料，排水驅寒之選，生薏米、洋薏米煮出和諧感，加入強烈的薑中和寒氣，再加甜味令薑味易入口，共譜美妙樂章，每次必點餐飲

今日經過一間米芝蓮餐廳叫靠得住,，之前經過見到好多人排隊，今日可能比較早嘅關係，見冇人排隊就入去食個午餐，先叫咗水晶雞菜飯，同埋佢哋嘅招牌雲吞麵，再加點混醬腸粉。嗰個雲吞麵湯底真係好鮮美，餚咗好耐，個麵同埋雲吞都食得到好傳統嘅味道，如果鍾意食傳統雲吞麵嘅朋友一定要黎試，另外個混醬腸粉亦都好味，可能本人鍾意食甜醬，所以加多啲甜特別覺得好味，另外個水晶雞菜飯就比我預期更好，因為我預期可能雞皮我唔會食，但係原來佢用一個特別嘅做法令雞皮好入味，同埋唔太肥喎，所以我都連皮食埋個雞，總括嚟講果然靠得住。

果然冇改錯名 同老公兩個去食lunch 叫咗個 豬軟骨撈麵 同埋牛腩菜飯 豬軟骨好淋好入味 麵質爽口彈牙 另外嘅牛腩 林身入口即化， 仲有個菜飯 都好足料 又唔會好油， 未到都啱啱好又唔會太鹹 抵讚

第一家被米其林推薦的粥店，獨特的美味讓它擁有大批忠誠粉絲。菜單上特別標注粥品不添加多余味精，只用魚高湯熬煮而成，營養豐富鮮味十足。最受推薦的是心肝寶貝粥：甘香細嫩的黃沙豬肝配搭鮮美香甜的元貝，加上獨家鮮制的魚湯粥底，口感細膩柔潤。

叫咗個艇仔粥餐配腸粉+鹹肉糭。碟腸粉嚟到嘅時候,咬咗一啖凍冰冰，個阿姐話幫我地叮翻熱佢。食得出啲糭都係微波爐翻熱. 食落口仲乾乾地. 唔會再去食. 碗粥又好細碗。