靠得住粥麵小館 (MOSTown新港城中心) (Closed)

早前去食左個下午茶，收費62蚊，有一招牌雲吞麵、混醬腸粉和一杯飲品，我想講果個招牌雲吞麵，可以用垃圾來形容，點解我會咁講呢，首先我想講他們上個麵時有別於一般麵店，他們會先放低個雲吞麵之後再係你面前攞個茶壺🫖倒d湯落個麵到，睇落好似幾好又有特色，，但最大問題就係這樣，他倒落去個湯一d都唔熱，和和暖，咁成個雲吞都唔熱又點會好食呢，加上他個湯好鹹，一個又唔熱又鹹的雲吞麵就是他們的招牌雲吞麵，你哋覺得這間餐廳會好食嗎？飲品同無腸粉無咩特別但唔難食囉

我落單前已經問清楚係咪分湯，阿姐話「係」。攞到黎時我打開盒望望，分湯係將「雞蛋」同「湯」分開，當時我就再問問阿姐可唔可以分開個「湯」同「通粉」，因為我要攞好遠。佢一句串番我「我地公司做野係咁做架啦，分唔到的」。我再問可唔可以比錢買多個外賣碗我自己分可以嗎，佢又串我話「分湯就係咗分架啦」。到底想點？你做唔到我自己做重要比你串，入到後廚重要大大聲講「呢個世界咩人都有！」以前都唔係咁既，愈做愈垃圾。有老人家唔識手機落單，人地舉晒手都當睇唔到，聽住佢地係後廚講「等佢地自己落，唔洗幫佢地。」

行山前，臨住食個午飯先，見到靠得住，諗住靠得住，點知我太幼稚。一個午餐，收成八十蚊…。等咗約廿分鐘，見到叫粥粉麵飯…要煮嘅都快過我上餐。咁問問侍應，佢話等吓啦，咁就走咗。終於…見到碟雞，一見到就想講粗口，量少到…仲衰過去燒味店，叫個燒味飯。食落直情爆粗，冰鮮味澎爆，收咁嘅價錢，唔該俾少少良心同服務。

比較少食呢間連鎖店，今次就睇下佢靠唔靠得住啦😆甜梅菜蒸鯇魚腩（包餐茶及白飯）＄68鯇魚腩切開咗四件方便食用，魚肉質地淋身，可能蒸得太過火，食落都算新鮮， 甜梅菜量多而且冇揸🍵餐茶我揀咗熱薏米水飲落清甜滋潤，唔會太甜， 薏米幾好咬仲有少少薑味👍整體我最鍾意嗰個薏米水😋魚堅總評性價比 4👍(以5👍為滿分)

📍馬鞍山 靠得住📍喺馬鞍山買嘢，買完之後想食個lunch，咁啱又想食得清淡啲，於是就嚟咗靠得住一個。午餐時段嚟，冇咩lunch set抵玩，咁就散叫加套餐。首先點咗一個豬膶粉腸粥，加咗份蘿蔔糕 $72。豬潤厚切，煮得啱啱好，爽口，唔會老。粉腸就冇乜味。粥底好香滑，不過有少少鹹。蘿蔔糕煎得好香，表面脆，裏面軟熟，蘿蔔味好香，幾好食，唔會太油。另外再嗌咗碗拆骨鮮雞粥，加一個鹹肉糭 $75。雞件有雞味，煲得剛剛好。鹹肉糭就唔係太夠味，但都足料。

而間一路有叫開外賣，但今晚中晒伏!!! 叫左陳醋雲耳及心肝寶貝粥外賣，$88 個粥一d都唔平! 點知咸到喊😭😩😩，完全食唔到😡😡，以前冇咁差，今晚好趕收工？以後怕怕。

女店長態度極劣面黑黑, 外賣等半小時才告知沒有食材, 又不肯退款, 只差一點就打電話報警.說投訴他時他還反面態度極劣, 以前幫襯很多現在都不敢再去了, 老細請到這樣的夥記真是倒大米.

表姐提議嚟呢度，話佢哋嘅及第粥好足料。表姨甥女話有米芝蓮推介，佢試咗之後，返唔到轉頭，食唔番其他粥舖喎！😜 雖然比其他粥粉麵飯地方貴啲，但他們都覺得值得的，所以推介俾我。我唔係好食內臟都大膽嘗試下啦。😝我哋三個叫咗套餐，大家都係及第粥，另外小食配雞翼、煎蘿蔔糕及糭。 飲品方面叫咗兩個蘋果紅茶和一杯凍檸茶。嗰糭好味，及第粥比我想像中好食。初初怕臊味，只有豬腎有輕微，其他都好好。他們對蘿蔔糕和雞翼都滿意的。 杯蘋果紅茶我就飲唔到有蘋果味🤔⋯⋯表姐話廚師推介嘅粥比較香濃，其他有些淡。純粹分享他們的個人經驗。上餐速度都好快，服務都OK。坐得都一般舒服的。

因為今日超級想食豬膶，除咗靠得住，都諗唔到邊度可以食厚切嘅豬潤，茶餐廳嗰啲又驚比好少，而且好耐冇食靠得住！對佢嘅印象係正常嘅食物味道好貴因為料唔多，今次就俾多次機會佢！下午茶嘅選擇抵好多，不過就少好多選擇，我哋正價同埋下午茶都有嗌！仲加咗白灼注要豬潤小食星洲炒米賣相OK，不過唔夠香，份量都OK嘅對得住價錢嘅～白灼菜心另加嘅話要30 ，好明顯係貴嘅荔灣艇仔粥，每樣豬什有兩片，有兩粒肉丸仔，水非常浠，lol 其實係粥，不過水到我唔小心都講咗係水其實我有陣時都唔明點解啲內臟好似豬膶粉腸咁，成本咁平佢都比咁少豬膶同主要小食各有三片，底下有好多肥肥嘅芽菜，三片全部都好厚嘅！不過好似有少少散，而且主要有啲醒環境OK，不過服務嘅侍應影真嫲嫲，佢收呢個價錢仲要+1嘅話真係要俾個劣評佢已經唔記得咖啡奶另上你想佢話我冇講。。。而且經常嗌人都冇反應真係要記得下次唔好俾機會佢了

本身係常客，未改餐牌之前都常吃。但服務質素每況愈下。上午剛買完早餐吃，下午打算再去買外賣做晚餐。排緊隊買外賣時，有一對男女剛吃完出來埋單，男的老實不客氣地站在隊旁。儘管已出聲提醒男部長收銀要排隊，以為他會維持番秩序。誰知他竟回覆，等他幫那打尖的沒品男人埋單才處理外賣。本身打尖的男人明明見到有條隊都打尖已經很沒品，誰料部長的回覆更令人愕然，而且語氣也不佳，實在很難令人再次幫襯。整體而言，員工服務態度差，食物價錢不平，永久不再幫襯。

早餐想食粥嘅，我通常都會嚟靠得住，因在家留下商埸，而且早餐除了咖啡奶茶外，也有豆漿薏米水等另類選擇。此店的粥的確不錯，鹹度剛好，夠味，料也足。抄麵基本上是可以，若是剛抄起就十分正，我也試過是尾水的就是不熱且是有些碎。環境簡潔，坐位空間足夠。服務就一般茶餐廳服務囉。就是有一問題，我亦向店員反映過，粥，抄麵，飲品送到時間間中相差頗久，最長一次是20分鐘，向店員查問，就話人多緊要時間等啦😒，好似今日食完抄麵，碗粥是10分鐘後才到。早餐價格合理，試過下午茶就要加一。

由於消費券影響之下，中午馬鞍山新港城，周圍食肆，大排長龍，只有這間，等了一會，就可以有位食飯了，第一次入內，周圍，全部都是二至四人卡位，感覺良好舒適。叫了胡鐵觀音，茶味不錯，中午叫了，中午套餐，簡簡單單開餐😊艇仔粥加鹹肉糭艇仔粥，普普通通鹹肉糭味道不錯，足料👍菜飯加排骨菜飯有太多油，排骨（即係豬扒）咬落有肉汁，不錯👌套餐，包飲品，奶茶咖啡，汽水，由於已經有鐵觀音茶，所以我叫了可樂，原裝一罐，可以拎走，我覺得幾好😂

茶介好平幾好 幾蚊無限飲個細蓉都幾好 有食晒杯熱檸蜜正常杯熱柑桔蜜都正常其他都唔好皮蛋瘦肉粥都幾馬虎成碗都冇乜味 腸粉有啲硬 食咗一半 已經變成膠咁菜好硬 食得一條 真係唔好叫 唔會食到

不知所謂嘅部長。冇師傅返工唔係個客錯喎，阿姐。你出唔切食物都應該好聲氣啲。追問你就黑晒面！一句到尾，永不錄用。完。食物已經不是太便宜，水準又差過新開店嗰陣，係咪應該反省一下呢。

千祈唔好去呢間靠得住度食嘢，之前我一向係靠得住忠實fans去開九龍灣嗰間同埋馬鞍山個間，都食咗好多年。事發當日，我叫咗個魚腩豬膶粥，食到一半嗰時我突然間發現有條好似曱甴嘅鬚根，即刻唔敢食叫我老公睇，原來真係有隻大曱甴係我粥入邊。我覺得好誇張囉！呢間大集團連鎖店連，最基本嘅衛生都搞唔掂。我即刻打電話俾靠得住投訴，佢話佢可以全單退回，咁當然要啦。我已經向食環署投訴依間餐廳！我永遠都唔會去Blacklist，嬲！