上手日本料理 (Closed)

星期六,一家三口去左西九龍中心搵野食,原本唸住食pizza hut,但好多人排隧,咪周圍睇下邊間有位坐,咪是但囉,行行下,見到一間食日本野既,咪睇下門口個本menu,睇下有咩野食啦,個本MENU,影到D相,好似好好味,又多野食,價錢又唔好太貴,個仔又話想食壽司,咪入去食囉,原本我怕豬扒鞋,所以叫雞扒烏冬,爸爸叫咖哩豬扒,仲叫左個加洲卷,上菜唔係好怏,但壽司就耐左D,個仔係咁問,有壽司未呀.見到個樣好似幾OK咁,一食落1.烏冬湯底無味2.雞扒一樣好鞋3.咖哩又係無味4.豬扒一樣又又鞋5.凍0茶好難飲好味既有1.八爪魚好好味(不過間間都差唔多)2.麵豉湯3.加洲卷4.雞扒既汁基本上食物麻麻地,下次唔會再去,但服務算唔錯,可惜比碗仔唔比羮兩大一細食左$120

咁岩先會黎西九龍咋!叫左果$138 既2人餐, 羊扒好好味! 拉麵彈牙!反而係果蟹子沙拉好唔掂, 淡都嘔.... 未食過咁難食...帶子好大陣雪味! 其實冷盤的食物好似麻麻, 反而熱盤的食物唔錯! 好彩冇ORDER 刺身咋!同枱友人叫了果三文魚PLAZA , 話足料好好味! 金桔檸檬加$2 咋, 好好味! 足料!不過真係好逼,食得好辛苦!

上手日本料理- 西九龍3 樓一來就送上兩杯玻璃杯中國茶(好酒樓食晚餐feel), 好大杯的~叫了2 人餐~ $ 128 (不收+ 1 的) : 2 飲料(好大杯, 兩人共飲得晒一杯), 2 冷盤(中華沙律之類, 任選), 2 麵(烏冬拉麵之類, 任選), 1 主菜(選了炸軟殼蟹, 有2 隻)1 配菜(選了椰菜, 幾大碟下), 6 壽司(任選, 除本身$ 16 以上的)好飽, 覺得好似幾抵咁~ 不過上菜好似慢左0的~唔知係咪吃完佢, 衣衫有陣油煙味, 吃時不覺有的~!~ 兩杯凍奶茶都是茶味重0的~ 螺肉& 八爪魚都好濃味, 又大大粒咁, 配麵一起吃比較好~~ 好似係麵鼓湯底, 烏冬好一般, 拉麵個湯底係拉麵D 麵水味~ 第一次吃炸軟殼蟹, 只吃到炸粉0的味, 不知是否正常~~ 椰菜好大盤咁, 以為得一碗仔, 鋪上一堆平時鋪落章魚丸的絲絲, 幾好味~ 壽司飯幾"林", 男友話爛添^^"好想再去多次佢仲有好多不同配搭0既1 / 2 人餐, 又燒餅又刺身又壽司咁,好似好新鮮^^"$ 40 - $ 138 不等~

尋晚係到同同學仔食飯, 叫左個薄燒牛肉set。Set 有蜆肉,中華沙律, 飯同牛肉蜆肉&中華沙律:份量唔係好多,味道同超市買到的差唔多薄燒牛肉: 上枱時變左牛肉卷, 得2件,份量令人失望。味道都ok飯:成個set最差係個飯, 又硬又乾, 外賣飯盒的飯好食過呢個飯10倍個set 份量唔係好多, 味道亦唔突出, 我覺得價錢貴左少少服務同環境都一般

我叫了一個M餐, 有一碗烏冬/拉麵/飯, 我選了烏冬, 是淨烏冬, 沒有甚麼用料, 湯底清清的, 感覺不錯, 當是清清經常吃肉的腸胃。再加5件自選的壽司, 就是甚麼款的壽司都可以選擇, 自由度挺大的, 師父做壽司的手勢很好, 而且用料也不算馬虎。以這個價錢可以吃到一個晚餐也很值得~ 雖然平平無奇, 唔係好特別, 但平凡中見不平凡嘛! 來一個平實的日本餐都不錯!這裡好像是不設加一。

lunch同2個同事去食..叫左海鮮燒餅,雞扒拉麵,牛肉薄燒飯...我最鐘意個海鮮燒餅,上面有好多木取,好好味...另外個拉麵同飯包埋飲品都係$35,都唔算太貴,但味道一般...不過我相信佢\地好難繼續經營落去,因為我地食左成個鐘頭都得好少客人,有次夜晚7點幾8點經開依間餐\廳又係得好少客...

食物選擇算多既我同我老媽叫左-牛肉卷拉面套餐-燒汁蝦球烏冬燒汁蝦球吾錯呀~份量亦都有返甘上下不過d 配菜就渣左d...得紅蘿蔔o者而且d 日本魚蛋亦俾得比較孤寒牛肉卷套餐賣相亦比寒酸因為佢用既盤好似快餐店既setting一大盤分幾格o個隻雖然d 配菜話有蜆肉同中華沙律但係每樣都係得o個d d仲要擺埋一碟喎而且牛肉卷亦得2 件o者賣相吾係好得囉service 就冇乜家喇不過就算有都冇用啦去既人都係冇乜禮貌o個d可能地區問題啦還是算了吧

去得西九龍中心, 除非好想任食壽司, 或會去名將, 如想食到較好水準日本不如就係上手, 上手中文意思就係技術好, 都同意, 呢度確實唔錯. 日文班深水十二食肆巡禮夾埋夏季泳後餐, 到現在都過幾次.呢次就普普通通一餐, 吉列蛋豬扒烏冬, 豬扒唔油, 入面肉仲好軟身, 鋪面可能係秘製醬汁, 帶甜, 唔錯. 湯底因個人習慣都會飲番一半. 烏冬可以, 烏冬面至烏冬芯彈牙度均勻, 好在呢兩次都無人吃煙. 講起就特別一提, 好多小店對於禁煙都好難做, 唔通趕走呢客咩? 但每個人入食就係食餐, 唔係食煙, 更唔係請他人食二手, 要食不如去煙館. 而且食店都無賣煙, 人食煙咪即係將外來食品帶入鋪內進食/享用? 所以小店要禁煙有乜咁怕, 香港85% 人都唔食. 邊個巿場大? 事實上, 去過咁多千度食肆地方, 禁煙店永遠好生意過不禁者. 周末等位, 有人等禁煙, 煙位無人等情況經常可見.

難得放工同爸爸食飯，就同佢去試ｄ佢未食過既食肆。走去西九龍中心，發覺有間叫上手既日本料理。其實好耐之前去過一次，不過真係太耐，完全冇印象佢究竟係好定唔好，但見佢價錢平平地咁，不妨入去睇睇佢得唔得。可能時間尚早，都有不少空位。都費事諗食ｄ咩，就叫個二人餐share食。有什錦刺身、沙律、蟹柳烏冬、日式叉燒湯麵和飲品。什錦刺身不過不失，沙律就酸歿甜甜幾好味，可是個烏冬同埋湯麵就扣晒分，尤其是個湯麵。筍係酸，叉燒又"韌"，麵底亦怪怪地，總之就唔掂。服務就唔錯，好有禮貌，收碟亦快手，而且冇收加一，更唔使貼士，幾欣賞。另外仲有張coupon，雖然野食唔太好食，不過如果有coupon又經開附近，都可以再試。

服務態度老闆好好人, 好有禮貌, 另一個類似老闆娘既女人就好唔掂, 幫襯佢好似阻佢時間咁食品刺身係大舊, 不過唔新鮮, 其它都可以接受其它店舖乾淨, 不過有人食煙

在金太郎等唔到等位,所以便來此處開餐:三文魚壽司兩碟:那些飯全完唔得,又爛又散,三文魚完全唔覺有味道玉子鰻魚壽司:朋友食,味道唔知菠菜鑲雞翼:一客四件:味道最好.三文魚手卷$24)要兩件上的,還要一定同一個味道.紫菜超淋,唔掂休菜拉麵:朋友話都幾好味三文魚蟹子沙律:有蟹子,青瓜,和三文魚粒.一般.加洲卷:幾好味,但青瓜苦雜錦燒餅:有牛肉,雞肉,三文魚.一客6件,材枓幾多同埋也幾漏,好鬼飽還有唔記得乜名($28);係有點似魷魚和蟹子的:都幾好味,不算差士佐豆腐:一客三件k,夠熱總括而言熟食係好點的. 千祈唔好叫壽司和手卷.服務唔差的.有斟水.不過,呢樹係沒有綠茶飲,只飲大大杯中國茶

少可晚餐係西九龍食, 試叫一客剌身拼盤, 實行狂食剌身之夜, 估唔到鋪仔細細, 拼盤係大件夾抵食, present 得又靚, 無論從肉眼觀察到魚生, 抑或咬入口, 都可感受種新鮮, 水準比大鋪過之而無不及, 但價錢為小鋪水平, 唔怕位屈質少少, 值得一去.

0下~~其實不是那麼差啊，我覺得這家店的咖哩飯好好食，次次去都食咖哩牛肉飯定食~~碟飯好大碟，d料好多(肥牛+紅籮蔔薯仔)，咖哩汁唔辣，好味^^由於是即整關係，可能要等耐d，但肚餓時食個熱辣辣咖哩飯真係好滿足啊~~!!下午茶去食會抵d~~!!

今次黎食晚餐,唔駛等位..兩個人叫左個雜錦燒餅, 咖哩薯餅同三文魚刺身...個刺身超級縮水!!!!20蚊得6個超薄5毫子size既portion!!! 咖哩薯餅就食唔出有咖哩味lor..幸好個雜錦燒餅好足料, d醬汁好濃同d肉好嫩滑..重幾有口感同飽肚!

和媽咪兩個人到呢度開餐, order了日式拉麵(其實是海鮮拉麵), 鰻魚燒餅, 一客刺身, 和一客餃子(是送的, 凡食滿正價食品滿$80, 就有小食一客), 本來對拉麵有一點兒寄望, 因為當我們等緊食物的時候坐我們對面的一對男女一邊吃一邊話好食, 仲要講到好似天上有, 地下無咁o既款, 但當我一食, 就覺得同係超市買的即食拉麵沒有什麼分別, 海鮮也不太新鮮, 塊班塊仲係梅梅地的, 鰻魚燒餅過得去啦, 甜甜地, 不過食完砍件就幾擠下, 刺身很細塊, 而且不太新鮮, 餃子最好味, 可能是因為剛剛整好的關係, 埋單$140, 不算太貴, 但食物認真麻麻, 座位又迫, 張台又細, 想叫多d野食都唔得, 加上環境好嘈, (可能因為坐係我們對面的男女對d食物有讚無彈, 令我覺得好煩), 總括o黎講, 以後都不會再來了