The Salted Pig (蘇豪東B期)

Open Now

Now Closed

嚟到鯉景灣，如果有寵物嘅朋友就一定要去salted pig。原因就係喺鯉景灣雲雲中得呢間西餐係最好。雖然佢對比起出邊好多西餐都唔係一定最出眾，但係喺位置方面呢間又可以大狗又可以望住個海，又可以泊車係出面睇住架車。算唔錯啦！而我最鍾意食呢就係呢個pulled pork sandwich 😝😝😝如果happy hour仲可以喺度飲杯啤酒添，真寫意🤓

今日打算同狗狗一齊去食午餐。SohoEast大部份餐廳都係寵物友善餐廳，所以我我哋選擇咗街頭嗰間西餐廳 The salted pig。我哋坐近門口嘅位置，望到海景吹住海風，狗狗可以坐出街外。我哋叫咗兩份set lunch，一份係安格斯牛漢堡包，另一份係焗鱸魚，有埋前菜同餐飲。兩份午餐唔算特別出色。安格斯牛漢堡過分乾身；而焗鱸魚冇咩調味，加埋配菜味道仍然十分單調。雖然可以帶埋狗狗一齊去食飯，但下次都唔一定會再去。

今年情人節黎到西灣河East Soho區試下呢間豬門店，餐廳設計時尚，整體氣氛好chill，望住海滂用餐極歎，食物質素高，非常享受😋Brown Butter Scallops & Sattron Risotto $188牛油帶子煎至兩面金黃焦香，上面加上濃郁既巴馬臣芝士碎增添香氣，而Risotto保留到微硬度👍🏻Crispy Pork Knuckle $308豬手足足1KG分量啱晒兩個人share，而口感略為結實有嚼勁，膠質滿滿，超有口感！

西灣河分店鄰近碼頭，有室內室外位置，環境氣氛好chill。1.手撕豬肉配墨西哥芝士粟米薄脆 $158份量十足。粟米片好薄脆，牛油果芝士醬好味。如果手撕豬份量可以再多啲更好！2.烤斧頭豬扒、煙肉椰菜仔、薯條 $252豬扒好厚身！煙肉椰菜仔有牛油味，幾香。薯條粗身，唔會浸冧左，依然脆口。3.煎原條海鱸魚柳海鮮燴、鮮蝦、蜆、辣肉腸、麵包粒 $198/half海鱸魚柳啖啖肉，鮮蝦、蜆各4，鮮蝦肉爽，辣肉腸幾香，麵包粒亦脆。

同朋友慶祝生日，又想一班人傾計，但我又要帶🧒🏻就試下西環河the salted pig環境：有得帶主子🐕🐈，又有得飲返兩杯🍻吹下水，帶🧒🏻職員又好快手比水同小朋友餐具同畫紙畫筆✨️ Poutine🧒🏻勁愛薯條，芝士又香濃同做到拉絲的感覺，最正肉碎令到芝士同薯條口感同層次都有提升，再加上薯條用上粗薯條👍✨️blue berry cheese cake smoothie 酸酸甜甜好開胃，而且blue berry 打得好幼細✨️oreo madness oreo味重而且够香濃✨️mango Mule朋友話青瓜配芒果，够青甜👍✨️knuckles 豬手够脆同肉質保留鮮嫩👍可配或不配芝麻醬，因為味道十分入味。另外，蘿蔔食的味道好像甜蕃薯，感覺十分特別✨️prawn salad蝦爽口又彈牙，再配甜甜辣辣的沙律汁，沙律都可以做到令人忍不住口地食，食幾多也不怕肥✨️beef short ribrib同牛肉很容易切，而且份量亦多，再配牛扒汁帶出牛的味道，烘烤過的薯仔伴碟，口感也不錯✨️Paella海鮮份量配料多： 魷魚，青口，蜆，元貝，蝦，魚所有鮮甜味也能滲入意大利飯，用pan上更保持暖度👍✨️meatball 用上新鮮

一早就聽說西灣河海邊有好吃😋的餐廳，氣氛很像Soho 餐飲質量也是不錯，今天特意過來嘗試一下，果然名不虛傳。之前在將軍澳也吃過類似的餐廳，一試難忘，今天也是很讚，不僅食物很美味，環境也是很放鬆，下班後有時間享受和充電，是一件值得感恩的事情。Roasted Potatoes外皮酥脆內心柔軟，微微焦黃的土豆，口感簡直很棒。Prawn Salad牛油果和芒果切成小塊，配上沙律菜和火箭菜，還有特製的調味，口感非常清新，配上蝦仁，更加美味。BBQ Ribs蜜汁豬肋骨，超級大份量，肥瘦均衡。Guava JuiceThe Salted Pig (鯉景灣)西灣河鯉景灣蘇豪東B期太康街45號地下GB8-10號舖

非常差的體驗入座時因不能喝有汽飲料所以沒點sparkling water侍應聽見後馬上收走我桌上的Menu & Candle 感覺非常不良好點餐後等了一小時還未上菜，催了幾次侍應話Cancel 張單叫我走(What???!!!!)7點等到8點，餓到飛起叫我走？野食黎到後，個意粉係燶既。。。咁嘅食物質素要我等一個鐘？真係送都唔食仲有！有個送外賣既叔叔冰天雪地15度喺出邊等咗30分鐘入嚟催一催個侍應，個侍應仲要鬧個叔叔好啊咁樣用英文同佢講Cancel your order now! Ask other driver to come if you can’t wait 有冇搞錯，人哋都係搵啖飯食姐使唔使咁惡鬧人以後唔會再幫襯呢間垃圾餐廳！

之前食The Blind Pig覺得幾好，環境又幾Chill~所以今次試吓佢嘅姊妹店-The Salted Pig🦀Dungeness Crab Cake $138入邊有好多一絲絲嘅蟹肉，🦀蟹味十足🌟外皮炸得香脆🫶🏼入邊除咗蟹肉仲有洋蔥和pickle，令到整體感覺冇咁濟✨🥘Seafood Paella $228西班牙海鮮飯飯質較軟～完全吸收晒啲鮮味✨海鮮包括🦐大蝦、蜆、青口、帶子、辣肉腸等十分豐富🌟感覺海鮮比飯多😂😂🐷Grilled Pork Tomahawk $252烤斧頭豬扒分量十足😳 雖然大部份嘅肉偏瘦但都可以做到juicy效果👍🏼 近骨啲肉油脂會較多，會較香😋建議配合蘋果醬一齊食，會較清新☘️椰菜仔幾甜，薯條份量都超多🙌🏼環境：4/5好適合happy Friday🥳，設有部份outdoor位置～寵物友善🐶🐶服務：4/5天氣寒冷，可以提供暖嘅🍋檸檬水👍🏼食物：4/5Seafood Paella海鮮豐富，Grilled Pork Tomahawk分量十足😚😚Revisit: yes

農曆新年既揮春中有句叫橫財就手, 所以好多時過年都會有豬手呢個賀年菜式。今次我地唔係去中菜館, 而係去一個出名食豬手既西餐廳集團，旗下既西灣河分店一一The Salted Pig。餐廳裝修以西式設計為主, 有吧枱, 卡位, 最近天花佈置掛好有中國式紅燈龍,好有中國過年氣氛,餐廳播放輕鬆柔和的英文歌, 食得舒適。侍應招呼熱情，仲不停幫你加水。Grilled Prawn & Avocado salad ($162)一大盤什菜沙律,蝦肉好彈牙，芒果又大塊，沙律以甜辣汁調味，酸酸甜甜可以刺激大家食慾！Spaghetti Vongole ($172)意粉軟硬適中，大大隻的海蜆，蜆肉鮮甜帶有小小酒味, 別有一番風味。Crispy Pork Knuckle ($308) 豬手外皮超超超級香脆！豬皮咬落卜卜脆, 但肉質仍保持濕潤兼超淋, 調味鹹度剛剛好。好掂！不負 the salted pig 之名！

為左好好慶祝除夕日嘅早上，就去左呢間餐廳食左個big Brunch!呢個雙人早餐睇落已經勁豐富，真係令人食慾大開！未見過早餐會有牛骨髓見到咁特別立即叫嚟食下，特別嘅仲有炸蛋食🤭外層係肉碎包住隻蛋，真係有心思絕對唔係hea嘅早餐，仲有焗薯、牛肉腸、多士同焗豆等，另外加左少少錢叫左個沙律🥗啲沙律菜好新鮮。之後再叫左個西班牙炒飯，好彩份量唔算太大，唔係嘅真係搞唔掂🤣味道不錯但少油，海鮮都👌🏻👌🏻

The Salted Pig🐷 @西灣河西灣河海傍有好多西餐廳😗可以帶埋狗狗去食飯🐶.慢煮BBQ Ribs🐷 ($288)很大份的，慢煮嘅關係啲肉幾嫩滑，唔會又乾又鞋，BBQ醬酸酸甜甜好味，仲有好多薯條同好味香甜嘅粟米🌽🍟🍖.西班牙海鮮炒飯🦐 ($228)炒飯粒粒分明不過有一點點油，有超多海鮮的例如蝦，青口，蜆，帶子，炒飯入面仲有三文魚，味道不錯😗.有啲飲品有一送一的，飲咗凍檸茶同fruit tea🍋 ($68).同埋仲有early bird優惠😗星期二至五晚巿7點前埋單有7折😗星期一至五午巿12點45前埋單都有7折😗幾抵！

今日去咗西灣河拍拖行街, 去咗海旁附近嘅Salted Pig 食飯兩個人叫咗Seafood Paella $228差唔多每台都有嗌, 應該係依間店舖嘅主打, 或者係大家都俾佢啲海鮮吸引咗。海鮮飯有青口，大蝦，蜆，煙肉粒，豬朒肉粒及小帶子做配料。蕃茄味再加埋啲海鮮，好鮮甜🧡另外叫咗一個slow-Cooked BBQ Baby Back Ribs 慢煮醬燒豬肋骨配菜有薯條、椰菜沙律、粟米豬肋骨好冧甜，醬汁惹味，good!另外在帶咗兩杯嘢飲 - Lemon squash & fruit punch squash, chill !🌟午市早鳥優惠：顧客凡於星期一至五下午12時45分前堂食用餐、結帳及離座，即可享7折優惠。🌟晚市早鳥優惠：顧客凡於星期二至五下午5時至7時前堂食用餐、結帳及離座，即可享7折優惠。*午市早鳥優惠不適用於The Pizza Pig 荔枝角分店*另設加一服務費*不可與其他折扣及優惠推廣同時使用*不適用於節日及公眾假期

放假想去無咩人既海邊食下野浪漫下，又唔想入到赤柱咁遠，蘇豪東絕對係港島人既最佳選擇💡✅低碳Friendly ✅環境舒適🔸Ribeye Steak (12 ounce) + Bacon Sautèed Brussel Sprouts🔸$298+$48身為牛牛愛好者，見到12安士肉眼就當然要捧場啦😍見到實物同我想像中既大size有啲出入，好在肉眼肉質口感較嫩，而且side dish 炒椰菜球大大份，搭救番🫶🏻🔸Seafood Pailla🔸$228海洋有青口、殼肉以及海蝦，飯既味道偏向多蕃茄味，對比平時既Pailla較稔同濕潤，最中意食Pailla 既飯焦，脆脆地帶點咸味😆 總括嚟講，想同朋友Chill 下既話都係一個好選擇💛

仲有幾日到聖誕，西灣河蘇豪東嘅西餐廳已經換上聖誕裝飾，好有氣氛🤭呢度西餐/酒吧臨立，行兩步仲有海旁，好似去咗外國旅行咁🤩值得一讚：男店員嘅態度非常好😚青醬雞胸肉貓耳朵粉 $178西班牙海鮮飯 $228雖然個Main係starch, 但係比嘅肉份量都好多，好飽肚。醬汁嘅量同味道恰到好處，材料新鮮，貓耳朵粉好特別，細細粒特別入味🤩薯蓉 $58好creamy, 有啲蛋同忌廉味好rich.蕃茄汁 $38西柚汁 $38聖誕可以再嚟🤭

西灣河嘅鯉景灣對住海有一間食豬嘅專門店，呢間就係有多間分店嘅The salted pig。佢哋嘅豬出哂名好食，皆因佢哋嘅豬都只會用最好嘅部位。慢煮脆皮豬腩、薯仔沙律、烤甘荀、香辣醋汁：豬腩肉經過慢煮，所以口感更軟嫩，肉味更濃，而用嘅係豬腩，油脂含量會較多，食落會更甘香可口。而配菜有薯仔沙律、烤甘荀，呢兩樣都係好清新清爽，同豬腩肉作平衡。最後仲配埋惹味嘅香辣醋汁，酸酸甜甜帶點辣，可以減輕豬腩肉所帶嘅油膩感。招牌手撕燒烤豬肉三文治、薯條：呢個三文治用料十足，入面爆哂餡，有醃製過嘅紫椰菜絲，清新又清爽，有經過燒烤嘅手撕豬肉，醃得好入味，又夠軟腍，仲有陣陣嘅辣味，夠哂惹味。而配菜有薯條，即叫即炸，香脆可口。煙肉芝士焗通心粉：芝士份量好多，仲可以做到拉絲，而通心粉入面仲有大大件嘅煙肉塊，油香肉香令通心粉更香，味道咩感都變得豐富。