Video
Opening Hours
Mon - Sun
12:00 - 15:00
18:00 - 23:00
Above information is for reference only. Please check details with the restaurant.
Signature Dishes
Review (39)
上星期同老公慶祝拍拖記念日.. 原先諗住去半島露台餐廳.. 但book唔到位.. 咁又諗起呢間意大利野都唔錯(之前黎過兩次).. 咁就黎左呢度今次我地叫左一碟鵝肝、煎羊架、橄欖油扁意粉同雪糕朱古力蛋糕..我覺得餐前的麵包仍然係好似我上次黎咁好食.. 正~~ 之後就到頭盤鵝肝.. 一上碟.. 我真係俾佢嚇親.. 隻碟好大.. 但嗰兩件鵝肝既size真係細得駭人.. 每塊只有比手指公闊少少.. 我同我老公都對望左一眼.. 從未見過細得咁可憐既鵝肝.. 之前食過咁多間都唔係咁架喎.. ($188.. 都唔太平呀.. 點解咁細架??) 雖然鵝肝煎得ok.. 份量完全唔合格!! 食完鵝肝後.. 我同我老公幾擔心碟羊架呀~~ 好彩..份量都算多.. 雖則唔係好大件.. 有4件咁多呀.. 仲有都好好味.. 好多汁亦有羊肉味.. 正!!! 挽回不少分數~~不過碟扁意粉就真係好清.. 材料真係得橄欖油同松子.. 但味道算唔錯.. 之前兩次都係食carbonara..今次特登試下第二d.. 都ok的~~最難食既就係嗰甜品.. 雪糕係H記雪糕.. 唔錯.. 但個蛋糕真係硬過鬼又冇朱古力味.. 超難食.. 差過晒一般唔好食既店.. 點解會咁難食架.. 唉!!!之前試過兩次都覺得呢間野唔錯.. 服務又好.. 但今次真係有d失望.. 好彩羊架仍然好食.. 如果唔係一定要俾差面~~
continue reading
之前睇到呢間餐廳既食評幾好,仲可以拎埋生日蛋糕出黎,所以我男朋友生日就揀左呢間餐廳同佢慶祝~早幾日bk定台,電話中既R經理都好有耐性聽我想點安排surprise比我bf~我想早兩日擺定份禮物佢都好樂意~~我仲預先order定個tiramisu,叫佢地幫我插定枝蠟燭拎出黎,而當晚佢話佢唔係到,會叫K經理幫我跟~去食前一日,k經理打黎confirm booking,仲問我使唔使加個生日牌比我bf~我梗係好啦~到左當晚,唔算多人,佢地安排我地坐最入既窗口位~放低menu後,我同bf唔太識叫,k經理不厭其煩咁每一道菜去介紹我地聽~非常好~order左兩個5 course sets, 頭盤前菜都幾好味,係main course兩個意粉麻麻,我地叫左angel hair同一個homemade蛋noodle,兩個都只係麻麻...佢地收哂起野就有waiter問要邊款甜品,我心諗我地已經好飽了,最初都唔知個set係有埋甜品仲order左個tiramisu都唔知點食...為左唔比bf知都揀左甜品cheese cake~點知K經理拎個cheese cake過黎已經加左塊生日牌,仲同我bf講"生日快樂"~我都好意外,問佢個tiramisu係咪幫我cancel了,佢笑住話梗係啦~~真係好醒目!!之後食到咁上下,k經理行過黎同我bf講:"係咪好surprise呢~",我bf:"係呀...",k經理:"仲有架~~"之後係後面拎左份禮物出黎比佢...真係好搞笑,好多謝佢,安排得咁好,完全唔使我去提佢地可以上cake拎禮物...仲幫我cancel左個tiramisu,我bf好開心好surprise,仲好感動~~~~services真的好好,每個waiter都好親切~~雖然食物不是十分好,又可能我同我bf唔岩意大利菜~~但整體上價錢亦合理,一定會再來!!
continue reading
與好友每月一次的敘會，今次揀選九龍酒店的比薩餐廳。餐廳的位置好奇怪，經過"倚窗閣"後面才到The Pizzeria。地方不大，座位之間較擠迫，當日又好旺場，有9成滿，幸好在訂位時已要求安排窗口位置，感覺上沒有壓迫感。與其他食友一樣，先上一藍麵包，除了牛油外，還有橄欖及焗製的蒜頭，也不需多介紹。其實每次與這位好友飯敘，基本上會點鵝肝、Carbonara、Risotto及每次兩款飯後甜品，今次也不例外。煎鵝肝-沒有煎得金黃外層，已顯明不夠香脆；入口亦不融化，質地有點實，沒有甘香脂肪口感，有點似食豬潤感覺。Carbonara是餐牌上沒有的，吃均好多餐廳的Carbonara，這間水準算高。一看賣相已知應該不錯，果然沒有走漏眼，忌廉蛋汁混合了香濃的芝士煙肉，還灑上點點蕃茜，色香味俱全。Risotto看似較為濕潤，入口的軟硬度尚可；而Black Truffle看似是木耳，其實菌類應與Risotto好匹配，可借這碟菇味重得來帶點點苦澀味。甜品是開心果朱古力餅、Panna Cotta及紅豆、雲呢拿雪榚。雲呢拿雪榚上放了朱古力餅，兩者應是好拍擋，但這個餅的朱古力味道不夠強烈，帶不起一濃一淡效果。好友的Panna Cotta，賣相與平時不同，十分creamy，但好友的評價不錯。雖然只是HD的雪榚，每人也叫一球來滿足大家口腹之慾。餐廳的招呼及服務不錯，但以食物質素來衡量，這間真是較次檔的選擇。p.s.原來今年compass已無85折，只得恆生有9折。
continue reading
had dinner last night. had a 5-courses set dinner and one seafood linguine. 3 small pieces toasts with mushroom on the top. quite good. fried eggplant layered with cheese. tasty but very heavy. a minestrone soup. so so. the main course we selected veal shank. so tender and delicious. dessert had traditional chocolate cake and raspberry sorbert. rich choclate and raspberry. delicious. the seafood pasta had many fresh squid, calm, mussels and shrimp. tastes good too.
continue reading
又再令人如此難以忘懷的生日飯，此餐廳經理也把客人難以忘懷的記起。話說前日食咗餐完全唔掂生日飯，令我越講越唔開心，不禁想起兩年前這裡，昨晚同朋友即興再來回味一番。一入門口見番上次個位經理，態度依然親切殷勤，講起小妹生日大日子，事隔兩年沒有來，特別再來慶祝，請經理推介一下，希望食番餐好嘅。先來好細心問我哋餓嗎？唔太餓我哋兩個人食得唔多，但我都係特別想食意大利飯，介紹雜錦海鮮意大利飯加本月精選銀鱈魚五道菜晚餐，我要杯白酒，朋友唔太飲酒但想要杯酸酸甜甜少少酒味，經理特別tailor made給她。此時當然食一坐就有嘅一籃麵包，款式多特別喜愛成個蒜頭配合在包上零舍香，我同朋友都好鍾意。烘多士番茄碎/蘑菇碎－好好食(從來唔番茄嘅我，初頭以為是煙三文魚碎所以放心食，食完先知係番茄)意式生牛肉－呢排牛肉貴切得好薄，但都好味，唔錯！匈牙利牛肉湯－送埋嚟已經聞到一浸香濃味，飲落味道清香又唔太濃雜錦海鮮意大利飯－真好食，海鮮幾新鮮，帶子同蝦size適中，蜆都幾多，飯味好香比鵝肝飯好(這時經理走來問意見，還記得我上次食鵝肝飯，記性超強，厲害！)銀鱈魚配香檸紅花汁－魚紋幼細嫩滑，但配料醬汁較為太淡，感覺無乜味，略為遜色意式奶凍/Tiramisu－奶凍很滑/用杯上Tiramisu得意味精一般Latte－OK最後當然又有驚喜，經理奉上生日蛋糕，今次沒有心形蠟燭，款式無咁花巧，果然隨同年月成長，今次朋友為人低調，所以沒有要求經理唱歌，但有意外收獲，真係好開心滿意！朋友第一次來，雖覺食物不是頂級，看得出非常重視客人，尤其tailor made杯嘢麻麻，即時話做個杯，效率反應卓越，簡直可用現今流行形容係資優經理，朋友簽Compass卡有85折，埋單絕對超值叫我唔好寫出來，因為唔好意思，又話我又食又拎，點好意思講呀！這裡服務一直令我難以忘懷，期間常常介紹朋友，比上年去海景嘉福酒店海風餐廳好，雖然有兩年無來，難得經理竟然還記得我，大日子喜慶節日來慶祝一定無錯，絕對令人心情豐滿！
continue reading