The Italian Club

Open Now

Now Closed

今晚本來想去一間網路紅人介紹嘅餐廳，点知佢哋off, 咁我哋就四圍行，揾到呢一間意大利餐廳。入到餐廳後，先發現佢哋做緊一個tasting menu, 詳細可睇下佢哋嘅社交媒體網站, 超抵，所以我先生就叫了支酒一同品嚐，支持一下。講真食物真的有驚喜，由於tasting menu, 價格相對便宜，但材料絕對冇因此已downgrade. 剛啱老闆亦係店餔，好friendly, 我哋亦同一個熟客傾計，佢話呢個老闆好執着，材料一定要用意大利，絕對不會用其地方，所以成本好貴，tasting menu只係想大家可以试下，欣賞下。我最喜歡就係可以慢慢品嚐美食，因為依家好多餐廳都限時(冇人等都要限時），呢處我哋足足食咗兩個多鐘，waitress仲話可以慢慢添。最後個人意見，如果大家有機會去试tasting menu, 覺得好食嘅話，我都希望大家继續支持正價，否則有heart做餐廳嘅人就越嚟越少了。

路過多次這小店，終於有時間安排去用餐。餐廳裝修簡潔，音樂輕快，店員及意大利藉老闆友善。食物質素高，除了沙律、意粉、pizza、甜品之外，還有意大利特色頭盤、扒類和原條焗魚。1家3口叫了地中海海鮮沙律、牛肉他他、Margherita pizza和帶子意大利麵。由於沒有相機食先嘅習慣，小朋友又肚餓，所以忘記影相。食物嘅味道，環境嘅感覺，真係好似去咗意大利小街嘅餐廳，好地道。原來餐廳原本在中環開業，因疫情和香港飲食環境改變而結業。特此推介這小店，希望大家去支持下這些有heart的意大利地道餐廳。

在社交網上見到有人介紹此餐廳，於是網上訂位，很快就有回覆，而且有禮。一家人到達餐廳，這是歐陸裝修的小店，各人點選了午餐套餐（連主菜、飲品及甜品），由意大利裔老闆親自冲調飲品。飲品更可選latte, cuppicino等（不用另加錢）。以$130-160在香港吃到正宗意大利人營運的意大利餐，算是價錢公道，而且菜式及甜品等具水準。這樣不錯的餐廳，可能少人知道，中午只得兩三枱客，可惜！付賬時，與意大利人老闆交談，知道他原來在港經營餐廳十年，曾有四間餐廳，最近中環那間都要結業，只剩此間。他說除了疫情，香港餐飲市場改變了許多。我個人覺得這間水準不錯的意大利餐廳如果消失了，會令香港又少了一間正宗的意大利餐飲小店，所以寫此食評，希望更多人幫襯。我一家一定再幫襯支持。

最近旺角開左一間意大利餐廳，睇番website原來同我之前食過中環一間餐廳係同一個集團。環境係一間細細嘅cafe，十分寧靜，適合一個人靜靜食。服務方面，店員都非常友善。最重要嘅係，呢度嘅價錢唔貴，CP值高，值得一試~首先點左芝士磨菇多士，呢道菜就真係冇咩特別。雖然芝士溶得好好，但味道上冇乜驚喜，整體感覺有啲平凡，塊麵包亦不過不失，類似岩岩黎既時候送既果塊麵包。Pasta試左Carbonara，好奇怪餐牌係冇，但見到人地食就問下店員，原來真係有。麵質幾好，煮得剛剛好，咬落去有嚼勁，完全唔會過淋或硬。呢個carbonara係傳統無cream煮法，不過醬汁味道稍為淡咗啲，可能咸肉有點少? 可能對於鍾意濃味嘅人來講會有啲失望。另外我地試咗肉醬千層麵，今次呢個醬汁就好濃郁，香氣四溢，份量睇落唔大但食完係幾漏同飽。雖然味道唔錯，但佢醬超級多，相反麵嘅部分唔多而且冇咁突出，整體感覺似食緊肉醬多過千層麵。最後，我點咗Gelato作為甜品。朱古力同開心果味都唔錯，朱古力味好濃但唔會太甜。

Lunch經過見到樓下新開見義大利餐廳決定入去試下入面既人親切好態度招呼lunch set會跟咖啡☕️會問埋要吾要➕奶意粉係出面冇食過既味道👅牛排都好正 叫左5成熟肉味濃😋下次再試其他菜色

晚上行過黑布街，發現開左間新既意大利餐廳，望下價錢唔係好貴，一於試新野。餐廳顏色比較柔和，適合用餐，打開menu，好多菜式都很吸引，但由於只有兩人，不能叫太多，就交由餐廳經理推介。食物質素唔錯，芝士、牛肉丸都好新鮮，牛扒更是一絕，而且擺盤用心，適合打卡拍照，下次一定會再黎。臨走時看見有位鬼佬走入黎餐廳，細問之下原來係老闆，意大利人，我當然Ciao一Ciao佢，之後佢就過黎打招呼，用極流利英語自我介紹，還熱情的講解我們點的菜怎樣做，食物的來源地等等，吃得滿足之餘又學到烹飪技巧，正！

經朋友推介下,在上星期六晚到這裡晚膳,點了頭盤水牛芝士配蕃茄及意大利麵包,清新開胃,之後點咗個牛肉丸及卡邦妮意粉,肉丸牛肉味濃厚而意粉更值得一讚,除了意粉口感好之外,正宗意大利卡邦妮跟過往所吃到的是完全不同,味道唔錯之餘還好有實在感👍,接着是必然少不了order牛扒,第一次幫櫬,所以叫了味道比較會有多d牛味嘅西冷扒,驚喜驚喜,原本以為西冷肉質會比較實,但這(大)塊牛扒肉質嫩及牛香兼備,上級水準,不過不能在熱石上放太久,會過熟的,餐廳環境好warm及員工服務親切,由於太飽肚,下次會試下甜點!👍

好開心the Italian club 再戰旺角！幾年前巳是他們的常客，那時候他們的出品，環境和氣氛絕對是一絕！今次再來光顧，雖然店舖是比之前細了一點，但感覺更加溫馨！裝修是用了柔和色系與以往的黑色不一樣。菜式與以往相比更多不一樣的選擇，當然沒有令我失望他們的食材和做法，跟本地化了的意大利餐廳絕對不同！價格非常合理，對意大利餐有認識或有去過意大利的人，便會明白，當然未必人人識欣賞如想試試什麼是正宗的話，絕對支持和推介

在社交平台見到呢間旺角重開，見到comment反應熱烈而想去試下，結果大失所望😩首先個餐前麵包就已經好似切定，吹左好耐咁乾。前菜叫左個蕃茄意式烤麵包就一般般無特別；之後試下佢地個pizza，叫左margharita同4 cheese，真係。。。margaherita個茄醬底無咩特別，似係在一個已整好的focaccia 麵包上加醬同芝士就算，4 cheese一樣，又唔夠芝士味☹️同我認識意餐的pizza有好大出入。少見有素食千層麵就想試下啦，點知一來見到已經唔開胃😩又無蔬菜喺入面，每層中間又唔知有咩餡，一pat上，個pesto的香草唔係用新鮮香草，睇到係用乾香草整。食落去都係融埋晒一pat醬咁，真失望。。總之就係失望難食。。

Recently visited this newly opened resto, the overall experience was disappointing. Without prior notice, some of the items on the menu were not available yet, including all 10-inch pizzas, chicken, and a number of fish options. As for the food, there were some hits and misses. Most entrees were child portion. Parma ham was overly salty, and the burrata was dry. The beef tartare seemed oxidized, likely due to long exposure, and the steak was badly cut into two thin slices and quickly overcooke