泰 (瓊華中心)

Open Now

Now Closed

老媽子對泰國菜好挑剔，但是一直推薦我們去試下。剛好今天我和男友都在旺角走街，就打算一起去試下。我們叫了泰式炒蜆肉，好新鮮，還充滿了香料的香氣，吃起來酸酸甜甜，好開胃！還有鮮蝦炒金邊粉，味道好正宗，多種的蔬菜同蝦子一起炒，吃著好清新，又不失泰國獨有的香氣。蒜蓉包也好有特色，香脆可口，還帶有蒜蓉的香氣，內陷也很柔軟，香味十足，難怪老媽子每次來都會叫一份！炒椰菜苗真是好好味！而且還放了我最愛的馬拉盞作為配料，吃著好濃郁。野菜7苗咬著也很清脆，配馬拉盞真是極品！再來就是這兩杯飲品，蜂蜜蘆薈龍眼同青檸梳打。先來說甜甜的蜂蜜龍眼，喝著很清新，又不會太甜，完全不會膩。而青檸梳打就帶有酸味，酸酸甜甜，非常解渴。吃完這頓，我們才知道原來這是老媽子中意的泰味，真是無得頂，下次帶老媽子來吃更多！

前晚去咗旺角一間泰國餐廳食晚飯 🇹🇭🇹🇭🇹🇭，算係一個輕鬆又滿足嘅小聚✨✨✨餐廳氣氛好舒服。講下幾道菜嘅感受，真係食得好開心～🍝🍝🍝 炒金邊粉配鮮蝦開咗個好頭，啲粉條炒得乾身唔油膩，帶住淡淡嘅泰式香料味🌶，蝦肉彈牙夠鮮，份量又唔少，正！👍👍👍 酸辣鳳爪嘅汁好惹味，啲鳳爪煮到啲肉又滑又淋，啲骨又好容易拆。😋😋😋 炒青口就係全晚嘅驚喜之一，啲青口好新鮮，炒得入晒味，加少少辣嘅香茅味真係好正，夠晒開胃！🥳🥳🥳 🍢🍢🍢 至於串燒拼盤就有豬肉、牛肉同雞肉，全部都燒到有陣香香嘅炭燒味。牛肉特別嫩滑juicy，豬肉真係冇得輸，腌得好入味，下次要再點多一份！ 🍹🍹🍹 飲品方面，我哋點咗椰汁紅豆冰同蜂蜜蘆薈特飲。紅豆冰好清甜，椰汁嘅香味好濃郁，紅豆又唔會太甜，食完好解辣；蜂蜜蘆薈特飲就好清新，甜度啱啱好，仲有啲龍眼粒同蘆薈啫喱。 呢餐泰式晚餐冇中伏，份量啱啱好，價錢合理，食得開心～👍👍

喺泰國最出名嘅蟹肉奄列，都應該非Jay Fai莫屬 不過上次去嘅時候，無時間去食 唯有喺香港食住呢個止下癮先，蛋煎得比較熟，包到好實淨，勝在內餡飽滿，都有幾多新鮮蟹肉，配上特製辣椒醬 正芒果蟹肉炒飯份量好足！肉眼可以看到有很多嘅芒果粒，而且炒飯上面還有一大隻嘅蟹，蟹肉鮮嫩，配合香甜嘅芒果，味道獨特。飯粒粒分明，炒得非常香，仲有一啲泰式香料嘅清新感，食完令人心情愉快食泰國嘢梗係要食吓啲泰國香口小食啦，小食拼盤有齊豬肉串、牛肉串同埋雞肉串，咩都試到，叫拼盤真係最好不過。肉串都好大一串，肉質好彈牙，啖啖肉，點泰式辣醬一定係絕配，味道好泰式風味，全部都好惹味。我最鍾意飲嘅泰式奶茶味，茶味濃郁，帶少少甘甘哋味道 蜂蜜蘆薈龍眼都不錯，清新嘅龍眼和蜜糖呢個組合永遠都好夾！加入咗新鮮蘆薈食得很有咬口總括而言，呢間泰國餐廳勁啱啲鍾意打卡又食好嘢嘅朋友仔，啲嘢食勁大份，影相都有氣勢啲而啲嘢食好有正宗泰國風味，性價比亦幾高，會再嚟 encore

青檸明爐烏頭🐟烏頭魚經過明爐燒烤，外皮幾香脆，魚肉就保持住鮮嫩多汁🤤每啖魚肉都有主角青檸帶黎清爽酸香味，食落去酸香微辣😋新鮮得黎又開胃，送飯簡直一流！招牌泰式秘煮炒蜆🦪唔誇張咁講，呢碟炒蜆肉真係每一粒都飽滿彈牙💯配埋泰式炒料，味道鮮甜又惹味🔥醬汁濃郁但又唔會蓋過蜆肉本身鮮味，正👍🏼原個菠蘿炒飯🍍超級吸睛既擺盤，真係用咗半個菠蘿黎裝飾炒飯🤩金黃飽滿既炒飯，每粒飯都粒粒分明，充滿菠蘿既甜味，食落有一陣淡淡果香🤤上面仲擺滿咗肉絲做點綴，撈勻黎食味道好豐富！醃酸辣鳳爪🐓我本身好鍾意食泰國既酸辣鳳爪，呢碟鳳爪真係好正宗🥹食落去就有陣好強烈既酸辣味，酸辣甜鹹好平衡，好清新開胃🤤原個椰青🥥椰汁好清甜，係天然冇落任何人工添加劑既清新味道！飲落去每一啖都感受到椰香嘅濃郁同淡淡甜味，即解渴又清爽😍

自從我試過旺角嗰間泰國餐廳嘅嘢食之後，我就好鍾意帶身邊啲人一齊去試吓，探索更多唔同嘅泰國菜。今次我帶咗老師去試，叫咗幾道菜。菠蘿炒飯用菠蘿殼嚟擺盤，好靚，令我忍唔住影咗幾張相。尤其係睇住滿滿嘅餡料喺菠蘿上面，真係好有食慾。炒飯炒得好香，仲有菠蘿嘅酸甜味，令人胃口大開，食得津津有味。鮮蝦沙律都唔錯，蝦好多，食落彈牙，仲配咗柚子嚟調味，食落好清新，仲有柚子香氣，整體味道啱啱好。老師最鍾意就係蟹肉奄列，外皮脆卜卜，咬落好爽口。內餡好鮮嫩多汁，口感豐富至極。奄列外面仲有唔少醬汁，令內餡嘅味道更加鮮美，惹味。我就比較鍾意炒米絲嘅味道，酸酸甜甜，仲可以食到泰式濃郁嘅香氣，正到爆。仲有蒜蓉包，外脆內嫩，一口咬落，香味十足，仲帶有蒜蓉獨有嘅風味，越食越爽，完全唔想停。老師對呢間餐廳嘅評價好高，仲好感謝我嘅邀請。

男朋友成日都想食泰國菜，要揀間有格調嘅泰國菜，《泰》都真係好出名。📌旺角瓊華中心都係嘢食，平時繁忙時間要排隊🚶🏻上去，等位都排到出街。📌所有泰國菜式都有，小食🍢、沙律🥗、咖喱🥘、燒魚🐠、金邊粉🍜、炒飯🍚、甜品同飲品，乜都有齊真係樣樣都想試吓。🔸菠蘿炒飯🍍男朋友咁大食，淨係食啲小食點會夠佢飽㗎？菠蘿海鮮炒飯就係佢最鍾意嘅泰國飯食。典型嘅原個菠蘿蓋🍍做飯碗，炒飯🍚粒粒分明，材料都幾豐富，面頭仲有焗過嘅腰果同肉鬆絲，擺得好靚，全部撈埋一齊食，炒飯嘅飯香仲有鑊氣，加埋菠蘿嘅清甜，正👍🔸泰式炒青口 🥗本來我揀咗泰式炒蜆，不過男朋友話想試吓青口。好彩有聽男朋友嘅建議，青口超肥美，大大隻啖啖肉，泰式炒青口，出奇地夾，好好味！📌真係好豐富好滿足嘅一餐，樣樣都試啲，兩個人食吓食吓真係食唔晒，泰國菜款款菜式都咁吸引，下次可以叫多啲人一齊嚟再食多啲！

最近喺網上搵到呢間泰國餐廳幾多人氣，所以決定去試吓啦🙂餐廳裝潢好靚，好有泰國風情。柚子鮮蝦沙律味道酸酸甜甜，好開胃惹味。柚子都酸酸甜甜，大蝦新鮮彈牙！好鍾意佢嘅蕃茄粒同腰果，口感好豐富泰味胡椒蝦胡椒蝦好大隻，新鮮爽甜，肉質好實，好彈牙！同泰式胡椒醬一齊炒好惹味，正到暈啊！生菜肉碎包 肉碎有少少辣，有唔同泰式香料嘅香味。炒得啱啱好，有鑊氣，又唔會過熟，保留到肉碎嘅肉汁，唔會炒到太乾身。用新鮮生菜包住食，好清新，又平衡到肉碎嘅油膩感。青咖喱雞肉好驚喜呀!!青咖喱好香椰味，雞肉好軟熟又入味，湯料好豐富，口感好滑，仲有少少咖喱辣味，好好味，超惹味!!服務：店員有禮貌，應機快衛生：感覺好乾淨，冇乜污糟嘢

啱啱考完試，就約咗一班朋友去附近嘅泰餐廳食午餐。我哋每次都會嚟慶祝，因為環境夠大，夠舒服。我哋試咗幾道唔錯嘅料理。.先講大家都鍾意嘅胡椒蝦，蝦新鮮彈牙，每隻都帶有胡椒嘅香味同辣味，食落好香甜。而且蝦好大隻，完全冇腥味，食落仲有淡淡嘅海洋味，真係好滿足。跟住就係金黃閃閃嘅金邊粉，香軟十足，仲有蝦作為配料，食落好鮮美，正！仲有我最愛嘅黃咖哩芝士雞，有濃郁嘅咖哩醬汁，雞肉滑嫩，咬落好香軟。每一口都充滿滋味，真係一流！每一口都充滿咗奶香同芝士味，真係太幸福啦！蝦沙律有新鮮嘅蝦仁同柚子，仲配埋蔬菜同沙律醬。蝦仁嘅鮮美口感包住柚子獨有嘅香氣，食落好清新。仲有熱銷招牌炒蜆肉，粒粒肥美，帶有泰式風味，香辣開胃，越食越刺激。考完試後食好嘢真係爽快，食飽返屋企打機啦！

最近好想食泰國菜，就上網查咗下，發現呢間餐廳嘅料理種類好多，聽講唔錯，就過嚟試下。呢度嘅環境乾淨企理，坐得好舒服，好適合一個人嘅歡樂時光。我叫咗明爐烏頭，好大隻，我一個人食到好飽。烏頭魚配青檸汁，食起嚟酸酸甜甜，加上喺明爐上烤，魚肉嘅香氣更加明顯，正！芒果炒飯都好特別，炒飯充滿咗酸甜味道，仲有肥美嘅蟹肉，食落好鮮美，兩者加埋一齊簡直係完美。仲有好開胃嘅蝦柚子沙律，新鮮嘅蝦仔同柚子作為搭配，食落好清爽，仲帶有柚子獨特嘅香氣，整體味道好豐富。令我眼前一亮嘅竟然係雞湯，飲落好溫暖，仲有椰汁嘅味道同香氣，好獨特。雞肉食落鮮美，同椰汁完美結合，每一啖都係高級嘅味道。今日呢餐真係好飽，彷彿自己喺泰國食緊呢啲菜，非常推薦大家嚟試下！

最近分紅，就想去行街順便食啲美食。行街時發現咗呢間人潮滿滿嘅泰國餐廳，睇住非常唔錯，就決定試嚇。我睇咗好耐嘅餐牌，終於決定叫呢幾道料理，味道都好唔錯，完全符合我嘅胃口。招牌菜，泰式炒蜆好有鮮味，搭配咗秘製醬汁一齊炒，香辣開胃，每一口都好刺激味蕾。蜆肉好大隻，又好肥美，光係睇就覺得好爽！ 椰汁雞湯真係一流。雞湯鮮甜可口，仲帶有椰子獨有嘅味道，令雞肉變得更加嫩滑多汁，美味至極。再飲上一口湯，真係溫暖！ 生菜包食住清新，仲包住豐富嘅餡料，一口咬落去，鮮美清脆，令人覺得好滿足。而且肉碎都咬住香甜，越食越香！ 仲有泰式炒青口好有異國風味。青口嘅肉質鮮嫩，又充滿咗海洋嘅鮮味，同秘製醬汁完美結合，真係人間美味。 今日嘅午餐真係好幸福，道道都係美食，食飽仲開心。下次再嚟！

胡椒蝦🦐鮮嫩嘅蝦仔同胡椒以及其他泰式香料一齊烹調，辣味深入每一隻蝦入面，食落去唔會過於辛辣🤩反而同蝦仔嘅鮮甜互相融合，令呢道菜嘅味道更加立體👍🏼醃酸辣鳳爪🐓經典泰式料理之一🙌鳳爪經過香料醃製之後已經非常入味，酸甜回甘嘅滋味簡直令人欲罷不能😍最加分嘅係鳳爪已經去骨🤤進食方便泰式鮮蝦炒粉🫕呢碟炒粉真係好似我喺泰國食到嘅味道！口感味道非常豐富，有花生、青檸呢啲配料當點綴，辣辣哋但又帶有酸甜嘅味道真係好泰啊！🇹🇭🇹🇭泰式秘炒紐西蘭青口🦪青口肉質鮮嫩多汁，一點異味都冇，反而帶住一股海水嘅鮮味😍配合住泰式醬料嘅翻炒，味道鮮香濃郁

同事介紹我附近嘅泰餐廳話味道唔錯，推薦我去試嚇。啱啱今日午餐唔知食咩，就約咗佢一齊去食。呢度嘅擺設好靚，坐得舒適寬敞，令人感覺好輕鬆。 同事叫咗一份菠蘿炒飯，好新鮮，切得細細件，好方便我哋食。仲加咗其他食材一齊炒，口感十分豐富。每一口都充滿咗菠蘿嘅清爽感，好好味！我就點咗炒米絲，麵條細滑柔軟，炒得香氣四溢，仲吸收咗泰式醬汁濃郁嘅味道，令人胃口大開，食到唔想停。泰式青口味道都好唔錯，好新鮮，肉質鮮嫩彈牙，仲完美帶出咗泰式嘅風味，香辣開胃，係一道唔可以錯過嘅美食。接住就係主角咖喱，我哋試咗兩種唔同味道嘅咖喱，黃咖喱同青咖喱。兩個都係放雞肉嘅。雞肉滑軟多汁，仲吸收咗咖喱濃郁嘅香氣，食住香香辣辣，好滿足。唯一唔同就係黃咖喱有芝士，而青咖喱就冇。芝士嘅咖喱會更加濃郁，仲好鹹香，食住更加入味。至於青咖喱嘅湯底就冇咁濃郁，但係味道好有泰味，我個人就好鍾意青咖喱。呢度嘅服務好，食物正，下次可以帶埋屋企人一齊嚟食。

前幾日同朋友去咗旺角試吓間泰國餐廳，中午時間人流好多，環境幾寬敞，坐得舒服，慢慢傾偈都唔會趕人g。餐牌選擇都幾多，最後決定點咗幾款經典泰式小菜，一齊share~生菜包- 上枱已經切好，可以直接夾嚟食，入面係炒香咗嘅碎肉，加埋少少香料，帶甜甜地嘅味道，夾埋爽口嘅生菜，一啖落去又香又清新，完全唔覺膩！烤烏頭魚-成條魚烤到外皮脆卜卜，入面魚肉仲好嫩滑，基本上冇加太多調味，主要食返魚本身嘅鮮味。淋少少青檸汁落去，酸酸香香，成件事更開胃！蟹肉蛋餅- 外層煎到微微金黃色，咬落去鬆軟滑溜，夾住鮮甜嘅蟹肉，每一啖都食到蛋香同海鮮味舀。如果鍾意重口味，可以點少少泰式甜辣醬，味道更加出～酸辣鳳爪- 呢個真係又酸又辣！一入口就勁醒胃心，但又唔會太嗆，酸辣味啱啱好，鳳爪仲保持到少少彈牙口感，唔會煮到太淋，食到停唔到口！整體嚟講味道唔錯，價錢合理，幾適合約朋友輕鬆聚餐，簡簡單單食餐泰式風味©！

泰式嫩牛肉片湯河配檸檬茶（$49)這道泰式嫩牛肉片湯河有點失望。嫩牛肉片口感通常應該是滑嫩易咬的，但實際係肥牛黎，太肥且太生，（可能湯底唔夠熱，而肥牛太冰凍，所以就算用湯浸左好耐，都唔係好熟），就會影響整體的享受，而且湯底亦太濃味，河粉太"鞋".雖然餐廳服務好好，坐得舒適，但食物質素真係麻麻。食完呢餐，我仲腸胃炎，又痾又嘔。

今日試咗間泰式餐廳嘅嫩牛肉片湯河粉，老實講，味道真係一般般。湯底唔夠濃郁，飲落去有啲淡茂茂，冇咩泰式香料嘅香氣。牛肉片雖然叫嫩，但係有啲部位都係偏韌，唔係好夠滑。河粉就正常，冇咩特別。