泰讚了 (Closed)

泰讚了太讚了！去親葵廣行街，都一定要買杯野飲係手一路行一路飲先夠過癮。一般飲泰式奶茶都係揀泰國手標茶或者泰讚了，咁黎到葵芳，一於今次支持小店！🔹泰式椰香奶茶：見到cashier 有張poster sell 緊椰香系列，於是就試下傳統泰茶加椰奶嘅新口味。開頭都驚伏伏地，因為飲落第一啖，覺得佢泰茶味又淡化左，椰奶味又唔出，半湯不水咁。但飲多兩啖，有驚喜喎，椰香味會慢慢走番出黎，而且回甘有番泰茶香濃味！結果成杯飲哂👍🏾👍🏾👍🏾㊙️ 泰式椰香奶茶（7分甜🚬)

泰讚了🔍 秦國綠奶$26🧋私心認為好飲過香港ChaTraMue多多聲係3樓TOP世界 每次去都飲用手標茶沖 呢間每次穩定水準 奶茶濃滑有茶香 有細分甜度最少去到一分甜 照顧到嗜奶茶唔嗜甜人士 特別推介平時鍾意飲茉香奶綠既朋友試下！秦國奶茶都好飲架 但我私心中意綠奶唔似Cha記嗌微糖 慘過飲奶水 成杯野淡茅茅 飲一次就bye9bye💩 平時唔會浪費食物既我 都冇飲曬就掉左 唔知係分店問題定店員問題如果唔想俾錢賭博既話 一定要飲泰讚了🤩💛

-{黃店💛葵廣泰式奶茶🍼}茶飲嘅時間到！除咗奶蓋或者珍奶之外仲有好多選擇 今次飲泰茶😆🤤泰式傳統綠奶茶🤤 ($26)飲野勁綠😂😂😂店員建議左3分甜 泰茶味好出🥳有啲煉奶香 但後勁有種好獨特嘅花香味😙好特別又唔抗拒 幾好飲😋👖褲評: 8/10店員落錯單先嗌左依個😂但係好有特色 廿幾蚊大大杯性價比好高😚特登黎葵廣飲都可以~性價比: 8.8/10服務: 8.3/10環境: nil🚩泰讚了🚩地址: 葵芳葵富路7號葵涌廣場3樓TOP世界3069-T8號舖

其實之前都有飲開呢間泰式奶茶都一直覺得態度麻麻地㗎啦玩吓電話呢啲好正常啫，其他公司都有咁就算數啦，嘢飲好飲咪得囉但係今次真係好過份。間舖頭得四個員工，四個一齊打望都冇望我一眼，感覺勁唔尊重買完一陣發覺唔記得拎飲管返到去，佢哋仲打緊Btw, 嘢飲唔差，但下次唔會嚟。

今日同朋友去葵廣掃街💛第一站係去買泰茶飲🇹🇭其實今次係我第n次嚟幫襯㗎喇🤣鍾意呢間小店嘅原因，係因為呢度嘅泰茶係可以揀甜度～好啱我呢d想飲又驚肥嘅人🤣老闆好nice☺️叫我試下味先，覺得唔夠甜可以幫我加返d甜💛※ 泰式傳統奶茶 $24呢杯叫咗1分微微甜～少咗甜所以茶味更加特出&好香💛唔會好甜好漏～※ 泰式傳統奶茶 $24呢杯叫咗3分微甜～綠奶茶係有好香嘅茉莉花味💚甜甜的又唔會好大負擔～☺️┈┈┈┈┈┈┈┈┈┈┈┈整體嚟講～呢個價大大杯，覺得幾抵飲，茶底煲得好好，夠曬香濃，唔會淡！係我葵廣掃街list必飲嘅item😝👍🏻

葵涌廣場多黃店 大家都知 近日趁着假期嚟到葵涌廣場掃街 💛 太耐冇去旅行啦。見到呢間泰讚了，一心想懷念一下泰國嘅味道。結果真係太讚了 叫咗杯皇家草莓椰奶🍓，本身諗住叫少甜，但係店員話佢哋啲士多啤梨係自己煲好咗，所以甜到冇得調整，本身諗住泰國嘅嘢飲一定好甜。點知原來又唔係好甜喎 都算接受到。 而且椰香味亦都非常之出。🧉 啲椰奶亦都非常之滑 唔會好似出邊啲椰奶咁樣一粒粒。見到杯嘢飲係有加碎冰㗎，夏天解渴簡直一流真心值得一試！

今日放假難得同朋友聚一聚，去葵廣掃街，買完野食，見到呢間泰式嘢幾特別又係黃店 就幫襯下啦，買咗三杯飲品拎番屋企飲，其中一杯叫泰讚了椰子奶。番到屋企，飲到一半發現有粒黑色野，即時了下佢，睇清楚發現有腳，係隻小強，好彩係細小強，如果係大真係唔敢想像。真係好嘔心，杯野應該改名做泰強了椰子奶 囉，真係永遠都唔會再幫襯。最慘椰汁係白色，真係睇唔到入面，今次好彩發現到，可惜都飲左一半。其實食肆污糟都預咗，但諗唔到呢啲即刻整嘅飲品都咁。今次就算啦，希望之前衛生做好啲，飲之前都睇清楚。以下附上圖片

第一次睇食評去試飲，飲咗大家推介嘅傳統奶茶，真係幾好味，奶茶+椰奶 perfect match, 舖頭仲有好多款飲品，下次會再去試下其他飲品, 推介依間好飲過好多珍珠奶茶舖。

真係要讚既泰式奶茶！依間店係用泰國正宗手標牌茶葉，好正宗！係我暫時飲過最好飲嘅泰式奶茶店！店內仲有多款泰式飲品！⁣⁣▫️泰式椰香奶茶⁣茶香味濃之餘仲有椰奶既味道，買之前店員建議我哋簡半糖，因為如果全糖嘅話係真係會好甜，其實半糖之後都幾夠甜！所以一定要叫半糖/微糖呀！真係好推介依杯！⁣⁣▫️泰讚了椰子奶⁣飲得出好濃椰奶同有煉奶味，不過有啲普通，但都好飲！⁣

👨🏻‍🎓之前提過P仔好鐘意飲泰式奶茶，佢嗰陣好特別嘅茶味真係好吸引。之前去泰國嘅時候真係差唔多日日都要飲，仲特登買咗即沖包返香港沖。🇹🇭一提起泰奶好多人應該會諗到人氣連鎖店ChaTraMue，喺香港都已經開咗4間分店咁多，原本淨係喺銅鑼灣尖沙咀有分店，最近就喺葵芳新都會廣場都有。💛不過去到葵芳，P仔就會揀喺葵廣入面嘅另一間小店，佢就喺喺3樓TOP世界入面嘅泰奶小店 泰讚了。🧋泰讚了嘅嘢飲款式其實真係好多，不過作為泰奶愛好者，P仔飲過2次都係飲泰奶。佢哋嘅普通泰奶同綠泰奶飲落味道其實無咩大分別，泰奶嗰陣茶味都仲係好香；而P仔鐘意佢哋嘅地方係可以揀冰度，試咗2之後覺得3分甜嘅甜度啱啱好，而且茶味都唔會淡咗，都係咁好飲。💵另外價錢方面佢都好抵，大大杯都係HKD 24，抵過ChaTraMue，絕對可以再encore！下次嚟可以試吓其他嘢飲，見到佢蝶豆花個啲都幾靚好啱打卡，好值得嚟試

建議：係葵廣3樓「TOP世界」入面，鹿鳴布丁燒附近話說平時有泰茶既地方都唔會放過，聽講話葵廣有間好飲✌️就當然要去一試。之前講過 ChaTraMue 既泰茶無得少冰，泰讚了有得少冰之餘，仲有得揀糖度👍😌 真係太讚了價錢都只係HK$24 如果有得加下珍珠/寒天就更讚😂 sry 個人太膚淺，咩都想加珍珠🙈

位於葵涌廣場三樓Top世界入面既哩條食街，幾乎清一色都係黃店，方便大家一邊掃街一邊懲罰！食完小食，就緊係要整返杯野飲啦！香港地台式飲品店就好多，泰式飲品就比較少見，依個時候，思鄉症又發作喇(究竟有幾多個鄉下😂)泰式傳統奶茶(半甜) $24泰式奶茶比我地平時飲開既奶茶偏甜，店員建議嗌半甜或微甜。小肥妹平時食得比較重口味，就揀左半甜，但係都覺得甜左少少，小店仲有款甜度叫泰國甜(13分甜)，有勇氣可以挑戰下🤣。味道就非常正宗，好鐘意嗰浸獨特既香料味，同係泰國飲既差唔多👍🏻用上碎冰夠哂冰凍，岩哂係咁熱既夏天消消暑🌞

葵廣連儂牆在2020年12月31日壽終正寢，早排趁放假去走了一趟。現在只能成為回憶了。連儂牆位於葵涌廣場2樓。文宣大多被撕走，只剩下壁畫。壁畫內看到很多熟悉的人物，令人會心微笑。與齊柏林同層的泰式茶飲店，也很推介呢！場內太多台式茶飲，泰讚了更有特色。除了泰式奶茶，還有泰式咖啡，可以一解去不了泰國旅行之愁。甜度迎合香港人口味，有得少甜。同時保留了泰國的超甜特色，13分甜，值得加分~泰讚了地址: 葵芳葵富路7號葵涌廣場3樓TOP世界3069-T8號舖

突然好想念泰國，於是特登入咗葵廣，搵咗呢間良心小店。叫咗一杯泰式奶茶半甜，落單時，發現原來可以揀泰國甜、全甜、少甜、半甜、微甜、走甜，真係好貼心啊！飲落，又真係幾有泰國嘅風味，用嘅果然係泰國嘅茶葉，色澤亦同喺泰國飲嘅一樣啊！以後唔使去泰國啦！

我一向唔鍾意飲太甜既野order左 「傳統泰奶 3分甜 走冰」因為走冰 所以份量會細啲 我表示ok好彩叫左3分甜 3分甜對我黎講都幾甜 但可以接受 泰奶 奶味濃 茶味唔算濃但味道都好好 最主要係價錢唔貴唔鍾意台式奶茶既人 可以試下泰奶下次掃街個陣會再飲