Video
2-min walk from Exit C, Shek Mun MTR Station
continue reading
Opening Hours
Mon
Closed
Tue - Fri
11:30 - 19:15
Sat - Sun
11:30 - 17:30
Public Holiday
Closed
Public Holiday Eve
Closed
Above information is for reference only. Please check details with the restaurant.
Signature Dishes
是次的石門 lunch 時間，我決定去探一探小店。而我早就知道，京瑞廣場內的一間越式法包小店，早已經享有大名。所以，趁有一天算是多時間食午餐，我就來拜訪一下《TeSa Bánh Mì 越式法包》，來一個簡單，健康，輕輕快的一個越南式的法國包餐。店外，有兩張檯仔，可以讓客人堂食。而且，中午及下午茶時段，都有一個經濟實惠，而又剛剛好夠飽的套餐供應。算是幾抵食架。那天，我要的法包套餐，就由一個迷你扎肉撈檬開始。這兒，有飯餐，有檬粉餐，當然也有法包的套餐。而法包套餐，包飲品之餘，仲有一小碗的迷你撈檬。他們的迷你扎肉撈檬，檬粉爽爽的，配合扎肉同配菜，加上有很香的魚露味，十分之好食。第一次來，我點了一份經典扎肉法包。這兒的 standard size 是六寸的包。包子是正宗的越式脆包，甘筍絲、青瓜片同生菜，帶給這越式法包一種清爽的口感。而扎肉就增添了濃厚的越國風味。第二次，我就帶埋阿仔同來。他點的是煙黑椒牛肉法包。而店主亦非常細心，預先把法包切開兩半，好讓我同仔仔各自把自己的半份包分給對方。煙黑椒牛肉，感覺就似外國麵包店做的牛肉片 baguette 包 / 潛艇包一樣，只是配菜為甘筍絲、青瓜片同生菜，而味道亦有點點的魚露香。西式感受，亞式味道，就是越式法包既有趣之處。我點的一份是煙雞胸肉法包。雞胸肉可以用嫩滑來形容。雞肉的味道，比扎肉濃厚多了。吃得出淡淡的肉香味，而魚露同越式的配菜，就增加了一種既清新又香口的感覺。那天，另外打包一份素食法包給太太。素食的版本，就用上了素火腿。而且，因為是素食版本，加了沙律醬的不是魚露，同樣都充滿了一種既西式又好亞洲的感覺。而這，也許就是越式法包既吸引之處。套餐包飲品，加少少錢就會有一個比較特色既飲料。第一次來，我選了一罐椰汁。不過，飲飲下都係覺得，我們祖國的椰樹牌椰汁比較鮮味。所以，同阿仔來吃的一天，我們就要手沖的飲料了。我要了一杯凍美式咖啡，而仔仔就要了一杯玫瑰花茶。玫瑰花茶夠香，而美式咖啡似乎是即磨咖啡製成的，兩杯飲品都同樣可口及美妙。好味道的小店，是值得大家去支持的。來過幾次，發現到此店其實是由兩位退休夫婦在默默經營。有好質素食物，有 heart 既服務，也有點點的細心。來這兒輕輕地吃個越南包、越南粉，越南小食，絕對是開心的一件事啊。
continue reading
無意中發現依度有得食越南法包，叫咗個扎肉原味，出奇地咁好食。同埋價錢都合理，$4X。佢係即叫即整，個法國包焗完好脆，佢入邊嘅餡都唔少，而且我叫佢加多啲肝醬佢都肯，而且老闆態度友善，都會笑笑口同你講要等大概5至10分鐘。同埋沙田區好似得佢買越南法包。下次再黎會再幫襯。現場仲有兩張枱四張凳擺喺度，方便適合可以坐低食而且佢對素食者都好貼心，有素食，所以就算唔食肉嘅人都有選擇同埋佢有好幾個選擇，唔係淨係扎肉。所以大家可以一試。
continue reading
【沙田區】【TeSa越式法包】有讀者唔信我已經冇稿喺手，仲表示我仲係每日出緊一篇嘢，何來無稿之說咁話。我就真係啞子吃黃蓮，有苦自己知呀。最近大家睇緊嘅 post，其實大部份都係我即時摷倉底出嚟頂檔嘅，本身係諗住再食多一次先出 post 嘅。就好似呢間咁，佢係喺石門一間越式小食店，做外賣為主，門口擺少量枱櫈畀人坐低食。咁就梗係啱晒我啦，係疫情關係或者其他特殊情況我先會寫外賣，否則我都係傾向堂食先寫嘢嘅，呢一點真係一路走來，始終如一嘅。嗱我有例子架，例如 1am0915 我都係食完金祥個外賣，特登再去食一次堂食，盡量都想全面啲寫畀大家睇，對得住僅餘嘅讀者。不過今次真係冇稿，我去石門食咗一次呢間，就要出 post，可想而知我呢排真係幾咁缺稿呢。去到就食 $65 嘅「經典扎肉法包」套餐，前菜揀咗三隻「日式餃子」，由於佢係即煎，熱辣辣咁都幾惹味。雖然本身其實只係好普通嘅日式煎餃子，但係即時煎起加埋醬油放落隻紙杯度上，係有一種好特別嘅小食風味感覺。跟住到主食「經典扎肉法包」，好老實，可以寫嘅嘢唔多，因為唔算好特別，只係呢區都冇呢類嘢食咁解，都係一個選擇。嘢飲我加 $10 飲「生薑金羅漢果茶」，清清哋幾好飲。咁樣夾埋 $75，唔算好抵食，耐唔時一次可以嘅。。。（地址：沙田石門安群街1號京瑞廣場二期1樓149B2號舗）#1amfoodie #foodie #hkfoodie #thatfoodiething #hkfood #foodies #tasty #globaleats #tastyfood #foodpics #followforfollowback #love #eat #1am沙田區 #沙田 #石門 #TeSa越式法包 #TeSa #越式法包 #TesaBanhMi #經典扎肉法包 #日式餃子 #生薑金羅漢果茶 #京瑞廣場 #1am0939 #1ambackup
continue reading
我好少寫食評但都要上黎講兩句，今日買左個三文魚法包，都要50蚊，價錢偏貴，諗住夠飽啦，點知⋯一拎上手勁輕，心知不妙，拎返屋企加熱佢，一打開就知奶野！先講服務，服務係正常，無咩特別。味道賣相係零，個包又細又乾，三文魚都係乾，配料極少又無汁，好飲乾食個法包咁，好難食。圖中可以望到有幾少⋯ 同佢出面既圖唔成正比，好明顯呃人！價錢50蚊一個，買到呢個無咩料又細既包緊係唔值，同場同價有大把選擇。佢真係想賺到盡⋯😅
continue reading
第一次寫食評，因為食到佢地嘅越南法包太驚艷，忍唔住要打呢篇文哈哈。😆強烈推薦住喺附近或者喺附近返工嘅人都去試吓，唔會令你失望。😌星期六去大水坑踩單車，順路經過石門食lunch，見到呢間小店，因為好少見到越南法包就買咗黎食。😋煙黑椒牛肉法包🥖超級推薦第一次必食越南法包！試左呢款，入面除咗黑椒牛肉仲有好多配料，特別係秘制肝醬令味道更豐富，份量啱啱好，好好食，下次會試吓其他口味～泰式香烤雞鎚🍗一口氣叫左呢4款小食，每款都各有特色，最推薦雞鎚，肉質嫩滑，咬落仲有淡淡香茅味，食落唔停口。香甜蔗蝦🍤食到蝦肉之餘仲有清甜嘅蔗汁，唔會太乾。越南蔬菜&豬肉春卷🫔個人鍾意豬肉春卷多啲，咬落比較香口，但蔬菜春卷更清爽，唔會太油膩。泰馬魚腐魚餅🫓分唔到邊個係魚腐邊個係魚餅哈哈，但都非常濃味，特別係圓型嘅有小小辣味好過癮。煙雞胸肉撈檬🥙檬粉軟硬度啱啱好，唔會太腍夠爽口，配上開胃酸甜汁，唔經唔覺好快就食曬。玫瑰花茶🌹估唔到細細杯已經有4朵玫瑰花乾，睇到茶色已經知杯花茶有幾濃，超抵飲！生薑金羅漢果茶☕️好香羅漢果味，薑味唔會太出，亦唔會太甜，養生之選。
continue reading