Video
3-min walk from Exit A1, Tin Hau MTR Station
continue reading
Opening Hours
Mon - Sun
12:00 - 14:30
18:00 - 23:00
Above information is for reference only. Please check details with the restaurant.
今日係12月25日聖誕節中午,突然好想食日本野,於是心血來潮想試下公司附近(天后)果間天日本料理,於是立即上open rice 搵佢電話,因之前食過佢的中午飯就一直念念不忘,見今日放假就想帶屋企人試下,好彩佢今日有開門,於是我就車屋企人過海去再食過。可能假期關係,午飯時間唔係好多人,入到去諗都唔使諗,就叫了個 銀鱈魚西京燒套餐,(因早前試過非常好食),點完之後,好快會有前菜沙律,一份細茄子,茶碗蒸,之後有,麵豉湯同埋主菜銀鱈魚同埋一碗白飯。沙律: 新鮮茄子: 正常,開胃茶碗蒸: 非常滑,又有旦香麵豉湯 : 又熱,又好飲銀雪魚: 份量足,魚皮乾脆,淡淡肉飯後甜品: 有芝麻雪糕送總括來講: 天日本料理美食非常有水準,有時間大家都可以試下。
continue reading
今日有喜慶事，所以揀間好 d 既餐廳，大伙兒一齊去慶祝。呢間日本店門面唔起眼，好低調。入面位唔多，所以如果想食，最好訂一訂位。午市定食有10款。價錢由$110-$180 再加一。不過而家午市有8折~~折後都唔算平。不過不過，食完你就覺得其實性價比幾高。天后一帶，普通食個飯都要$50-60。呢間店俾你既絕對係有質素食物兼行高檔路線的，計落比多$30-40 食呢度抵過食茶餐廳。黎得當然揀 D 食到廚師手勢既野，最後揀左燒靖魚套餐。首先，黎個前菜。佢個茶碗蒸 真係好好食！好鮮味，唔似出面加粒蟹柳就算數。靖魚本身質素唔錯，加上師傅燒得好。最緊要係個燒魚個個醬汁真係一流。碗白飯極速KO 左，差點想添飯！真係大滿足呀~~~
continue reading
在附近工作，有一天放工想跟同事食飯，不多想走了入<天料理>。工作了一整天腦袋已放空，侍應提議試試omakase，那不用再想要點什麼吃。驚喜萬分！刺身和壽司不會是平日料理可以食到的一般類型；天婦羅的材料和醬汁也很講究，師傅會細心介紹；到最後的甜品以為只是一般雪糕，原來也有些特別口味，不是一般芝麻綠茶！我們這次之後食左4次，次次都有點驚喜，廚師很有心思。師傅會跟你說笑，飲返兩杯；去了幾次侍應認得我們，去lunch 都會幫襯下，性價比也很高。
continue reading
話說🙈我地今日係諗住一齊嚟我屋企食桃的。於是⋯未計漬け物同sorbet，就食咗 おまかせ16道菜（唔好問點解，因為冇人答到）。仲因為有質素嘅餐廳提供時令水果做甜品，我地喺餐廳又食咗個桃。每道菜都有經過精心計算，由淡到濃，中間 ハマグリ吸い物 間場，最後發展到多層次口感。師傅匠心獨運配以不同醬料佐膳，個人最喜歡配 炙り大トロ 的 刻みワサビ，海膽三文魚籽底下墊的是用海膽搗混的日本米，甜品的水蜜桃啫喱內含打碎了的水蜜桃皮令香味倍增❤️。最後因應「唔好太飽」「簡而精」的要求下，出現16個courses，居然連組圖都出唔晒😆errrr 都係再encore啦。😆
continue reading
最近食左好多omakase，呢間係以天掃羅omakase為主的高級日式餐廳，omakase $800 up，套餐除左食天掃羅，仲有刺身壽司等。前菜有日本泡菜及磯粒貝等，日本泡菜非常惹味，唔太辣但好夠味，磯粒貝有醬油香，咬落軟腍可口。接著便到刺身環節，先來薄切魚，蘸特製酸汁能突顯其鮮味，師傅刀功了得，薄切魚剔透誘人，味道鮮甜，深海池魚肉質油潤，非常鮮味。火炙拖羅刺身一路睇住師父用火槍燒拖羅，個心就開始緊張，究竟係咪燒俾我食呢，需知道坐吧枱食omakase，師傅可能係整比其他人食，所以嗰種期待咁真係令人好緊張，好彩，師傅將火炙拖羅放在我壽司板上，個心即刻放鬆返😂🙈一啖放入口，啲魚油咇哂出黎，慢慢融化，油香味直衝味蕾，真係好好食❤天掃羅花竹蝦天掃羅炸漿夠香脆，花竹蝦新鮮爽潤，以海鹽輕輕調味，外脆內嫩很是吸引。公魚天掃羅的炸漿不會太厚，也是非常脆口，魚肉透白嫩滑，確是不錯，北海道芝士配紫蘇葉天掃羅是創意天掃羅，北海道芝士頗為濃味，熱愛吃芝士的朋友一定會喜愛。賴尿蝦壽司是比較普通的一貫壽司，蝦味較淡沒什特別，而且只有一件手握壽司，以$800 up的omakase來說，較為失望。幸好最後有海膽三文魚籽杯，雖然兩啖食哂，但海膽好新鮮，鮮甜味直衝味蕾，三文魚籽富香濃醬油香，沒有一點腥味，是整晚的亮點！咖啡啫喱雪糕雪糕卻不錯，沒有冰感而且咖啡味濃。------------------------------天日本料理 (天后)天后琉璃街9號地下
continue reading