陸潮陽

Open Now

Now Closed

今日喺馬鞍山行完山，嚟到石門嗰度見到呢間食潮式滷水野嘅餐廳好似幾吸引， 就入咗去食呢間餐廳除咗有潮式嘅滷水嘢，仲有一啲大排檔嘅小菜當坐低咗睇吓個餐牌，期間有好多人嗌潮式滷水野嘅外賣, 於是我哋都揀咗個潮式滷水嘢食鵝片拼大腸飯：鵝片肥瘦適中，鵝肉結實，配埋佢個潮色醬汁，忍唔住一啖接一啖，唔怪之得咁多人叫滷水野外賣係有原因嘅黑椒茄子牛仔骨煲：個煲好有鑊氣，份量好足，上面有好多塊牛仔骨，仲有茄子，三色椒，送飯一流

位於沙田石門安群街京瑞廣場一期地下G11號舖的陸潮陽，主打潮州菜及小炒。小炒館中央有幾張大圓桌子，也有幾張卡位。小炒館有多款小炒套餐，約八十多元一客。。另外，也有各款滷水例牌系列。店員先送上一人一碗例湯，是日例湯為菜乾湯。用餐當天頗為寒冷，熱騰騰的例湯，能嚐到相當濃郁的菜乾味。約十分鐘後，黃金茄子新鮮熱辣地來到了。這道小菜份量十足，而且炸得十分香脆。外層脆漿加了鹹蛋黃，味道鹹香豐富。茄子和鹹蛋黃的味道十分相襯。小炒 - 彩椒鮮什菌炒蝦球 來到了，這道小菜相當有鑊氣，三色燈籠椒的質感鮮甜爽脆，配上彈牙的蝦球，味道不錯。侍應端來了 海味蝦乾粉絲雜菜煲，雜菜煲的材料相當豐富。朋友則相當愛吃鹹鹹的大蝦乾。鵝片三拼來到了 ，今次則點了鵝片、豆腐、大腸。鵝肉頗豐厚，但滷水味不算太濃，不過不失。

今天突然想吃潮州菜！來到石門。。就試吓陸潮陽！一坐低，就見到多款小炒套餐～大約八十多元一客。又有各款滷水例牌系列呢！先來每人一碗菜乾湯～好開胃呢！先來鵝片三拼～有鵝片、豆腐、大腸。鵝肉好厚肉！豆腐好香滷水味～大腸好爽口啊！之後另一款喜愛的餸菜。。黃金茄子來了！好有份量又好有鑊氣～外層加了鹹蛋黃，鹹鹹香香好豐富！外面脆脆裏面軟軟，好正啊！接著。。彩椒鮮什菌炒蝦球！有三色燈籠椒以及蝦球～燈籠椒好甜好甜，蝦球好爽口好入味！好味道啊～最後來了海味蝦乾粉絲雜菜煲！雜菜煲有菜有蝦有海味！雜菜好豐富和其他配料好配合～特別推介蝦乾！豐富美味的一餐～

早排去石門工作，見到有間食潮州嘢嘅餐廳就入去試下，睇返個menu都知道依家餐廳當然潮州食物就出名，原來小炒都有好多種類，我哋叫咗潮式煎蠔餅配一碗白粥，小炒就叫咗椒鹽鮮魷。上餐前老闆送左兩碗例湯，飲得出火候都好十足，之後個潮州蠔餅上枱，點埋個魚露食真係好好味，個蠔餅 煎得好香脆同埋入面啲蠔仔真係好多 跟住個椒鹽鮮魷就熱辣辣，而且份量都好十足，食得出好惹味，送飯送粥都一流。後尾知道陸潮陽原來滷水鵝出名，下次黎我一定會試埋個鹵水鵝片。

石門真係一個好地方，又多野食又泊到車又唔抄牌🙈 今日又揸車嚟京瑞商場搵嘢食，就係轉角有間落地玻璃窗嘅新餐廳（可以睇到架車），之前幾個月黎好似都唔見，門口見到都幾多人，就入去叫兩個小菜食😋😋 一坐低就送例湯，湯係青紅蘿蔔粟米煲豬骨👍🏻 椒鹽九肚魚$88炸粉夠脆身，九肚魚炸至外脆內淋👍🏻 仲有成10幾20舊，咁既價錢黎講CP值真心高👍🏻 另外灑上面既椒鹽粉有點辣辣地好香口 🔥八珍豆腐煲$85 呢個豆腐煲有包埋白飯一碗，材料就有蝦，豆腐，冬菇，魷魚，蒜頭，薑.... 好有鑊氣嘅煲仔菜👍🏻仲有少少通菜墊底，豆腐有少少焦焦地👍🏻唯獨係如果在濃味少少會仲正😋 不過咁既價錢都真心最後梗係要叫返支啤酒啤啤佢🍻😋 埋單仲有9折 ❤️🔥🔥

又是京瑞，又到了石門這別具特色的廣場，地方闊落好行，實在不太像香港。走餓了就想吃個飯，找了這家小炒價格大多在100上下的餐廳，還算不錯我們一人選了一款小菜，蒸魚跟炒牛柳粒清蒸三刀魚$108以前的魚王三刀，魚中身厚，魚肉分佈不均，所以必須在蒸煮前𠝹上三刀以防生熟程度不均，因而得名簡單的蒸法，加入薑，京蒽，贊熟油以提香，就已經相當好吃，這條厚肉的三刀，帶點魚香且無腥，骨量不多，$108已是很抵吃了。如果打鱗功夫做更足，會更好。蜜椒牛柳粒炒薯仔$98名菜！相當多的潮洲餐廳都有這個菜色，三色椒，牛柳粒，薯仔跟生洋蒽。這道菜最重要的鑊氣，把蜜糖均衡地塗在所有配料上再炒乾，廚師功力高便會好吃。大家就會吃到一顆超脆又甜的薯粒跟牛柳。不過底部略略濕了點，如果再乾身點就更佳了！吃了一半就全院滿座，看來還是挺受歡迎的嘛～

出開石門，於是又係果邊解決晚餐。今次食左呢間潮州菜，裝修干淨企理，係餐廳風格。餐牌齊全，普遍潮式野都有，諗唔到食咩可以睇吓廚師推介。首先叫咗韭菜豬紅（$48），亦算係數一數二嘅必點小食，份量好足，味道亦夠濃，用嚟送飯一流。跟住炒咗一碟彩椒雜菌蝦球（$88），係夠獲氣既，亦都唔會話炒得好油。蝦球多，唔想食太多肉太肥膩嘅可以食呢一樣。招牌菜滷水我都叫咗一碗鵝片豆腐雙拼飯（$68），大大碗，飯量一個人食夠晒飽，鵝片都入味，但就略嫌唔夠熱。不過相對於其他潮州餐廳來講唔算好突出但都係中上水平。好適合黎食個快餐中午或者晚餐，服務態度都一流。買單仲有九折，係石門又鍾意食潮州菜嘅話不妨可以黎試吓。

而家石門開左好多餐廳，今次就試左呢間近近地一出地鐵站就見到既地舖，幾中意佢幾個小炒👍🏻佢晚餐都有好多款揀，有滷水飯、小菜、炒粉麵飯等~~ 因為小菜都幾吸引，就叫左兩個~先飲左碗老火湯，清清個口，幾好飲😝魚香茄子煲 ($85)呢個煲真係經典，而佢又真係整得幾好~ D茄子都好大舊，食極都未食完🤣加埋D肉碎，真係好惹味! 而且佢係唔唔辣的，所以都唔需要擔心食完係咁要飲凍野😂家鄉小炒皇 ($80)勁多菜~~~ 仲有D蝦仁、蝦乾、腰果等等既配料，辣辣地幾正，唔算好油，餸飯岩哂~~同埋又係超級大碟，似係3人份量，最後真係食唔哂🤣🤣鹹魚雞粒炒飯 ($50)粒粒飯都好香😋最中意係佢鹹度適中，除左有時食到幾粒鹹魚粒，幾有穫氣~ 而且雞粒勁多，都算足料，連白飯都唔洗加，兩個人岩岩好👍🏻

今日心血來潮想食大排檔風味既小炒喺石門有一間，行過見到唔錯於是就入咗去食呢間鋪頭， 除咗有大排檔風味嘅小炒， 仲係主打食潮州嘢嘅，喺食嘢嘅期間，好多人滷水外賣， 應該都幾出名因為得我同朋友兩個人，我哋只可以叫咗兩個餸侍應一嚟就俾咗兩個例湯，飲落先知原來唔係例湯咁簡單， 係好足料嘅老火湯， 原來仲可以添飲添椒鹽三寶：有椒鹽鮮魷，椒鹽九肚魚， 同炸腰果，勁大碟又有鑊氣，椒鹽味好夠，炸得好香口黑椒茄子牛仔骨煲：一上枱，呢個煲仲係熱辣辣，勁大煙，一睇就知鑊氣好夠，牛仔骨份量都幾多，加埋茄子同三色椒，送飯一流另外一大讚就係伙記好熱情好有禮貌，仲有仲有，而家晚飯仲有9折優惠，真係好抵食呀

餐廳：陸潮陽 (沙田)地址：沙田石門安群街3號京瑞廣場一期地下G11號舖石門京瑞廣場一二期真係有好多餐廳選擇🍴，傍晚經過見到有間潮州餐廳菜館，勾起我想食滷味嘅心😋，所以二話不說就行左入去食個飯。問過餐廳職員咩滷味好食，推薦左滷水鵝片比我💁，咁就即管試下滷水鵝片拼豆腐飯，另外送碗例湯，咁我就緊係加多杯我嘅最愛熱奶茶啦飯一上枱就已經吸引左我嘅眼球😍，啲餸排得好整齊好滿，超豐富呢😋，除左有滷水鵝片同滷水豆腐之外仲有半隻滷水蛋同菜心🥬，啖啖肉嘅鵝片鵝香味濃，蘸埋酸甜醬就絕配😎，滷水味唔會太重味太鹹，所以唔會有口乾感覺，值得一試

入沙田搵舅母食飯，一出石門地鐵站，直望見到有間铺頭個名咁得意，叫做陸潮陽，行近D睇吓，原來係食D潮洲菜，但有廣東菜和四川菜之類，望落去都幾啱胃口，所以就叫舅母去呢到食😊餐牌都好多款式，心大心細又不知吃什麼好我最鍾意D食物熟辣辣，侍應推介魚肚鮮什菌🐔雞煲，都唔錯禾，煲仔菜又夠熱，🐔煲惹昧，我又最鍾意食，就一於食🐔煲。叫咗一個雞煲，水煮魚，豬紅韮菜，✌️侍應又客氣，招呼週到，仲送咗兩個例湯🥣比我哋飲👏👏⋯⋯認真客氣例🥣青紅蘿蔔煲豬骨，味道鮮甜，零味精，老火靚湯韮苿豬紅——-好耐無食過韮菜豬紅，好味，韮菜嫩，豬紅質感咬落有口感，夠滑夠味😉魚肚鮮什菌雞🐔煲———雞煲醬汁夠惹味，雞🐔又入曬味，元茜香蔥薑片蒜🧄頭，味道爆得夠香夠火喉，雞🐔嫩肉滑，果然無介紹錯👍👍👍水煮魚🐟——-食得辣先好叫，辣到留鼻水出哂汗，但係就非常惹味➕好食，配菜材料又有芹菜，支竹，芽菜........等等之類配料，入哂昧，辣到飛起，但食辣就係咁先食得過引😂😂😂本身價錢已經唔貴，合大衆化，而且仲無加一，食完埋單原來仲有九折，真係抵食，又平又靚又好食，好招呼👍👍👏👏✌️✌️

由石門地鐵站一出便看到餐廳搶眼的招牌，最近還有九折優惠，便決定一試潮州菜。看菜式跟隔離店八成相似，只差燒鵝及滷水鵝的分別，不知是否同一個老闆。有點驚喜的是這個時勢竟然坐得九成滿，我們只有兩個人，所以只能淺嚐叫一個鵝片大腸飯、一個椒鹽九肚魚。鵝片大腸味道不錯，就是個鵝片只有四塊少了點，叫人吃不夠！不過只有二人就不再另外點了。飯也很多其實夠兩人食，早知就不用在點一個白飯了。較令我感到驚喜的是椒鹽九肚魚，真的非常夠鑊氣，其實似是避風塘調味多過椒鹽，帶點微辣十分惹味，充分感受到它的熱氣卻又忍不住吃。份量超級多所以每人吃了十多塊，就這樣斷送了一個月的炸物quota。😅看周圍人點的菜，似乎他的小菜比滷水更受歡迎，而且炒蜆、蒸魚、辣酒煮螺都看似非常夠火喉。服務也非常熱情友善，未點餸便送上例湯。唯一缺點店舖座位有點窄，尤其叫餸食飯通常都有很多碟，所以上菜也有點難度，大枱也不多，多人的話應該要先訂枱。

年初一拜完年之後喺沙田搵嘢食啦，人生路不熟，好多鋪頭又未開，加上落緊雨所以就求其入左一間潮州打冷。入到去第一個感覺係地下勁跣，著防滑膠底鞋都要扶住行，十足溜冰場。坐低之後仲發覺佢+15%，而出面係冇寫嘅，算，新年預咗貴。兩個人食，嗌咗一個蠔仔粥同一個鵝片例牌。鵝片超細，算！起碼味道都叫正常。嘩！個蠔仔粥個顏色你哋自己睇邊度比啲人食㗎，仲要勁大塊蠔殼！食唔到一半。食完出去見到好多人排等位，好想叫佢哋走。好肯定，冇下次！

石門，簡直是美食天堂，超級多餐廳選擇，和朋友到了這間餐廳食晚飯，餐牌上很多不同的選擇，晚餐的價錢大概$88-90，但是全單更會提供九折優惠我們二人叫了黑椒腰果牛柳粒及彩椒鮮什菌炒蝦球，黑椒腰果牛柳粒牛柳粒非常嫩滑，差不多入口即溶，牛肉味十足，又大碟，腰果咬落去非常香脆。彩椒鮮什菌炒蝦球色香味俱全，蝦球份量頗多。配上什菌，非常惹味，味道一流。兩碟餸都分量十足，兩個人食都忍唔住叫了三碗飯，$200都唔使，好抵食。

早幾日跟著經理去石門開會， 開會前經理話我們先簡單食個lunch 再上客戶到咁樣會好d，我緊係話冇問題啦！講真你係經理，你話事啦！咁我只有跟隨佢，佢話之前都係食呢間陸潮陽話食物快靚正。一座低佢諗都唔諗就話要食咖喱薯仔豬扒飯配凍檸樂，嘩我諗佢真係成日見客前來食， 而我就鍾意食常餐配凍檸蜜，貪佢有多士食。咖喱薯仔豬扒飯好香，我忍唔住試了一舊睇下辣唔辣，食落好香又唔太辣，豬扒又夠淋唔會硬唔怪得經理唔洗睇餐牌就即叫啦！常餐我就選擇左雞扒沙嗲牛肉出前一丁，嘩送來時件雞扒好大件，煎得好香脆， 牛肉好多片， 不過我最喜歡都係佢個炒蛋配牛油厚多士。