茶.包 (Closed)

本身係尖東番工,行開都會幫襯呢間茶包.因為佢地既服務態度真係會令你覺得舒服一企係menu前,入面班人就第1時間同你say hello,久違既良好服務態度.的確應該被讚賞.本身諗住呢d珍珠奶茶鋪既野賣既都系差唔多味.但發現佢地系即叫即沖,連d奶茶都系自己搖出黎茶味奶味對我黎講都岩岩好.兩者都唔會比大家分薄左呢樣野應該就係呢間鋪頭特別之處吧.總括黎講,我認為做得服務性行業,禮貌一定係最重要,而呢一間茶包就真系比到我一種有誠意既服務.試過幾次,去親買野飲d staff都會主動問番你feedback囉comment去改進,所以而家我同班同事都變哂熟客,因此我都會推薦大家去飲下!

琴日同fd行行下尖咀,路經呢間台式飲野品,因天口熱.自己又有小小肚餓.於是同fd去左呢間野then,我"叫左杯珍珠奶茶同奶油豬試下" 杯茶多珠+2蚊.因本人中2飲茶關係~岩岩好既茶香+奶, 好合我口味囉=] 一路咬包 一路咬珠 ~好爽" so,我覺得得閒去食個下午茶係唔錯嫁選擇^^... 因個個口味唔用..唔喜不要插!

心情本來不錯的一天想不到會遇上一間要我永久black list 的茶店。四點幾特登行去遠一遠的茶包想試試玫瑰花奶茶仲加$2要o左大珍珠，Total係$17店員的態度很差，黑口黑面，講o野求其，咬字不清、自己講說話唔清楚仲要兇番你轉頭。well...等o左成廿分鐘先有已經有點燥了因為趕時間，無即時飲，問佢要o左個膠袋袋走...行行下先發現佢無比膠匙羹心諗我點食d珍珠呢？？？回到去，見到佢杯上的貼紙有寫住："玫瑰花奶茶**大珍珠"打開個蓋...嘩！！！唔該自己睇o下相d顏色...係咩染色料？？點飲呀？！我再比個機會佢，飲一口...似士多啤梨味的藥水呀~~唔該哂~最勁係我發現...佢原來無加到珍珠比我...$2都咁昆？！各位精明的消費者如果想試之前，真係要停一停諗一諗你受唔受得起d咁刺激的事？服務差過人價錢貴過人加錢無比珍珠等候時間極之耐味道似藥水顏色更嚇人

因工作關係去尖東一趟，見到這一間名為「茶、包」的茶攤，剛好那天天氣甚熱，又見十元一杯甚為實惠，那就買了數杯，立刻打道坐港鐵回到中環寫字樓。車程需時，還以為溶了少許冰，以為味道會有所折扣，喝後卻是又另一回事，可能叫了少甜，茶味仍能顯然出來，下奶的比例恰到好處，還嚐出一點煙燻的味道，珍珠份量不少，口感甚為煙韌，份量也算大杯，就這樣喝了近十餘分鐘，大呼過癮和好味，同事也是叫好。珍珠奶茶店近這一兩年大行其道，但同時有很多經營者相繼離場，這間「茶、包」算存在好一段日子，能生存之今，相信總有一點能耐。同時亦多謝食友檸茶兄，從高手裡開拓了口味的眼界和識見，每一個有心的食友，亦是值得相交的對象。

12月16日與友人到老尖行街, 見到間台式奶茶 - 茶.包 Tea Bread, 個名好有趣, 見班年青人用手搖搖吓, 就叫左杯珍珠奶茶同奶油豬試下, d 珍珠細細粒, 好得意, 茶既味道好香, 不是太多奶, 合我口味, 奶油豬好柔軟, 還有花生豬, 蜜糖豬, 如果有多d 野食就好喇, 會再試

4-10-2009是日極度黑仔, 由尖沙咀行到尖東, 想去的 Big John, 大戶屋及好時沙嗲通通閉門造車 / 未開門 / 無開門, 兜兜轉轉決定飲杯台式奶茶食個 burger 就算, 而呢度就係第一站.買了無珍珠的烏龍奶茶 ($14)... 無 special request, 冰粒份量幾多, 飲落夠晒凍, 甜度 ok, 奶味就比茶味重. 算及格的一杯飲品吧, 始終附近選擇不多...朋友飲珍珠奶茶 ($12), 要了「細」的珍珠... 一樣無 special request, 甜度一樣 ok, 不過奶 vs 茶比例麻麻, 茶味比我杯奶茶更弱;「細」的珍珠 size 如西米, 唔會太甜, 但口感亦同西米無異, 又較「滑潺潺」, 我都係鍾意較常見的「大」珍珠多 d.唔算好出色, 價錢亦比同類飲品店高少少, 不過路過都可以一試的.而食評標題又講緊 d 乜? 自己睇相應該會明吧

我可以話比大家知我係呢到既常客, 雖然我唔喺尖東番工, 但LUNCH我都會由加記過尖東買既, 點解會令我咁變左做常客呢? 價錢啦唔貴$12起, 種類好多款, 效率快, 有外賣送添, 雖然佢地喺尖東, 但佢地佐敦都送家!奶茶系列 $12-14珍珠奶茶、胚芽奶茶、朱古力奶茶、烏龍奶茶、芋香奶茶、焦糖奶茶、茉香奶茶、北海道奶茶、榛子奶茶雪泡 / 乳酸系列 $14-16木瓜奶雪泡、朱古力雪泡、哈密瓜雪泡、薄荷朱古力雪泡、芒果乳酸、水蜜桃乳酸、百香果乳酸、巨峰葡萄乳酸鮮果茶系列 $14青蘋果綠茶、水蜜桃紅茶、芒果紅茶、柑桔檸檬紅茶、百香果紅茶、巨峰葡萄茶咖啡 / 特飲系列 $15-18泡沫咖啡、焦糖咖啡、榛子咖啡、集糖朱古力咖啡、柑桔檸檬、荔枝玉露、芒果玉露奶油豬 $10加料細珍珠、大珍珠 $2蒟蒻、肧芽、蘆薈、忌廉 $3我既最愛係巨峰葡萄茶+細珍珠+少甜, $16啫 因為我飲過佢地既正常, 係比較甜既, 所以我每次都會叫少甜, 而啲珍珠我覺得細粒好食好多, 因為最尾係可以清晒既, 但如果要大珠呢? 飲晒杯野都未食得晒啲大珠, 因為好難吸!!! 另外青蘋果綠茶都好好飲, 其實佢鮮果系列果啲都好好

果日同條女行行下街,咁條女又話想飲野,又話我淨係識係7仔0k買野飲=.=,咁岩經過見到有間野個名叫茶.包,覺得個名幾得意,就過左去買野飲啦,都係叫返杯珍珠奶茶'不過香港地咁多地方都賣珍珠奶茶,有邊間係真係好飲丫-.-不過果度都幾特別,因為珍珠奶茶都有分大細,不過吾係個杯既大細,係珍珠既大細,型!咁我就買左一杯大珍珠一杯細珍珠啦"我條女果杯細珠泥既...佢飲完都話:丫!吾知d奶茶好吾好飲呢!?我又試左淡,丫!又真係吾錯喎"我吾敢話果度間野既珍珠奶茶係最好飲,不過有樣肯定既野!就係我飲過咁多間!依間係最正宗!d珍珠又有咬口!吾似得平時飲果d....平時果d我淨係會飲d奶茶,我吾會食埋d珍珠= ="但係呢個我係全部新清哂!一粒一滴都吾淨比佢-v-香港地咁多間野賣珍珠奶茶!間間都吾係d奶茶吾好飲就係d珍珠冇咬口!呢度就吾同!本人力薦!

我係尖東返工..有日放工咁岩同d同事行過見到有間茶包既鋪頭..個d裝修都幾靚,咁岩呢排又咁熱..咁咪買杯黎試下...買左杯買珍珠奶茶,原來有得簡細定大珍珠嫁...見未試過就試下細珍珠,,,幾有咬口..都幾得意又大杯..幾抵飲..見到佢有得送外賣...咁之後返工叫左杯荔枝玉露...本身我好中意食果d玉露..呢間野又真係有好多,,不過如果可以再出多d款就好啦^^見到好多人食個奶油豬...下次都要試埋個奶油豬先得

本身我都幾鍾意飲珍珠奶茶既...因為天氣咁熱..唔通成日都飲7仔d野飲咩 近期都唔知係珍珠奶茶好搵丫定係點呢!!周圍都有..就單止tw都數唔到有幾多間呀...今日同男友經過尖東先發現原來連尖東都有珍珠奶荼飲嫁...個名叫"茶包"於是同男友行左個去諗住買杯試下...一行到過去原來門口都幾多人等緊...但眼見間舖都幾細間...都可以有咁多客等...唔通真係咁好飲?!跟住就叫左杯珍珠奶茶..佢地有大珍珠同細珍珠選擇既...咁我就叫左杯細珍珠..買完之後都等左成10分鍾到先出到俾我...可能係多客既關係啦...原來呀佢地仲係用人手搖嫁...唔怪得啦可能因為咁樣先夠獨特啦...飲左第1淡之後..覺得真係比起其他舖既珍珠奶茶好飲....佢地d奶同茶又唔會話邊樣太多岩岩好...所以1個字正@@跟住d珍珠都幾好食同幾多嫁..個杯又唔會話太細唔夠飲又唔會話大飲唔哂...都係賣12蚊嫁咋...幾低呀...我見間野都唔錯...於是都問d職員扲左張meau黎...原來佢地有好多款式嫁...我記得好似有熱戀,初戀係新出品嫁...唔係飲完杯奶茶都幾值得一試...佢地仲有外賣送嫁原來...最岩我地呢d係附近返工既人

之前聽人講過茶包d奶油豬唔錯,,,今日試左真係唔錯@@''好多奶油又脆,,,正!!!!!!仲有試左杯荔枝玉露....又唔會太甜,,,都幾好飲....呵呵!

今日同個Friend行街行開開尖沙咀,佢話尖東開左間賣台式飲品既鋪頭,,想過去試下...於是就陪左佢過去~去到覺得佢鋪頭既裝修都幾特別,,有別於一般既台式飲品鋪頭...真係幾靚幾High Class! 但係可惜係細左少少姐~我朋友order左一杯珍珠奶茶, 果度有大珍珠同細珍珠選擇...佢要左大珍珠,,$12一杯....佢地無分Cup size既....都幾大杯下....我飲左我個friend果杯幾啖..覺得都幾好飲,,D珍珠仲好好食,,軟硬適中...好有"趙"口...D奶茶都幾好飲...有茶味但唔會苦澀,D奶又夠香....糖水亦唔會"癡"底...之後我都Order左杯芋香珍珠奶茶...我問收銀果個女仔細珍珠係點既....佢話好似西米咁....我見幾特別所以就簡左細珍珠試下啦.....原來細珍珠都幾特別,,好得意,,好易啜...而且都幾有"趙"口...另外杯芋香真係好好飲!!! D芋香超正,,,真係好好飲!!!! 佢地D野飲係手搖既,,唔係用機,,但我覺得佢地手搖仲好飲過用機搖果D...而且10幾蚊咁大杯,,真係抵飲!最後我覺得佢地D Staff既服務態度都幾好,,幾Nice~等我下次

我係尖東返工都個幾月, 但都係近排先留意到個頭原來有間賣台式飲品的茶包, 唔係多得Openrice, 我都唔會留意。今日下午開完會返公司, 順手去茶包外賣下午茶返去俾同事, 我好好彩, 我冇遇到之前兩位新手師兄的情況, 我去個時冇人, 我唔駛排隊就可以落order, 我叫左四杯野飲, 因為趕住返公司, 怕等得耐, 所以冇試佢個奶油豬, 佢唔同其他賣台式飲品的專門店, 佢地係用手搖茶, 唔係用機搖, 可能為減低成本啦, 不過因為用手搖, 所以等耐左少少, 好在我去個時佢地冇外賣喳, 唔係唔知要等幾耐。返到公司, 原來d同事以前都有叫過佢d外賣, 因為等得太耐同覺得唔好飲, 所以冇再幫襯lu, 我叫左杯百香果紅茶, 嘩! 杯野果然落足料, 我所指係杯野太甜, 而且香精味太重, 我d同事都覺得自己杯野d味怪怪地. 雖然有d失望, 不過算啦, 我地都唔係成日買下午茶, 一次半次就當試下新野啦...

我琴日order左杯珍珠奶茶and一隻奶油豬~~~~都唔係等左好耐姐~~~~大概15分鐘~~~因為佢話隻奶油豬係即叫即做嫁嗎~~~不過聼大隻佬講~~佢地lunch time戈陣真係好多人~~~~~lunch time過左~~~又要做外賣~~~外賣order又多~~~但佢地都堅持用人手搖茶~~~~佢地話因為機搖茶冇手搖茶咁好飲~~~~佢地服務太度真係好好~~~~隻奶油豬真係幾好食~~~~我食完隻奶油豬~~~~再飲杯珍珠奶茶~~~~~飽哂!!!!同食左個餐冇分別~~~仲要係一個好好味既餐!!!!!

今日我到茶.包試隻奶油豬,果然冇講錯!!佢地一啲都唔慳料,好多奶油呀,仲真係好脆呀~~好有咬感,堅呀~~!!不過就等咗5分鐘先有得食!!如果快啲就好lar!!