得龍大飯店 (Moved) New Location

今晚在新蒲崗得龍晚飯，品嚐了好多名菜~當然，文公子一向唔算係咩飲食KOL，以前一向只係搭單，跟已故的杜惠東兄來食晏，超人林超榮有時亦會搞下飯局出席下...所以店內並無人識文公子，亦當然無特別照顧，但反而可以試出該店，在廚藝同招呼上的真功夫~金錢雞，不要問，只要吃的肥膩~冬瓜盅料足湯甜，山渣咭嚕肉做到收哂汁~招牌菜當然正。蝦多士，唔夠太子鳳城或陸羽鬆脆~大良炒鮮奶，賣相ok而且有奶味~古法炆班尾一定無問題，蒜子枝竹火腩炆已經無得輸。太爺雞燻味香濃雞肉幼嫩，蓮蓉西米布甸就實會媾死女~不過無得位上，一定要一圍檯人先有能力分享。非常有趣又高水準的一餐~只係飲酒飲到好高興，藉住威士忌幫我穿越時空，一瞬間去左第二日凌晨…

昨晚8時許途經新蒲崗爵祿街，想品嚐傳統菜，上網查閱之後選擇了得龍飯店。看見餐牌全部都是我喜愛的傳統菜式，最後選擇山楂咕嚕肉、炸大腸併燒鱔、👍🏻金錢雞（待應亞姐好細心教我哋如何品嘗效果最佳）、👍🏻雞蛋焗魚腸，加埋甜品杞子桂花糕，好滿足。金錢雞是我的最愛，好可惜酥皮胡椒餅已售罄、大良野雞卷又要預定，不能盡興，只好下次再來！*泊車可選擇七寶街爛地停車場（如有更合適泊車地方，請指教。）

一九六三年。座落在康强街的得龍飯店正式開業，由現在老闆曾國生爸爸主理，一直踏踏實實為附近工業區的平民飯堂。因機場搬遷及沙士的雙重打撃，曾國生埋首鑽研古法粵菜，最後與飯店老師傅重現了古法太爺雞、金錢雞、鴨腳包等懷舊菜式，而古法太爺雞更成為金獎菜式。 今天約了多位為食鬼友好到來品嚐得龍手工私房菜，多款菜肴也是懷舊菜式，甚為期待。 首先來四式前菜包括 老醋舟山海蜇、秘製茄子墪、金沙脆魚皮、冰梅一口茄，一口茄樣子很討好，話梅味道調較酸甜剛好，清爽令人胃口大開。坊間少見用牛油鹹蛋黃炒魚皮，魚皮脆身鹹香。第二道菜為脆皮燒哈兒巴乳豬，乳豬固然食其皮脆，肉也是肥瘦均勻，不錯。 蜜瓜螺頭爵士湯大有來頭，70年代鄧肇堅爵士是西苑常客，提供了煲湯材料給大廚，當年蜜瓜比較矜貴，沒有人會想到用來煲湯，但效果鮮甜無比，得到爵士同意，西苑開始提供這味老火湯，命名為「爵士湯」，其他食肆也將之發揚光大。得龍做得非常出色，湯甜而有層次，清潤滋補。 泡菜芝士年糕波士頓龍蝦跟碧翠爆炒帶子雞片則一般，泡菜沒有想像中的辣味，年糕吸收所有醬汁倒是味道豐富的，這道菜我最愛煎米粉底，不知道得龍會否嘗試呢。 手工葵

教友聚會之夜，相約的飯局在名店得龍。然而小人向來為正宗路痴一名，問完又問，找了良久又良久之後方抵達飯店，到埗時教友已點好菜了。聞說是店之名物的太爺雞，看上去並不太吸引。雞仿似很瘦很小；吃下倒是雞味濃郁，肥瘦均勻，雞肉仍保持滑嫩。古早味焗魚腸，經典之作，雖然蛋是蒸得老了些許，不過上面有油炸鬼，而且沒有半點腥味，可成為小人古法大菜之一也。熱騰騰的煲仔菜茄子豆腐煲，最好的是兩種食材皆是索汁之物，盡吸汁料，惹味非常；質感亦不會過腍，又一佐飯妙品。啫啫芥蘭煲更是不能不吃的，條條芥蘭莖香甜爽脆，可又不會硬如石頭，店方用上蒜粒來焗，簡簡單單的突顯出食物的鮮美。吃後大家都給了讚，捧腹而回。

一年一度母親節當然要帶媽媽食好嘢，慰勞下佢平時嘅辛勞通常大時大節出街食飯，都係預咗會比平時難食同貴，不過喺呢度又唔覺會有呢個情況我哋六人叫了母親節套餐半圍，計埋＋1接近＄2000，個個都食到好飽，要打包個飯同甜品，其實都算幾抵首先，我覺得唔錯嘅有招牌燒鵝，燒鵝炸得皮薄香脆，肌肉結實冇乜肥膏，唯獨係鵝味唔夠濃～另外古法太爺雞都幾好味，雞肉幾嫰滑同有一種特別嘅煙熏味仲有幾鍾意佢哋得獎嘅梅菜扣肉脆米飯，炒飯底幾香而唔油，加埋脆米好有咬口，撈埋梅菜扣肉食感覺好特別套餐亦包括例牌嘅北菇扣鵝掌，翡翠炒帶子，清蒸海上鮮，芝士龍蝦蚊伊面同花膠羹等等～全部份量都好足，雖然唔算特別但都幾好味；另外上菜速度超快，有食唔切嘅感覺總括今晚主角媽媽都好滿意，可以列入encore list~

現今很多餐廳食肆都刻意裝修成六七十年代的老香港，來到得龍便可以深深感受到昔日老茶居的模樣。這裏不像一般連鎖大酒樓的靚裝，沒有知客帶位，更加要搭枱，那天我中午時份去到，坐著很多人，大多數人都是吃燒味飯。燒腩骨燒鵝飯（$54）👍👍👍👍👍先説份量，都算很大碟，燒腩骨皮脆不太肥，燒鵝皮薄多肉，肉質嫩滑，飯粒分明。蝦餃（$24）👍👍👍午市大中小點$24，蝦餃饀料合水準，唯蝦餃皮較淋，如果煙靭些㑹好吃些。灌湯餃（$24）👍👍👍灌湯餃的皮都很薄，湯㡳味道也不錯，但比較多油，上面的韮黃過淋。

今日中午買了一個燒鵝飯盒 和一個叉燒飯。外賣個阿姐，話加酸梅醬要早講，都冇問題啦！點知連叉燒飯都加一大羹落去，搞到成盒飯好難食。盒燒鵝仲離譜，只有一塊肉全部都係皮！收＄40！希望大家唔好去買佢！浪費金錢！開咁大間鋪都無用！服務態度差，三句唔埋就黑面。又唔係唔收錢。質素真係好差，我情願去再興食。今時今日新蒲崗買盒燒味飯真係好難，得龍又成功將服務同食物質素推到一個新底線。晒左我40幾蚊。下次真係唔會再來。

同屋企人食飯，就search下附近有咩食，發現一間都有幾多好評既餐廳，咁就試下啦。一睇餐牌果然幾多新奇野食。話梅豬手，酸酸甜甜，我覺得幾好食，但屋企人食唔慣新口味就覺得麻麻焗魚腸，細個屋企人會用魚腸蒸蛋，蒸出黎好滑。但可能焗既關係，有d「鞋」唔係好食到魚腸梅菜扣肉炒飯，仲加左d炸米，每啖都好有咬口，推介蝦多士都好食

原本想來食湯飯，點知阿姐話夜晚食湯飯唔抵傢！叫我下次中午先嚟食！（個阿姐好好人），咁唯有今次試下小菜先！點知發現許多其他地方都已經失傳嘅菜式！結果真係好好味呀！由於今次得兩個人食，所以叫左太爺雞，上湯豆苗，蝦多士！太爺雞:啖啖煙熏香味，肉質鮮嫩上湯豆苗:夠晒味道蝦多士:雖然係油左少少，不過蝦膠部分好彈牙，口感一流！最後贈送嘅甜品桂花糕，真係好多桂花紅棗杞子食完真係好滿足下次一定要叫多d人嚟一齊食！

這裏的魚腸蒸蛋，味道幾吸引上面有少少脆口，有油炸鬼蛋焗得比較熟，如果嫩點會入口滑點入面魚腸真的不多，肉碎及冬菇絲幾入味，令成個餸更美味如果有多點魚腸，蛋又嫩口點，又另一種食法呢度炒飯就好味，有松子會食落有口味又有少少飯焦不過不痴牙，炒香的豬肉好香，豬油已經滲入去飯中，但食落不油膩，熱辣辣食好好味甜品亦不錯呀桂花糕就十分充實，好多材料又有桂花，又有杞子，又好香糖味，好清甜入囗好滑溜，但又唔會散，好味

得龍金錢鷄個朵幾吸引，一向對這種燒味難以抗拒，至於$40壹件未嘗過可試；另一樣花雕話梅豬手$88就真係好味，砵酒焗桶蠔未見突出但價錢$208就真係貴！陳皮醬柚皮蒸龍躉球$188同樣未見突出驚喜，另外年尾時候企堂服務一般(落咗單話唔改得)，整體來說中規中矩食一次無妨。

我哋今年選擇了得龍食團年飯，咁去得得龍食嘅當然要食佢地嘅懷舊餸啦！我都覺得佢哋都幾利害，因為我地一次過叫咗好多餸但係佢哋都可以做到很快地上枱！所以我哋唔使一個鐘頭就可以食完餐飯!

來到久違了的得龍 ，風采卻未見依然， 甚至可算是有極大的褪色，令人失望....餐前奉送的小吃是從前都已有的欖菜豆角加雞腳。 前者尚還可以，豆角爽脆而滲著欖菜帶來的鹹香  ; 但相反後者就只是一味的死鹹之餘還隱隱然透出了點點的苦味來....來得這裡，又怎能不點一客懷舊的金錢雞 ?碟上桌後一看，其件頭比從前大縮水了不止一倍。更離譜的是竟要賣至四十大洋一小件，簡直是有被搵笨搶錢之嫌。冰肉入口不再爽脆只剩肥膩 ; 舖面的薑片也好像消失了。唯獨可堪告慰的是肝仍然粉香豐腴甘美，縱是如此但其實已是於事無補，神仙也難救....燒鵝例牌上桌時是冒着煙的 ; 皮是走脆香的路線 ; 鵝肉本身飽滿結實而不見韌，算是維持了相當的水平....另一店自慢山楂咕嚕肉上桌後便嗅到一陣刺鼻的酸氣。光睇其色水以及這股氣味便知這招牌作已是不復當年勇。幸好肉是剛啱炸起外皮仍是香脆的算是未至於全軍覆沒，不然這道咕嚕肉小弟就準要給他一隻零雞蛋了....同樣之前食過的梅菜心蒸菜心亦見有大退步 ---- 菜本身有點老帶少許渣; 而醬油汁亦似乎下得太重手。根本有甜中帶鹹的梅菜心存在的話就確無需下如此濃鹹的醬汁下去了。吃得清一點，不是很

已光願之酒樓很久了。飲早茶很好。点心全部自己做。茶葉很有質素，白饭都是自已混數種白米，所以很有飯味。晚餐更正。估不到這裡是米芝蓮級數。我喜歡這裡的燒鵝，蜜糖煎蠔。其他小菜一樣炒得很好味。價錢平到笑，服務也非常好。這種懷舊式酒樓不多了。

知點解可以做米芝蓮餐廳全部食物都不知所為，蝦多士，豬肺湯，梅菜扣肉，金錢雞,差過大家樂，蝦多士，塊多士全部吸哂油而果D蝦膠大唔過一蚊銀，豬肺湯似飲水，梅菜扣肉就梅菜幾粒，豬肉6塊中有3塊只得皮加肥膏其餘3塊也十分難食，至於金錢雞就。價超所物，收40蚊一件，細到你唔信值這價錢，總之唔會再去食垃圾