銀川壽司 (Closed)

在銅鑼灣想找間中等價位而又不拘束的日本料理，不是太多。這間朋友介紹下一試，當日感覺服務很好，而經理和侍應亦有講有笑，我們點了廚師發辦，試了刺身，壽司，串燒及煮物，各個料理味道也不錯。適合三五知己飲清酒的地方。

同朋友慶祝生日，係朋友推介之下所以來試下，一去到老板就請我地食蜜糖多士，又推介了幾款菜式，味道唔錯，個豆腐好好味，味道好夾，仲有八瓜魚小食也很不錯👍🏻不得不提右口魚邊壽司同海膽壽司，右口魚邊入口即溶，海膽鮮甜，encore左兩次，實在太正了朋友聽了老板推介試了毛蟹！這隻是北海道毛蟹，毛蟹蟹糕撈飯一流蟹腳啖啖肉，一定要試！老板無介紹錯！下次會必定再同朋友黎！最後來個天婦羅雪糕來個happy ending ，好特別

遇到了性價比高！正呀又抵食係銅鑼灣工作，食咩都貴🤦🏻‍♀️遇到一間外賣自取又平嘅日本野靖魚..照燒雞扒..豚肉等等仲要係$38！今次我食既係魚生丼$48 竟然仲有一包紙包飲品嘅嘢飲送😭銅鑼灣作為打工仔，覺得幾好。下次都真係會再嚟買外賣玉子青瓜蟹柳三文魚三文魚籽 魚生 蝦.等等既料我覺得都幾正呀，下次再試下佢地其他野先。同事食嗰個豚肉飯 佢話份量又ok 唔會鞋口 剛剛好上去拎外賣，見到佢地爆哂場！

同老公見到有折去試下，呢間鋪前身都食過，原來轉左手，即管試下。好有驚喜，有heart，新鮮好食。經理哥好服務，推介簿切魚，係唔錯。其他壽司、串燒都好食。最後仲叫左個壽喜燒，老公話好味，我就覺得味道係唔錯，但牛肉就肥左少少。整體無咩唔滿意，希望水準能keep住最愛梅子紫蘇葉卷，簡直為我而設😂👍🏼真係好中意食！無影到個簿切魚、牛舌、壽喜燒（因為本來無諗住寫食評，但見佢地服務真係好好，野食又好得，所以先開始影下啲野食相😅）（可能咁岩今日係星期日啦，真係靜啲，無咩人，遊行影響？）

好早就坐低左朋友仲未到老細俾咗免費小食我我一口氣食晒成兜甜甜地嘅多士脆條我仲好厚面皮咁加咗一次朋友到咗我叫佢地發板見到我哋兩個女仔好似唔係好大食介紹我哋食精選二人刺身我地話中意食牛所以介紹咗我哋食和牛壽司同埋燒牛肉卷仲有個炙燒右口魚邊壽司 然後我發現其實佢同左口魚冇咩分別跟住我仲有少少餓 然後叫左牛舌同雞翼串燒+雞泡魚乾清酒🍶 ((因為我哋兩個都唔識揀所以都係老細發板 我嘅要求係甜同清 易入口最後甜品 仲有好食嘅脆皮燒菠蘿 外面包住一陣好脆嘅焦糖刺身非常新鮮 我搵到最好食嘅牛舌 另外餐廳好配合到我要求 我要嘅口味都有環境好適合傾計 我地傾左4個鐘

下雨天走到永光中心，剛好在大堂有一位waiter派傳單,見有set lunch食諗住不妨上去一試。上到去環境好有日式居酒屋的氣氛, 人流不算多, 傾計最岩。食物都係即叫即做, 上菜時熱辣辣。我地叫左一份雞扒丼定食, 一份壽喜鍋燒定食,再追加左三文魚壽司同埋餃子,鍋燒份量好充足, 仲有粉絲做底, 湯亦很觧甜,跟餐送的麵鼓湯不似一般用粉即沖, 加入了豬肉, 飲落沒有太多味精。雞扒丼的碗看似有點少, 不過份量一D都唔少, 雞扒煎得剛剛好, 唔會太硬。隔了4-5小時, 才突然發現放在桌上的日本手信忘記拿走, 原來要送給小朋友的,到了晚上再上去餐廳, 冇諗過侍應先生已放在收銀處再拿給我們, 真不好意思~雖然只是小事, 沒想過他們會先收好再等待客人回來領取,證明這是一間熱心有愛的餐廳, 支持!

近幾日天氣熱辣辣突然心郁郁想食刺身所以就訂左哩間新開既刺身壽司鋪一試佢既效果訂枱既時候，接線既問我有無咩野特別想食，可以幫我安排同預訂因為一路都食開手釣池魚既薄切但未食過深海池魚皇薄食所以同佢講想要深海池魚皇既薄切佢就話半條左右都夠2個人食二話不說就答應左佢黎到既時候，發現個場裝修幾有日本風格坐低 斟完茶經理就已經即刻同我講 條池魚已經準備好問我係咪都係一樣食薄切答完係，師傅就即刻以純熟嘅刀工去片靚條魚等待既時候都叫左小小小食食住先睇本Menu 發現佢地價錢好優惠以為啲野會細細份 點知個份量好幾足料下深海池魚皇薄切見師傅切完就即刻跑出去影左張相 貪佢出面光線夠靚之後仲食左串燒 天婦羅 同飲左支酒最後經理仲請左我食個 特色甜品天婦羅雪糕外熱內凍 外脆內軟為今日既晚飯畫上一個完美既句號成餐飯連埋條魚都係2個人 1300蚊賣單超級抵食！一定會番黎食多幾次！一試經理話好食既魴鮄魚刺身睇下睇完係咪真係唔會咁魴鮄