一粥麵 (新翠商場)

Open Now

Now Closed

服務態度差劣，碟叉燒腸簡直不知所謂，熔熔爛爛咁嘅賣相都可以俾客食，由第一次幫襯買杯奶茶要10分鐘，隔咗差不多一年嘅今日再去幫襯，一樣亳無改善，以後都不會再去，如果要選一間最衰嘅分店，柴灣新翠商場分店必定係首位！

今日19年1月10日係柴灣地鐵樓上叫咗個羊腩煲及上海排骨菜飯（都係套餐），個羊腩煲$86，但得5件細羊腩配菜又小，只係得水多，問咗廚房大廚佢話係咁份量，今次係第二次食呢個煲，跟上次完全不同，我唔會再去呢間舖食飯！

一粥麵中午有一款牛腩粒河粉+炸両的混合餐，河粉清湯底，外賣的話湯和河粉分開，安排貼心👍,河粉一條條的，没斷開,牛腩粒夠入味，五香味濃郁😋,炸両就冧冧地，有少少靱🙄,幸好腸粉皮不太厚😀,兩者比較，我個人喜歡牛腩粒河粉好食好多😋

諗住食個麵當晚餐，於是去一粥麵食啦😂😂去到買餐都仲ok🙂🙂點知等個時就精彩啦😅😅個啲服務人員態度勁差(原因淋檔，但人客好少，四個左右)🙄🙄睇到我都唔知比咩反應好😩😩十分鐘左右我就攞到個麵😓😓點知一食個麵淋既，個湯好似溝水咁淡🤦🏻‍♂️🤦🏻‍♂️之後我唔講啦😒😒你自己諗啦🤷🏻‍♂️🤷🏻‍♂️

叫個外賣等左半個鐘，啲阿姐喺裏面休閒地吹水，問佢地先話張單係枱度無留意到，即刻做返，一個鐘食飯40分鐘等餐，返到公司十幾分鐘急急腳食埋又要開工，求其食個M記餐都無咁嬲

今日想食熱野 早早黎到柴灣 諗諗下又黎這間一粥麵，因為這邊多選擇。唔知大家都與我同一想法，客人好多，要搭枱了。👨‍👨‍👧‍👦👩‍👩‍👧‍👦👨‍👩‍👧‍👦👨‍👩‍👦‍👦今日選擇了紫菜魚皮餃河粉 飲熱奶茶紫菜魚皮餃河粉：好大塊紫菜 🌱🌱估佢唔到 我以為只會是碎上； 🐠🐟魚皮餃有3隻 不過就唔算大粒 普通味道 ；有炸蒜同香蔥 加強這碗粉的美味度；河粉同上次一樣 都算多粉 都滑的 整體來說都唔錯👌🏻👌🏻奶茶都幾滑 不會太濃味 喜歡！

今日放工後，想食少少熱野；又唔知去邊度食好，本來想去青年廣場食上海菜，但點知無得食，決定來這餐廳睇下有得食甚麼。下午茶都幾多選擇，有粉麵，粥餐，豬扒包餐；又可加錢要糖水，都好多配搭！都好多客人，都好滿坐，這裡是叫號碼的，在單上有一號碼，留意指示牌便可，不用排長龍等候。最後我選了魚旦魚腐河粉配飲品，我選了熱檸水。魚蛋魚腐都幾爽，有3粒都幾大的魚腐，幾好食；2粒白魚蛋，好彈牙！河粉都算多，最喜歡有炸蒜蓉粒粒，好香好食。熱檸水普通野，2片薄🍋

收工坐同事車去到柴灣已經9點幾，搵餐廳食晚餐都唔易，呢間食物輕宜啲！去到門口落單！再搵位等叫號碼水餃麵餐（$30）水餃皮薄，餡料多，蝦肉及木耳絲爽口，豬肉唔乾，好味！麵鹼水味頗勁，雖然彈但鹼水太攻！湯底正常！一般肉燥腸粉：光身腸粉幾滑！但肉燥醬太甜，甜到有啲假！加埋甜豉油又甜！唔食肉燥淨食甜豉油仲好味青蘋果茶（跟餐加$3）唔記得叫少甜，味道本身唔錯唔假，但味道太甜飲唔晒食物只係一般，落單店員有禮！廚房出餐好快速！速食麵餐

比賽日子好快就到, 我哋地獄式咁去練舞, 日練夜練, 日又跳夜又跳, team spirit出曬嚟, 個個女仔都為咗以最top fit嘅形態出場應戰, 我哋 一日只食一餐, 呢一種付出, 身心嘅疲累講出嚟都嚇鬼, 有苦自己知。嗰日我哋如常練舞, 我哋身體都好似開始頂唔住, 但係都頂硬上迫住跳, 隊員MayMay跳到見暈, 於是排舞導師就叫我哋休息一日, 咋咋臨去食下嘢, 補充下體力先。頭抽墨魚片頭、墨魚丸撈粗唔知係咪太過攰 同埋太肚餓嘅關係, 覺得碗麵特別好食, 覺得啲粗麵好爽口, 味道又香又好味, 墨魚片頭同埋墨魚丸, 都算係爽口彈牙而且夠墨魚味道, 真心覺得好好食, 味道好似比平時嘅出品好得多。雖然排舞導師畀我哋休息一日, 但係我哋食完呢餐之後, 照樣返番去練習排位, 繼續拉筋, 做練習。要成為一位真正嘅舞者, 真係絕唔容易, 不過路係自己揀嘅, 一定要做好佢! Fighting!!

收工坐同事便車到柴灣，去最近嘅環翠商場食晚餐，呢間開咗一段時間，上到去地方幾大，快餐廳格局，先去落單，等叫號碼攞食物再搵位桌椅幾迫，高級啲嘅木椅！桌面嘅調味料幾乎清空！頭抽墨魚片頭坑腩撈粗（$42）撈面賣相正常，牛腩一大一小，細嗰件炆得淋半肥瘦，幾彈牙，大嗰件肉比較嚡，一般，片頭金黃色，魚蛋彈牙，好味，粗麵撈勻豉油，粗麵彈牙，頭抽唔會太鹹，撈勻好味！跟麵湯：夠熱但太味精！一般！廚房店員比較粗聲粗氣！問多句都唔耐煩！落單小姐幾有禮貌！粥麵店快餐！20分鐘走人

新年開工大吉，根據往年的經驗，好多時工廠區附近餐廳都未開，除左幫襯連鎖店之外，都唔知有咩好食。所以明知唔太好食都要焗住幫襯，好耐冇食過一粥麵，想住隔左咁耐冇食，都會有進步掛。今次出菜的速度比起以前快好多，不過食物質素都係尚要改善，LUNCH時間，叫左碗皮蛋瘦肉粥，還好碗粥黎到係熱既，不過d粥係淡的，似係加左水咁既味，配果個炒面，望落濕笠笠，感覺似係焗住好久，索晒倒汗水咁，而且得果面係暖，入面果d係凍凍地，唉...新年都冇啖好食。

昨天，我聽同事講附近開了間新食店，所以我和同事決定去試下，這間粥粉麵的連鎖店。我們入去之後，立即點了餐，我點了五星級牛腩麵，而同事點了酥炸排骨肉燥飯。五星級牛腩麵，未食麵之前，先嘗一口湯，湯的牛腩味很香濃甜美，香氣四溢，湯底有蔥花，蒜蓉，蘿蔔，陳皮等作配料，襯托出主角牛腩麵的鮮味，牛腩一點也唔韌，但又唔會太稔，咬落很有牛肉味，麵條爽滑彈牙，蘿蔔的清甜，令牛腩不會太油膩，很有層次感，令人ㄧ嚐再嚐，雖然份量唔多，亦稱不上珍馐美饌，巧奪天工，但絕對是美味可口，色香味俱全，而且價錢大眾化，中午餐若想食得清淡點或唔想食得太heavy, 這是另一選擇。 此外，同事點的酥炸排骨肉燥飯份量較為豐富，還有小食肉燥茄子，試過茄子的味道亦唔錯，下次再來必定一試。