6
4
0
Opening Hours
Today
07:00 - 21:30
Mon - Sun
07:00 - 21:30
Above information is for reference only. Please check details with the restaurant.
賣晒唔岀聲，照比人落單，等左九個字都未有煲仔飯，岀去問先話啱啱賣晒，而家整緊，大家以後咪幫襯，對唔住大晒？賣晒一早同人講咪得，條魚應該即嗌即劏。全港最「快」嘅「快」餐店，要等九個字先有飯。
continue reading
升級版的大家樂 ⁉️眾所周知 一粥麵 係屬於大家樂集團的，但其實兩者嘅定位都幾大分别，前者主要以小菜及粥品為主打。雖然未去到每種款式都好驚艷，但總會有一兩道拿手小菜，今次我所介紹的喺 午 及 晚餐 都有供應 ......去骨海南雞 🐔 + 撈粗麵 + 熱飲。☕呢個真係無敵組合，只係 $60 (午，晚同價)，價廉物美當之無愧。味道方面，去骨海南雞味道濃郁，我不敢肯定是不是走地雞，但牠確實比到我實淨兼嫩滑嘅口感，半點肥膏也沒有，正。👍配搭 撈粗麵 亦 正合唔嗅米氣的我，當然如果你想跟飯亦可以。🍚粗麵爽口彈牙，少許豉油香味，簡直係畫龍點睛，令麵質更加昇華。大家得閒 絕對 絕對 要去試吓，包保你會喜出望外，Super Yummy 😋🤤
continue reading
今日早上去完東區醫院覆診，搭小巴落柴灣地鐵站，諗住食吉野家，結果已結業。剛好見到支付寶3個印花可換2張5蚊券，就去一粥麵買外賣返公司食。叉燒腸粉走蔥，即叫即整肉碎手肉粥，好多肉碎，十分大碗43蚊用券後38蚊，好抵食女孩子們如果細食，呢個餐既份量可以分2餐食都夠食，十分推介。
continue reading
冬天將至，不少中式食肆先後推出羊腩煲。見到一粥麵出左，一於入去試試!羊腩煲餐(跟唐生菜，白飯，中國茶)。以百元內的羊腩煲來說，羊腩份量適中，咬落算稔，羶味可接受。煲內其他配菜有枝竹，馬碲，冬菇。食量大的食客可選擇貴$10嘅餐，會額外有肥牛，而白飯可改要烏冬。另外，疫情關係，暫時沒有自取斟水處，想要水便要問員工了。當日有員工主動問顧客需要水與否，想起數月前連叫人執檯都難，甚至要受氣，服務質素實在進步不少。
continue reading
今日個人唔舒服而且喉嚨好痛同乾，個人冇咩胃口所以求其去咗屋企附近嘅一粥麵買咗碗粟米瘦肉粥濕下喉嚨😖🔺粟米瘦肉粥🍴一粥麵有好多款粥選擇，但我唔鍾意食內臟又唔鍾意食牛肉就揀咗呢款清清地有正氣嘅！一打開個蓋見到個粥咩餸都冇就諗：「搞錯啊咩都冇嘅！」點知用匙羹搞下個粥底就見到好多瘦肉絲同粟米粒！啲瘦肉絲係多到一團團咁！可能我係重口味人士食唔慣粥就略嫌個粥味道唔太夠，要自己落返啲雞粉調味😖而且個粟米粒唔太甜😖不過生病食到咁足料嘅粥同埋而家係冬天食啖粥個人即刻暖哂☺️希望可以快啲好返啦！
continue reading