Video
Introduction
This restaurant serves both authentic Nepalese and Indian cuisine.
continue reading
Above information is for reference only. Please check details with the restaurant.
Review (24)
都話最近好鍾意食咖哩嫁啦，於是係五一勞動節又搵埋家姐陪我去食印度咖哩我地叫左一個SPECIAL LUNCH同兩款散叫既野食。落完單冇耐佢就上左個胡椒薄脆，跟個酸酸地辣辣地既黃色醬。個薄脆胡椒味都OK，微辣。反而個醬更辣，不過就偏鹹既。家姐叫左個咖哩雞既SET LUNCH，入面包左湯、咖哩雞、飯或NAAN、炒菜一碟同埋野飲一杯。個湯係扁豆湯。個湯飲落有D薯仔味(？)，入面有D一粒粒既野，唔知係咪就係扁豆呢？不過對我黎講個湯個味好似怪怪地咁，可能飲唔慣掛，我就覺得麻麻地。之後就到主角咖哩雞啦。入面都有4-5舊雞同一舊薯仔。只要個雞雪味唔重同舊薯仔夠淋就冇咩大問題，最主要都係個咖哩汁！我覺得個咖哩汁辣度唔係好夠，而且有種愈食愈鹹既感覺但係我家姐又冇話覺得鹹，而且愈食愈辣添！(所以話，口味呢樣野真係因人而異)由於我地散叫左一個薯仔薄餅，所以我家姐就決定呢個餐到叫個白飯黎送咖哩。個飯一上到黎，我同家姐都呆左因為個份量真係好多！(但係我明明已經叫左少飯，但份量依然多得驚人！所以我同家姐都認為佢係唔記得左)飯係印度長米，只要佢係熱同夠粒粒分明就OK。(如果唔係既話撈埋咖哩就變爛飯，好難食)之後個炒菜係炒菜心，冇咩特別，係多油左少少。每餐都有菜落肚，飲食均衡(雖然覺得炒菜心同印度或者尼泊爾好似拉唔上關係)跟餐飲品我地叫左一杯純乳酪(竟然唔駛加錢，讚！)杯純乳酪酸酸地凍凍地，用黎解辣一流！可惜我覺得個日叫既野唔夠辣，浪費左杯野飲講完SET LUNCH，就到散叫既兩樣野。因為我想食既野係SET LUNCH入面係冇包到既，所以先造就左我散叫呢兩樣食物。我想食既係薯仔薄餅！(我的確好鍾意食澱粉質！)之後外加一個辣炒雜菜。(個時諗住食多D菜冇壞既，同埋唔知原來SET LUNCH包左個炒菜)先講個薯仔薄餅。佢的確係一個薄餅@@！因為佢唔同平時食開既NAAN咁煙煙韌韌、軟軟地，反而個面係脆身既，入面又有D似麵包既口感。雖然話係薯仔薄餅，但其實我唔係太食到入面既薯仔餡同香料味。老實講我係有D失望既。唯有將佢當係一個普通既麵包點咖哩雞既咖哩一齊食！跟住到個辣炒雜菜。我原本睇幅圖以為會係用乾咖哩黎炒，好似平時食既燴薯椰菜花咁，我仲特登叫佢加辣添！點知一上枱既時候即刻打左個突，因為佢個樣同清炒冇分別。我以為落錯ORDER，仲特登問返個侍應，佢話我個個真係辣炒雜菜黎。雖然同原先諗既有D唔同，但只係我自己既問題，黎到都唯有照食。但係我食呢個雜菜既時候，其實唔係太食到佢既辣。佢既辣亦都只係指係炒既時候加幾粒辣椒。對我黎講，我覺得佢叫清炒雜菜好似仲合適。而且呢個散叫既菜係收正價$58，但係出到黎既份量我覺得係偏少，似平時食開三十幾蚊既份量到。若果佢辣返DD同多返DD咁就好啦。唔知佢D食物係太鹹定點呢，個日晏就食完之後成日都覺得好口乾，好想搵水飲呢...總括黎講，我覺得佢個到既食物味道一般，唔算話特別好食，而且食完之後喉嚨又有D唔舒服。但係若果突然想食印度野，想止一止口癮，近近地都會搵佢既。不過就只會係食晏既時候去囉，因為抵食好多。
continue reading
記得之前剪了這張餐廳的coupon，加上我為食，所以與家人去食羊肉不膩，而且食物上桌時夠熱=]很多食物都有特色(烤餅、curry等)還有服裝員態度很好，以笑容待人$300有找都夠一家四口食得飽，值得一試再試。
continue reading
我本身是很喜歡吃中東,印度,尼泊爾菜的。在元朗，這種餐廳不多，特地上來openrice找，除了吃過多次的蓬萊咖哩屋以外，剩下不多，找到這家，而這家店的地理位置真的算偏僻了，因為我在這裡住了那麼多年都不知道這裡有家餐廳。是日特地和朋友來吃午餐，抵達的時候正好是中午12:00，店外告示牌明明寫著營業時間是11:30開始，但顯然店員才剛上班，正在裡面把桌椅放好準備營業，當我們推門欲內進時，店員告訴我們要等10-15分鐘，我們只好在外面等最後大約等了5分鐘就可以進去店內只有一名店員，他連燈也沒有開給我們，他是印巴藉的，跟我們以英語溝通，但他的英文很差常聽不明白我們說什麼，不過態度良好他起初給我們一疊餐牌，但當中沒有set lunch餐牌，我主動問他，他才拿給我。首先我們點了雜菜沙律我肯定這是店員自製的，因為點菜後他便進去廚房很久，出來時便端上這沙律，然後再在離我們不遠的地方倒飲品給我們。這個沙律真的好好好難吃!裡面有很多菜和青瓜，但完全不冷，而是正常的溫度，這也算了雜菜除混和了沙律醬以外，還加了大量砂糖，好難吃!!!!我和朋友試過把菜放進水裡面，立刻便飄出了驚人的砂糖，於是我們都沒有吃這沙律，我敢說這是我吃過最難吃的沙律!(其實要把沙律做得難吃真是很難，而他們做到了)我和朋友點了相同的lunch set－Lamb Curry with Naan and Choi Sum其實我們想點兩set，但店員聽不懂，以為我們只要一set。我朋友點了iced lemon tea，他卻給了lemon coke.....不過算了。餐牌上說咖哩可以選小中大辣，我告訴店員我想要medium spicy(我什至指著餐牌上的字)，他也還是不懂先說羊肉咖哩，因為店員起初以為我們只點一份，所以只給了一份食物溫度只是微暖(Naan也是)羊肉煮得很腍，用叉叉著也會立刻把肉一分為二，完全沒有口感放進口更是立刻爛掉而咖哩就混合了羊羶味以及一陣很酸的味道，好像變壞了似的，也完全沒有辣味我想這咖哩應該是前一天賣剩的，完全不新鮮!後來我們告訴店員我們是要兩set，再等一會他再端上另一盤咖哩和Naan，這次只是煮得較熱，味道還是一樣。餐牌上明明說套餐會配菜心，但最後端上的竟是炒芥菜，而且只給了我們一份，不知道到底是二合為一，抑或忘了給兩份芥菜很苦，比家裡炒的苦得多他們好像加了"孜然"香料，一吃就知道，如果不是那麼苦，也蠻香口的起初我真的很期待來這裡吃飯，因為好評不少，而且好像很有特色，但最後真的教我十分失望，我對食物要求本不算高，但這是我第一次給劣評是我倒楣嗎？剛開門營業所以廚師還未上班？？
continue reading
唔知係唔係因為店舖既位置問題呢,黎間餐廳好似成日都好小人黎咁,因為呀哥愛好咖哩而且算係熟客既關係,所以我都有幸可以成日黎呢度食野(學生仔冇咩$,成日都要呀哥請食飯haha)真係好中意好中意黎間餐廳,兩個老闆對客人都好nice,而且價錢唔貴!另外,非常欣賞佢地菜色既多變,同一個菜色成日都會有唔同既整法,所以每次都會有耳目一新既感覺!前菜必叫Shangri-la Special ,呢道由印度咖哩角配上酸甜醬汁同梅汁既菜色,食落去酸酸甜甜咁,好開胃,每次食既時候都會同呀哥爭食。而最特別既地方在於醬汁將咖哩角既辣味中和,個印度咖哩角本身頗辣(對於我黎D唔食辣既人黎講),但加埋個汁就完全中和左佢個辣味,個汁加埋咖哩角一齊食,酸味加上辣味,凍既汁加上熱既咖哩角,一定會一試愛上!所就算同呀哥係午市黎都好,都一定會食佢嫁~~每次食晚餐,佢地都會送Papadam俾顧客當餐前小食,點埋個綠色醬汁,為晚餐揭開序幕!!飲品方面,最中意飲cinnamon lassi,不嬲唔多中意cinnamon呢種香料,硬係覺得呢隻香料陣味怪怪的,但配上lassi,反而好夾,成杯野飲入口好香! lassi係老闆親自調制嫁~~完全值得一試!怕咖哩油膩既可以叫Black tea,呢杯野苦苦地,但就非常之解到食完咖哩之後油膩感。至於蘋果汁就唔建議叫,因為飲落去好似果汁先生既蘋果汁,而且價錢較貴。主菜方面,推介spinach and cheese,個芝士煙煙韌韌咁,好有口感,而且個菠菜汁好好味,食完芝士之後留返d汁點Nan!nan方面,Plain Nan同Aloo Paratha都係好選擇黎,有一款入邊有紅色椰絲既甜Nan我就唔太好啦~另一樣就係Briyani,briyani係香料飯黎既,就咁睇會覺得佢係炒飯,但其實係焗飯黎嫁,成個飯冇普通焗飯咁乾身,濕濕地,但粒粒分明,個飯聞落充滿乳酪香味,但食落就會知道,除左有淡淡既乳酪味之外仲有其他香料既味道,聽講briyani入邊有30種香料,黎個飯比起餐廳入邊其他飯貴成倍~~40幾蚊~~但又真係一分錢一分貨既!!仲有Chiple Bhendi,即係炒秋葵都好好味,好香蒜頭味,秋葵口感黏黏地,幾特別!最後甜品方面我誠意推介凍既Khir尼泊爾香草布甸,入邊有提子乾,橙色既椰絲,筆到入底果時驚喜地發現......竟然有飯?口感好特別~椰絲+飯+提子乾+糊狀既椰漿,將飯當甜品真係第一次,好特別,但又真係好好味,有人話食甜品係第二個胃果然無錯!就算果時食到幾飽都好都照樣將成個甜品食晒!!!每次去黎度食都會好滿足,但餐廳既空調系統同抽風系統都有待改善,每次去完食野之後個身總會有陣油煙味!
continue reading
未參與寫食評前已光顧此尼泊爾小店，位置唔係大街，近三年開始去，每年內部餐枱椅都唔同，初時見過用普通摺式餐枱，後來加枱布及放朶花，有情女feel ，我重記得當時滿坐，門外加張摺抬，一對情人一路吃小食，一路飲紅酒。今次(日)晚八點半到，見門外掛着個營業排，店內竟冇客，如果我第一次來，相信未必會入去，我問下位外藉服務員，姖用英文話D客剛離開。尼泊爾啤酒 ($16)味道同青島差唔多 ok lar, 個酒樽同酒杯幾靚.薄餅(免費)送上兩大片脆口的薄餅及香料醬汁，同口部做下熱身運動.尼泊爾烤羊肉串 40四串尼泊爾小食，滴D檸檬汁後幾野味，不過肉質唔夠嫩.尼泊爾咖哩牛腩 55呢個菜有點失望，因牛腩份量不足，唔夠軟身，咖哩汁多，似玩尋寶戲，故原來大快活嘅咖喱牛腩飯都唔錯，重有幾件薯仔送.波菜炒豆 18可能係價錢平關係，波菜及豆份量小 ，味道偏淡，用作配飯較佳，但我亦唔想每道菜味濃，會好囗渴.烤麥餅($10)，烤餅($12)味道上我覺得兩款餅好相似，賣相上一款切開四件，較薄身，另一款一大件過，較厚身及鬆軟，好在兩款餅夠香夠熱，以前餅上有點油，今次較乾身，各有特色 .兩款用来點咖喱汁最適合不過.尼泊爾炒飯 ($20)終於出現金屬碟，較有尼泊爾風味，雖然只用菜及什豆妙，但味道比西炒飯更香，而且大大碟 .註：1. 有部细電視播當地歌舞片 2. 無加一3. 當日無試推介及印度菜式4. 用英語點菜
continue reading