新墟咖啡

Open Now

Now Closed

#pb食在屯門 #pbcafe系列 二訪 - 屯門田園風咖啡店☕️最近二訪左呢間位於屯門新墟轉角位嘅田園風cafe🤪 店內外裝修以綠色、大自然風為主 仲擺滿大大小小嘅盆栽👍🏻 整體環境好大、開揚😍 佢仲係一間pet-friendly cafe 大家可以帶埋毛孩去🥰.食物好似比試業個陣少左選擇😕 主食得番兩款ADB、兩款Pasta 價錢$88-$118不等😋 當然最特別就係港版McGriddles啦 不過6月已經完左 大家唔使特登去食🤪🔹神還原芝士豬柳強🍔聽聞唔少人為左呢個港版McGriddles而特登黎🤪 但係我食完又覺得唔太特別 如果為左佢要排隊就唔太值得了🥲 佢個包好細個 女仔食都未必夠飽🙈 Pancake口感雖然軟熟 但係唔夠牛油香 淨係食到糖漿嘅甜味 所以整體普通😕 反而旁邊嘅脆薯寶幾好食👍🏻🔹黑松露菇菇ss意粉🍝落左大量黑松露 不過食落唔算好濃味 有微微嘅香草味🤪 整體口感幾creamy 不過份量偏少🥲🔹Latte☕️🔹Dirty☕️.整體✨ 今次二訪呢間屯門田園風cafe 環境都仲係好大、好開揚 坐得幾舒服👍🏻 不過食物質素好似冇試業個陣咁驚喜 而且份量好似細左好多 有少少失望🥲

假日來一個「🌞Late breakfast」，早上9時50分到達等待小店10時開門，一心來吃Pancake堡及招牌奶茶的2人，很可惜，當日不提供奶茶，只有咖啡系列，食物亦只提供3款Pancake堡😅。於是，點了：#神還原芝士豬柳強配脆薯堡 $88#脆脆芝士煙肉太陽蛋配脆薯堡 $88#橙啡 $48#凍朱古力咖啡 $42雖然是第一枱客人，但員工開店後需時準備，點餐後需等待約20分鐘端上咖啡，大概10時35分再端上食物。🥞🍔神還原芝士豬柳強配脆薯堡 及 脆脆芝士煙肉太陽蛋配脆薯堡：第一次接觸pancake漢堡是東京麥記，鹹甜交雜的漢堡，少有香港有食店會製作呢，雖然不是人人喜歡，但本人不抗拒，間中吃不錯，可惜，pancake堡偏油，只可以用刀叉吃。薯寶味道與質感一般，吃了一件便放棄了。🥤橙啡：感覺清新，橙汁與咖啡比例剛好，不會太甜。🥤凍朱古力咖啡： 啡底算平衡口感，不酸不苦，整體不會過甜。整體而言，小店地點不算方便，食物定價有點偏高，不過，假日想吃到日本麥記味道，可以試一次。

黎屯門必定一來這間咖啡店☕️因為這裡有「Mc griddle」的香港板～位置也就近輕鐵站，十分方便呢我和朋友點了以下食品/1） 神還原豬柳強配脆薯寶 $88 超好吃的 份量就細了一點 糖漿配埋塊豬柳 真的出奇的夾 蛋應該是7-8 成熟 也真的有日本的那個味道呢2） 巴斯克蛋糕 $68 開心果味的 很特別 不會太甜 或太苦 軟心的效果然後再點了兩杯飲品 分別是Iced Matcha Latte and 梳打水一個非常relax的下午就這樣過了。

難得今日星期二閒日放假，落雨都特登揸車同朋友入屯門試試呢間新墟咖啡。餐廳位於村屋，周圍唔見有泊車咪錶位，好彩當日落大雨，冇人出嚟抄牌👮🏽‍♀️我哋喺餐廳坐低，見到好多人都係揸車入嚟買外賣。檸檬蟹肉蟹膏意大利粉有驚喜✨($118)因呢間舖頭好似招牌菜係豬柳強班戟😂❓餐廳提供嘅蟹肉好食到，令我同友人一度懷疑唔係罐頭蟹肉（最後冇向職員Fact check）檸檬配蟹肉呢一個組合不嬲都好穩陣，蟹肉份量適中，可惜明顯蟹膏欠缺，令意粉欠缺蟹油香，值得讚嘅係意大利粉食落煙靭有彈性，如果檸檬香再出啲會更好。Groot BB (All Day Breakfast) ($103)味道方面，炒蛋、芝士焗杏鮑菇、小蕃茄正常發揮，但份量略少，2片三文魚需另加$15。牛油果沾到黑醋汁，外表睇落令我哋覺得個牛油果太老太熟，餐牌標榜酸種麵包，但其實黑麥味重啲，食得出冇乜酸種，似Outback steakhouse麵包，加咗芝士同香草點綴一下，令口感冇咁乾身。其實仲叫咗杯熱latte，拉花幾靚嘅，但又係重奶，冇乜咖啡香，又等咗好耐先嚟到，太肚餓所以冇影到🥹總括而言，呢間都係行打卡cafe路線，全部野食嘢飲，真係試一次就夠😋

一直心心念念嘅日本麥當勞早餐，熱香餅豬柳強，喺香港終於有得食啦🥹今次就叫咗個神還原芝士豬柳強配薯寶💰88一開始仲諗住細細份，兩個人share會唔夠飽，點知食咗半個其實都幾full。🥹因為唔係好鐘意食流心蛋，本身諗過走蛋，不過好彩最尾冇走到，因為佢流心蛋真係做得好好食。雖然味道唔係完全日本麥當勞個隻味，不過整體熱香餅鬆軟，豬柳煎得juicy，食落都唔會話好乾口，好濕潤🤤不過唯一缺點就係價錢有少少貴，但係小店經營都值得支持嘅🥹

份量極細，價錢極貴一份炸雞漢堡加杯咖啡要價120蚊，個包細過份咖啡杯，個碟又好細。十分難切！環境打卡不俗 味道就不過不失睇返啲其他食評，實在不能盡信😂附近都有啲好過佢，性價比高過佢既cafe

放假想同朋友仔搵個地方坐下傾下計碌下openrice發現原來屯門有呢間cafe佢係寵物friendly既餐廳黎嫁咁梗係即刻同朋友仔同去喇一去到見到坐滿曬人我地都等左差唔多20分鐘先入座入面好多顧客帶住佢地寵物一齊過黎D寵物好乖 坐定定🩷🩷講返食物先今次我同朋友仔一共嗌左兩樣野-炸雞漢堡跟薯條個包絕對唔係一口size入面件炸雞大大舊我想一啖咬曬都唔得😂最後要切開黎食炸雞好juicy 唔乾身個包烘到外脆內軟配埋生菜蕃茄同沙律汁食真係無得頂👍🏻薯條就炸得好香口唔使點茄汁已經好好味-豪華版全日早餐舊牛扒煎得岩岩好無血水 又唔會韌好香黑椒同香草味仲有芝士大啡茹勁juicy 配埋芝士真係食到lamlam脷窩夫感覺唔似現成買返黎加熱好鬆化 呢個餐份量真係好豐富-菠蘿柚子梳打 飲品就正正常常 但勝在佢係原支俾你自己斟最後我同朋友食完野坐多陣 仲同d寵物玩左陣成個feel好relax😊

芝士豬柳蛋pancake，我地叫左set配菠蘿梳打$108。一見到就覺得比想像中細份怕唔夠飽😂😂個pancake就比較甜，而且個煎蛋同埋豬柳就正常發揮👍🏼個薯寶就好脆，食唔停口😂😂整體嚟講係好食，可以解一解相思之苦😂Sun Hui All Day $98+ 小朋友鴛鴦（好立克+阿華田）$38, 個黑糖包搽上忌廉芝士好夾👍🏼而其他既野食都係比較普通。而杯鴛鴦就阿華田味比較重，下次會想試其他嘢飲

屯門食港版 #McGriddle🇯🇵(=♡ ᆺ ♡=) 🇯🇵整體味道真係還原左好似McDonDon咁！有豬柳、煎蛋同芝士，pancake漢堡口感鬆軟、仲揸左蜜糖，變成升級版豬柳強仲有香辣炸雞牛油果pancake漢堡，炸雞香脆惹味，同牛扒果味道好夾好 · 好 · 味，份量大d更好，食完唔夠喉*升級套餐仲有懷舊薯寶 同荔枝椰果梳打因為落咗輕鐵仲要行上少少斜，所以多咗分與世隔絕嘅清幽感可以好chill hea一hea

🍽️神還原芝士豬柳強配脆薯寶平時食McDonald必定會叫豬柳漢堡包食，今次見到呢個神還原芝士豬柳強就更係要叫啦！不過見到食物時嘩咗一聲，點解咁細碟嘅😂係用pancake整嘅，但因為pancake用咗甜嘅蜜糖，加埋豬柳，所以變咗又鹹又甜咁，未必個個都中意！薯寶就一般般，冇乜特別。🍽️黑松露菇菇SS意粉食落都creamy嘅，不過黑松露偏淡，意粉煮得軟硬度適中，d菇都唔算話好多。☕️Orange橙啡下面係橙汁，上面係咖啡！漸變效果都幾得意，橙汁嘅甜味令到咖啡冇咁苦澀，唔鍾意飲太濃咖啡嘅人就啱晒！

在紅假期的悠閒早晨，新墟咖啡的全日早餐為一天的開始設定了美好的基調。紐倫堡腸的香氣撲鼻，煎得恰到好處，帶出了肉質的豐富口感。蛋沙律的新鮮度突出，蛋白軟嫩，與沙律菜的爽脆搭配，淋上的黑醋進一步提升了整體的清爽感。大姑扒肉質鮮美，搭配芝士的經典組合，維持了食材的原始風味。粟米的新鮮口感證明了其非罐頭食品的質素，原粒的甜美在口中散發。最後，窩夫配蜜糖的甜蜜尾聲，讓人懷念那份簡單卻純粹的滋味。這樣的早餐，不僅滿足了味蕾，更給予了一天美好的開始。再加上一杯香濃的Caramellatte，其甜美和咖啡的苦香完美融合，無疑是早晨的點睛之筆。

住左屯門五年，第一次嚟依度，叫咗兩個餐，一個係意粉，一個係豬柳漢堡班戟，兩個餐份量極少，嗌咗個蟹肉意粉，勁少蟹肉， 收我百幾蚊感覺唔抵食至於那個豬柳pancake，係迷你型，唔會食得飽，咖啡又不是太好飲，只係適合打卡only又唔明點解食到一半嘅時候會開口問客人可唔可以轉位？

之前在日本麥當勞吃過的熱香餅豬柳蛋漢堡套餐，在這間Cafe出品了類似的Menu，既然在屯門咁近我，不妨一試～餐廳在星期六日人流很多呢，下午兩點左右去到要等一陣位，大約10分鐘左右就可以入座。Menu上可以選擇的菜式不多，主要都是all day Breakfast和意粉之類。直接點個神還原芝士豬柳強($88)再加$20要了杯荔枝梳打特飲～見到個實物size是會有點失望的，除了因為個包偏細，還有個餐過$100還要加一服務費😂Pancake偏甜，因為加了很多蜜糖。豬柳和蛋是正常發揮，是比麥記Juicy一點。炸薯寶幾脆口，但份量比較小（10粒以內）🥲女生也不夠飽。荔枝梳打特飲比較有驚喜，不算很甜，荔枝味偏重。性價比來說，雖然味道還不錯，但當然遠遠不及日本麥記才400多yen啦😂

日本嘅豬柳蛋McGriddle ，基本去日本必食。網上大推新墟咖啡都有，放假去到訪下。係佢新開冇啱，已經有同朋友黎過，食過甜品croffle，都幾好食。 假日黎到已經有條人龍，等侯嘅位置比較尷尬，會喺民居嘅門口，會有唔小車出入，等左大約九個字先有位。見到好多人都有叫豬柳蛋pancake，但睇落好細份，所以決定食其他。🍟蜜糖芥末煙肉粗薯條 $58 現炸薯條，食落都香薯仔味都出，配上香脆嘅煙肉，幾好食。🍄黑松露蘑菇意粉 $88食落都creamy ，不過不失。

琴日啱啱睇完電視見到佢一個人都食得咁滋味一個人食到三碗飯更加確定我今日一定要自己去呢度Book mark咗好耐自己唔特登去都唔知幾時先去到，好彩搭車都唔太轉折，其實喺觀塘一程車就到㗎啦，去程重儍吓傻吓轉咗程巴士 🫣咁都幾方便，係程巴士貴啲啫 來回差唔多$40已經鎖定目標要食乜嘢，所以毫無懸念底下就嗌啦！其實一路都有啲擔心去到會唔會賣晒因為今日係星期日，又驚要排好長龍，好彩全部都唔需要擔心，可能夠早啦，我去到11點都未夠嘢飲我見佢有秘製奶茶諗住試吓，點知原來冇咁就唯有點咗杯橙咖啡 豬柳pancake配炸薯寶（炸薯寶好耐冇食過啦，亦都係另一賣點吸引到嚟嘅原因，當然最主要就係佢個pancake豬柳強，見人哋去親日本麥當勞度都post出嚟，有睇過有啲comment話其實呢度貴過日本食三倍，不過冇辦法啦下下飛日本咩？）其實呢個豬柳蛋漢堡組合，平時食麥當勞早餐都已經係我嘅首選，而家將塊鬆餅換咗pancake，鹹鹹甜甜咁真係好好味！Pancake並唔係平時普通食灰啡色薄薄一塊或者香港麥記食嗰啲。坦白講，其實我覺得要整真係唔係好難，佢塊pancake應該都唔會係自家製，只係佢夠膽mix and mat