星巴克咖啡 (Closed)

13-11-2021(Sat)同老公食完晏,行到去油麻地電影中心諗住買飛睇戲,但都係唔啱睇,於是搵地方行,老公搵到海港城同文化中心有啲show睇,於是行去.去到文化中心,我都有啲口渴喇,呢喥只有Starbucks,係繼上年有同事離職,送咗一張有$50.00O既Starbucks card我,焗住喺荃灣用咗49.00後,今次係第二次焗住幫趁,用埋嗰$1.00.去到收銀位,收銀即sell$67.00嘅下午茶餐,其實我唔想食,不過見到有咩聖誕伯爵茶雪芳蛋糕,咁就要啦,由於我要中杯庄嘅抹茶忌廉星冰樂,所以加$4.00.冇耐,嘢食有齊,睇見件聖誕伯爵茶雪芳蛋糕外表好粗糙,食落口感好鬆軟,但味道係偏淡,更加係唔甜.抹茶忌廉星冰樂呢?OK正常冇問題,都襟飲嘅.抵食係2.7分

等朋友 諗住去買杯嘢飲見到星期二限定 冰搖蜜桃啫喱蜂茶抹茶忌廉星冰樂雲呢拿杏仁奶咖啡中杯 $20好抵飲呢飲咗蜜桃茶 小冰 飲落好清涼 好多一粒粒 爽爽的桃?啫喱?好有咬口 好解渴

【 輕食之選 】前排疫情最緩和的時候，尖沙咀太空館重開，我地帶左哥哥和弟弟一齊去玩，玩之前諗住去太空館附近的餐廳食飯，點知因為文化中心內的節目活動無開，所以全部餐廳都唔開，無奈之下我地揀左唯一的選擇，係文化中心演藝大樓地下的星巴克咖啡 Starbucks Coffee，人唔多，枱與枱之間會有膠板分隔開。我地2個大人加一個小朋友點了一份香酥肉卷，一份火腿芝士軟包三文治，一盒日式照燒雞肉蕎麥麵沙律和一杯碎冰朱古力星冰樂。香酥肉卷會幫我地加熱，所以食落表面有小小脆，入面暖暖的，幾好味。火腿芝士軟包三文治就不過不失，普普通通。日式照燒雞肉蕎麥麵沙律入面有蕎麥麵，雞扒，番茄仔，溏心蛋，秋葵，沙律菜，仲有一小盒芝麻醬。蕎麥麵太乾身，要點好多芝麻醬先食到。溏心蛋唔錯，一咬開蛋汁會流晒出黎。仔仔就好鍾意食個雞扒，幾林，都幾大塊。碎冰朱古力星冰樂好好飲，會有好多碎朱古力粒粒係入面。

Starbucks 真係冇野可以取替，佢係我心目中既地位簡直係排第一👍🏻每日都要飲咖啡既我，最少都要飲兩杯，有時唔想咁悶，第一時間一定會諗Starbucks，淨係星冰樂都有最少5款！仲未計埋其他咖啡款式，真係日日唔同款都仲得呀😂😂最鍾意既就係佢仲可以比你選擇用脫脂牛奶，又唔使另外加錢收費，完全唔使怕肥👍🏻最岩我地呢啲又要飲，但係又怕肥既人😓所以而家Starbucks 都已經成為我生活既一部了份😎

-大家知道復活節星巴克有限定飲品嗎？最近Instagram看見很多人在喝🤤🤤原來要特意問職員，餐牌上是沒有的～這麼神秘，就來試試它的味道吧🤓🤓♥《The Green Drink》星巴克沒有提及材料～只有綠色、黃色和粉紅色選擇🤨綠色看起來比較健康和保險，原來是抹茶！由於我很喜歡喝星巴克的Green Tea Latte😋所以可以比較一下～The Green Drink比較淡，價錢就便宜一點，記憶中大概是約$30多 Tall Size😇最後我也上網查閱了，材料有Black Tea, Matcha & Coconut Milk～本人偏好濃醇一點的，不過下次推出大家也不妨試試，也許少冰會好一點😘

今日去文化中心睇表現，見未到時間，所以到文化中心間 Starbucks 坐吓 hea 吓，輕輕鬆鬆過日神。我點了 cappuccino, 最大 size, 慢慢飲，慢慢坐，非常自在。杯身好高，份量夠，不過因為 Cappuccino 的面是泡泡，初初幾啖就好似飲熱 beer 甘。我平時多數叫 Mocha, 所以唔係好習慣。不過，整體咖啡夠濃，夠熱，非常 ok.杯 Cappuccino 要 $46 , 我有 coupon, 所以其實俾 $21, 好抵，好開心。

Starbucks 經常會推出新口味飲品，今次我係佢facebook就見到又有兩杯新咖啡，其中一杯個賣相好吸引，再加上個名又特別，叫”凍蝶豆花檸檬咖啡”落單時，職員話新口味推廣期，會員可以免費size upgrade，所以我買細杯裝就可以免費升上中杯，杯咖啡會見到有三層，底層就係蝶豆花，中間係lemonade，而最表面個層就係咖啡，不過實際沖左出來就無張相咁明顯見到三層，飲左一啖，味道就有淡淡檸檬清香，少少酸酸地，只係覺得似飲檸檬茶，由於係凍飲，如果夏天飲就幾醒晨開胃，唯一的缺點係無乜咖啡味

今日要出席朋友既婚禮，所以星期日都要返黎尖沙咀。可能因為太緊張自己會遲到，最後足足早咗一個鐘黎到文化中心。因為附近真係得返Starbucks （其他餐廳地方既圍晒版），唯有去Starbucks消磨時光 😅咖喱牛肉酥-溫度微暖，咖喱有陣香草味道，一點都不辣，所以怕辣都食得芝心腸香草烤卷-佢會配上一包茄汁，條長腸仔都真係好勁芝士味，重口味既我點晒啲茄汁😝豆奶日式焙茶-香濃既焙茶香味，因為我牛奶敏感，只能揀豆奶🤦‍♀️呢個係豆奶抺茶外我另一個最愛❤️焦糖拉鐵-甜度偏重，連重口味既我都有啲接受唔到😬Starbucks 既食物其實大致都唔會中伏，缺點係貴同細份咗啲姐🤦‍♀️呢間Starbucks 最近裝修過，光猛咗同多咗啲梳化位👍

平時去starbucks都系飲下咖啡食下甜品，今次就試下佢既沙律。燒雞扒沙律雖然d沙律用個外賣盒裝好晒，但望落都幾吸引，味道都幾吾錯。入面有雞扒，溏心蛋，秋葵，車喱茄，沙律菜，醬汁系芝麻醬。個溏心蛋好正，一咬開蛋汁流晒出黎。雞扒味道都ok，不過因為雪過既關係，上面既燒汁已經凝固左，口感吾太討好。但系好鍾意下面既沙律菜，有幾款，仲要吾系平時食開既火箭菜嗰d，所以都幾特別。雖然系五十幾蚊，份量吾算多，但佢用既材料加埋個溏心蛋都系值既。

今日放假好得閑.....不過心情有啲悶悶地....自己走咗去尖沙咀海旁到行吓....睇吓風景....不過天氣實在太熱啦...就走左去香港文化中心度參觀一下...然後去咗附近呢間咖啡店...坐低落嚟...飲杯凍飲食件cake....呢度環境尚算唔錯....俾你有種好休閑嘅感覺...而且你坐幾耐都唔係問題....靜靜地...冇人會趕你走最近我心情麻麻地....都冇大細隻妙出街...今日唯有自己靜靜地喺呢度沉思一下見到佢櫥窗嘅食物...真係樣樣都想食我叫咗你一杯冰凍綠茶忌廉....不過味道就甜咗啲呢個焦糖芝士蛋糕....係我每次你都必食嘅佢唔單止大件而且味道好鬆軟今日我自己喺呢一間咖啡室...都坐咗個半鐘...感覺都幾悠閑自息

今晚我們去咗尖沙咀香港文化中心睇演唱會，因為我們差唔多6點幾已到，8點鐘先開場，仲未夠鐘入場，所以喺等入場前我們去咗「Starbucks Coffee」飲咖啡！我們叫咗榛子牛奶咖啡由於榛子本身已經有甜味，所以唔需要加糖都好香甜，咖啡嘅味道唔算好濃郁，亦唔係好苦澀，但每啖都有淡淡嘅榛子香味！而另外一款就當然係們嘅至愛嘅抹茶鮮奶，抹茶嘅味道相當清香，奶味非常香濃，成份比例恰到好處，而且味道唔會過甜，真係好好味呀！

收到Starbucks message買新款飲品有免費升級活動，喺公司食完食盒後就出動😊呢杯冰瑤椰子水特濃咖啡賣相好靚，漸變色咁仲要上面加片檸檬乾🍸。攪勻左之後特濃咖啡、椰子水同底層既糖漿混合埋一齊，好獨特既口味。同行既同事對呢杯嘢就話試過一次就可以啦😅而我本身係幾鍾意飲椰子水，所以我係好喜歡既💕佢個味道仲令我諗返起以前細細個食過嘅咖啡味嘅椰子糖😊同場加映，靚靚嘅Starbucks杯🌸🌺🌷🍄

在文化中心 starbucks呆坐當然要幫趁買入一24元肉卷樣子本好好看一切開其豬味實在太蘇很反胃口反了意指反面竟如此黑不是不失望以前老叫人約人去的熱點現在只因無法不入去要坐一會文化中心最佳多數飛躍有藝術家在此進食音樂悠揚輕盈地星巴擺放的油畫也真不錯品味高雅只是除了咖啡色香皮都好那餡豬肉就不消提but必須認同不太忙時文化中心這裡的服務總是非常好的，似美國

Starbucks 呢半個月推出特別會員優惠，升格成為金星級會員容易咗好多好多😂當然要捉班同事Lunch飲返杯啦☀️今日叫咗杯美式咖啡americano，咖啡味好濃，冰既數量適中，呢款係無落糖既所以自己再另外加啲糖水等佢無咁苦。可能因為呢半個月升級活動，都好多人買嘢飲，不過啲職員都仲係好Nice👍

Starbucks每季都會推出特別口味 而且慣性有「推廣價」 比普通咖啡貴幾蚊.... 而綠星和金星會員就會喺推出嘅頭一個星期享有免費upgrade優惠——其實只不過埋grande/venti平$3...小妹一向喜歡mocha和hazelnut latte... 見到全新chocoloate hazelnut macchiato 當然要試macchiato係一種無咩奶嘅咖啡 starbucks呢杯 明顯飲得出咖啡味濃過caffe latte 可是朱古力味太淡 幾乎嚐不出跟hazelnut macchiato的分別