SOYmart by 豆乳狂人

Open Now

Now Closed

記得沙田食過一次豆乳狂人，已經好想再食，可惜沙田實在少去，所以遲遲未有再訪。最近得知豆乳狂人喺荃灣西海之戀有分店，就去咗買外賣！沙田店係街坊小店，只係做外賣，當年食價錢非常親民。荃灣西店始終喺商場內，店舖大好多，又可以堂食，所以價錢比當年食貴咗唔少。雖然如此，當日去仍然人氣十足，我6pm後到要排隊約10min先買到！荃灣店環境型格，仲有可愛logo公仔，感覺慢活寫意！7.6 特濃豆乳($24)採用非基因改造黃豆，每日新鮮現磨，味道依舊高質！豆乳無加糖，只係飲黃豆原味，我自己好鍾意，老公則嫌太淡，小店另外都有糖漿可以自行添加，適合不用人士口味。超強芝士醬木棉豆腐($38)返到屋企先發現小店應該俾漏咗芝士醬我，因為完全冇芝士元素。不過豆腐係好食嘅，炸得薄脆，內裡軟滑富豆香，係唔錯嘅小食。和風白玉($45)豆乳狂人嘅糖水認真足料好味！芋圓做得好好，芋頭味道突出，口感軟糯彈牙！白玉一樣Q彈，煙煙靱靱，口感十足！糖水base係豆腐花，豆香濃郁，口感軟滑，又係出色！不過就未見有布丁，可能又係漏咗，有D可惜！值得一讚嘅係外賣碗質素超好，用料厚實，唔怕倒瀉，我直情留起重用呢。呢個細節位真係要大大加分！

最近在路邊看到風玲木盛開，想起南昌公園有一大片的黃色風玲木，亦順便在荃灣吃下午茶！位置：在荃灣西D出口到海之戀商場，直上二樓轉左手邊就到了。環境：面積相當大，以莫蘭迪綠色調為裝潢風格，配合清新白色與淺木色桌椅，感覺有點飲宜家傢俬店。在門口位置設AhSoy 故事打卡位，亦有玻璃窗觀賞豆漿製作過程，讓客人可以了解到豆製品的知識。服務：自行下單和選座位，享用後亦需自行清潔🧹，收拾殘局。下午茶：7.6特濃豆乳 $24豆味是極濃，甚至有少少的豆青草味，比平時的豆漿更濃和質感更厚，而且是無糖的，很健康。和風白玉 $45白玉是指三粒大丸子，配上軟綿紅豆、三色芋圓（原味芋圓、地瓜圓、紫薯圓）和豆乳布丁，丸子和芋圓的質感一樣煙韌彈牙，布丁滑溜，整體甜味是靠紅豆，如果只吃芋圓或布丁，是感受不到甜，所以這款甜品真是很健康！狂人粢飯🍙$32外層是十六穀米，口感跟糯米一樣軟韌，內餡有油炸鬼、榨菜和肉鬆，味道鹹香，飽肚感十足！Gold純度鹹蛋黃炸脆雞🍗 $38新鮮出爐，連個盒都熱辣辣，一打開就聞到很香的鹹蛋黃，這個單骨炸雞裹的外層鹹蛋黃很厚，對醬料不吝嗇👍🏻，雞肉很嫩滑，是我吃過最棒的鹹蛋黃雞翼，一試就愛上，必吃

SoyMart brings a modern take on the classic tofu-fa shops. Tofu-fa and other soybean products can be found throughout the city. But they are usually not too fancy and very cheap in price. But here, they have modernized it. Making it hip and young. Adding items beyond the simple brown sugar crystals. And thus, the price also increases.This SoyMart is also found inside a mall. In the comforts of air conditioning.They have an open kitchen area here you see them processing the beans.Menu is in Chine

疫情期間好少出街一出去就會買好多野返屋企儲糧呢日行完donki經過soymart就打完買個外賣lunch返屋企食疫情之前食過一次佢嘅豆乳+芋圓 一直念念不忘 想搵機會去再食今日決定再買 揀另一個口味另外再加個粢飯同小食 咁就實夠飽狂人粢飯$32 份量係超乎我想像既大保鮮紙外面仲有一層包裝 確保唔會倒瀉或滲油肉鬆、炸菜、油條 呢個組合永遠都咁好食粢飯仲用左十幾款穀物整成但soymart既餸仲要多過粢飯既量攞到返屋企仲係暖笠笠食落去啖啖都有餸 好正！👍和風七味炸雞翼$32雖然呢到專做豆乳產品但不得不讚 小食同樣好食雞翼炸得外皮好香脆入面既雞肉仲係好嫩滑加上七味粉 香氣提升和風白玉三色芋圓$45有齊豆乳、布丁、白玉、紅豆、芋圓豆乳依然係咁香濃幼滑滿滿既紅豆香芋圓煙韌有咬口一次過滿足晒我十個願望希望疫情快啲完 可以再出街食飯而家真係食少左好多野呢😮‍💨

豆乳狂人主打一系列手工豆乳，有飲品有甜品仲有小食，選擇多到眼花撩亂！樽瓶既包裝亦都十分特別，豆乳控千祈唔好錯過！《奶蓋芋泥小丸子》（$42）材料勁豐富，有奶蓋、芋泥、西米、布丁、7.6豆乳及小丸子，入口濃濃既豆乳味蜂擁而至，質感濃稠，奶蓋咸咸地但食唔出芝士味，可能豆乳味太濃郁cover左。芋泥綿滑又唔會太甜，亦有粒粒芋頭，超好味！小丸子增添咬口，不過偏黏口，唔太煙韌。豆乳布丁似豆腐花，豆味香濃，西米反而食唔到有🤔不過整體我都係十分推介！下次要試純豆乳系列！

疫情嚴重冇堂食，食外賣梗係要揀健康有益㗎啦，增強抵抗力吖嘛。呢間舖嘅豆乳製品就啱晒我心意，好味又有益，仲有粢飯可以做主食。牛油果鰻魚玉子粢飯$55粢飯好足料，配料特別，除咗有傳統嘅油炸鬼、肉鬆，仲有肥美嘅日式燒鰻魚同埋牛油果，加上玉子同埋青瓜絲，成個配搭清新得嚟又香，口感豐富，飯嘅份量恰到好處，厚薄啱啱好，捲着餡料一齊食煙韌好味。一個粢飯其實都足夠兩個女仔share食。黑糖珍珠豆花$32呢度嘅豆腐花冇得彈，黃豆味香，夠曬滑。呢個豆腐花我揀咗熱食，黑糖珍珠煙煙韌韌，黑糖味香，甜度撈埋豆腐花一齊食剛剛好。一筒豆腐花分量其實都夠同人share食。鮮芋泥豆乳$32呢度嘅豆漿同平時飲開嘅豆漿好唔同，豆味香濃，而且質地好比較杰身。芋泥仔正，識到真係用新鮮芋頭壓成，有少少芋頭嘅小顆粒仲喺度，估唔到豆漿配芋泥味道又幾夾喎。黑白芝麻豆乳$32芝麻豆乳超級香濃，呢個更加杰身，直情有啲似加左豆漿味嘅芝麻糊，佢甜度係淡嘅，絕對低糖，一飲落去就覺得真材實料，天然健康。

⠀

經過海之戀商場，見到一條長長嘅人龍，小🐷心諗究竟邊間食店咁多人排隊🧐原來係豆乳狂人😛為左同大家試試值唔值得排咁耐，就膽粗粗衝左去排隊啦😗最後等左25分鐘😪買左黑白芝麻豆乳($3x)同狂人粢飯($3x), 粢飯都幾大條好足料😧油炸鬼仲係脆架😙一條都夠哂飽😂 黑白芝麻豆乳就有D失望，豆乳係好濃郁好重豆味，可惜同黑白芝麻唔match，食有D”確”喉，黑白芝麻沾住喉嚨咁😓甜度2/5，鐘意甜既朋友可能覺得唔夠😅Overall黎講，豆乳係濃濃的，其他款式可能更出色，不過今次等得太耐😅少人排隊可以試試

🥛人氣豆品店 - 豆乳狂人🥛愛吃豆品嘅人士要試試! 主打一系列手工豆乳, 口味超多的, 體驗優質豆製品嘅風味~招牌 7.6特濃豆乳採用非基因改造黃豆, 每日新鮮製造, 豆味香濃! 仲有豆腐花、罐裝豆乳茶、粢飯等等供選擇《黑白芝麻豆乳》罐裝豆乳茶方便飲用! 豆乳味好香, 同黑芝麻味互相平衡, 味道自然唔會太甜, 口感順滑, 好似飲緊芝麻糊咁🖤! 《狂人粢飯》即叫即做, 拎上手分量十足, 絕對夠飽肚! 裏面包住滿滿嘅肉鬆、油炸鬼、榨菜, 傳統風味十足! 咬落煙韌, 油條口感脆脆的, 味道鹹鹹甜甜, 口感相當豐富!《豆豆仙草》餡料超多的! 有仙草、紅豆、豆花、芋圓。紅豆香甜, 芋圓口感煙韌彈牙, 配上香滑又充滿豆香嘅豆花, 好味😋!

啊啊啊巧興奮終於試到了！係專賣豆乳嘅手搖店！呢幾日朝思暮想就係想試佢嘅7.6豆乳有幾濃🤤黑芝麻奶蓋 $42豆乳布丁+ 珍珠 + 7.6豆乳 + 黃豆粉 + 芝麻奶蓋啜啖芝麻奶蓋先！嗚嗚，係厚身加甜版嘅芝麻糊咁🥺 ok我個心已被俘虜了；隊落啲啜啖豆乳！嗚嗚，估唔到豆乳都可以做到如此濃厚同淫賤🥺 再加埋好似豆腐花咁嘅豆乳布丁，滑捋捋，曳曳豬；珍珠都煙韌，唔錯雖然冇得調校甜度但係啱啱好，大約係半糖～ 成杯嘢真係好幸福🥰豆乳烏龍茶布丁珍珠 $32呢杯都唔錯der！烏龍茶有淡淡清香，但仍然係濃豆乳做主角，豆味比茶味重，質感依然濃厚～ 甜度會高少少，但配埋珍珠一齊飲都唔會過甜，好好飲！！呢間舖頭除咗飲品仲有豆腐花、芋圓、桃膠、芒果小丸子等嘅甜品，同埋豆乳/抹茶雪糕；仲有啲位比大家坐低慢慢嘆，同身邊嗰個食下豆腐 (唔好亂食人豆腐喔⚠️)，dap真啲啲豆香～ 嗚嗚我一定要嚟多啲，想試哂佢每個item ( ´▽` )ﾉ

之前飲過沙田豆乳狂人既豆乳 一直都想encore🤤 估唔到宜家仲開左幾間分店 今次試呢間荃灣西店環境闊落得多 仲有位置堂食~ 餐牌選擇亦豐富左 有多款豆乳 甜品 豆品小食等等 搞到選擇困難症發作😵‍💫🧈和風七味脆皮木棉豆腐 $32豆腐炸到金黃香脆 豆腐嫩滑有豆香 加埋七味粉調味成個感覺好豐富😛🍧和風白玉 $45份量十足既甜品 面頭舖滿飽滿大大粒既紅豆白玉 三色芋圓夠彈牙 最正係底下既豆花布丁 超滑充滿豆香! 甜度亦岩岩好😍🍼黑白芝麻豆乳 $33質感厚滑 豆香尚算濃郁 夾埋芝麻香氣 味道自然唔會太甜😇🍙狂人粢飯 $32飯粒煙煙韌韌甜甜地 裏面係酥脆既油炸鬼同香口既榨菜肉鬆 味道鹹鹹甜甜幾飽肚 但略嫌少dry

近排香港疫情嚴峻，個個人心惶惶。除咗購買抗疫物資之外，食多啲有益嘅嘢食，養好身體，增強免疫力都好重要。豆類製品係一個唔錯嘅選擇。今日我去完超級市場買完野，嚟到人氣豆品店豆乳狂人買外賣晚餐。狂人粢飯原來除咗豆漿同埋甜品之外呢度仲有小食同埋粢飯買，產品介紹狂人粢飯重250克，拎上手果然分量十足，絕對飽肚。切開粢飯，裏面材料滿滿，好吸引，有油炸鬼，肉鬆，榨菜，傳統風味十足。好耐冇食過粢飯，急不及待一口咬下，口感豐富，油炸鬼還是脆脆的，糯米暖和軟糯，加上香口榨菜和肉鬆， 十分好吃。十勝紅豆豆乳食粢飯又點可以冇豆漿呢？我係紅豆控，見到呢個豆乳就心心眼，紅豆嘅份量佔咗四份一，正。豆乳豆味香濃， 十分濃稠，真材實料，感覺營養滿分。紅豆粉粉的，大大粒，很好吃。海苔肉鬆脆皮絹豆腐賣相十分吸睛，厚厚的肉鬆海苔鋪滿豆腐磚上面。豆腐返到屋企還是熱辣辣的。豆腐炸得金黃香脆，一點也不油膩，脆皮香脆，入邊豆腐超嫩滑，豆味香濃，加上人見人愛嘅肉鬆同埋海苔，冇人能夠抗拒到佢嘅誘惑。和風白玉甜品時候，疫情期間要苦中一點甜。食呢個豆腐花，果然冇令人失望。豆腐花超滑溜，每口都是豆香味，加上椰汁，我最鍾意嘅紅豆，甜度適中。配料

這一間SOYmart by 豆乳狂人位於荃灣海之戀商場，店鋪採用開放式設計，光線充足明亮，採光度高，座位旁邊有植物點綴點綴......豆乳狂人喺荃灣西嘅分店幾舒服...人少少.....地方開揚落完單................等叫號.................和風七味脆皮木棉豆腐......即叫即整.........豆腐質感綿滑.......豆腐皮薄薄炸得香脆........材料有豆乳.....布丁......白玉......紅豆及芋圓.......豆乳味道清甜!!!白玉口感煙韌......!豆味好香好濃.............狂人粢飯 .....原來𕚃面係勁足料......入面包住滿滿嘅肉鬆.......香濃咸香炸菜及油炸鬼.......

荃灣西既海之戀商場裏面經過見到一間豆製品嘅舖頭，喺出面見到一條條柱好特別，所以走去望吓，原來佢係豆漿生產機😍好型， 見到佢啲黃豆一粒一粒咁流動，依家好多都係機器製作豆漿，呢個技術整出嚟嘅豆乳，可以話係將黃豆嘅所有精華完全萃取，比一般嘅豆漿味道同質感更濃郁，出面都有個透明玻璃可以見到晒入邊嘅生產工具同運作，製作嘅環境都幾衛生佢呢度全部都係採用黃豆製嘅嘢飲同甜品，今次叫咗個7.6特濃豆乳，佢嘅豆乳系列有好多唔同類別，其中桃膠豆乳比較受女士歡迎，喺我買嘅途中有三個女仔都係揀咗呢款，因為所有嘅豆漿都係凍嘅，但都可以叫佢地幫你整暖佢，大概3至4分鐘就OK，飲落去嘅時候好濃郁，好重豆味仲要有啲杰，但係佢係一啲甜味都冇，不過你可以問職員攞糖水包，自己調製你鍾意嘅甜度，我覺得呢一個做法幾好，因為有啲人真係唔鍾意飲太甜或者可能甚至係走甜，職員少左一叢工序之外仲要方便好多，唔錯👍🏻👍🏻下次試埋其他同甜品先😆😆

芋圓豆腐花好食！咁啱去到買完等咗咁上下，因為太多人等，芋圓應該賣哂，所以到我嘅時候係啱啱新鮮煮好，所以我拎到返屋企食嘅時候，個芋圓仲好好食😛豆乳就買咗原味同黑芝麻，聽到店員會問其他客人要唔要糖漿，但我以為因為我呢兩隻味唔使加糖漿所以冇問我🥲我又冇問佢🥲返到去飲發現我原來真係需要甜味😮‍💨同埋覺得飲落去唔順滑有少少結踢踢咁🤔可能我唔識欣賞呢類型產品🥲我都係飲返平平地普通豆漿就可以了😮‍💨