SOYmart by 豆乳狂人

Open Now

Now Closed

行過幾次哩間新開幾個月，見越來越多人買的豆乳店，今日又突然睇到原來佢成部豆乳機都系鋪頭後面，更吸引，其實佢地豆乳都好多種咖，花多眼亂，睇來睇去，終於買了一瓶超濃豆乳回家，。店員話如果要熱飲，就用放整瓶在熱水哩就可以，吾好放微波爐或者煲，當然照做。回家要馬上試下，因為最多放得兩日。買哩瓶系特濃，所以好有期望，但最後大失所望，開瓶聞吾到豆味，飲落口感系好滑，不過真系無平時豆漿鋪賣的豆香。以咁價錢，真系吾值。

買左個「三色芋圓豆花」糖水，啲芋圓9成係粉既，冧pat pat，得幾粒係正常煙韌質感，好明顯粉個啲係唔熟啦。。。。。。好失望。。。。。。大佬你又唔係平，三十幾蚊碗連芋圓都唔熟，品質控制麻煩做好少少啦。另外豆腐花ok la，滑既，但唔叫好濃豆味，比百福啲豆腐花好少少啦。其實都幫襯左好幾次，豆漿係幾好飲既，唔會有煲燶左個啲𤓓味同豆腥味。但啲甜品類就quality好唔平均。啲豆漿一試無妨，但唔係好值得經常飲。

之前行過海之戀見到呢間已經好想試🤩，上次多人到排曬長龍，加上食飽飽又飲唔落😢，最後都係冇試到。今次難得平日去，冇人排隊之餘又飲得落，咁緊係要試試佢先啦😚。呢間鋪除左有豆乳類飲品之外，仲有唔同既小食同粢飯😋，今次就試住飲品類先。7.6 豆乳抹茶 $36牛奶抹茶就飲得多🍵，豆乳抹茶就真係第一次試。一飲入口，非常之香既豆味，完全係濃到衝擊我既味蕾😍，真係未飲過一間既豆乳係濃到咁，係真材實料既味道💯。但係抹茶味就唔太飲得到🤨，飲落去冇抹茶味既苦澀，抹茶控可能會有小小失望。但整體黎講，豆味真係非常之突出👍🏻。仙草豆乳 $28平時飲開既仙草都係手搖飲品店既一杯杯，一樽樽咁飲真係第一次見🤯，就咁睇個樽都已經好吸引💕。如果你係豆漿控，個人建議揀番啲唔好太多其他味道既飲品會比較好👍🏻，因為咁先可以試得到豆漿最基本最原汁原味既味道☺️，所以仙草豆乳係其中一個選擇。飲落口果然豆味非常之重而且香濃🤩，好似一舊舊豆腐放入口咁。而仙草質感好滑溜，味道正常。7.6 豆乳焙茶 $36第一啖飲落去，豆味十分之香濃，質感好順滑👅，就好似食緊一舊舊豆腐一樣。而焙茶入口唔會有澀的感覺，雖然豆乳味好濃，但係茶味亦都唔會比豆乳味掩

呢間最初喺沙田開嘅時候已經有幫襯，我最鍾意食佢嘅粢飯，因為好大隻，油炸鬼又脆卜卜。依家喺荃灣同樂富都開咗分店，包裝同裝修亦靚咗好多，當然價錢亦比之前貴咗幾多下。今次繼續食我最愛嘅粢飯同黑芝麻豆乳，可能我外賣再加上擺咗一陣先食，粢飯嘅油炸鬼無咁脆，糯米亦較硬，而粢飯size亦比之前細咗。黑白芝麻豆乳依舊好濃郁，充滿黑芝麻味。另外，叫咗個和風白玉，材料好豐富，又有白玉、芋圓、布丁同紅豆泥，好味，間唔中要吃一點甜。

之前經過呢間豆乳狂人，次次都排長龍，今次見人少少，終於的起心肝去排隊試下！😆嗌咗兩樣嘢：和風白玉芋圓🍡($45) & 狂人秶飯🍚($32)～ 和風白玉芋圓入面有紅豆、白玉、三色芋圓、豆乳、布丁，好足料，食一碗已經好飽！！🤣第一啖食紅豆覺得好～甜～所以即刻撈埋芋圓食！芋圓+白玉都夠煙韌，芋圓好夠味+白玉夠大粒！豆乳+布丁稍微比紅豆嘅甜味蓋過，但食得出好有豆味！☺️狂人秶飯入面嘅係普通粢飯料，但飯唔會包得好厚，油炸鬼都好脆，啲料好夠味！好食！下次再試下其他粢飯～😆

想不到豆乳都可以這麼多選擇, 店內開揚舒適帶溫柔色系, 買外賣的人比較多, 不過大約只需等十分鐘, 服務態度不錯有禮ᴏʀᴇᴏ奶蓋可可豆乳很喜歡汽水罐的設計, 這款是期間限定, 是Oreo+珍珠+可可豆乳+奶蓋, 第一啖豆乳味道很突出, 淡淡的可可味, 配上Oreo餅碎及奶蓋, 配搭得非常好、很有層次, 珍珠有咬口三色芋圓豆花芋頭、番薯及紫薯煙韌Q彈, 配上香濃豆花每啖都很滿足, 豆花軟滑, 份量比想像中多, 甜度適中, 外賣膠盒包裝得很好, 非常用心

< 豆乳狂人 by soymart >呢間豆乳狂人小編經過已經聞到勁濃郁既豆味🥰🥰即使要排隊，都無助小編一試😆————————————- 7.6特濃豆乳 $24 -呢個完全驚艷到！飲落口係好濃郁豆味，同埋質地非常厚身😋😋佢係無糖既，但係可以問店員攞糖漿😝小編就咁飲都已經覺得好正👍🏻有豆香味之餘唔會有豆青味！————————————- 鮮芋泥豆乳 $32 -佢嘅芋泥非常厚身，小編要攞筷子攪拌好耐先攪得郁🤣🤣 不過飲落口芋泥味道略嫌唔夠濃，不過甜度適中🤤————————————- 十勝紅豆豆乳 $32 -呢個比起芋泥好飲，因為食到粒粒紅豆而且紅豆味幾濃郁😆 同樣地都係少甜既！————————————小編既朋友話佢地既豆腐花超級好食😋小編搵次一定要去試！————————————評分：7.5/10地址：荃灣大河道100號海之戀商場2樓2036號舖營業時間：11:00-22:30#豆乳狂人 #soymart #荃灣西 #荃灣西美食 #海之戀 #海之戀美食 #荃灣美食 #荃灣西美食 #荃灣西飲品 #美食博客 #香港美食 #hkfood #hkfoodie #hkfoodshare

見到唔少人介紹呢一間餐廳，你本身都好鍾意飲豆類製品， 所以今日收咗工就特登過嚟試一試， 餐廳都算乾淨企理 等得唔算太耐叫咗一杯抹茶紅豆小丸子，賣相都唔錯， 豆漿都算滑 豆香 培茶味濃，小丸子同珍珠都入味👍🏻👍🏻👍🏻可惜，😾但係員工嘅態度真係有待改善，純粹想詢問下可唔可以添加材料，已經係超唔耐煩😕表示：冇得加野冇得轉。 當收到嘢飲嘅時候，問佢哋攞一個袋，零回覆而且一眼都冇望我， 之後就自己攞袋幫我袋住 ，我感到非常無奈🙄

🔸新派豆乳，可能我自己飲唔慣，我覺得好難飲，老公都話試一次就算😂我老公貪新鮮，買左桃膠豆乳試吓，桃膠有口感，不過就無咩底味，應該要放少少糖水煮下會好啲🤪💢飲落豆味唔香濃，不過就creamy同順滑。甜度偏淡，桃膠有嚼口嘅，全部豆乳都用類似酒樽嘅透明樽裝住，會吸引到你買！👍唯一欣賞佢喺傳統嘅基礎上，加上創新嘅配搭。例如將芋泥、紅豆、黑白芝麻等健康元素加入豆乳中，可惜味道就………….唔掂💢另外佢環境好舒服，打卡一流👍

/chill濃豆乳🤤🥛/豆乳狂人係bookmark左好耐既餐廳但之前因為學得遠一直無試🤣依家佢係荃灣開左梗係要衝！～.🔸焙茶珍珠小丸子 $42•懶豬同男友子都最鐘意依款!!焙茶既烘焙香氣加上豆乳出奇地搭，而且唔會過甜。第一啖飲落去會先係焙茶既香氣，之後係豆香，最後就會有小丸子既糯米香!珍珠煙韌加埋軟糯既小丸子有雙重口感🤤煙韌控覺得高興，推薦推薦🤣🔸黑白芝麻豆乳 $32•佢地既濃豆乳會出名實在唔係無原因，真係 超 級 濃 稠！個杰度好似飲芝麻糊咁～黑白芝麻豆乳既甜度好低，反而係滿滿芝麻香氣充斥住口腔～依個懶豬都幾喜歡👍🏻🔸豆乳茉莉花茶布丁珍珠 $32•依杯本身懶豬好期待，但最後反而小失望🥲依杯既甜度比較高，而且唔太飲到茉莉花味，布丁滑溜順口，但係無咩豆味🙈.到依家為止暫時只係試左三款飲品，下次有機會再試埋佢既咸食同甜品再報告俾大家知🤣

「豆乳狂人」聽過呢個名好多次，一直都好想食不過係沙田河畔果邊諗住等疫情好少少踩單車嘅時候去食。係荃灣行完Donki見到呢度都開左呀🤩 happy happy❣️「豆乳狂人」係豆乳專門店，有粢飯、一些特色嘅豆乳飲品和豆腐花🔸 黑糖珍珠豆花 $32叫左個熱♨️來試試，個盒都好大，而且透明可以睇到好有層次😍 一層珍珠，咬落好Q軟，甜甜地再撈埋中間既無糖豆花同黑糖會好match❗️同平時食開嘅豆腐花完全唔同，這個豆花好香豆味質感又唔會這話攪兩攪就散曬。🔸牛油果鰻魚玉子粢飯 $55即叫即包嘅粢飯，好䁔粒粒☀️ 有張好可愛嘅牛油紙包住個粢飯好充料🤤🤑 有油炸鬼、肉鬆、牛油果🥑、鰻魚、青瓜絲🥒和蛋🥚，咬落去個油炸鬼係脆卜卜又唔油膩，有埋青瓜絲同牛油果🥑好清新咁，牛油果又好新鮮易入口即溶。推薦🌟 同埋好飽肚🤰🏽🔸黑白芝麻豆乳 $32黑白芝麻+豆乳飲落個質感並不稀豆乳有小小搶左芝麻既味，可能我有比較喜歡濃小小，所以如果芝麻再濃多啲啲就Good ar~🔸 鮮芋泥豆乳 $32芋泥佔個樽太約5分2，口感好綿密😋飲落並不甜，芋泥就好香又有咬口！

荃灣開咗豆乳狂人，一經過門面見到咁多選擇就覺得好吸引，試完之後簡直係會愛上！首先叫咗個仙草豆乳（$28），好重豆味，唔太甜，口感好厚身，仙草都好滑好爽。另外叫咗焙茶珍珠小丸子($42)，好大杯超邪惡，焙茶好香加豆乳嘅味道出乎意料地夾，小丸子都夠煙韌，一個人真係飲唔哂！但最驚喜嘅係依個超煙韌豆花（$42），配料有黑糖珍珠、竽圓同小丸子，豆花除咗豆味香之外，應該仲加咗少少cream cheese，食落比起一般豆花係更綿滑！今次依間真係滿足晒我一家大細，絕對要再戰！

SOYMart 豆乳狂人和風白玉 $45芋圓幾好, 芋頭味都算出, 口感軟糯. 而白玉就係最煙靱嘅. 底左有豆腐花, 口感軟滑, 不過個紅豆糖水底偏甜...所以最後把小半枝豆乳mix 埋, 個甜味就剛好啦. 另外好欣賞個外賣碗好實淨, 完全唔怕倒瀉海苔肉鬆脆皮絹豆腐 $40即製都要等一下. 上次堂食新鮮整起, 外脆內嫩, 不過依家只有take away. 凍左口感差好多, 而且多左油膩味7.6 特濃豆乳 $24用左非基因改造黃豆, 新鮮現磨. 豆乳味真係幾濃郁, 微稠口感. 無加糖, 個人覺得加點甜味會更好飲啦.狂人栥飯 $32可以選16 穀米感覺更健康. 大大條, 入面包油炸鬼榨菜肉鬆, 好夠飽肚感.

行過見好多人排隊所以試下，排咗大約10至15分鐘。叫咗3樣嘢，豆乳烏龍茶珍珠布丁、狂人粢飯同鮮芋泥豆花。都知咁多人排隊要等一段時間，所以去咗隔離行Donki。過咗半個鐘之後返返去，店員話烏龍茶啱啱沖好未得，要等多10分鐘。見反正都等咗咁耐，就等多10分鐘。再過咗15分鐘到都未得，就同店員催單，結果店員都係話啲烏龍茶未得，叫我轉其他飲品。其實如果開頭就冇烏龍茶嘅話，點解唔一早講？又要啲客等多幾個字，隔離都有幾個客人同我一樣遭遇，結果轉咗第2杯飲品。😵食物質素同客流量不成正比，粢飯啲飯又凍又硬，未夠熟，飯粒鬆散。賣成$32一條，但比普通粥鋪更難食。🤢飲品普普通通，豆味重，但茶味淡，份量亦偏少，略貴。鮮芋泥豆花係3樣嘢入面最好，芋泥綿滑好食，唔會一舊舊。豆腐花都滑身，$32價錢尚算合理。希望呢間鋪之後會有改善。😵‍💫

超多人排隊既店，等咗約15分鐘開始order。之後店員表示烏龍茶要10分鐘等痴飯也要等20分鐘，我都覺得無問題，為咗試美食嘛。但等咗30分鐘之後，想催一催單，店員才跟客人再講烏龍茶剛剛沖好，要再等10分鐘，即係一直都無沖到烏龍茶？結果也要客人加錢換另一款豆乳培茶，但這款茶應該沖咗好耐，味道算普通。狂人痴飯的飯沒有熟，成個飯都好硬好難食，如果飯都未熟有少少過份，$32這個價錢算貴，但味道太難忘，不敢再試。豆花應該是最好吧。就算多人光顧應該都要保持好食物質素，咁先對得住排隊棒場客人。