SONIA COFFEE

Open Now

Now Closed

輕怡全日早餐，個照燒雞扒係白烚，日式吐司又厚又乾又冇味，炒蛋同麥記的冇乜分別，係面頭撒了少少蕃茜咁囉！完全冇味，枱面又冇調味品。😓是日唔想飲奶類飲品，但佢冇iced tea，唯有飲iced americano ，味道還可以。

之前喺MOKO買嘢換咗優惠券可以喺商場食肆用，揀咗呢間星期六日超多人排隊嘅Cafe，今日係平日所以下午茶時間都唔使等位就可以入到👍🏻🎉坐低先發現原來呢間都係過江龍Cafe，最出名嘅係牛油鬆餅，另外都有唔同嘅Tea set可以揀，我同Mami一個揀咗最傳統嘅鬆餅，另一個就揀咗佢嘅芝士蛋糕。雖然呢度主打係食牛油鬆餅，但係佢呢度嘅咖啡都好香，果然甜品配咖啡先係最夾嘅🥰 同媽咪傾咗陣計牛油鬆餅就送咗過嚟，🥞呢個樣真係好Classic嘅鬆餅樣😂😂 不過我都好鍾意呢種好Classic嘅感覺，識落真係好唔一樣，首先個口感比較結實一啲，同出邊嘅疏乎厘pancake完全唔一樣，雞蛋同埋牛油味都好突出，自己一個人食晒成個都幾飽㗎～另外嘅芝士蛋糕就普普通通，唔算太特別～

剛staycation完，9點左右想在酒店附近食一個 light 的早餐，可惜時間太早、選擇唔多。本身check OP 以為呢間餐廳晏開，點知9點已經開咗就即刻入去試下。去旅行去日本cafe最正係咖啡同麵包，所以對過江龍的日系咖啡店都會有所期待，即刻叫杯美式同輕怡全日早餐。可是咖啡只是正常合格水平，沒甚麼特別，而食物更令人大失所望。無論麵包、雞扒、炒蛋都是茶餐廳水平，而且上碟後仍然多油。其實以普通早餐而言是ok，但以日系咖啡廳的早餐的標準，加上百五蚊的價錢，cp值略帶點不值得。綜合而言，是可打卡但不建議的餐廳之一。

坐得好逼 張枱好細飲下咖啡ok 但食飯就擺唔好多嘢主食都幾差下：蒜意粉🍽 可以透過相去估到味道 乾 完全無味 真係literally 無味🌚 食咗一啖 無再食明太子煙三文魚意粉🍽 普通 唔好期望會好creamy 好多明太子 其實係好乾 pepper味就重 如果唔係有三文魚 都難食曬當我停手唔食 我朋友將兩碟意粉溝埋一齊食 最後都放棄🤣😂甜品：綠茶紅豆蛋糕🍽 正常 焦糖布丁🍮 正常To conclude 為甜品而唻 大可不必 因為甜品好普通🥹🤔

有50年歷史來自日本京都的咖啡店色系和裝修都帶着半世紀昭和懷舊風格不過店面面積太細而且太多雜物影響了觀感忌廉焦糖吉士布丁(午餐加配$32)相信十枱中有至少八枱也會選擇這道甜品賣相吸引而且香滑creamy值得推介拿玻里意粉$78其實是蕃茄汁意粉加上香腸、洋蔥、青椒味道不過不失店內感覺擠迫店員食服務態度也不太好餐具有些污漬還是試一次便算了

🍴和風全日早餐吐司｜雞扒｜菇｜炒蛋｜乳酪｜沙律菜配搭比傳統all day breakfast清新🥗所有野都正正常常，就係雞扒淡左D，同埋唔夠嫩滑🥹🍮忌廉焦糖吉士布丁忌廉真係純粹係裝飾，完全無味😂布丁質地幾好，滑lulu~ 味道唔會過甜，有雲尼拿味🍰日式芝士蛋糕比較乾，無日式芝士蛋糕果種濕潤既口感🥲座位比較窄，食物質素普通🥹少少失望既體驗…

呢日帶呀女來moko玩，經過呢間cafe突然想飲杯咖啡就入左去試下😄.🥐Sonia經典全日早餐 $128來cafe緊係要點個all day breakfast!!!牛角包大大件，好軟熟濃香牛油香大愛！仲有煙三文魚、照燒雞肉、和風香腸、黑松露嫩滑炒蛋、茄汁豆、牛油果、野菜沙律，相當豐富，見到都覺得吸引😍 腸仔雞扒好大塊啖啖肉，炒蛋好細滑配黑松露一定正👍🏻.🍝明太子煙三文魚意粉 $108呢碟明太子意粉幾特別帶點黑椒口味，滿多洋蔥同紫菜很對jo口味😋.🍮皇家奶茶布丁 $36一上枱嘩一聲，擺盤好靚😍即刻相機食先🤣仲要超級好食，勁香滑，濃厚焦糖香，我俾100分👍🏻.☕️泡沫黑咖啡 +$23如果只淨飲咖啡有點苦澀，但到甜品時間送布甸一流！布甸的甜加上咖啡的香好match😌.☕️海鹽焦糖鮮奶咖啡 +$15濃香焦糖口味少甜剛好，滿香滑不錯👍🏻.呢間服務態度好好，雖然無highchair但俾入bb車，因為有呀b坐耐左即使出面排隊都無趕我地走👍🏻

某日早上瞓到自然醒就出咗去食早餐去到太子moko見新開咗一間日式洋食咖啡裝修都幾靚 就入去試吓🔸Sonia經典全日早餐（$128）大碟又豐富呀！有牛角包、茄汁豆、炒蛋、腸、沙律等等，每樣都有啲，真係好飽好滿足。個炒蛋好滑，好味😋🔸喫茶店拿玻里意粉（$78）意粉彈牙，茄醬酸甜開胃好岩夏天食，仲有青椒同腸仔。🔸忌廉吉士布丁（$32）好有驚喜！布丁好有蛋香，口感紮實而又好滑，焦糖好香、甘甘地唔會勁甜。🔸巴斯克紫薯芝士蛋糕（$42）口感軟滑，有芝士+紫薯嘅味道，咸甜咸甜，唔錯呀。🔸Espresso Tonic （+$8）🔸Flat White（+$15）Tonic清新好飲，咖啡夠濃，甜度剛好，不錯。

純粹Staycation完畢，經過見到唔多人即管就試吓。今日同屋企人一齊Ordered Sonia經典全日早餐，或者健康原因？件雞扒無咩味😅但沙律菜好新鮮。我另外叫咗一杯Hazelnut Latte，味道超淡，一D榛子味道都無☹️最後同職員反映加番包咖啡糖總叫有D甜味，連McCafe都好飲過佢 (已唔計Starbucks嗰D)。屋企人都話佢杯Mocha唔好飲😅但每人口味唔同，我哋叫做試過，下次唔會再嚟🫣

雙重溏心蛋沙律吐司($108)和風蒜香帆立貝意粉($98) 忌廉焦糖吉士布丁($68)皇家奶茶布丁($72)飲品 - LatteSea salted caramel chocolate ($8跟餐加購)經過MOKO見到呢間好有日本feel既cafe入面有濃厚既西洋風日本裝修好似返左日本咁，佢地除左提供咖啡同甜點之外仲有吐司、意粉呢啲鹹點食。雙重蛋外表好吸引，溏心蛋係用醬油漬左既溏心蛋，鹹左少少，吐司係有烘過既，暖暖地，同本身凍既餡料一齊食有少少怪。意粉好乾，蒜味淡左啲，而且冇乜鹹味，帆立貝救左唔少都唔太細粒。甜品方面，布丁都有蛋奶香係唔太滑同紥實左少少，奶茶味布丁就真係冇乜奶茶味。至於飲品，latte art都整得幾靚，咖啡我就冇得comment，而個Sea salted caramel chocolate就好甜，冇乜朱古力味，麻麻地。

午後開會後饞嘴，想吃點甜品。路過看到非常日風的Sonia Coffee，覺得很吸引。下午茶時段的套餐，選項全是甜品。套餐價錢已包一杯 $40內的飲料。🥞喫茶店原味鬆餅 (💰$88) 這款日式hotcake，蛋香味濃，質地鬆厚紮實，口感實在。對比梳乎厘pancake的空氣感，今天的心情更喜歡這種鬆餅的實在感。成功在「鬆」於「實」之間取得平衡，但沒有美式鬆餅的軟軟的口感。上碟時溫度一流，非常新鮮。值得一讚的事，細烘鬆餅配的是蜜糖，並不是糖漿。蜂蜜令日本蛋香更突出，不會像糖漿般喧賓奪主。🥐牛油果黑松露炒蛋日式牛角包材料充足，味道平衡的日式牛角包。Croissant焗得溫熱鬆脆，開半後塞滿牛油果跟炒蛋。最後，再加一坨黑松露醬和mayo在表面。牛油果跟mayo令整體口感很creamy，而黑松露醬則為這種豐厚的口感加了一點香氣。非常討好的味道！海鹽焦糖鮮奶咖啡 (💰$44)口感香味層次豐富，淡淡焦糖味，緊扣咖啡烘培香。香濃奶底順滑，各個點都非常平衡，高質。順帶一提，店內位置比較逼，而且燈光較昏暗，所以經過幾次都未有入內用餐。但食物質素很好，完全蓋過當初對樓面的第一印象。

📍旺角和風喫茶店‼️• 豐富all day breakfast💖 -- Sonia Coffee☕️🇯🇵=============================上星期同朋友嚟咗旺角MOKO商場嘅sonia coffee💖呢到menu選擇多，環境都好舒服👍🏻------------------------------⭐️明太子煙三文魚意粉 $108 (3/5)意粉portion大份，意粉彈牙～煙三文魚頗有鹹香！•⭐️皇家奶茶布甸 $32 (4/5)布甸口感軟滑，蛋香濃郁～如果奶茶味再濃啲會更喜歡呢😋•⭐️Sonia 經典全日早餐 $138 (3.8/5)好豐富嘅all day breakfast!!有牛角包、牛油果、香腸、三文魚、炒蛋、雞扒、茄汁豆😋牛角包好大個，外脆內軟，牛油味都幾濃😆炒蛋嫩滑，加埋黑松露夠晒香❣️·⭐️黑芝麻鮮奶 $44 (4.4/5)呢杯好飲😻黑芝麻味濃郁唔太甜，好似飲緊芝麻糊咁😻·⭐️伯爵茶鮮奶 $44 (4.2/5)伯爵茶味道幽香，同牛奶平衡得幾好😋------------------------------整體嚟講食物大份幾抵食😆環境舒適，同朋友傾下計都係個唔錯嘅選擇😋--

叫左明太子牛油果牛角包、同蒜香帆立貝意粉、Americano & Latte 🥐☕️牛角包同咖啡都正常既👎🏽但意粉真心勸你唔好食😂😂😂 無味，得胡椒味，唔知啲蒜香啲蒜去左邊😂😂😂 洋蔥係烚，唔係炒既… 👎🏽由於佢係open kitchen, 睇到佢點煮。意粉見到佢係一早烚好，拎出黎，就將所有材料撈埋一齊，可以叫撈意粉😂😂😂 黎到仲要唔熱既… 👎🏽成舊水食碟得胡椒味既意粉😂😂😂🌚員工態度都係西口西面🌚🌚🌚

來自東京嘅喫茶店啲甜品🍮真係幾出色！上次就試咗個朱古力布朗尼鬆餅🥞賣相真係好吸引！面頭鋪滿朱古力忌廉、朱古力醬、布朗尼同埋朱古力雪糕🍦超級豐富！鬆餅係偏實淨嘅口感 食完都幾飽🍫

☆ 𝙎𝙤𝙣𝙞𝙖 𝘾𝙤𝙛𝙛𝙚𝙚旺角太子道西193號MOKO新世紀廣場MTR層M52號舖✦ 雙重溏心蛋沙律吐司一上枱覺得好大份好正，本身好鍾意食蛋嘅我真係對呢個吐司愛不釋手，溏心蛋好正，厚吐司烘過外脆內軟，仲配埋少少沙律菜，好味道！✦ 煙三文魚牛油果蛋沙律日式牛角包牛角包好酥脆，牛油果熟得岩岩好，配埋煙三文魚真係無得輸，正！✦ 忌廉焦糖吉士布丁焦糖味出，好滑溜，但唔會好鬆散，下次想試埋伯爵茶味(๑˃̵ᴗ˂̵)✦ Latte咖啡味濃，比起平時嘅latte少d奶，但都好飲。✦ Black Sesame Latte雖然顏色無平時個d咁深色，但係芝麻味都好出，好飲，同埋拉花飲到底都keep到。