瑞寧茶餐廳 (Closed)

【觀塘區】【瑞寧茶餐廳】作為一個前「十八區 Foodie」，有時會自己周圍游嚟游去，呢日游咗去觀塘廣場剪頭髮，我覺得呢位師傅剪得唔錯，所以有時間都會過嚟剪。剪完就梗係喺附近搵吓嘢食，但係大家都知全盛時期嘅開源道係幾咁多人先得架。之後沿住協和街一路行上去，發現冇咩啱食，稍為啱食又好多人，所以都唔知點算好，兜個圈落返山，經過瑞寧街見到呢間白底綠字做招牌嘅茶餐廳整到有幾分老人院 feel。行埋去見到竟然又走日系咖啡廳風，入去探索吓。點知入面食嘅嘢又完全係佬味極濃嘅茶記嘢，被佢哋啲粉筆字同簡約風 menu 呃晒。適逢下午茶時段就梗係叫下午茶套餐嚟食，叫咗 $40 嘅「公司三文治」，又唔錯，雞蛋同午餐肉係撈埋炒嘅，唔係分開，食落就都係唔錯嘅。餐飲我揀咗「熱奶茶」，雖然行到個人熱辣辣仲㷫烚烚，但係都仲走去叫熱飲，質素就正正常常啦。最後我叫多件 $21 嘅「西多士」，偏薄，質素亦都普通。咁就食咗我 $61，個人幾中意呢度嘅風格，有啲日系茶餐廳嘅感覺。。。（地址：觀塘瑞寧街10號地下）#1amfoodie #foodie #hkfoodie #thatfoodiething #hkfood #food

以前我最喜歡勝香園的公司三文治，但他們嫌麻煩，都不做了。補上我心中的這個位置是這裡的。風格並不相近，但也符合我對公司三文治的認知。這裡有個戴圓形眼鏡的妙齡女子打點一切，又是聽電話，又是水吧，又是切菜，又行出行入落柯打。家庭式的東西有時沒特別好，又有時別有一番味道，這裡算是後者。公治的多士薄，不真的脆只是香口，剛剛好，有麵包香。餐肉切了粒，煎了在蛋裡頭，整齊，又有一片火腿，跟沒半點枯黃的番茄、生菜做鄰居。毫不費勁就吃光。很不錯。

假期的一天，獨個兒來到觀塘行行走走。吃過午飯後，逛完觀塘廣場及APM之後，決定往一個自己鮮有機會踏足的觀塘半山出發。穿過了重建中的裕民坊，往街市的方向走，這就是觀塘的街市，觀塘的住宅區，瑞寧街，瑞和街。也巧合地，同我太太的兩個表妹同名。在這一個街市遊走，買到了不少便宜的餸菜之餘，也找到平價的茶葉，看見了便宜的東西便立即向太太匯報，太太笑說我頓時變了一個師奶，同阿婆爭西瓜。採購完畢，也是嘆茶的時刻，此時此刻，就在街市的半山頂上，看見一家質街名同名的食店，叫《瑞寧茶餐廳》，而時間亦正好食三點多，我的任務，就是要食一個下午茶。細小的茶餐廳，是家庭式的經營，女兒邊上網，邊做收銀，老媽正同街坊談今晚食乜餸，今日有什麼東西平，完全地親切親民，去這一些主打區內人的茶餐廳/冰室，求的就是這一種街坊風情。是日的中午吃多了，我的茶餐最好都是從簡。簡單的食品，有各式的麵包製品，但看來比較有味道同有特式的，會是這一個沙爹牛肉包，那我就簡單地一包一茶，放輕鬆地感受一下觀塘的民風民情。很滑很香的牛肉，味道濃郁，只不過是牛肉腍得滑得幾乎沒有感覺，他們應該是過度使用了鬆肉粉，梳打味沒有，但感覺就是被那一個沙爹味重但沒

環境：細細間，的色。下午茶，好坐。唔太遠，就腳。屋村情調。有電視睇，得閒行過、去開圖書館、或者轉車經過，不妨去坐坐。其他方面，就等大家去到時自行體會。食味：我目的是下午茶，自然就挑了個SET。豬扒薯條，夠熱夠香。鋸齒薯條加分，分量夠哂。杯鴛鴦係OK的，當然如果是瓷杯就更能保溫了。價錢平都係一個factor，變得抵了。總結：好坐好吃，價錢相宜。唯一問題就是不算非常近。相比大連鎖店，少了點冷漠，多了分懷舊。

九月上旬‧晴來吃下午茶，這裡有兩款最便宜的，都只是賣18元，一是西多，一是熱狗。要了熱狗，製作得幾認真，包烘熱的，加上一片生菜及蕃茄，腸炸過，配上沙律醬也自然好吃。熱奶茶卻是淡淡的，不滑也不香，不太得。

正月中旬‧潮濕有雨在掃觀塘附近的茶記，來到這裡，好像不錯，就坐了下來。要了熱咖啡，不太濃郁，但幾香，至少比下邊的咖啡店好。熱咖啡十元，但多士餐十五元，又要多件油多。油多幾薄，烘得不太脆，吃起來還是韌韌的，水準一般。看左右隔離的食客，似乎這裡是小炒較耍家的地方。價錢不計。

住得頗近，想落街吃個飯，本身抱著一試心態，食過又覺得幾好食又抵食。份量頗多，一定夠飽肚，隨便點了楊洲炒飯。飯炒得夠乾身夠鑊氣，幾香口，叉燒炒過都算幾靚，唔會太乾同太靭，料又幾足，份量夠，一般人都未必食得曬。之後有一晚，我屋企唔煮飯，我就自己落街食，又去多次。今次就試了金牌鹽焗雞，嗯，都不錯。鹹淡適中，肉質都幾嫩滑，夠雞味，不妨一試。抵食，態度都幾好，可能係後生仔女幫屋企手果類掛，我都鐘意幫親，食得舒服，又有電視睇。